漁正居酒屋 (已結業)

三文魚🍣好正，麵豉湯唔鹹，性價比高又坐得舒服，中午都唔多人，希望多啲人幫趁，甘好既食店希望佢keep 住，我同朋友可以多個地方飲飲食食happy hour，地區又方便。

聽講呢間居酒屋幾好食，平時都好多人，book咗位先去穩陣啲。今次book咗星期四嘅6點鐘，仲可以walk in,不過好快就坐滿人～清酒煮蜆 $78啲蜆都大隻厚肉，煮出來嘅湯好香酒味，清甜冇腥味，最後連湯都飲曬。（利申平時唔飲酒）味噌燒蠔 $48呢隻蠔都大隻，食落唔似味噌味，覺得係芝士白汁味，好好味，燒到啱啱好，咬開係好嫰滑好juicy ~串燒 $20-28/串嗌咗雞軟骨、雞腎、帆立貝同荔枝豚肉卷，雞軟骨，雞腎都正常發揮；帆立貝鹹香，啖啖肉，燒到啱啱好唔鞋口；而個荔枝豚肉卷非常驚喜，未試過呢個配搭，賣相唔講仲以為係燒肥腸，一嗒食落去，爆荔枝汁，甜鹹味再加埋少少油脂香，好好食！濃湯蝦烏冬 $128嗌咗個烏冬做主食，湯底雪白，好重蝦味，仲有一堆櫻花蝦做配菜，更加鮮味。成碗烏冬有四隻大蝦，好厚肉，蝦夠新鮮，肉質彈牙。烏冬就係稻田烏冬嘅口感，滑而彈牙，最後仲有啲海帶索湯汁，好味滿足～原味乳酸$58呢杯野係碳酸味益力多，都幾好飲，不過少貴～

同朋友週末收工想搵個地方食嘢吹水，一出佐敦地鐵站就見到呢間居酒屋🏮一於入去試吓我哋order咗：🐟伊佐木刺身盤魚切成薄片，每一片都透亮柔軟而味道鮮甜；其中帶魚皮一齊炙燒的刺身，入口彈牙略帶魚皮油脂香味🥣額外送的魚湯，好清甜！將條魚嘅精華濃縮喺度🥗黑松露帶子沙律鮮嫩清甜帶子配上香濃嘅黑松露又有另一番滋味，配上的沙律菜都好新鮮🦪味噌燒蠔厚肉大隻生蠔，再鋪上滿滿的獨家味噌湯醬料，味道好特別🐚清酒煮蜆上枱熱辣辣，粒粒蜆肉清甜沒有沙🍙蒲燒鰻魚飯厚切鰻魚好肥美，配埋個日式米飯好味道🐟燒三文魚頭一上枱非常香，燒得外皮好香脆又乾身🤩師傅掌管嘅火候啱啱好!🍢荔枝豚肉卷🍢燒豬頸肉🍢雞軟骨🍢蘆筍豚肉卷

呢間「漁正居酒屋」交通好方便，佐敦地鐵站出黎行兩步就到，去到見個靚靚嘅門口超有去日本食居酒屋嘅感覺。入面裝修都係居酒居嘅設計，仲有卡位，坐得好舒服。叫左個自家製「三文魚牛油果沙律」$78，原本諗住都唔係太平，但上完菜發現好鏡意！切到岩一口size嘅三文魚粒同一樣size嘅牛油果，再配上沙律菜同自製醬料，好食超鐘意，份量仲要超大份！！跟住黎個「伊佐木刺身」，又係好鬼大份量。切開薄薄一片，肥美軟滑，原本驚太大份食唔晒，最後因為太美味當然冇剩低。今日咁岩有五週年限量大激安Menu, 叫埋「汁燒帆立具」，$28/串，「芝士焗活蠔」$48/2只，全部都食得出新鮮又鮮甜，抵食！黎居酒屋當然少不了串燒！今次試左好幾款大路嘅串燒，最鐘意係「荔枝豚肉卷串」，甜甜地同出面包住燒地脆脆嘅豚肉好夾，夠晒特別！最後因為朋友想食，仲叫左個好唔搭嘅「苦瓜炒豚肉」，估唔到又炒得幾好，苦瓜一d都唔苦，最後都清晒。埋單時店員介紹宜家有「週年激安午市定食」，唔使一百就有份大份量嘅定食，用激安價$18就可以追加師傅指定魚生5件，有時間可以再試。

