漁火海鮮刺身火鍋

营业中

休息中

俗語有話「葯補不如食補」，葯食同源，只要兩者協調配合，就能對人體產生良好的功效，防病抗病，相得益彰。水是生命之源，葯膳湯水因而應運而生。既然湯水對人體滋補有好處，用湯水作為打邊爐的湯底，相信更能令配料的食療效用發揮極致，所以這天由朋友介紹下，得知位於京都廣場樓上舖的漁火海鮮刺身火鍋餐廳，主打以燉湯做湯底，更有新鮮刺身和生猛海鮮供應，聽下去感覺很注重養生，決定一試。餐廳以黑色為主調，夠搭實又夠型格，座位多以四至六人的卡位為主，另有獨立廂房供一大班人自成一角，私隱度什高。牆上時不時掛上特色推介的海鮮或火鍋配料，門外更放上西班牙石蠔，每隻都有成一個手掌般巨大，都只是每隻$68大洋，看似非常吸引。餐牌除了有各式刺身和海鮮供應外，還有手打丸類、牛肉類、餃類、蔬菜類、麵食類和特色小食等過百款選擇。現凡在Facebook簽到，Like及share，即時送上三文魚刺身。充滿光澤而新鮮的三文魚，數量不多，但肉質肥瘦相間，滑嫩鮮美，魚脂豐脥，入口一點雪藏味都沒有，以為係免費貨式質素就會差一等次，點知原來有驚喜。至於飲品是逐一收費，有各類罐裝汽水或啤酒供應，不過小妹最後揀了自家竹蔗茅根($48)，眼見玻璃瓶

冬天最好嘅節目就係同朋友一齊去打邊爐， 計我話打邊爐除咗最重要係個爐之外， 湯底亦都同樣重要。今次食嘅呢間火鍋店， 位於銅鑼灣嘅駱克道，舖頭鄰近sogo、世貿， 地點方便不特止，仲可以行完街再舒舒服服咁坐低。 呢間叫《漁火》嘅火鍋店主打新鮮嘅海鮮同刺身，而且仲有各種嘅特色湯底，講明不含味精， 新鮮餚製，保證飲到媽媽口味。今次所揀嘅湯底係花膠響螺燉豬展$188，湯底色澤金黃，濃而不濁，材料豐富。有響螺頭、花膠、蟲草花、同豬展等等。 由於經過長時間燉煮，所有材料嘅精華都集中係湯水上。 識食嘅，一定會係打邊爐之前，飲番幾碗，滋潤一下。喝下一口， 味道清甜濃郁， 飲完一啲都唔覺得口渴，果然與媽媽嘅老火湯一樣真材實料有保證。飲完湯就介紹番啲材料，沙爆靚魚肚$68， 沙爆魚肚經過炆煮之後相當入味，吸盡湯汁精華， 而且一啲都唔腥， 不過烹調時間需時，如果要煮到棉花般柔軟，就要趁早放入湯底喇~雪白鮮鱔片$108，鱔片砌得好薄，而且亦都唔多骨， 輕輕灼一灼，就可以食到鱔嘅鮮味，鱔片肥美，皮脆肉嫩， 實屬must點item。呢度嘅丸類同埋餃子都可以選擇雙拼，啱曬人少少，不過又想試多幾種口味嘅朋友。 我就選

終於都等到凍啲嘅天氣, 就約埋啲朋友去試下呢間新開嘅火鍋店喇。見到有人介紹呢個火鍋店嘅湯底係用燉湯的, 都幾特別, 啱哂冬天食呀。餐廳位於繁榮嘅銅鑼灣, 都幾方便, 喺Sogo後面。成棟大廈都有好多餐廳食肆, 有雞煲, 韓國菜等等, 選擇都幾都多。餐廳唔算好太, 另一邊係卡位, 仲有一間房仔, 後面仲有一張圓枱。座位同座位之間完全唔逼, 同朋友傾計都幾好, 唔會覺得嘈。餐具幾靚, 日式feel, 而且我鍾意個放湯勺嘅架, 直立甘放唔會霸住啲位, 如果火鍋料多時, 就唔洗驚冇位放。好窩心嘅設計。是日海鮮精選, 好想食蟶子王同花甲, 可惜朋友唔好海鮮, 無緣食喇。見到隔離枱食刺身, 都幾正甘。餐廳有做優惠, 喺facebook打卡即送三文魚刺身, 都肥美同厚切。火鍋料同湯底選擇都多, 仲有唔同嘅刺身同小食可以選擇, 令人可以打邊爐之餘又可以食到刺身。點好火鍋後, 店員拎呢個九宮格醬料兜黎俾我地混醬, 醬料$15一位。叫左惹味嘅胡椒白果豬肚湯, 奶白色嘅湯底, 証明左係煲左一段時間嘅豬骨湯。店員建議我地可以飲左湯先打邊爐。豬肚湯飲落有淡淡胡椒味, 咸味啱啱好, 好似媽媽煲嘅湯甘。湯底仲有唔少

