漁正居酒屋 (已結業)

依間日本居酒居位置喺佐敦地鐵站附近，一出港鐵站行一分鐘就到. 地點好方便。餐廳環境佈置到好似日本嘅居酒屋🇯🇵好似置身日本一樣！ 雖然各方面質素都好好…但係價格偏高少少。服務質素我好滿意！店員非常有禮…又好親切😊好週到！今晚同朋友order咗都幾多野食。最值得推介係吞拿魚三式，鮮甜無筋，238有6件算抵食。 我哋另外叫左石垣貝刺身同蠔，全部都好新鮮，啲蠔重好肥美。啲蠔做緊$18隻好抵食👍🏻熟食方面就叫咗炸墨魚咀，燒牛肉同燒雞皮等，墨魚咀外層係炸得金黃香酥嘅粉漿加入椒鹽提味，令人食吾停口。 燒牛肉吾會過火，入口重好嫩。可能因為疫情關係人客唔算多，過開嚟呢頭嘅話都可以係一個好選擇。

芥末八爪魚 ($48)八爪魚爽口彈牙，芥辣味濃郁但又不會過份嗆鼻，刺激醒神，十分開胃。日本蕃茄 ($48)蕃茄酸甜多汁，味道清新，配上香滑濃厚的麻醬，非常開胃。室津蠔 ($18/隻)蠔肉豐滿，入口啖啖肉，鮮嫩爽滑，帶有微微的海水味。吞拿魚刺身三點盛 ($238)一次過嘗到大拖羅、中拖羅和赤身三個不同部位吞拿魚的滋味。赤身色澤紅潤，魚味濃郁；中拖羅魚香持久，吃得滿口甘香；大拖羅富光澤，油脂豐腴，口感柔軟細膩，鮮嫩美味。大蔥雞柳 ($28)雞肉嫩滑juicy又香口，肉味香濃，每一口都洋溢著濃濃的蔥香，香甜且微辛的味道非常開胃。蒲燒鰻魚飯 ($98)鰻魚彈牙軟綿，咬落具膠質，而且相當入味，鰻魚汁香甜，鹹甜適中，佐飯一流！

趁有得食晚市就約咗朋友去食漁正，見到佢有更新左menu，所要決定都試吓新野🤣前菜叫左佢新promotion 生蠔 $18only!!! 仲要鮮甜！朋友平日唔算勁中意食生蠔都話好食！見佢生嘢咁出色決定試埋佢嘅金目鯛刺身，想講平時幾百蚊真係食唔到呢啲質素嘅刺身，佢係即日日本空運新鮮到港，值得一題佢嘅Wasabi係生磨的，呢個好重要因為配刺身又唔會蓋過魚嘅鮮味🤤食完生冷嘢梗係要食返啲熱嘢平衡下😂叫咗一盒炸墨魚咀，彈牙爽口送酒一流。清酒煮蜆粒粒都好大隻，如果酒味再濃啲就好。然後朋友話去居酒屋點可以唔叫串燒，所以我哋叫咗三串: 燒豬頸肉，大葱雞柳，同埋荔枝豚肉卷，三串都燒得好靚，個人最鍾意荔枝豚肉卷因為又甜又鹹個配搭好正😂最後叫咗個鰻魚飯完結左今晚嘅夜晚，兩個人食好飽但係居酒屋咁樣叫法竟然買單$900有找，覺得好抵！

呢間居酒屋由刺身，炸物到串燒都好高質推介大家去試吓👍🏻👍🏻但好食嘅餐廳生意特別好連平日都好易full house建議大家記得book定枱先😝😝個刺身拼盤$400有找但都勁豐富，仲好高質🤯🤯尤其係左口魚邊同帶子真心勁好味🤤🤤唐揚炸魷魚炸到脆得黎又唔會太油膩唔會太乾身都好好味☺️☺️串燒方面荔枝豚肉串同埋燒豬頸肉真係超正食完會想encore嗰種🥳🥳原來茶漬飯落wasabi食個味道係咁特別而且好抵食!$40有找建議大家試吓配埋豚肉生薑燒做餸真係一流😋😋

.🔺 漁正居酒屋已經係第二次過嚟食啦😍之前食過覺得啲刺身好新鮮同野食質素都唔錯🤭.雞泡魚干🐡伴酒前菜必食🥰yummy.刺身拼盤🐠石桓貝刺身～聽閒石桓貝每年得幾個月最肥美而七月至九月就係最肥美嘅時間👌🏻食落好鮮甜，而且口感爽口！油甘魚、甜蝦、八爪魚刺身都好新鮮🍀.輕燒和牛🐄表面燒得好香口，入口即溶，好好味～非常正🥳.室津蠔🦪生蠔唔算好大隻，不過就好重蠔味🤭🤭好新鮮同有淡淡海水味～