呢晚嚟咗呢間喺佐敦嘅居酒屋 イザカヤ🏮諗住食個好味日式🇯🇵晚餐🤣$78「唐楊炸魷魚」：魷魚🦑新鮮，炸得香口🤣$98「雜錦天婦羅」：有鮮蝦、南瓜、香菇 等，炸得輕身幾好食😋$88「鮟鱇魚肝」：「鮟鱇魚肝」切成小粒，夠 creamy 又滑，好味😋$280「魴鮄魚刺身」：「魴鮄魚 Hobo ほぼ Red Gurnard」喺日本🇯🇵係冬天食用嘅魚🐟，由深秋到濃冬「魴鮄魚」會生長出一層豐富嘅脂肪令到魚肉超肥美🤩；但係而家喺日本🇯🇵以外嘅地方基本上捉到就食所以差唔多全年都有得食，呢間餐廳嘅「魴鮄魚刺身」薄切，夠新鮮，魚肉口感順滑，肉質細密，沾 ポン酢 ponzu 酸汁一齊食就更能提升魚嘅鮮味 😋；餐廳亦都用埋魚頭魚骨煲魚湯，熱辣辣，好飲😋跟住食串燒，有啲要咗1串有啲要咗2串🤣；$28「燒豬肝串」、$56「雞腳筋（2串）」、$56「荔枝豚肉卷串（2串）」、$56「雞腎串（2串）」：呢幾樣放埋一碟，全部燒得幾香口😋；「雞腳筋」同「雞腎串」幾煙韌😋；「荔枝豚肉」甜甜哋夠 juicy 😋$56「燒豬頸肉（2串）」、$56「鴨心串（2串）」：呢2樣放埋一碟，「燒豬頸肉」油脂勁充足好甘香😋，「鴨心串」爽口得嚟

最近天氣超焗熱，真係行兩步都出曬汗。約朋友都唔敢約D 太遠既餐廳，漁正係佐敦地鐵站隔離既居酒屋，非常方便之餘，人氣都好高，今日就book 左檯同幾個朋友黎聚下舊。首先點左個前菜龍蝦沙律，面頭有大量蟹籽，龍蝦肉有巨量而且好彈牙！底部有青瓜絲，撈埋一齊食感覺好清新，真係好開胃！北寄貝通常都係食熟既刺身，漁正竟然有提供新鮮活北寄貝刺身，即刻點左！北寄貝超級新鮮，食落少少爽口，越咬就越感受到具類既鮮甜味，最好食係佢粒帶子肉，口感彈牙鮮味十足，好正！味噌燒蠔大大隻而且好厚肉，因為左入左味噌去燒，燒蠔鮮嫩得黎仲多左一陣豆香味，層次幾豐富。師傅手勢唔錯，蠔肉入口爽滑鮮甜，正！清酒煮蜆上枱個陣仲熱辣辣，已經聞到好香既酒香味，蜆肉大大隻，無沙啖啖肉！新鮮肥美。燒牛小排都唔錯，牛小排係半肥瘦，燒到5成左右既熟度，仲見到好靚既粉紅色。而佢配送既醬汁似燒汁，配搭埋一齊食真係正！另外要講下鹽燒吞拿魚下顎，賣相唔係話特別靚但內容物絕對驚艷到我！本身燒到外皮脆香，但我地就唔知邊度落手好。店員主動過黎幫手切開面既厚皮，即刻有魚既香味湧出。第一次食吞拿魚依個部分，估唔到肉質甘嫩滑，仲要好有魚脂！而佢送既醬汁酸酸地又非常

放工後去居酒屋傾下偈好正，可以食不同的食物，慢慢食，飲下野，食下野又傾一陣，好Chill. 同埋這間店好近地鐵站，一出在右手邊就見到。非常有日式風格，用屏風和木傢俱為主，好傳統呀。見到做緊優惠，好大折扣，叫了鹽燒吞拿魚下顎、味噌燒蠔和象拔蚌刺身。另外，叫了芥辣八爪魚、煎豬肉菜餃子、雞皮餃子(3串) 、燒牛小排、串燒：鴨心串、雞腎串、雞軟骨串、雞皮串和燒豬頸肉。餐廳好有次序咁上菜：冷盤、部分串燒、餃子、燒牛小排、剩下串燒、鹽燒吞拿魚下顎、最尾味噌燒蠔。象拔蚌刺身比我想像多，$280抵食！鮮甜味道、肉質滑嫩，推介！芥辣八爪魚：細細碟、中度的芥辣味，八爪魚配上青瓜絲，中和一下芥辣味。煎豬肉菜餃子外皮的底部煎得好脆，內裡有肉汁。雞皮餃子(3串) 好特別，似雞翼釀餃子，但雞皮好脆。好香的雞油味溢出。燒牛小排肉質滑嫩，表面有炭香味，推介！串燒：鴨心串、雞腎串、雞軟骨串、雞皮串和燒豬頸肉。鹽燒吞拿魚下顎，好多肉，超級滑，有豐富魚油，有代肚感，推介！最尾味噌燒蠔，原價$78/2隻，現在$48/2隻，算大隻和厚肉，加上日式味噌，味道濃郁！注意：有七折優惠和部分酒水有買一送一優惠。