寒冷天，吃火鍋絕對是好友晚飯聚頭的不二之選。火鍋店比比皆是，要食到好味有質素既火鍋，事前當然要做吓功課，捐窿捐罅，才可尋找到隱世美食。 今晚和朋友來到享用晚餐的漁火海鮮刺身火鍋店，絕對是誠意用心之作。進入餐廳，環境雖小，卻没有焗促的感覺。反之，柔和温暖的燈光，乾淨整潔的環境，樸實雅緻的食具，寬敞舒適的座位，勤快有禮的服務員，新鮮具創意的美食，絕對令我和朋友留下了極佳的印象。非常喜歡用來盛大勺子的器皿。一般去打邊爐，大勺子都是放在餐墊紙上，冇咁衞生之餘仲會弄髒餐墊紙，非常論盡。有咗呢個盛大勺子的器皿，既唔會弄髒枱面，亦唔怕枱上細菌污染勺子，乾淨衞生，值得一讚。湯底方面有多款選擇。有矜貴的、惹味的，清熱潤肺的和滋補的。配料方面則貴精不貴多，勝在用料上盛新鮮。另有刺身小食可供選擇。湯底方面點了胡椒白果豬肚煲。湯底除了豬肚，更用豬骨肴煮呈奶白色，分外鮮甜。另加入白果、唐芹和白蘿蔔。白果益肺治咳，唐芹脆嫩味道香濃。白蘿蔔鮮嫩不帶根，吸收湯汁後味道清甜，超讚。順帶一提，食火鍋中段，雖然湯的油份不多，但服務員仍過來為湯底撇油，很窩心。醬油配料方面有比較少見的麻油和白芝麻，白芝麻配牛肉，增加了牛肉味道

天氣凍凍地就梗係去打邊爐啦喺銅鑼灣見到呢間新開嘅打邊爐餐廳見到佢哋有主打嘅燉湯系列所以膽粗粗就上咗去可能新裝修嘅關係入面非常之新淨而且仲係提供卡位坐原本想叫胡椒豬肚湯但係見到呢一款花膠響螺燉湯所以最後都係改變左主意揀返呢款花膠湯一上到來就緊係相機食先啦因為完全足料到爆一個鍋已經有六隻大而厚的花膠而且找下找下入面響螺嘅數目都非常之多打邊爐前當然飲返碗足料花膠湯花膠飽滿而滑食落補而不膩正飲完湯店員會補返一鍋清湯絕非加普通淸水見到有脆肉鯇魚片新鮮到喊魚肉呈現彩虹色的反光正是新鮮魚肉獨有的特點細問下原來餐廳每日都新鮮入貨當天賣哂就冇一淥之下魚片立即彎曲已經好好証明其脆肉程度而且入口完全冇草泥味同腥味湯底同魚片實在太夾了桂花蚌完全係無添加的桂花蚌每條十分粗壯真情有香腸咁粗只要淥幾秒已經可以入口爽脆鮮甜令人一試難忘見佢哋啲海鮮都咁新鮮所以就再加多左一份新鮮鱔片呢碟餸係我最鍾意食嘅一種又係淥幾秒就可以已經食得鱔片獨有果種鮮甜味真係好食到爆最後再叫多左佢哋嘅招牌雲吞每一隻雲吞入面起碼有兩隻大蝦而且裏面嘅豬肉飽滿非常呢款雲吞都做得非常出色今次人數不多只叫了少少種類下次再約多D人再食

