影片
港铁佐敦站 C2 出口, 步行约1分钟
继续阅读
开饭介绍
装修以木系为主题，感觉亲切平实，富有身处日本居酒屋的感觉。餐牌随季节时令转换，主张不时不食，食材新鲜。
继续阅读
营业时间
星期一至六
12:00 - 15:00
18:00 - 23:00
星期日
全日休息
以上资料只供参考，请与餐厅确认详情
三文鱼🍣好正，面豉汤唔咸，性价比高又坐得舒服，中午都唔多人，希望多啲人帮趁，甘好既食店希望佢keep 住，我同朋友可以多个地方饮饮食食happy hour，地区又方便。
继续阅读
听讲呢间居酒屋几好食，平时都好多人，book咗位先去稳阵啲。今次book咗星期四嘅6点钟，仲可以walk in,不过好快就坐满人～清酒煮蚬 $78啲蚬都大只厚肉，煮出来嘅汤好香酒味，清甜冇腥味，最后连汤都饮晒。（利申平时唔饮酒）味噌烧蚝 $48呢只蚝都大只，食落唔似味噌味，觉得系芝士白汁味，好好味，烧到啱啱好，咬开系好嫰滑好juicy ~串烧 $20-28/串嗌咗鸡软骨、鸡肾、帆立贝同荔枝豚肉卷，鸡软骨，鸡肾都正常发挥；帆立贝咸香，啖啖肉，烧到啱啱好唔鞋口；而个荔枝豚肉卷非常惊喜，未试过呢个配搭，卖相唔讲仲以为系烧肥肠，一嗒食落去，爆荔枝汁，甜咸味再加埋少少油脂香，好好食！浓汤虾乌冬 $128嗌咗个乌冬做主食，汤底雪白，好重虾味，仲有一堆樱花虾做配菜，更加鲜味。成碗乌冬有四只大虾，好厚肉，虾够新鲜，肉质弹牙。乌冬就系稻田乌冬嘅口感，滑而弹牙，最后仲有啲海带索汤汁，好味满足～原味乳酸$58呢杯野系碳酸味益力多，都几好饮，不过少贵～
继续阅读
同朋友周末收工想揾个地方食嘢吹水，一出佐敦地铁站就见到呢间居酒屋🏮一于入去试吓我哋order咗：🐟伊佐木刺身盘鱼切成薄片，每一片都透亮柔软而味道鲜甜；其中带鱼皮一齐炙烧的刺身，入口弹牙略带鱼皮油脂香味🥣额外送的鱼汤，好清甜！将条鱼嘅精华浓缩喺度🥗黑松露带子沙律鲜嫩清甜带子配上香浓嘅黑松露又有另一番滋味，配上的沙律菜都好新鲜🦪味噌烧蚝厚肉大只生蚝，再铺上满满的独家味噌汤酱料，味道好特别🐚清酒煮蚬上枱热辣辣，粒粒蚬肉清甜没有沙🍙蒲烧鳗鱼饭厚切鳗鱼好肥美，配埋个日式米饭好味道🐟烧三文鱼头一上枱非常香，烧得外皮好香脆又干身🤩师傅掌管嘅火候啱啱好!🍢荔枝豚肉卷🍢烧猪颈肉🍢鸡软骨🍢芦笋豚肉卷
继续阅读
呢间「渔正居酒屋」交通好方便，佐敦地铁站出黎行两步就到，去到见个靓靓嘅门口超有去日本食居酒屋嘅感觉。入面装修都系居酒居嘅设计，仲有卡位，坐得好舒服。叫左个自家制「三文鱼牛油果沙律」$78，原本谂住都唔系太平，但上完菜发现好镜意！切到岩一口size嘅三文鱼粒同一样size嘅牛油果，再配上沙律菜同自制酱料，好食超钟意，份量仲要超大份！！跟住黎个「伊佐木刺身」，又系好鬼大份量。切开薄薄一片，肥美软滑，原本惊太大份食唔晒，最后因为太美味当然冇剩低。今日咁岩有五周年限量大激安Menu, 叫埋「汁烧帆立具」，$28/串，「芝士焗活蚝」$48/2只，全部都食得出新鲜又鲜甜，抵食！黎居酒屋当然少不了串烧！今次试左好几款大路嘅串烧，最钟意系「荔枝豚肉卷串」，甜甜地同出面包住烧地脆脆嘅豚肉好夹，够晒特别！最后因为朋友想食，仲叫左个好唔搭嘅「苦瓜炒豚肉」，估唔到又炒得几好，苦瓜一d都唔苦，最后都清晒。埋单时店员介绍宜家有「周年激安午市定食」，唔使一百就有份大份量嘅定食，用激安价$18就可以追加师傅指定鱼生5件，有时间可以再试。
继续阅读
呢晚嚟咗呢间喺佐敦嘅居酒屋 イザカヤ🏮谂住食个好味日式🇯🇵晚餐🤣$78「唐杨炸鱿鱼」：鱿鱼🦑新鲜，炸得香口🤣$98「杂锦天妇罗」：有鲜虾、南瓜、香菇 等，炸得轻身几好食😋$88「𩽾𩾌鱼肝」：「𩽾𩾌鱼肝」切成小粒，够 creamy 又滑，好味😋$280「鲂𫚒鱼刺身」：「鲂𫚒鱼 Hobo ほぼ Red Gurnard」喺日本🇯🇵系冬天食用嘅鱼🐟，由深秋到浓冬「鲂𫚒鱼」会生长出一层丰富嘅脂肪令到鱼肉超肥美🤩；但系而家喺日本🇯🇵以外嘅地方基本上捉到就食所以差唔多全年都有得食，呢间餐厅嘅「鲂𫚒鱼刺身」薄切，够新鲜，鱼肉口感顺滑，肉质细密，沾 ポン酢 ponzu 酸汁一齐食就更能提升鱼嘅鲜味 😋；餐厅亦都用埋鱼头鱼骨煲鱼汤，热辣辣，好饮😋跟住食串烧，有啲要咗1串有啲要咗2串🤣；$28「烧猪肝串」、$56「鸡脚筋（2串）」、$56「荔枝豚肉卷串（2串）」、$56「鸡肾串（2串）」：呢几样放埋一碟，全部烧得几香口😋；「鸡脚筋」同「鸡肾串」几烟韧😋；「荔枝豚肉」甜甜哋够 juicy 😋$56「烧猪颈肉（2串）」、$56「鸭心串（2串）」：呢2样放埋一碟，「烧猪颈肉」油脂劲充足好甘香😋，「鸭心串」爽口得嚟有少少烟韧😋$128「浓汤虾乌冬」：乌冬烟靭，出奇地美味😋，我用日本人食拉面/乌冬嘅 slurping 方法，将烟靭嘅乌冬+汤+空气 一齐吸入口腔里边，超级好食🤩依家用 OpenRice 订位仲有7折优惠🤩🤩，几好味又抵食
继续阅读