今晚約咗我親愛的♥️放工拍拖食晚飯 🍽放工最啱就係去居酒屋食嘢 🍶飲酒 放鬆一下我哋都好鍾意食日本嘢 🍡<魚正居酒屋> *** 上openrice訂位有七折!!!!🍻真係令人好想試 🍵Menu菜單款式好多 😋地點勁方便 好近 佐敦港鐵站出口 🚉菜單見到我最鍾意食 🍙但係都好少見嘅🍢🍢安康魚肝 加上特製 酸酸地嘅醬汁 作為前菜非常開胃 🍢舫彿魚刺身 成條魚切嘅刺身新鮮 非常之霸氣 🐟魚片切得好薄 配上精製嘅醬汁 酸酸味味 非常特別 我哋仲點咗勁多送日本sake🍶嘅小菜例如🍡🍢柚子汁牛脷 燒得好香口 非常彈牙🍢燒豬肝串 份量好多 好啱送sake 🍢燒牛小排 肉汁鮮味 好多肉汁 🍢雞翼串 🍢荔枝豚肉串 🍢一口蕃薯串 熱辣辣 一路送Sake🍶 一路食非常開心最尾食埋個 🍢濃湯蝦烏冬🍜就夠曬暖肚 🍜烏冬好彈牙呀 🦐🦐上面好多櫻花蝦乾 湯底蝦味好濃 🍜呢間餐廳裝修都好特別🎑 非常有日本居酒屋嘅風格 仲有隱藏卡位🛋 私隱度極高 **用Openrice訂位都仲有七折**!!!! ☆☆☆我下次會約朋友再嚟🍶🍻飲酒 食串燒🍡🍡

今晚去咗佐敦漁正居酒屋食晚飯，佐敦地鐵站C2出口行十幾歩就到。喺openrice訂位仲有7折優惠～🐟伊佐木魚刺身$2️⃣8️⃣0️⃣伊佐木(イサキ)刺身，伊佐木魚肉雪白通透，肥美甘香，入口軟滑，鮮味十足🐟（食完刺身，最尾仲有🐟魚湯👍🏻）🦪活石蠔刺身$1️⃣8️⃣／隻大大隻石蠔好鮮甜，加埋特製醬汁好開胃👍🏻大推👍🏻🦞龍蝦沙律$8️⃣8️⃣龍蝦肉質彈牙，加埋蟹籽同青瓜絲🥒好清爽 🦑炸墨魚咀$7️⃣8️⃣外脆內嫩，越嚼越香，配啤酒一流🍺🐔雞全翼串燒$2️⃣8️⃣🐔雞腎串燒$2️⃣8️⃣🐔雞軟骨串燒$2️⃣0️⃣🐔雞肝串燒$2️⃣8️⃣🐷燒豬頸肉串燒$2️⃣8️⃣串燒燒得好香口，外層焦香，雞軟骨爽脆，雞肝濃郁綿密，豬頸肉嫩滑juicy，脂香四溢，絕對係串燒之王🐟燒油甘魚鮫$1️⃣2️⃣8️⃣燒得香噴噴，魚肉細緻，油脂豐富🐟🍜濃蝦湯烏冬$1️⃣2️⃣8️⃣湯底濃郁蝦嘅鮮味，幼身烏冬彈牙掛湯👍🏻

來到食野先至知今個月份訂位有七折，聽到都真心吸引🥳🥳而且酒類更是買一送一，好抵呀。我叫最新款 Suntory The PremiumMalt's日本三得利啤酒和 Suntory The Premium Malt's 日本三得利黑啤酒買一送一👏👏最新 Suntory Premium Malts 啤酒用上黑啤的泡沫，層次感味不同。而Suntory 黑啤好香又滑口，男女都啱飲。日本伊佐木刺身有優惠價$280可以吃到。勁新鮮而且師傅刀工一流，每片刺身厚度一樣好薄，部份特別切口咬落去好有口感，值得一提的是那個用蘿蔔蓉醋汁，沾上把魚鮮味再變得鮮甜，我已放棄了wasabi😂還有自家製拿出來的魚湯鮮味濃郁。味噌珍珠蠔野菜鍋超級大隻而且脹卜卜彈牙，好好味又鮮甜，咬一啖充滿水份，絕對沒有腥味！燒西京銀雪魚厚身大片，銀雪魚好滑，咬口 creamy。蒲燒鰻魚飯燒汁一流，鰻魚香口味道適中，啖啖肉而且無骨。日本米好香飯味。還有其他的唐楊炸魷魚、露筍豚肉卷串、雞軟骨串、雞腎串、燒豬頸肉 和荔枝豚肉卷..印象那個燒豬頸肉相當好味，因為肉汁依然鎖住了。而荔枝豚肉卷好得意，咬一口荔枝肉在裏面爆開，甜甜地幾好味。

