漢城美食

营业中

休息中

第二次到這餐廳午餐，我們三人行當然會點上一桌子的食物，這餐廳有不少地方吸引著我再次就餐，我認為用餐是一個套餐式的體驗，套餐裏包括餐廳的地點，服務，舒適及整潔，食物質素及賣相等，對我來說我會趨向在這些因素中取得平衡。這餐廳的位置旺中帶靜，不在尖沙咀的最旺區；餐廳不小，有足夠空間進餐。食物份量與價錢成正比，菜單有各樣韓式食物供選擇，食物的整體賣相及味道相宜，我比較喜歡感覺熱騰騰的菜式，相片的餃子及薄餅在上菜是熱騰騰的，非常美味。點了一桌子的食物，最後仍覺不足夠，上了一個在家也能輕易煮出的芝士麪作結。餐廳有一特別之處，侍應及出入的員工大多是尼泊爾人，雖然有時看到應該是韓國人老闆的員工，唯製作的食物是否正宗韓國口味則不得而知，只能說我的經驗不足，口味未能作準。

其實海鮮泡菜湯飯都幾難可以唔好味，但佢做到，但你話大碗佢係大嘅，不過一唻個賣相已經唔得，佢用紅蘿蔔加翠玉瓜仲有佢入面嘅菜同平時食嘅韓國菜有些不同，而且味道唔似泡菜湯，我覺得似蘿宋湯多D，而且個飯有D削所以更加唔好食，另一款豬肉泡菜飯都叫做還可以同樣飯都係嗰煲所以都係唔得，如果佢嘅價錢唻講我情願食炑八嘅午餐，皆因佢嘅湯飯已經好食好多，而且仲有餐有得飲哂嘢，一心諗住食過熱辣辣又濃味嘅泡菜湯，點知無樣得，呢間我係唔會再去食

今日朋友收工後要到尖沙咀攞衣服，我們決定去尖沙咀食埋晚餐，諗緊食咩野，又想食日本野又想食韓國野，最後決定食韓國野，因為好想食紫菜卷，入左漢城食，之前食過都不錯 ，朋友想食炒年糕，但是因為辣，朋友唔食辣，所以我們叫左年糕餃子湯，漢城紫菜卷，煎海鮮餅。年糕餃子湯味道無炒年糕咁好食，味道淡啲，漢城紫菜卷好味，煎海鮮餅好香，我自己比較鍾意食多蔥，覺得好好味。

Although bibimbab was tasty, we found a hair in the kimchi and my young son’s chicken was pink inside because not fully cooked. When confronted the staff slightly apologised. We cancelled other food we ordered and left. Had to pay for bibimbab and drinks. Will not retry.

朋友成日都話想想去食韓國嘢，對我梨講我唔係好中恴食韓國嘢，不過偶然一次都得既。但估唔到今次既餐廳水準好高，令我對韓國既食物改觀了～個芝士公仔麵好香口，麵質有彈牙好好食。一塊塊芝士舖上面頭再同個湯底和麵撈埋一齊好正呀，朋友就叫左水冷麵同埋一份紫菜卷，水冷麵帶有少少梨汁味，上枱時夠哂冰凍，好適合夏天無胃口個陣時食，食完透心涼呢！紫菜卷好惹味唔錯唔錯！我下載左App 買入面既升升券(即係現金套券)，用$800就可以買到一套5張總共$850現金券，可以用再平啲價錢食到韓國野，正呀！

和男友想食韓國菜，見菜單抵食試一下，便宜莫貪，真的後悔了。.前菜還好正正常常，也有水提供，但炒牛肉紫菜飯卷麻油味非常淡，米也很乾，一點也不吸引，為不浪費吃光了。漢城炒年糕也正常味道，年糕煙靭，味道偏甜，份量大，但醬汁太稀有椰菜絲洋蔥，有飽腹感！甜酸炸雞更是令人失望，不是想像中的紅色辣雞，加了醋和魚露的感覺，一點都不韓式，而且細份，又乾無肉汁，真的吃兩件就夠。雖然便宜，但很沒誠意的餐廳，頗為嚇人的一餐，千萬不要試！

朋友想去食韓國嘢，對我黎講偶然一次係可以，畢竟只係簡單食品，加了辣加了粉。星期日就黎2點，已經無乜人，趕住last order。見到年榚好想食（橫掂都係）我同朋友一人一碗，超肚餓！朋友係部隊公仔麵，59元，乜都有，佢話夠哂辣，好爽食到。我係牛肉石鍋飯，材料上個人覺得一般，味道還可以，肉係「鞋」左小小，如果個鍋可以再熱啲會更好，係夠飽嘅。反正係屋企唔會整石鍋，叫呢個會化算一啲。年榚大大舊，好有咬感，掛到辣汁，久違了嘅味道。服務真係麻麻，hea到爆，又黑面。

想食韓國菜式，九龍人一諗就諗起尖沙咀金巴利道，成條街都係韓式食店，有烤肉店，有炸雞店，咁當然仲有一般韓國地道食物嘅餐廳今次經過Angry Oppa Restaurant ，門口有大大個menu方便易睇岩唔岩食。一入去，店舖嘅裝潢都係偏向簡樸簡單為主。今次叫咗兩款菜，有芝士公仔麵同豆腐辣海鮮湯（飯）。個芝士公仔麵好香口，麵質有啲彈牙好好食。一塊塊芝士舖上面頭再同個湯底和麵撈埋一齊好惹味而個豆腐辣海鮮湯有香嘅泡菜味得黎又一啲都唔辣，同原來佢會跟個飯，所以若兩人食都夠晒飽肚