幾鍾意呢個擺湯殼嘅裝置，唔會整到周圍污糟哂之餘攞嚟用時又方便。喺 facebook like 咗就有得送三文魚刺身喇，難得免費嘅刺身都唔會俾啲唔新鮮嘅貨你，不過食下食下有啲唔夠喉，如果份量再多啲就好喇。鬼馬油條，鬼馬油條即係將新鮮嘅魚肉釀入切咗粒嘅油炸鬼上面，再拎去番炸，經過雙重返炸之後，油炸鬼分外酥脆，所釀嘅魚肉又夠哂彈牙，點少少喼汁已經無敵。花膠響螺燉豬展 188，去之前已經問定老襟嗌咩湯底好，佢話飲過呢個花膠響螺燉豬展湯唔錯，去到之後老闆娘仲話佢地呢個湯淆足幾個鐘頭，絕對需要飲番碗老火湯先至再打邊爐，老闆娘幫我哋每人不咗一碗，花膠同響螺都大大嚿，豬展亦都比一般煲過湯嘅嫩滑，最緊要係啖湯，認真清甜，響螺同豬展嘅味道融入哂落個湯入面，我一連飲咗四碗，幾乎見底先開始打邊爐。雪白鮮鱔片 108，鱔片塊塊都好新鮮，塊塊都爽口彈牙，落水拖一拖就食得。鹹蛋豬肉丸拼鮮蝦雲吞，只係加十蚊就可以雙拼喇，真係好抵食，豬肉丸咬口實淨，好明顯無加到粉落去搓，食到中間鹹蛋黃嘅鹹香慢慢滲出嚟，雲吞粒粒都大大隻，隻隻都有成三四隻蝦㗎，入面又唔多肥豬肉喎，健康好味。沙爆靚魚肚 68，唔係度度打邊爐都有魚肚嗌，難得

打邊爐向來深受港人喜愛，就算是炎炎夏日，亦難擋「鍋迷」的熱情。近排天氣日漸轉涼，更加是吃火鍋的好時機！提到打邊爐，主角當然少不了靚牛肉的份兒。近日從網上食評得知，銅鑼灣新開咗一間取名《漁火》的火鍋店，據說餐廳除了主打靚牛肉外，還有海鮮、刺身等供應，所以就特意選了一個晚上來一探究竟。火鍋店位於駱克道京都廣場 8 樓，踏進店，舖面呈長方形，內裡地方不大，設計以簡約為主，配以木地板裝飾，實而不華，予人樸素感覺。沿路內進，中央通道頗寬闊，近窗一邊放了一排長梳化，而右手邊則以四人卡座為主。再走至餐廳盡頭，原來入面仲有間擺放咗兩張圓桌的 VIP 房，配上一室黑色裝潢，環境既雅致又舒服。安頓後，先拿起檯面的餐牌細閱，A4 大小的點菜紙，採用前後兩面印刷，前面一頁主要以湯底、刺身、肉類和海鮮為主，而後面一頁，項目就包括有手打丸、餃子類、魚滑、蝦滑、麵類食、蔬菜和特色小食等。鍋底方面，選擇都幾豐富，共有十款，由矜貴的佛跳牆，以至清熱下火的芫茜皮蛋豆腐湯都有得供應。店員趨前問我倆是否已經打咗卡，原來凡惠顧的客人，只要於餐廳 facebook 簽到 Like & Share，即送三文魚刺身！獲贈的三文魚刺身

天氣乍暖還寒 ， 正當今天下午可能以一道冷麵來當做午餐之時， 到了夜晚可能便已跟三五知己一同開行冷氣在房間內 "打邊邊"....是日晚上 , 就相約了讀大學時期的好友來到銅鑼灣享受了一頓邊爐夜宴....我倆都算是蠻有食力的人， 閒閒哋每人吃三四碟火鍋配料後再加上湯底内的豐富材料，吃完之後兩個人仍然從容自若面不改色， 最後還一人吃了一個烏冬麵....問你怕未....火鍋湯底是久違了的花甲蟹鍋。試問一煲湯底除了有為數不少的花蛤以及兩只花蟹以外，還後加了一大堆大京蔥、雞髀菇以及粟米， 弄出來的這湯又怎能不甜美呢? 店方最後還在湯內加了不少的原粒黑胡椒，喝下去既惹辣又香甜， 基本上連配料也不用放下去，湯本身就已經很夠甜度了.... 花甲肉肥厚而蟹肉亦未見削身，入口落得滿嘴鮮甜。縱然它放於湯内滾足一晚但也不會走味，屬對版之作....此時開始著手從九宮格調味架中放下自己喜歡的醬料進碗内來個混醬可也。 九宮格內的醬料款式並不花巧，全部都是十分大路的如生及炸蒜蓉、辣油、普通黑醬油、紅椒粒以及青葱等一類的醬料....吃火鍋除了有湯底加配食材之外 ，一壺用來清熱消滯的飲品固然是少不了的....在未有食物上

