漁釧 (V Walk)

营业中

休息中

南昌近年都大興土木 住宅多 商場都自然興旺起黎 港鐵上蓋v walk 新開幕不久 已經有好多大型品牌同各國美食進駐令到南昌 生息不少最愛既日式食肆都不斷開業 晚巿時間 襯住未到放工時間就入去霸定位先 款式眾多之如 用料都好吸引 串燒同壽司都好吸引 叫左鹽燒牛舌、火炙和牛壽司、中拖羅壽司牛舌可以用極厚黎形容 毫不吝嗇 燒得外香內軟粉嫩有咬口 牛味香濃火炙和牛壽司 油脂香濃豐腴 炙後更加浸透出牛香 少少既壽司飯已經令牛味更加突出 中拖羅壽司拖羅我自己喜歡中拖 因為比起全脂大拖更有咬口 而油脂比例亦十分之足夠 入口半溶狀態 香味四溢用料十分新鮮當造 質量十分之高 下次可以食埋佢既午巿套餐 我相信更高性價比

今日男朋友喺南昌呢頭放工，我地就決定去近排新開張嘅商場V walk搵食。由地鐵站一出嚟嗰一層，就見到一間日式居酒屋，熱愛食日本野既我地就決定去試下先！入邊嘅裝修都好有和風居酒屋嘅感覺，仲有beer tap好吸引！-陶板清酒煮蜆...超好食!!!呢個清酒煮蜆加上牛油，隨着溫度上升，牛油慢慢融化。每一啖蜆肉都食到牛油嘅creamy感覺同清酒香味，真心好食！不過最令人覺得驚喜嘅就係...當蜆肉已經食得7788嘅時候，𢳂一啖湯嚟飲下，個湯充滿着蜆肉嘅鮮味，同埋牛油同清酒嘅味道，perfect match，好食到想飲哂個湯！-鐵板牛舌:呢個牛舌同平時食串燒嘅有啲唔同，切得比較薄身，但係肉味十足，加上個sauce好入味，鐵板上嘅洋蔥都非常惹味，好食！-七味炸魷魚圈:同平時既炸魷魚圈唔同，餐廳用上乾粉嚟炸，冇咁厚重既炸漿感覺，口感特別，正！-鰻魚炒飯:呢個炒飯雖然賣相一般，但係又幾好食喎。鰻魚份量好足料，炒飯亦好香口。-海蝦天婦羅稻庭烏冬（冷）:天婦羅既蝦好大隻，好粗，食落既蝦肉多過炸香既皮，絕無欺場！冷麵口感彈牙，加上蔥花同埋薑蓉，浸喺冷湯入邊，味道清新。-海膽酒盜芝士:見到呢個餐廳推介嘅小食，我

女朋友食野緊係首選日本野喇,因為女仔都係比較鍾意啲精緻小小嘅野，咁先開心架嘛,因此我地就過左左屋企附近個新商場食下野，點知一係南昌站上到去商場就見到呢間居酒屋，呢間居酒室環境都幾大下，居酒屋係香港係要舒服唔同日本，地方睇落幾好的，而且餐廳都算係多選擇，咩都有得食，職員係我地坐低後介紹左一系列野食之後，我地就揀左黎食下喇，串燒牛舌入口唔會成陣冰味同一啲牛肉味都無，燒得好惹味。收碟嘅效率都好快, 證明職員都好細心留意客人的，我兩個都差唔多食左好幾碟野, 但係唔覺等野食嘅時間好長, 一間普通品牌的居酒室都咁有質素幾令人驚喜的

每日放工都會經過南昌地鐵站，自從開了一個大型商場後，放工終於不用特登行去奧海城食好西，這個商場有很多食肆選擇，今日自己一個人就揀這間門口掛住大大個燈籠，裝修充滿日本風味的日本料理吃過一人前晚餐，打開餐牌選擇頗多，壽司賣相相當吸引，但是實在太肚餓，所以選擇了湯拉麵，點了醬油濃雞白湯拉麵，先呷一口湯，味道濃郁，真材實料，拉麵煮得恰到好處，咬落煙韌彈牙，叉燒貌似肥美，但食落口一點油膩感也沒有，反而充滿油脂香味為食的我又點會只係滿足在一碗拉麵上，一於點個金菇肥牛卷試下，入口已感覺到肥牛的濃郁牛味，金菇吸晒日式燒汁，更加滋味整體來說，環境舒服，價錢相宜，食物有水準，下次一定拉埋為食好友試下魚生同海膽