晚餐時間經過尖沙咀的韓國街，一於就食韓國菜。走匀全條街，覺得這間餐廳最合心意，選擇多價錢抵食又不用等位，決定這間用餐。室內環境算是舒適，星期日的晚上人也不多。✨冷麵 $49 份量還好，味道稍稍太淡，尚算合格。雞蛋造型特別，餐廳小小的心機。麵條很長，每一口都吃得有點不便，不過味道不錯。✨牛肉紫菜卷 $59賣相不錯！紫菜餡料頗足料！還有芝麻作點綴。之前吃過在附近的紫菜卷，差不多價錢只有四件，對這裡的份量滿意。簡簡舒服的一餐。價錢合理份量足，不錯。

我未寫話評論！今日我2個人去食。佢點左我地去張大枱。想落單時佢叫我地走。返出去等。原來黎左一家人。所以就畀大枱佢地。頂呀。咁我就咁畀人趕走左。喂！大佬。你唔係咁做生意呀？咁仲乜叫我地入黎坐底呀！做生意做到咁！

諗起好耐都無食過韓國菜，行過尖沙咀當然順路去埋韓國街，搵下有咩好味又抵食嘅韓式餐廳。見到漢城餐廳仲有位加上座位闊落，最後我地就決定入去試下。呢到食物選擇都幾多，炸雞、石鍋飯、炸醬麵同紫菜卷等等都應有盡有，價錢喺尖沙咀區嚟講算係幾實惠。最後我地兩個人叫左半隻炸雞、水冷麵同埋一份紫菜卷。上餐前侍應比咗兩碟前菜我地，一碟喺腌黃瓜另一碟就喺泡菜，味道不過不失。水冷麵 ($49)湯底酸味比較重，帶有少少梨汁味，上枱時夠哂冰凍，好適合夏天無胃口個陣時食，食完透心涼呢！因為冷麵是一大團的好難夾得開，侍應叔叔非常貼心咁主動幫我地用較剪剪開，方便進食。炒牛肉紫菜飯卷 ($59)飯卷都幾足料，炒牛肉煮得好夠入味，夾埋黃瓜等配菜一齊食好惹味。甜辣炸雞半份 ($89)半份炸雞夾夾埋埋都有5至6件，份量好足。醬汁甜甜地為主，不算太辣，食落都幾開胃。另外，這裡的炸雞件不是完全去骨的，偶爾食食下都會發現幾塊碎骨。炸雞肉質不錯，唔鞋口有肉汁，水準不錯。食物整體價錢經濟合理，味道合乎意料，係一間會令我地再回頭光顧的餐廳。

一諗起要食韓國嘢，相信大家喺尖沙咀嘅話都會去韓國街，講緊嘅係尖沙咀金巴利道一帶，不論係韓式炸雞，韓式燒烤等等都可以搵得到。今次想嚟嘅呢間係比較經濟實惠，亦都係多年老店嘅漢城美食。鐵板泡菜餃子。一份有六隻，上菜嗰時都真係熱辣辣，咬落都算皮薄，而且餃子入邊混合了泡菜，整體唔錯嘅。漢城紫菜飯卷。以泡菜為主嘅飯卷，食落感覺都幾開胃嘅，不過略嫌欠缺咗滿足感。部隊鍋。部隊鍋都足料嘅，有年糕，腸仔，午餐肉，茄汁豆等等，另配上白飯，食完都真係幾飽。總結，呢間餐廳嘅味道唔算話好突出，但價錢十分經濟實惠，預算有限嘅朋友都建議一試嘅。

尖沙咀入面咩餐廳最多？相信韓國菜餐廳都數一數二。今次試呢間，所有店員睇落都似韓國人，貌似幾正宗。清清地，嗌左個水冷麵試下。麵黎左之後，會有店員過黎幫手剪開幾下，避免啲麵癡埋一舊食唔到。落左醋之後，成個汁都幾開胃。麵就幾煙un，幾耐咬。整體個感覺係會冰涼到令你有啲情不自禁地不停放入喉嚨個種，如果係夏天食應該係更加正。惟一缺點係好似好少餸咁，得半隻蛋同埋兩條青瓜絲。

公司妹妹仔話要尋晚無食飯, 今日要食返飯補數! 上次食 Burger 經過呢間韓國食店外牆好吸引, 今日決心一試! 店舖招牌超舊, 應該好多年歷史! 店內陳設簡單, 設計年輕玩味, 莫非轉手經營? 我哋 1:15pm 入到去, 坐低覺得有點熱, 望一望冷氣再望望周圍…雖然一半都坐唔滿, 但無理由唔開冷氣吧…後來陸續有人入嚟先開冷氣! 好彩今日天氣唔係好熱! 午餐選擇多, 但除人蔘雞外, 並無一般要炆煮的餸菜選擇, 多以快及輕食為主! 同事食韓式雜錦飯 $60 ~ 同事妹貪佢乜都有, 不過真心一般! 牛肉有點乾老! 我試香辣雞芝士石頭飯 $65 ~ 這個比雜錦飯有趣, 起碼有少量芝士, 少量雞粒 (唔知有冇5粒呢), 大量菜 及 大量飯, 超飽肚! 前菜泡菜超級嚴重勁極度酸 (即係難食啦), 個湯反而唔錯, 幾清甜! 

同朋友去吃lunch，尖沙咀大把韓國餐廳，但多數好細間，難得依間大間d，位又多d，岩曬成班人，悠閒咁lunch下。個人喜歡吃辣，就叫佢辣雞抄飯。抄飯又好難輸既，所以味道ok。只係肉既份量唔適合吃肉獸。