黎到居酒屋梗係唔少sashimi, 當日有時令限定-石桓貝, 肉質爽彈帶鮮甜, 幾好食油甘魚反而普普通通, 甜蝦幼身, 不過肉質都嫩嘅燒雪魚乾 燒得香脆, 甜甜哋好食, 好岩送啤酒燒馬友一夜乾呢個推薦, 魚皮同外層燒得香脆而中間肉都幾嫩. 最貼心係已經去左骨切件, 食嘅時候直接夾黎食啖啖肉 牛舌串 燒豬頸肉荔枝豚肉卷串大蔥雞柳豬頸肉幾有咬口. 豚肉中間係好甜嘅荔枝肉. 大葱雞柳同牛舌都ok, 正常發揮. 不過串燒比想像中細枝稻庭烏冬麻麻哋, 個湯底無咩味, 好似淨係加左少許醬油, 連d 蔬菜甜味都無.當日仲有Beer 買1送1 好抵飲

佐敦大街小巷嘅美食一樣唔輸旺角😤今日就去咗一間性價比高日本餐廳，同同事坐卡位要除鞋，第一次係幾有新鮮感，而且環境都乾淨企理，冇拉麵屋咁大陣味。啱坐底就有人端上熱茶，服務周到，臨尾見我哋差唔多食完又自動拎甜品過嚟，重點係唔收加一！呢啲態度Good呀！餐牌都有唔少好推介特選牛肉野茶鍋 $128牛肉好多片！厚薄均勻，幾乎全瘦冇肥，但口感味道非常不錯，一定唔會鞋，牛味同壽喜燒湯底好夾，會比麵鼓湯鹹啲啲，但好飲、容易送飯，而且菜種類都多，金菇、秋葵、蘿蔔、娃娃菜等，一個人食full set夠喉，下半晝返工即刻充滿幹勁😌鹽燒雞腿扒 $78呢個驟眼望以為肉份量唔多，但發現食晒又啱啱好喎，唔似普通煎雞扒，塊皮好似燒腩仔層皮咁脆口，簡直係熱氣嘅朋友，但唔理啦——食咗先講。雞肉雖然較扁平少肉，但夠鮮嫩，沾醬汁撈飯食一級捧。小菜又係值得一食，餣漬蘿蔔同埋紫菜類就咁食/撈飯食都係正。蜜瓜味雪米糍Perfect ending~生蠔好吸引！可惜兩小女子經已食飽🫠呢個幾有意思，茶餘飯後學吓點做人😂

太耐冇得去旅行，小編去再次依間幾有舊式風味既居酒屋，一解思鄉之情😆好想去日本🇯🇵呀！！！😮‍💨🤩——————————雞泡魚干🐡雞泡魚干真係居酒屋先食到，燒得岩岩好，又唔會太韌，仲有好香好香既魚干味，食到小編停唔到口😙😍——————————室津蠔🦪由日本新鮮直送既生蠔，好有鮮味😎，非常肥美，配合埋特製檸檬醬汁，好Fresh😌，成個口感好滿足🤤👍🏻——————————縞池🐟冰震薄切既縞池，非常新鮮、爽口，再沾上混入蔥粒、蘿蔔蓉既檸檬汁，口感好Fresh🥰，正呀！🤩😚——————————厚燒玉子🥚自家製既玉子燒，外表乾身，裏面非常嫩滑，仲好Juicy，啖啖都好有蛋香😚🤤平時食開既玉子燒會好甜好濟，但依道厚燒玉子完全冇依個問題，一解小編既一般既觀感😘——————————清酒煮蜆🍲淡淡既酒味配合新鮮大大隻花甲，令小編回味無窮☺️——————————蒲燒鰻魚飯🍱大大條無骨鰻魚，燒得岩岩好，外脆內嫩，怕食到魚骨既小編都唔再擔心😚，配合濃濃略帶甜味既鰻魚汁，加埋日本米，完全唔覺得膩😙