今晚去左漁火海鮮刺身火鍋打邊爐，呢間係鍋鑼灣，行完街上去都好方便！可能呢排天氣又熱返，冇乜人嚟打邊爐，所以吾洗等就入到去，真好！先嚟店員話一like fb就送上三文魚刺身啦，吾好以為係送嘅就冇好野，係好好食，好鮮甜，肥美，我有個朋友未食過生野嘅一食都話好好食！先嚟一定要讚下服務，真係好好，打邊爐可以選兩邊鍋嘅，店員真係好好，因為我地冇講明分開，所以其實一嚟左個鍋又要再換，但都好nice都好客氣！而且，一邊打嘅時間，店員又會主動幫我地整走d油，好細心，另外見我地影相又會主動話幫我地影相，一直都好好笑容好nice，令每餐晚飯都好開心。好啦，講返重點，d食物都好好食，海鮮好新鮮，我地嗌左蠔同海中蝦，蠔好大隻，冇雪味，肥美，正丫，海中蝦肉質都好彈牙，好鮮甜。最正係價錢好合理，吾錯！另外嗌左份大牛肉，因為我地五人去，但真係好大份量，食到好爽丫，牛都好正，牛味好重，新鮮冇雪味！另外其他我地都食左好多，有好多丸類丫，菜丫等，整體全部都好滿意，有機會會再嚟過！

都有一段時間冇打邊爐啦，難得約左一大班朋友，緊係去滾返滾先啦！去左銅鑼灣，係因為大家都附近返工，收工去食，都吾算多人，仲可以選擇坐位。湯底有好多選擇，最後選左胡椒豬肚湯，辣辣地又熱，好惹味丫，湯底都有好多豬肚，好乾淨，煲到好林身，都已經吾錯。我地食肉獸嗌左碟手切雪花安格斯牛，好好食，靚嘅牛吾洗煮咁耐，其實一浸入去一陣就食得，價錢合理，好味道。另外，嗌左好多丸，有一種叫咸旦豬肉丸，我都係第一次食咋，幾好食，食到中間係有咸旦嘅，另外蝦丸好彈牙有蝦味，芝士丸入面都好多芝士流心嘅，好味道！菜類都好多選擇，其實打邊爐嘅菜係最好食，因為有晒咁多料去整，菜入晒味又熱辣辣好食丫，今晚食得好飽，大滿足丫！

去銅鑼灣行街，近排天氣凍返就想去打邊爐，之后就揾到一間叫火煱店，入到去装饰好靓有D似日本韓國火煱店，比一般酒家火煱環境優雅，之后我地選左個鴛鴦湯底，一边系沙嗲，一边系芫荽皮蛋我就點左美国桶蠔，D蠔好大隻，熟咗之后佢都冇缩水水仍然咁大隻，食落口好又蠔味，真係超正，同埋点左碟大肥牛，D牛肉D脂肪比例好平均，浸十幾秒攞上嚟就食得，入口即溶，好似食和牛咁勁正，另外肉丸低於新鮮好彈牙，同埋啲雞子都好新鮮，整體來說質素十分之高

這幾天凍了很多，天氣一凍最快就想到要打邊爐囉朋友介紹漁火，新開張不久，只要在Facebook like and share, 就送三文魚一碟，正呀銅鑼灣地鐵一出，過條馬路就見到，好方便，同女友拖住手仔去食送嘅三文魚一點都不會少，還很新鮮，肥瘦相間入口滑滑，鮮甜活魚刺身，原條黑𩶘都係$168切埋都有好多片晶瑩剔透，比三文魚爽口，清甜，醮少計wasabi更能帶出魚鮮味試一塊拖一拖水食，又叧有一種魚嘅甜味，兩者都不錯這裡出名用燉湯做湯底，㨂了菜乾豬肺湯，先喝湯潤一下，燉湯料足，清甜無味精，一飲這個湯就想起阿媽手切雪花安格斯$128，細嘅都咁大碟，抵呀油脂分佈得很均勻，有咬口，牛味濃淥一淥，鮮紅嫩滑，雪花紋細緻，嫩滑又有咬口特大桶蠔，絕無欺場，真係特大，肥美，隻隻都脹卜卜淥完都仲係咁脹，一口咬入去，蠔汁爆滿口中，鮮甜吾腥，蠔味足聖子皇名附其實，不愧為皇，Size 不用多說，色澤鮮明熟了更覺肉厚，爽口彈牙，鮮甜得很呢真多謝朋友今次的好介紹，牛肉同海鮮都好正，仲有刺身添樣樣都咁新鮮先難得嘛

