漁屋日本料理 (荃新天地2) (已結業)

成班friend聚會，意見多多又大食，最好就係食放題，環境唔算好大，但都算坐得舒服。先來魚生併盤，三文魚魚油味十足，勁鮮甜；吞拿魚嘅肉質香甜，唔錯；甜蝦夠晒大隻，彈牙而且甜味十足。海膽手卷用上雪糕筒夠新意又夠脆，最重要係海膽鮮甜。煎鯖魚，調味適中，煎香後非常好味。燒雞翼，燒得夠乾身，好入味，最後每人食咗5隻。燒羊架，沒有羊羶味，生熟度啱啱好！牛舌厚切，肉味香濃，有咬口，食物質素唔錯。至於呢度飲品選擇好多，臨尾仲有雪糕。呢餐絕對抵食！