之前同閨蜜食過呢間居酒屋印象深刻，今次在決定帶男朋友仔去試一試，結果冇令我失望，水準依舊，職員十分友善，菜色種類多而且好近地鐵站，性價比高。首先上嘅係日本蕃茄配芝麻醬，呢度前菜十分之開胃。當晚見到生蠔做緊優惠，鍾意食蠔嘅我哋一於嗌咗四隻試一試先。呢款係室津蠔,非常之新鮮,creamy，本身諗住再叫多幾隻，但驚食唔落其他嘢於是我哋就1人食住兩隻先薄切池魚,配上蔥花柚子醋可以令到魚嘅鮮甜味更加出。正。田樂豆腐，熱辣辣嘅豆腐配上外脆內嫩嘅質地，加上調味十分適中唔會過鹹，令人一啖接一啖好快就食曬。之後我哋都叫咗啲串燒，1）雞軟骨雞軟骨燒得香脆而且調味適中好適合送酒。2）番茄豚肉串如果怕食太多串燒太漏可以叫呢個，亦都可以食到豚肉亦都唔怕飽濟。3）牛舌牛你係我最愛，每次必叫。另外我哋都叫咗一個雜錦天婦羅（蝦南瓜冬菇茄子秋葵等）同埋稻庭烏冬，仲有原味同埋巨峰提子梳打。另外值得一提嘅就係，點菜嘅時候，店員好細心地問我哋烏冬使唔使分兩碗上，我哋當然立即應承啦。上台發現分成1半每碗烏冬都非常之大碗，食到好飽。而家飲品做緊優惠買一送一，一杯嘅價錢兩個人都可以盡興

朋友喺外國番黎無耐，話想食好西飲番兩杯🍻於是就帶左佢去佐敦呢間居酒屋試下～🇯🇵🌟芥末八爪魚八爪魚爽口彈牙，鮮味十足🐙加上濃郁而唔嗆鼻嘅芥末，非常開胃🌟雞泡魚乾雞泡魚乾加啤酒絕對係居酒屋嘅必叫配搭魚乾燒得香甜美味，一Ｄ都唔韌🐡🌟池魚刺身宜家當造嘅深海池魚清甜甘香，肉質細緻爽口、魚脂豐厚🐟除左平時嘅豉油加芥末，仲可以配上餐廳推薦嘅加入蔥、蘿蔔泥嘅柚子醋令肥美嘅魚肉帶有清爽感🌟燒和牛和牛肉味香濃，肉質鮮美、嫩滑🥩而且油花細緻，比例完美和牛輕輕一炙後，增加油脂香氣有入口即溶嘅感覺，牛香四溢，好滿足🤤🌟蘆筍豬肉卷蘆筍的生熟度剛好，口感脆嫩，食落冇渣🍢豬肉嘅鹹香烘托出蘆筍嘅甜味，配搭清爽🌟大蔥雞肉串燒雞肉質感嫩滑，仲保留到肉汁🐔搭配京蔥香口惹味🌟雞肝串燒質地細緻、滑嫩，燒得啱啱好，唔會又乾又硬配上照燒醬，毫無腥臭味，濃郁醇厚🌟三文魚茶漬飯最後學日本人咁食番碗茶漬飯收尾茶香解膩消食，米飯又吸收湯汁嘅精華，非常完美🍚🍵餐廳店員親切有禮，非常細心而且裝修得充滿日本風情，好有味道👍🏻

在香港的日本料理，除了壽司之外第二種最多人喜愛的要算是居酒屋。但是搵到用心製作食物的居酒屋不算容易。尤其是在市區，要知道鋪租已佔去成本一大部分，還要在有限成本下保持食物水準10分不容易。漁正算是一間能夠在佐敦區找到的很好的居酒屋，店內裝修有少少昭和風格，但不失地道，最重要是侍應們都十分有水準，對每款食物都有很深的認識，給我留下很好嘅印象。今次的晚餐試了一款之前未吃過的紅衫魚刺身，這種魚的魚鱗其實是很多，但廚師很仔細地去除，還在魚皮上輕輕燒灼，使到整體口感提升。這裡的串燒都非常出色，尤其是大蔥雞柳、牛舌、以及蕃茄豚肉卷。另外的兩樣熟食苦瓜炒豚肉及稻庭冷烏冬都非常滿意。苦瓜炒蛋加上豚肉，十分之開胃，一碟苦瓜眨吓眼就吃掉了。店舖最近正在做一個飲品買一送一的優惠，鍾意飲酒的朋友最緊要趁機會嚟幫襯一下。

佐敦通街都係居酒屋🏮今次揀咗呢間主打全部魚生都係日本即日空運 裝修都好有日本味❣️ 三文魚刺身 $58呢間餐廳啲魚生都係日本新鮮運到 一份四片都算厚切 一啲雪味都冇 呢個價錢嚟講食到CP值好高🫶🏻❣️ 蒲燒鰻魚飯 $98成條鰻魚都幾大條 啲醬汁燒得好入味 連埋啲紫菜絲一齊食有啲少鹹香 便當盒上嘅份量不多不少 ❣️ 煎豬肉菜餃子 $68喺我哋嗌餃子嘅時候 店員好親切問我哋要煎定炸 覺得煎餃子🥟唔會比炸粉覆蓋左個味道 最後揀咗煎 一份六粒都幾多 打開見到肉菜比例3:1 身為肉控嘅我哋好滿意❣️ 燒雞扒飯 $88見到幅圖塊雞扒幾大塊就諗住試吓 上枱都見到size的確圖文相符塊雞扒都完全覆蓋晒個飯面 不過可惜燒得耐左少少 食落稍為有啲啲乾

