工作關係， 順道過嚟食碗麵。
因為食咗lunch， 只能夠食一碗厚切豬潤出前一丁麵， 無法再使其他出品。
豬潤煮得時間火候恰到， 豬膶雖然厚切， 但亦十分軟滑， 有點類似食鵝肝的感覺， 調味略淡， 但亦沒有豬騷味。
麵底是出前一丁， 照計冇得輸， 但事實係豬潤不是太夾， 問題是出自湯底。 食開維x的薑汁湯底， 跟住潤混為一體， 互相配合， 非常絕配。 這裏是出前一丁麻油湯底， 始終同豬潤有一些格格不入的感覺。
順道一提， 辣椒油香而不太鹹不太辣， 值得讚一讚。
鋪内十分清潔， 牆上繪有大排檔壁畫，有特色， 值得再一讚。