拉麵絕對係我其中一樣最愛既日本菜，每次去日本旅行之前我都會花好多時間bookmark好食既拉麵鋪，試過去7日食足7日拉麵，每次食完飲埋湯果下真係好滿足好開心，估唔到呢一間拉麵鋪都俾到呢個感覺我。首先餐廳好新淨，乾淨企理，裝修甚有日本風，感覺唔錯。食物方面首先叫左醬油濃雞白湯拉麵，見到碗拉麵果時真係好感動，因為塊叉燒好大塊好正呀！！叉燒夠哂肥美又夠哂厚啖啖肉，入味得黎唔會太咸。至於麵質我非常喜歡，較硬好彈牙又好咬口。拉麵之中最重要既就係湯底，可以話係拉麵既靈魂，呢個濃雞湯好重雞味又唔太咸，味道一流，成個拉麵真係好出色。另外兩個小食鹽燒牛舌串同雞軟骨串，兩個都燒得好香，特別牛舌好厚好爽。呢間拉麵鋪絕對是再encore

最近朋友介紹咗一間日本料理，今日出開深水埗，專程去試一試漁釧位於深旺道28號V Walk 地下，搭港鐵喺南昌站A出口行三分鐘就到,非常方便傳統和風居酒屋設計，食物選擇十分多，拉麵、飯、刺身、壽司、揚物、天婦羅款式亦十分多選擇粟米天婦羅粟米炸得香脆，唔油膩，恰到好處鹽燒牛舌串去居酒屋食串燒食得多，牛舌串燒就比較少，今次點左份試吓，爽口有嚼強卻不韌，口感好，點上醬汁，一流火炙和牛壽司和牛壽司同樣係我比較少食嘅壽司類別，今日一於試吓，油脂均勻嘅和牛經火輕輕炙一炙，原來可以咁好味

粟米天婦羅 這是我第一次吃的 非常特別 一粒粒嘅粟米要炸成天婦羅 確實非常考功夫即叫即炸的 入口熱騰騰 非常香脆可口 脆漿好薄 好鬆脆 食到最後粟米嘅甜味散發在口腔之中 非常推介醬油濃雞白湯拉麵 食拉麵梗係要飲下個湯底先啦 湯底有好香嘅醬油味道 味道唔會過於咸實 反而帶有雞嘅甜味及肉味拉麵質地煙煙靭靭 既爽口又彈牙 滑捋捋嘅麵條有好香嘅麥味鹽燒牛舌串 牛舌以厚切方式呈現 爽彈嘅口感我非常喜歡 吃到粒粒鹽花 有畫龍點睛嘅效果 而且燒得一啲都唔乾 肉汁非常豐富呢間餐廳以日式食物為主打 整體賣上做得精緻 價錢合理大眾化 味道出色 下次必定再來光顧

我今晩等咗個friend 好耐，本來諗住去打邊爐，點知臨尾佢先放我飛機，但我已經等到好餓，無理由一條友去打邊爐咁無聊㗎嘛，所以行下行下就嚟到呢間日本餐廳門前。新開架喎，入去試下先。肚餓的我先嗌咗啲小食，就嚟碟串燒牛舌同金菇肥牛卷。即叫即整熱辣辣，牛舌最有警喜，又淋又入味。主菜就係醬油濃雞白湯拉麵。湯底超濃郁，有濃郁嘅雞味，又唔膩。拉麵彈牙煙韌，加上兩塊半肥瘦叉燒同木耳、紫菜，真係拍得住岀面啲拉麵店唷！

今日去深水埗買啲嘢，經過V Walk見到開咗間新嘅日本餐廳，價錢都ok，食物款式又不少，環境又唔錯。雖然唔太肚餓因為食咗正餐，但係我都好想試下，所以就決定一條友入去食下小食。串燒牛舌都幾厚身喎，而且又唔韌，肉質幾彈牙。配埋檸檬汁酸酸地又去油膩。金菇肥牛卷好香，嫩滑嘅肥牛肉配埋爽口嘅金菇，牛脂味濃郁，口感仲好一流添。中拖羅壽司超好味，新鮮又鮮甜，仲有啲入口即溶感，食完一舊一定唔夠喉囉，起碼要食兩件喇。

深水埗向來係美食中心，今日去左個新商場行下，見到間日本餐廳，抱住一試無妨既心態入去幫襯下，咦，有驚喜啊，天婦羅食得多，栗米天婦羅真係好特別，成餅栗米粒整成，趣緻得黎都幾好味，仲食到栗米既香甜。 另外仲叫左個醬油濃雞白湯拉麵同中拖羅壽司，呢個濃雞湯拉麵算係係沖繩果邊食完後遇到最濃既雞湯，相當鮮甜，由於我食壽司先又影相，拖慢左食麵效率，但居然麵都唔會變得難食，有質素。最後講下個中拖羅，咁既質素咁既價錢，真心唔貴，入口魚香濃郁，好味

今次想食日本野，又走咗入V Walk 搵食～ 一個人食野易搵位好多！近扶手梯位有間日本野，地方裝修得幾骨緻，都真係幾有日本風，所以入去試吓！一個人試唔到太多野，所以都係叫咗碗醬油濃雞白湯拉麵加串雞軟骨粒串就算。醬油濃雞白湯拉麵有兩大塊叉燒！一塊紫菜同少量木耳絲！湯底都幾濃郁，兩塊叉燒幾厚切，個面有燒一燒過！食落唔油利！麵質又唔錯！如果有得加隻糖心蛋就仲好！雞軟骨粒都好好食！大大粒，燒得好香！下次可以再去試下其他野！

