漁屋日本料理 (荃新天地2) (已結業)

放題紙一大疊花多眼亂，仲好唔環保，而最重要係成日漏單，所以今日去到荃灣嘅漁屋，驚喜發現可以用apps落單，夠方便又一目了然！大大盤刺身，見到都好滿足，刺身夠晒新鮮厚切，好滿足架！甜蝦好味鮮甜，希靈魚食落爽脆，好好味。至於前菜一定會叫芝麻八爪魚，中華沙律同味付螺肉。花之戀壽司比長長嘅三文魚片包住，上面仲有蟹子粒，食落爽口。燒鰻魚係熱辣辣，微焦燒香，肉質嫩滑。天婦羅嘅炸漿唔算厚，而且蝦身夠粗，好有口感架；至於南瓜就好甜好脆，相當唔錯。日本番薯雖然細細粒，但好香濃，夠腍身，好甜好甜好甜好甜！炸蠔大大隻，爆汁又新鮮。仲有大量DIY甜品食，當然唔少得名牌雪糕杯拎啦！