潮州鹵漢大飯店 (已結業)

呢到係全港第一間用滷水做火鍋底既餐廳。, 一入門口就係氣派!我地點左滷水拼沙茶, 2個都比較甜。另一餐廳特色就係呢個九宮格, 賣相好靚, 裡面有枝竹, 萵苣, 蘿蔔午餐肉, 手打魚丸, 雞肉牛丸, 豬肉片, 魚片頭食材簡單, 不過賣相都幾靚。餐廳做緊開張優惠, LIKE左某社交平台就可以半價點一份封門柳。到後期沙茶味道就好似擔擔面咁, 要加清水先食到, 裡面有花生醬, 我地都點左個麵黎試下, 鍾意既都不妨一試!甜點叫左個反沙紫薯, 好少食反沙, 幾好食, 不過因為得2個人, 後面太甜, 我地淨係食個薯都一樣好食~~

環境服務：朋友介紹，提早預約座位，地方唔算大，但係環境乾淨，枱與枱之間都算闊落，坐得幾舒服！而服務態度出乎意料地好，到最後買單嘅時候先知道唔使+1 ，幾驚喜！食物質素：整體來說，所有食物質素都係好食，唔會覺得間餐廳俾啲hea貨，就算連啲餃子（自製鹵漢餃子）、生鵝肝、牛肉（封門柳）等等都係好食😋生醃，好食！但腸胃容易不適者，就要少食！荔枝蝦丸，要趁熱食！入面有芝士，外脆內軟😍升級豬肚花膠雞湯底，入面有3塊超級大花膠，好足料！最好先飲下啲湯先再打邊爐，因為啲湯好好飲😆另外滷水湯底，打完邊爐，加返個公仔麵或者烏冬食真係好入味😍牛奶芋圓西米露，真係必點！問過侍應有咩推介，佢話私心推介呢樣，因為芋泥係自家製，非常紮實有口感，成碗份量足，但係價錢好平，甜度適中，好食到要一人叫一碗！朋友有叫到酒飲，生啤、大吟釀等都有，扣返飲酒錢，埋單人均都係$250-$300（7個人食）可能冇叫到啲海鮮食，但多人食人均應該都係300幾到400，呢個價錢，無論環境、服務、食物質素，飽肚程度，都係非常之抵食！😁想試吓嘅朋友，可以放心一試！值得推介！下次一定會再去

冬天嘅延續dabinro係未停過ԅ(♡﹃♡ԅ)但係用鹵水汁打邊爐真係第一次，呢間潮洲菜獨創鹵水汁湯底都係全港第一，當然湯底調味會淡少少但係香料酒香味足，相對其他湯底，鹵水湯底會惹味啲食材鮮味突出啲。蘿白，腐竹，魚滑呢啲吸湯汁嘅我揀落鹵水湯底，可以完全吸哂啲味入哂食材入面。另一個湯底係沙嗲湯底，呢個沙嗲好濃郁，仲有粒粒花生口感，封門柳淥一淥都掛哂湯，入口濃香嘅沙嗲味，最尾用嚟整埋個潮洲伊麵，最perfect！仲有我最驚喜係佢哋整嘅反沙芋，呢個材料最普通但最講究烹調功夫嘅甜品，糖液係完美包住芋頭，咬一啖係外脆入面鬆化軟糯，好少好少仲有地方整到咁正宗嘅反沙芋㗎啦

讚1.沙茶湯底都係有心機既，入口仲有花生香2.部份食物係唔錯，牛肉鬆軟有肉味；魚皮餃唔會成口粉；牛丸爽彈3.環境幾闊落，係旺角算難得彈1.價錢真心痴線，廿二銀四片蘿蔔，一二八十二片牛肉，碟碟嘢都係三四十銀就四片四片咁上檯，好似食緊日本串燒，食極都無乜火鍋既豪邁感，最慘係又唔覺得值呢個價2.滷水湯底偏甜膩，唔知邊派潮州滷水會係咁既味，入面仲有鴨血3.除左生啤叫正常價，其他啤酒都貴，廿幾蚊係一罐而唔係一支，$99任飲係德堡真係多謝晒...