我同女朋友都鐘意食日本，之前係將軍澳食過一間日本餐廳唔錯，然後我哋發現喺深水埗新開左一間所以決定去試吓睇吓質素係咪同將軍澳一樣咁正。喺南昌站A出口就係V walk , 行前少少就見到間日本餐廳，就係電視螢幕下面，十分搶眼。店員安排我地坐吧台，可以望住師父整野食，正。原來佢哋目前做緊啤酒活動就係買一送一，而啤酒都只係約四十幾蚊，勁抵。由於佢哋啲食物價錢比較親民，所以我同我女朋友都可以散嗌好多嘢。壽司盛7件+鐵火卷3件 - 現場即整，十分新鮮！唐揚雞件 - 食得出係即炸！啖啖肉，一啲肥膏都冇，嫩滑！燒雞腎 + 燒雞軟骨 - 燒得剛剛好，唔會過老。松葉蟹海鮮豆腐 - 鐘意清淡既朋友可以試下，有蘆筍、蟹肉同豆腐，味道好夾！豬肉味噌湯 - 係我每次食日本野都必叫，而呢碗湯真係好足料，正。海蝦雜錦天婦羅 - 份量好多，足夠兩人份量，炸皮夠薄，蝦亦都好大條，亦都有啲冬菇、青椒，夠哂多款色！就算我地叫左咁多野，500$都唔洗，我地都認為可以再黎！

今日阿媽帶左我黎行南昌依個新商場 一由地鐵站行入商場 已經見到依間餐廳 望落幾有格調 就坐低試下 餐廳坐位舒服 居酒屋既格局 有得嗌draft beer同其他日本酒鰻魚柳川鍋😺個汁係香辣口味的 一上枱已經聞到浸香味 香辣汁加半熟透既蛋加再鰻魚係上面 蛋入面有荀絲 增加口感吞拿魚腩蓉丼 😽啲吞拿魚魚蓉做得好好 入口即融 食刺身丼既話會都會送一個鯛魚湯俾你用作漬飯咁食 無論就咁食定漬飯既食法都好好食 加左漬湯之後又有另一返風味 特盛醬油濃雞白湯拉麵 😺湯有高湯雞湯既味道 湯頭真係好濃郁👍🏻👍🏻 而且拉麵是手工製作的粗麵 另外叉燒軟滑 脂肪比例很好 軟殻蟹天婦羅😻上枱既時候真係一隻蟹既樣🦀🦀🦀好有心機咁排好哂 炸得脆卜卜我食得好開心🥳🥳🥳佢哋嘅天婦羅汁係同其他鋪頭唔同 比較鹹啲 我諗係因為想俾人送啤酒既時候食 所以食物會比較有味

今晚去行新商場 當然要試吓新嘢 聽聞這間食日本嘢好過同場另一間 咁就去嘗新其實打開餐牌 真係好多款 唔知叫咩食好 就是但點啦 不過都點左成5至6款 當中有蝦同野菜天婦羅 吞拿魚碎飯 刺身 牛舌 芒果炸蝦壽司 玉子 個飯好味仲有魚湯跟 個魚湯好鮮甜 刺身都尚算新鮮 天婦羅就外脆內軟 不足嘅只係個芒果炸蝦 頭尾有蝦殼係可以接受嘅 但個身位有兩嚿就有蝦殼在 咁就食得唔順暢喇 但整體都係好好味嘅

南昌站上蓋既V Walk都開左一個多月，去行下之餘去試埋佢既餐廳啦～地下大堂有間日本餐廳望落好似好吸引，裝修都好日式既感覺，就攞飛試下啦。等左大概半個鐘先有位，安排左卡位比我，座位都夠寬敞，不過坐正風口位冷氣就大左少少啦！講返食物先，食物質素都算中上，出菜時間都算快。我地叫左4樣野，首先介紹海膽三文魚卷，海膽鮮甜冇苦味，一啖放入口係大滿足呀！第二樣叫左野菜天婦羅，即叫即炸，一碟有7舊到，冇咩特別。第三樣唔記得叫咩名，但佢上枱既時候嘩左一聲，因為佢係一個塔咁上枱，本身menu張圖都係分開三格，點知上枱係有驚喜既！第一層係刺身，第二層係三式丼，第三層係綠茶冷麵；每層都好有驚喜，質量都好高！最後一樣係日本和牛壽喜燒鍋，價錢雖然有啲貴，好似$3xx，但牛肉既質素好高，入口即溶，油脂保留係口腔，真係勁滿足！所有野都冇失望，呢間餐廳一定會再去食！