漢城美食

营业中

休息中

同朋友星期五係韓國街搵食，見到有位就入咗去了。職員服務態度唔錯～最basic 的一款飯捲，麻油味重返啲會更好。水冷面，無鉸剪有啲唔分便，味道好淡酸酸地，個人麻麻地呢種味。豬肉泡菜湯～正常水準海鮮煎餅，最好味既一樣，點埋汁更佳。總結嚟講味道正常，但價錢係韓國街範圍算抵

超正！頭個幾次覺得好辣,但係其實食慣就唔辣。D拉麵好好味呀！一定要食！我個人覺得個部隊公仔麵同牛肉炒飯最好味，但係軟豆腐公仔麵辣到唔掂。等嘅時間比較耐，所以要有耐性。總括嚟講，就係食完一次好想再食。

同friend去左尖沙咀韓國街食"漢城美食”呢間性價比非常高，入面d服務員好似係講印尼音的廣東話，哈哈溝通完全無問題!點左泡菜煎餅，炒粉絲，壽司，同埋甜雞翼配年糕，兩個人食分量都夠曬了。

漢城美食喺以前剛剛興起韓國料理嘅時候都非常之出名，而且價錢相宜，幾抵食不過隨著唔同嘅韓式料理興起，已經慢慢變成興起食炸雞了，都被人遺忘咗漢城美食。我都好耐冇嚟食了。今日由於又係用app book位有半價，所以就再來回味一下城漢韓國美食其實都有幾多嘢食揀，食得韓國嘢都係以辣為主。坐低已經包兩款前菜，都係泡菜及黃瓜。我哋叫咗韓式壽司，其實我個人幾鍾意食韓式壽司，清清地而且幾好味 。另外想食海鮮豆腐鍋，豆腐分量好多，而且幾滑，海鮮都係魷魚、 細蜆為主，整個湯都係辣嘅，但係又唔算好辣，可以接受嘅辣度 鍋物仲跟一個白飯。當然唔少得我最鍾意食嘅泡菜煎餅，每逢食餐韓國嘢我都會必叫的今次煎得都幾香，但係泡菜餅偏厚，所以唔算超級香脆。另外仲叫咗辛辣麵炒年糕，年糕煙煙靭靭，辛辣麵彈牙，呢個其實係冇得輸的而家漢城美食都加咗好多價，如果唔係有半價，都差唔多食咗成三百幾蚊。半價後再減50蚊coupon就130蚊，兩個人就超級抵喇

鍾意睇韓劇都鍾意食韓國菜,漢城係尖沙咀韓國餐廳都食過幾次。星期六6點左右,人流唔多,得幾張枱既客人。見到做緊個平日優惠,星期一至五6至7:30 食晚餐,7:30前結賑有7折。人蔘雞湯,D雞有D鞋,無咩人蔘味,好清…原味炸雞半份,岩岩炸起,卜卜脆,好JUICY,份量都多。魚糕串,一份得兩串,湯底有點咸。漢城紫菜卷芝士炒年糕,年糕硬唔夠入味,D芝士耶菜撈飯反而幾好味。整體黎講價錢都幾平,每人平均$100,但食物質數好多下降左。

天氣濕濕立立，好想食啲開胃嘢， 韓國菜都係唔錯嘅選擇。想食韓國菜即刻會諗起尖沙咀“韓國街”， 大約地點係金巴利道、金巴利街。漢城美食， 都算係韓國街嘅始祖， 以前尖沙咀有兩間，而家得返一間。 實在太耐冇來喇，所以唔諗咁多啦， 就揀呢一間啦。叫咗三樣嘢食， 牛肉石鍋飯、辣牛肉粉絲湯、 辣雞翼年糕牛肉石鍋飯--- 三樣嘢裏面最好食係呢一個， 熱辣辣有飯焦， 肉嘅份量亦都充足。辣牛肉粉絲湯--- 味道偏鹹濃味， 材料非常之少， 只有少量 韓國粉絲 ，極少量牛肉（ 大約係火鍋 薄片牛肉嘅兩片）， 同埋有少少泡菜雞翼年糕--- 雞翼好厚粉冇乜味， 反而年糕就好煙靭，外脆內軟整體嚟講， 比以前退步咗好多但環境好乾淨舒服好坐， 碗碟筷子乾淨 亦都有自助嘅水畀你飲，

近日某某歌手舉行演唱會睇演唱會之前就帶屋企人食下韓國野預集下來年韓國旅行啱唔啱食用apps訂枱唔同時段有折加上食得早 有50%折扣 好高cp值呢由於平日加上早食 所以未有人住一坐底就有前菜食下先年糕蔘雞湯- 少少蔘味 有雞絲 年糕牛肉飯卷- 無乜麻油香 較淡口泡菜餃子 -熱辣辣 好香口 唔會太辣年糕炒麵- 麵淋左啲 但年糕好煙韌八爪魚石窩飯- 要自己撈 飯唔算多 有飯焦粒甜辣炸雞- 茄汁味太濃 蜜糖同 韓辣醬唔夠 雞乾身左啲最後埋單折完298$有半價既話 其實都食得過

今晚約左朋友食晚飯，大家都想食韓國野，於是諗住去試下依間漢城。我地叫左個人蔘雞湯，泡菜餅，同埋炸雞，泡菜餅幾好味，至於人蔘雞同炸雞就一般般啦，不過同朋友食飯傾下計既話，依度環景都算ok既，都坐得舒服。

Taste of dishes is below average. Don’t suggest as there are many other nearby. Kimchi pancake was too oily. Kimchi rice isn’t salty. And only two side dishes : kimchi and radish