天氣凍凍地🥳去打邊爐就最正👍🏼喺旺角開咗間好有特色嘅新派潮州菜，仲首創咗潮仙風味鹵水邊爐湯底～咁潮！即刻去嘆嘆先💗餐館叫做「潮州鹵漢」，攞咗潮州怒漢嘅同音字🤩而裝潢設計以紅色為主調，夠晒摩登👍🏼用餐區好闊落舒適。細看之下，仲會見到一啲舊式懷舊風用品，例如～上世紀嘅中式痰罐同埋萬壽無疆功夫茶杯⋯配埋新派裝修💗古物變潮物👍🏼好Match!🔶湯底點咗2款充滿潮式風味嘅湯底～鹵水湯底以前真係未試過🥳原來係店家首創👍🏼 鹵水味道濃郁鮮甜有回甘～入面已經有鴨血丶鹵水豆腐丶中芹丶京蔥⋯全部都吸晒湯底精華💗好入味～另外沙茶湯底都好唔錯👍🏼以自家製沙茶醬調製，有滿滿蝦乾鮮香，又有蒜香丶鹹香，味道多重有層次。🔶火鍋x九宮格每款正價湯底會包埋一份九宮格九款唔同嘅配料👍🏼每一格嘅配料都用萬壽無疆杯盛載著～打卡靚喎🥳當日配料有西班牙黑豚片丶潮仙牛丸丶萵筍丶雞肉丶炸枝竹丶潮汕魚片丶白蘿蔔丶芝士腸⋯💗啱晒我地人少少但係樣樣都想食嘅狀況👍🏼我最鍾意好彈牙嘅潮汕魚片同埋超吸湯嘅炸枝竹。🔶封門柳靚肉手切封門柳都係我打邊爐首選之一，見到依到新開幕有優惠🥳當然要點返碟👍🏼肉味濃郁肉質又嫩。🔶脆米荔枝蝦丸造型好有驚喜！彈牙滑溜

Book左位，店員安排了卡位比我地，環境好舒服，冷氣夠大唔會好焗。因為做緊優惠，成餐飯都好抵，食物種類多而且質素都唔錯。我地叫左個豬肚花膠雞湯湯底。我鍾意佢將雞件另上，咁我地唔洗驚食唔切d雞就煮到老曬。d豬肚處理得好好，冇異味，唔錯。店員推介我地上鵝肝，但地唔食肝，所以試鵝腸😆鵝腸好爽滑好好味，個鹵水味幾特別，個人好喜歡，下次會再叫一次。仲有好多鹵水小食，但我地想打邊爐，就冇叫了。因為我地唔食牛，叫左豬，都okay好味，唔會好硬。蔬菜都好新鮮好靚。下次會再黎試埋其他野

👫試試新開嘅潮州打冷。佢哋除咗小菜仲有火鍋㗎。🥢脆米荔枝蝦丸 $128脆米包住蝦膠同芝士，香脆又彈牙。芝士仲有拉絲效果。🥢鹵水鍋 九宮格鍋底 $128（星期五六日假期 +$20）鹵水湯底香濃唔死鹹，加辣更惹味。湯底有少量鴨血、魚片頭、炸豆腐。再加上九款火鍋配料：黑豚片、牛肉丸、萵筍、滑雞、芝士腸、枝竹、鯪魚滑、魚片頭、白蘿蔔，份量足夠一人享用。🥢牛肩胛(匙柄)+$1Show IG post可以用$1換一碟牛肩胛。總共有四大片，脂肪紋理好靚，口感細嫩。🥢生鵝肝 $69（半價後）社交平台tag餐廳可以用半價換鵝肝一碟。雖然唔似法式煎鵝肝咁入口即溶，但口感嫩滑，味道濃郁。🥢清香玫瑰花茶 $48清香解膩。一大壺夠兩至三人飲。

小弟年輕時都好鍾意蒲旺角，家下人到中年都好少出嗰頭。上網見到旺角原來開咗間新嘢，見啲食物相幾吸引，我同屋企人又想打邊爐但又唔想淨係打邊爐(好麻煩)，見呢間好似好多小食又有刺身就遠征旺角！嗰晚係閒日，搭電梯上去餐廳要排一陣隊，我估星期六日應該要啲時間先上到去。坐低餐廳睇menu乜都想試，就叫咗勁多嘢，其實食前菜小菜巳經飽咗七成，下次真係唔好貪心，無錯係 有! 下 ! 次 ！ 因為我地個個對食物都有讚冇彈，不過屋企人叫午餐肉我就唔啱食🤪 我比較鍾意食新鮮嘢~入正題:前菜推介有生醃蝦，生醃蜆，滷水鵝片，滷水鵝腸, 潮式魚生👍🏻火鍋推介必試有滷水湯底！配封門柳牛肉，鵝肝，鴨血，雞件，豆腐 👍🏻甜品推介功夫茶啫喱👍🏻 屋企人話反沙芋好正，但我巳經吃不下，所以食個啫喱清清地為呢餐畫上一個完美句號😊