次次食親麻辣湯底食完之後唔單止好口渴而且果陣麻辣味道通常都蓋過晒食物嘅鮮味有陣時直情食牛肉又係嗰陣味食豬肉又係嗰浸味最慘係連食海鮮都冇晒嗰種原有嘅鮮甜味所以有次食到一啲唔新鮮嘅海鮮都唔知道所以今晚打邊爐特登選一個一流嘅燉湯做湯底呢間餐廳聲稱係真材實料去煲個湯底出嚟完全冇用到一匙羹嘅雞粉同埋味精去調味最後揀咗呢款花膠響螺燉豬展成煲湯都好足了唔單止有蟲草花同埋螺頭之外入面真係有大大隻嘅花膠係入面而且每一隻花膠都好厚身個湯底飲落口膠質好重而且仲係媽媽燉湯果種口味係打邊爐之前已經飲咗成兩三碗之後就係到主菜食打邊爐了打邊爐就梗係要有牛肉要左呢款頂級安格斯牛肉雪花分布均勻輕輕焯一焯已經可以將牛味完全帶出來之後仲有叫咗脆鯇片爽脆嘅魚肉配合埋個燉湯嘅味道中更加將魚味提升而且爽口程度比想像中高證明鯇魚新鮮程度非常之好有見及此所以叫埋呢款水庫大魚頭店員話每日都係喺市場新鮮入貨所以確保所有魚頭都係新鮮貨唔會好似其他店貪平用上急凍貨所以魚頭完全沒有怪怪的腥味依家出邊食打邊爐嘅餐廳越來越多但係很用心去做好個湯底同埋提供新鮮嘅食品就真係少之又少所以憑喺遇到呢啲有心嘅餐廳就一定入選了encore行列

《打卡送三文魚》三文魚做前菜確係不錯啊！重點還是免費的！ 師奶仔心態，打卡就送，何樂而不為～送的份量也不少！ 呢度嘅湯底係標榜［無添加］［無味精］即係好似喺屋企媽媽煲湯嘅感覺但係佢係用燉湯嘅手法菜乾排骨豬肺湯味道100分！一飲落去就知道真係冇用師傅～冇味精！而且佢哋係用新鮮排骨，因為一夾落去肉質散開，不是冰鮮貨呢啲就係師奶仔成日煲湯嘅經驗個人來講對於佢個湯底10分10分滿意因為十分足料，豬肺洗得乾淨！而且真係冇味精，加上新鮮排骨！絕對貨真價實！因為個湯底好正嘅關係（其實兩個人係飲唔晒嘅）所以我轉左另一個方式係享受個湯～就係用響鈴係索晒湯嘅精華啦！新鮮炸嘅響鈴絕對同街市一盒盒買嘅有好大分別叫咗個細碟嘅安格斯肥牛脂肪分布好均勻竟然仲有手切設肥牛嘅咬感單是肉味，不點調味已足夠！基本上放落去20至30秒已經食得海鮮價值十分合理，見到隔離檯主攻刺身及肥牛！座位好寬敞好舒適👍🏻 叫到一檯都係食物都唔怕迫今晚好開心！ 埋單唔算貴！多謝好友介紹！

銅鑼灣開咗間新嘅火鮮火鍋店 OpenRice啲評語都唔錯 小妹即刻諗起一位酷愛打邊爐內地同學仔 藉此敘下舊！餐廳環境好乾淨 屋溫適中 走廊位幾寬闊... 由於唔算好多人 店員提供了張四人梳化位...送上menu後 店員細心講解 特別叫我哋儘快揀咗湯底同飲品先... 另外 餐廳設有wifi 密碼係分店電話號碼 客人可以向店員查詢而家有個特別優惠 like和share餐廳Facebook page就送一客三文魚刺身 一共5片... 雖然係免費食物 但品質唔錯 色澤鮮明 肉質有嚼勁 新鮮香甜 打邊爐熱氣 所以我哋點咗清熱嘅「竹蔗茅根」 $48/渣 兩個人一餐飯絕對夠飲 仲要係自家製 壺入面有紅蘿蔔、茅根等等 無加糖 成分天然... 好值得飲我哋揀咗「花膠響螺燉豬展」做湯底（同樣因為健康） 原來「湯底」嘅重要性唔單止在於打邊爐.... 店員將鍋湯放上爐後 就即刻幫我哋每人裝一碗 飲完飯前湯、食完湯料 先正式開始打邊爐呢鍋湯$188 真係物超所值！不但香氣撲鼻 而且餡料豐富！湯水非常深色 可見熬湯時間唔短 飲一啖 真係飲得出豬肉同雞肉嘅味道——湯料仲包括咗雞腳 湯雖然味道香濃 但係無落味精 飲完