今日相約朋友仔食晚餐，朋友想小幾杯，我就搵到呢間漁正居酒屋。去到去成個環境好有日本既風情，真係有一種去左日本居酒屋既感覺👍我去到見到卡位（需要除鞋就坐），另外仲有吧枱位添,而我就坐係正常既4人枱。我哋點左d串燒，刺身，熱食同埋sake🍶室津蠔-每人點左一隻，新鮮夠Creamy，帶甜味😋時令空連薄切魚-今次係池魚，配上少少蔥花加埋柚子醋襯起白身魚既鮮甜味，配sake幾夾清酒煮蜆-蜆份量唔少，個湯好濃郁蜆味，個湯都飲哂田樂豆腐-豆腐外脆內嫩，送上時熱辣辣，好香豆香味三色飯-樣子一般但非常鮮味，入面有帶子海膽同蟹膏，帶子鮮甜，拌以日本米再加少少刺身豉油好岩夏天食串燒-雞皮蝦 牛舌 鴨心 雞肝骨 豬肉腸雞皮蝦非常香口，店員有介紹呢一個係工夫串燒，要師父慢慢將手切雞皮包在去殼蝦上面，燒得雞皮香脆蝦肉唔乾都非常考工夫平時雞心食得多，鴨心第一次食，有少許鴨油香口感軟綿，串燒黎講串串都唔錯燒雞扒飯-雞扒皮好脆口好香👍，如果個飯多d汁就更好，食哂d脆皮雞扒都未食完d飯🤣煎豬肉菜餃子-個餃子皮夠薄身，個豬肉餡唔乾雞泡魚乾-係我最喜歡既下酒菜💕Sake 🍶-88蚊一送一優惠，抵飲易入口，飲落偏甘口雖然見到個

最近經過佐敦發現一間以木系裝修為主要風格的居酒屋，備有一種踏實的感覺；再看餐牌發覺價格相對親民，決定入內一試，而且位置鄰近港鐵站，交通便利，實屬聚餐的一個好地方。⭐️芥辣八爪魚$48實屬居酒屋人氣小食，王牌推介之一；鮮味八爪魚配上濃郁的芥末是絕配，口感爽口彈牙，十分開胃，鮮味十足。⭐️鮟鱇魚肝$88具有海中鵝肝之稱，質地綿密，口感柔滑，入口即化。⭐️虎蝦天婦羅卷$118大小適中，蝦味濃配上特製醬汁，令人食不停口。⭐️劍魚腩刺身$98含有豐富的脂肪，肉質柔軟，入口即溶，鮮甜味美。⭐️三文魚腩刺身$68油脂分配平均，肉質嫩滑，可口鮮味，配上青芥末和豉油更能帶出鮮味。⭐️牡丹蝦刺身$68超大隻，爽口彈牙，蝦肉清新香甜。⭐️室津蠔$36口感creamy，蠔肉肥美飽滿，肉質鮮嫩。⭐️豚肉生薑燒$78薄切豬肉片加入大量滿滿的洋蔥及少量青椒，再配上鹹甜適中的醬汁快炒，超級惹味。⭐️清酒煮蜆$78清酒絕對能帶出海鮮的鮮味，蜆肉鮮美肥大，份量十足，湯頭香甜。⭐️梅子茶漬飯$38茶漬飯有消食養胃之功效，酸酸甜甜的梅子配上茶香，令茶漬飯更有層次，豐富了口感。

佐敦有間居酒屋叫漁正d食物好正，格局一流，好有日本feel。Order左唐揚炸魷魚、吞拿魚刺身三點盛、室津蠔2隻、照燒雞扒、牛舌串、番茄豚肉串、一口蕃薯串及稻庭烏冬。唐揚炸魷魚超級惹味，細隻魷魚仔經秘製醬汁醃過再炸，特別香脆及爽口。吞拿魚刺身三點盛一定係必食之選，分別有赤拖羅、小拖羅及大拖羅，聽店長介紹，由深色食起，即先赤拖羅，然後小拖羅，最後大拖羅。魚油分布亦由小遞增上去，每件都入口即融，令人回味。室津蠔2隻同樣鮮甜，淡淡海水味配上蠔身濃郁鮮度，口感味覺冇得輸。照燒雞扒係用日本本地雞脾起骨燒，極嫩滑。牛舌串惹味，番茄豚肉串有鮮番茄汁配豚肉好fresh。一口蕃薯串及稻庭烏冬一貫高水準。