今日同2個閨蜜聚餐，試下呢間新開既潮州特式火鍋裝修環境好有特色，d杯印有中國風既‘囍’字我地最鐘意打邊爐，3個女人聚埋就好鐘意烚吓烚吓，一路傾計一路飲最愛既啤酒而家仲有優惠$168任飲紅白酒，啤酒超抵仲有新開張like 社交平台 可以$1 有肩胛牛肉，半價招牌生鵝肝抵抵抵我地試左個滷水湯底，開頭醒唔起叫個鴛鴦湯底，早知試下一半花膠雞湯，一半滷水湯底啦，滷水湯底味道超入味，套餐已有九宮格，再點左蓮藕，闊薯粉….因為我地女仔打爐爐鐘意吃蔬菜類多啲，闊薯粉超入味彈牙，正另叫左滷水鵝片，滷水豆腐配埋杯生啤真係一流，不過我地掛住食同傾計無咩點影相，下次會再去試下其他湯底先

尋晚一班朋友去咗旺角新開餐廳慶祝朋友生日，試吓所謂不正宗潮州菜。餐廳叫潮州鹵漢大飯店，有火鍋同潮州菜式。門面用紅色做主題，好有中國風。除咗有一個好大嘅鏡面招牌，每一張枱都放咗個痰罐，初時以為係裝飾，原來真係用嚟放食物殘渣，又諗得幾周到。我哋一班朋友比較多嘢講，所以我哋訂咗VIP房。呢個就係琴晚嘅菜單，份量相當足夠。潮式風味晚宴1.潮式生醃赤蝦，潮州出名生醃海鮮，佢哋有生醃大蝦。生醃嘅味道好正2.潮式生醃花蛤，另一款生醃海鮮，好大隻花甲3.七味絹豆腐，呢個用七味粉炸豆腐，外面熱辣，裡面滑捋捋，一定要趁熱食。4.鹵水黑棕鵝，無論鵝片鵝肉甚至係豆腐，都吸收左滷水嘅精華，好好味！5.鹵水靚鵝肝，鵝肝係我至愛，仲要又肥又滑，所以冇得輸。6.吾正宗煎蠔烙，用足料，脆卜卜，新鮮熱辣，呢個值得推介。7.雞油炒菜苗，呢個反而比較油咗少少，雞油嘅味道蓋過咗豆苗。8.椒鹽鮮鮑魚，椒鹽炸鮑魚，入口香噴噴9.兩面黃，唔記得影相，佢哋嘅雙面王比外邊嘅單薄一啲，反而唔會好油膩，值得一讚10.脆米荔枝蝦丸，成棵荔枝盆景，吊住一粒粒荔枝，賣相冇得輸。其實係新鮮熱辣嘅蝦丸包住脆米。11.反沙紫薯，好有特色，比反沙芋軟身，

潮州鹵漢大飯店👻旺角愈來愈多好野食瓊華新開咗依間潮州店入面可以食潮州菜或者打邊爐潮式打邊爐咁特別當然要試下佢啦🤣.🔅九宮格鍋底 HKD 176鹵水鍋拼沙茶鍋出面好少見鹵水鍋入面有啲鴨血鹵水豆腐沙茶鍋就要加$48有啲花生碎係入面幾好食幾濃味🔅封門柳 HKD 148切得靚擺盤擺得好靚雪花夠均衡牛味都好濃打邊爐一流好值得食🔅生鵝肝 HKD 138大大片生鵝肝都係第一次打邊爐食鵝肝入口好creamy又幾正佢會稍為縮細好似無咁罪惡真係必食推介🤩🔅潮汕牛肉丸 HKD 62幾彈牙既牛丸牛味濃又好食打邊爐當然唔少得🔅皇帝菜 HKD 38皇帝菜可以吸下啲鹵水鹵水皇帝菜又幾特別少少辣加埋啲鹵水汁🔅香甜菊花蜜 HKD 48應該係自家制甜甜地又夠凍打邊爐解下渴好舒服🔅功夫茶凍 HKD 32第一次食依款甜品面頭係紫糯米個底係果凍功夫茶整甜品佢都整到唔會太甜非常好😛.整體黎講：潮式邊爐 有趣好味😚.🎈 潮州鹵漢大飯店 (旺角)旺角彌敦道620-628號瓊華中心8樓