超難食。叫左甜辣炸雞半份，勁多雞胸，超鞋，好難入口。仲要有雞頸，非常失望。唯一一隻雞脾超細隻，但都係好難食，炸到好硬。石頭飯好燶。整體黎講好失望，完全無水準，不會再幫襯。

漢城之前會經常食，因為覺得價錢合理，食物味道正常。一排無食，咁岩要去尖沙咀，見到另一個app有9折，所以就再去食。10。1國慶日，用餐時正值放煙花，所以得3檯客。每次必點“漢城炒粉絲”同“紫菜卷”，簡簡單單幾好味。炒粉絲無肉，想食肉就加多$10。本身鍾意食泡菜，叫左個泡菜煎餃，但太辣了。原本想叫甜酸雞翼，但寫錯左號碼變左豉油雞翼($78/7隻)，不過炒粉絲其實都係炸雞翼，無特別。2個人4樣野都已經夠飽，9折左埋單都要$238。

辛苦工作完一輪後當然會想走遠點食好嘢，可惜始終是Lunch break 會多人。我們在韓國街這間見到不用等位的餐廳就入座。雖然店員愛理不理地望住我們自已找位坐，但一坐低有前菜和水提供👍🏻。門面睇落光鮮。但內裡的衛生一般，枱和菜單都有一點黏的手感。而且一直都有蚊在身邊擾攘，挺煩人的。店員唔多想招呼你，就只是問多一句餐牌的優惠資料，她就已經不耐煩。其實人客又不是多，你就有咁趕要坐返餐廳啲吉位做野/吹水嗎？我點了牛肉炒粉絲。麵條糊成一團團了。咸度雖然適中，但除了麵的豉油味外，炒的蔬菜一點都不入味，又唔香。牛肉味偏淡，肉質淋。評分屬中等。豆腐湯飯的豆腐好滑，值得一讚。不過湯的味道都好弱，只有辣的感覺。牛肉石頭飯加了醬料後都幾好食！雖則牛肉都係麻麻。我明白防燒焦會落油，可是我仍然認為個飯偏油。總體來說未算太差，但也不是太享受的一餐。

The environment is spacious, we go inside to have dinner without hesitation in weekend night.Small 部隊鍋Lunch meat, sausage, bean, egg all in bowl with tomato soup, taste is okFried chicken, signature dish in Korean restaurant, just little dry Orange soda and lemon soda are taste rich

漢城美食話到明俾你知係美食，聽到都要黎試下啦！三個女仔食韓國野飲下燒酒，咁樣又一晚啦～餐廳以紅白色為主調，座位闊落四四方方，不足之處就係離地鐵站有啲遠我哋嗌咗個泡菜炒飯、泡菜餅、芝士炒年糕、香辣海鮮湯麵同埋菠蘿燒酒🥗一開始上左幾碟泡菜，有朋友覺得唔夠鹹同唔夠辣🍛泡菜炒飯飯粒分明，泡菜分量足夠唔會得幾塊，整穿太陽蛋個蛋黃再撈飯就更加好食！不過真係好普通冇其他餸🍕泡菜餅略嫌太厚，應該再整薄個餅，咁會更加香脆。同時間個餅太厚，令到個味都唔足夠，分唔均。同埋有啲位都煎得太焦🍲芝士炒年糕嘅年糕夠晒煙韌，芝士作為呢樣餸嘅名，份量可以再多啲。個味道夠辣夠味，什至攞嚟撈泡菜飯都得🥘香辣海鮮湯麵個湯都好鍾意，比芝士炒年糕個湯更辣！裏面啲海鮮就好普通，完全冇鮮味，麵質亦可以更加煙韌，但都好掛湯，條條都吸晒湯嘅味🍍菠蘿燒酒都甜甜地，不過酒味都幾重，唔可以當一般果酒黎飲，入面配有幾個菠蘿，每塊菠蘿都吸晒啲酒味好特別韓國食物來講係比較普通，味道唔出色，似係平時係屋企用即食包裝都煮到既，唔會推薦比大家食～

有一日喺Facebook度見到有一個網媒喺度講呢間餐廳啲年糕係佢哋自己整嘅 同出邊其他韓國餐廳唔同因為佢哋嗰啲通常都係攞貨 🤧今日難得同朋友出去食飯然後佢提議話食韓國菜所以我就醒起呢一間漢城美食啦😛😛 我哋星期一晚去大概8點鐘到入邊都已經坐左好多人 但又唔使點樣等位即刻有得入去入到去店員就會俾啲前菜你我哋分別叫咗四樣嘢在嗌咗一個燒酒第一個係芝士炒年糕 呢度嘅年糕真係比起出邊嗰啲更加煙韌而且唔會太硬😌味道都覺得好足夠但係比起平時嗰啲嘅話佢就會少咗啲魚糕🤧 但係啲芝士就冇拉出嚟嗰種感覺但係你食落去就會feel到有啲味 overall來講佢甜甜地唔係好辣!! 所以唔係食得好辣嘅朋友都可以試吓呢個芝士炒年糕第二個就係海鮮拉麵 海鮮唔算好新鮮但係成碟拉麵嘅味道就啱啱好 而且個面嘅質感都非常之好食 仲係有少少結結地嘅汁 但係同炒年糕個汁就唔係好似 呢個就會浠少少！😗😗😗第三個係泡菜煎餅 泡菜煎餅個粉就比較多啲但係對於我鍾意多d粉嘅就啱啱好啦 但係泡菜味就唔係好夠🤔 所以下次我會試吓其他煎餅！最後就叫左一個泡菜炒飯 啲飯炒得林左少少味到就都唔係好夠 但係勝在仲有啲泡菜係入面飲品方面我哋叫咗個菠蘿燒酒