🤓好耐無去日本，有啲掛住日本嘅嘢食，忍唔住搵埋男朋友陪我去翻餐日本嘢🇯🇵。今日就黎到漁正居酒屋，位置超方便，佐敦站C2一出轉右行1-2分鐘就到。居酒屋裝修以木系做主題🪵🪑，有小小翻咗日本嘅感覺。menu上都有好多唔同款食物比我地揀，咁我地抱住咩都試下嘅心態咁揀咗啲串燒、刺身、天扶良等等😋柚子汁牛脷沙律 🍊🥩呢道沙律融合咗清新嘅柚子汁同嫩滑嘅牛脷，口感層次分明。柚子嘅酸甜平衡咗牛脷嘅油脂，令整體味道清新又唔膩，搭配生菜嘅爽脆，真係好開胃。象拔蚌🐚象拔蚌作為刺身呈現，肉質鮮嫩、彈牙，入口即化。搭配少許醬油同山葵，海鮮嘅鮮甜更加突出，十分清爽，係海鮮愛好者必試之選。安康魚肝 🐟呢道菜嘅安康魚肝濃郁又滑順，帶有微妙嘅海味。底下嘅醬汁亦都將佢嘅味道昇華。荔枝豚肉卷串 🍑🥓荔枝嘅甜香同豚肉嘅咸香形成獨特嘅風味，口感豐富。每一口都有果香嘅清新，真係好適合喜愛創意料理嘅人。牛舌串 🐂牛舌串嘅肉質厚實、多汁，外焦內嫩，每一口都係肉嘅鮮香，令人忍唔住想再來一串。雞翼串 🍗呢道雞翼串醃製得非常入味，外皮香脆，肉質鮮嫩，令人食得過癮。七味豬腩串 🐖七味豬腩串嘅肉質柔軟，脂肪同瘦肉嘅比例剛好，食起來唔油膩。什錦

伊佐木🐟伊佐木刺身做緊優惠，咁大盤都只係$280，而且有兩款食法，一款切成薄片，透亮柔軟而味道鮮甜，一款連魚皮炙燒，帶炙燒香氣而口感較彈牙，仲有包兩碗魚湯，奶白色嘅魚湯一睇就知好夠魚味，完全係將魚嘅精華濃縮喺度！柚子牛舌沙律🥗餐牌寫牛舌係慢煮嘅，中間帶少少粉色，砌成薄片容易咀嚼鮟鱇魚肝🥢另外叫咗一啲串燒，雞翼、雞皮都燒得好香口，豬肝同雞腎嘅生熟度控制得唔錯，蕃茄豚肉卷都好食🍅燒油甘魚鮫味噌燒蠔雖然係用味噌調味，但係食得出蠔肉本身嘅質素唔錯，頗為飽滿而且冇腥味🦪稻庭烏冬🍜當天氣仲係咁熱，冷烏冬配上烏冬汁、鵪鶉蛋、wasabi、蔥粒、蘿蔔蓉係簡簡單單嘅美味😋上openrice訂位主餐牌嘅食物會有7折，而且餐廳仲做緊其他優惠，例如$18活石蠔、買一送一嘅清酒啤酒飲品～