即日臨時決定夜晚同未婚夫屋企人去打邊爐，但揾左三四間都無得book位，全部要walk-in ，上網睇就揾到依間👀👀睇落係新開無耐，環境裝修幾特別，應該係新式中國古代風feel？坐位闊落，坐得舒服唔洗迫，傾計都唔洗大聲叫到喉嚨又沙又痛😂😂😂牛肉相當唔錯，連唔中意食肉嘅我都食唔少，鴨血滷汁湯底絕對要最後加個公仔麵🍜做Ending，無得輸👍🏻四個人埋單大概$1400蚊左右，但係以食物質素同環境都係值，相信會再覆焯🤤🤤

呢間潮州鹵漢係旺角瓊華中心新開張，今日試左，好有特式，好味道又好招呼👍🏻連杯杯碟碟都好有特色，設計細心又有氣派，採用中國人最喜歡嘅紅色，好旺啊🥰試吓佢哋嘅潮汕小炒皇$118，離遠已經聞到好香，廚師功夫了得，煆乾等等入味材料，頓時引發食慾😋😋😋脆米荔枝蝦丸$128，唔講你以為係荔枝，外面係脆米，裏面係蝦丸🥰就算近睇都分不出真假，外邊脆卜卜，裏面蝦丸甘香彈牙，越食越好味😋中間仲有芝士，好精緻，廚師功力值得一讚💯潮州雨面黃$78，脆得來好有咬口，配上香草和砂糖，各具特色，好味又飽肚😎功夫茶凍、牛奶芋圓西米露，精緻有特色嘅甜品，好味又唔會太甜，我特別鍾意個芋圓西米露，又潤又滋補，食完個心都甜晒，下次要再嚟試吓佢哋嘅火鍋先得🥰

誤打誤撞吃到的新潮潮州菜 甜品出色～～～放假到旺角買波鞋 之後臨近晚飯時間就想到瓊華樓下的壽司郎吃晚餐 結果6:30去到就已經冇晒Walk in位 所以就到瓊華樓上看看有什麼餐廳吃 剛好遇見這間新開的新興潮式餐廳 就決定一試究竟🔍～～～大紅色的一片 餐廳裝修非常搶眼 服務員態度也不錯 餐牌有些潮州特色小菜 亦有火鍋等等🥢～～～看過餐牌之後我們便叫了脆米荔枝蝦丸$128 唔正宗煎蠔烙$98和滷水鵝肝$128 🥢～～～三款食物的質素都不錯 荔枝蝦丸造型非常可愛 一口落去中間就爆曬啲芝士 食落好香口 亦都非常適合打卡😌～～～煎蠔烙亦係脆口之選 蠔粒鮮甜無沙 炸得非常香脆 亦唔會太油膩😛～～～雖然兩款炸物都不錯 但我最喜歡還是他們的滷水鵝肝 個人覺得比法式煎鵝肝更出色 感覺無咁heavy同油膩 而且好肥厚 非常下飯 本身諗住戒澱粉嘅我哋 都叫咗兩碗白飯黎配搭🥣～～～食完之後見到隔離枱嘅甜品好像不錯 我哋就叫咗黎試下 功夫茶凍非常清新 裡面有紫米增添口感💕～～～而牛奶芋圓西米露亦非常不錯 牛奶🥛濃滑 芋圓煙韌 冰涼爽甜 正好消除前面炸物熱氣感～～～潮州鹵漢大飯店 (旺角)旺角彌敦道620-62

非常熱情的老闆，用了10分鐘講解每個食材，最正就係鵝肝及潮州兩麵皇，仲有玫瑰茶，極力推介滷水湯底、可以唔使用佢個九宮格，直接原汁原味，堅特別食完真係想返嚟第二次「滷味」