居酒屋貼滿懷舊嘅日式海報，用上和風木系嘅裝修，有卡位同榻榻米位置，充滿濃厚復古嘅感覺！餐點選擇好多有，除咗有刺身壽司，仲有多款日式串燒同佐酒小食🥜，驚唔飽仲可以叫多個主食，啱晒約埋朋友仔一齊嚟！-——————————————🍣◖目仁奈◗ $280原條魚切片，屬於白身魚，味道會偏清淡，魚片切得夠薄，咬落去口感煙韌軟糯，口感唔錯🥒◖芥辣八爪魚◗ $58芥辣八爪魚好嗆鼻，底部墊上青瓜絲，夾埋一齊食爽脆，辣得夠過癮🤣🐟◖鹽燒吞拿魚下顎◗ $128吞拿魚下顎鹽燒過卜卜脆，仲有少少焦香，食落去啖啖肉，點上蘿蔔泥酸汁，味道更清新，魚油香氣更出！另外，佢仲有燒鳥🐓同其他日式串燒🍢，都叫咗少少試一試～🤎一口和牛 $98🤍柚子鹽燒白鱔 $58🤎雞皮 $28🤍雞腎 $28🤎荔枝豚肉卷 $28🤍日本青椒仔 $20個人覺得佢個柚子鹽燒白鱔同荔枝豚肉卷都唔錯，燒白鱔夠厚肉，油脂豐富，口感爽脆；豚肉卷燒得夠香口，包住酸酸甜甜嘅荔枝，啱啱好中和返油膩感，食落更Juicy💦！🌟Encore指數：8/10

呢間居酒屋成日經過都未有機會一試，咁啱見到openrice訂位有7折就決定去試一試，店內裝修好有日式風格，座位空間夠而且私隱度高，好啱同朋友傾計飲返杯。魴佛魚刺身平時少食刺身嘅我都俾呢條魴佛魚一啖吸引住，肉身白裡帶紅，肉質彈牙有口感而且好鮮甜，特製醬汁令鮮甜味更突出，食完仲有魚湯跟埋，非常推薦👍🏻。自家製厚燒玉子外表金黃色賣相好吸引，有提供埋沙律醬，味道方面蛋味夠濃而且帶少少甜，口感鬆軟而扎實。燒三文魚頭魚皮入口卜卜脆，魚肉就相反口感非常嫩，而且越接近面豬肉就越滑，加少少檸檬汁同醬汁一齊食味道更出色。柚子汁牛脷沙律第一次食牛脷沙律，爽口彈牙嘅牛脷配埋沙律菜同柚子汁味道夠晒清新，估唔到兩者配埋都幾夾。燒豬肝串豬肝好感軟嫩一啲都唔硬，帶有鹽味同豬肝嘅獨特鮮味。一口蕃薯串有保留到蕃薯嘅甜味，一口一個幾過癮。蕃茄豚肉卷串蕃茄夾住豚肉一齊燒，酸甜加上豚肉口味清新又惹味。汁燒帆立貝香味十足，帆立貝食落夠鮮甜。七味豬腩串咸香味夠突出，加埋七味粉一齊燒好惹味。五目炒什菜有粟米荀、香菇、青椒、、椰菜、芽菜等，上面再鋪上柴魚片，日式風格炒雜菜，口味清新爽口。炸墨魚咀外層鬆脆，內層煙韌有口感，送埋啤酒一齊食

身處這片繁華的都市中心，我偶然發現了一家隱藏在小巷中的居酒屋🏮。推門而入，彷彿穿越時空，置身於日本的傳統庭院之中，感受到濃濃的東方韻味。🦞龍蝦沙律新鮮的龍蝦肉鮮嫩多汁，糅合清新酸甜滋味,為這頓美味日式盛宴揭開序幕。🐟 魴佛魚刺身魴佛魚鮮嫩多汁，肉質細緻，口感清新爽口。這樣的開胃菜帶領我們進入了日式料理的無限魅力。🦪味噌燒蠔蠔肉肥美飽滿，經過特製的味噌醬汁調味，散發出濃郁的香氣。😋燒帆立貝貝肉飽滿鮮甜，表面微焦，散發出誘人的香氣。🦢汁燒鵝腸醬汁濃郁，鵝腸有嚼勁，令人忍不住一口接一口。🐷七味豬腩串豬肉串鮮嫩多汁，放上特製的七味粉，令人垂涎欲滴。🐮牛小排牛小排是紅燒入味，肉質鮮嫩柔軟，化在口中。這些精心烹調的燒烤，無疑都是本餐廳的招牌菜。🐔雞翼串雞翼肉質鮮嫩多汁，美味可口，烤得恰到好處。🦑烏賊紫蘇梅子脆卷脆卷外酥內軟，烏賊的鮮甜配上清爽的梅子醬，令人回味無窮。🥒🍠🥕蔬菜天扶良天扶良外酥內嫩，配以特製天婦羅醬汁，是日式餐宴上的清爽佳餚，亦為整頓大餐劃下了完美的句號。總的來說,這家日式餐廳不僅環境優雅，菜品更是精緻美味，無愧於它在當地的美譽。我相信每一位到訪的食客，都會對這裡的日式風情留下深刻印