滿記甜品 (已搬遷) 新店位置

人人都話滿記掂...不過我唔覺﹗好一般﹐唔值得人人都湧去食。

呢度d榴槤班戟同布甸真係好好食，係第二到搵唔到架~~~

一d都唔好食。第一次去0既時候，因為大家都話滿記正，而且個日又唔駛排隊咪去law。嗌左一個楊枝甘露，咦~~~~~~~又稀又淡，而且d西柚肉又少到震，d奶同d椰汁搞成一pet，冇哂味，唔湯唔水咁，而且又唔夠涷，總之好難食，而且又貴。仲有個芒果班戟，味道都唔算差，但係竟然係爆皮的，並沒有如傳說中不好的東西不拿出來賣。總之一句，浪得虛名。

其實都只係食過兩﹐三次﹐差o吾多次次都有人等﹐但 <br>o個度D榴槤班戟好好味﹐食完仲想再食﹐正呀!!!

有次我去西貢滿記食糖水,叫左碗花生湯圓,我以為入面係花生蓉,原來係花生粒,因為同我想像中有分別,唔係太o岩我,所以食左兩三粒就無食了,埋單時為怕唔好意思,仲搵隻羹遮住o的湯圓,之後收碗o個個小姐見到,佢問我o的湯圓有咩問題,我話只係唔o岩我口味,跟住佢就o係張單度寫了湯圓半價,我問佢點解,(我唔太記得佢講咩)佢意思好似係o岩架喇咁! 哈哈!我真係覺得好得意呀!佢地服務態度都唔錯呀!

記得第一次去時,抱住好開心0既心情去啦~出名嘛,<br>點知,一去到,D人應該極唔掂~~好到你都唔信<br>又惡死咁叫我地去隔離舖,我地超唔妥佢地咁0既服務態度, 所以去左甜源居, 人地0既態度真係同隔離無得比!!!<br><br>到左第2 次去,情況有所好轉, D 態度好左,<br>至於d 野食方面,我食左個西瓜涼粉,丫~~又唔錯喎<br>d用料都幾足, 佢地搵左西瓜汁做底,唔錯唔錯!~<br>但都係唔係好抵食~~ 一碗都要成十六蚊!!

每次和朋友們去西貢玩，他們總要去滿記食甜品；因為少數服從多數，每次都帶著萬分不願意入內。原因只有一個：不好味！<br>先說說要磨的糖水如芝麻糊，杏仁露等等；通常甜品店的好與壞可於這些考功夫的糖水裏看到，可惜滿記的手藝只是一般，糊類不夠滑。最恐佈是糊加豆腐花，因滿記只賣凍豆腐花，所以芝麻糊加豆腐花便是用熱的芝麻糊加入凍的豆腐花裏，嘩！簡直是yuck！其實只要用微波爐把豆腐花微微弄熱便好很多，可惜滿記連這些effort 都不願花；豆腐花的味道也只是一般。<br>再說說滿記最出名的芒果及榴槤pancake；芒果pancake cream 太多，太肥膩，又少芒果味。至於榴槤pancake，因小女子不吃榴槤，所以不能置評；但喜歡它的朋友都是喜歡吃榴槤的人，這樣說來，與其食榴槤pancake，不如買個新鮮的榴槤還好味。<br>總括來說，喜歡吃榴槤的人可能會很愛滿記，因它有其他甜品店吃不到的榴槤甜品；這也可能是往往滿記大排長龍的原因。可是，對於我這個喜歡傳統中式糖水的人，滿記真的只是一般。

睇你都知你好熟西貢, 我都試過你所講的甜品屋, 我覺得<盈富> 同埋<甜源居> o的甜品真係唔掂, 水準不平均, 有時好食有時唔好食, <妙品> 勝在夠平, 但似家庭式甜品--自己都整到, 相對<滿記> 雖然好好貴, 但係水準保持得好好.

雖然唔係話特別好食，但係pancake 確係幾好o既，不過係就係貴o左d，加上我由學校搭的士去要成$50, 如果學生證8折我就成日去!!

我覺得至至搵笨的是~~~西貢的『滿記甜品』！d 野食冇乜特別，又貴過人！懶過多人食咁！其實，西貢事旦一間甜品都好過佢啦！『盈富』、『妙品甜』、『甜源居』、『官燕盞』‥‥‥！真係唔明d 人，山長水遠入黎西貢，食d 咁野！

榴蓮pancake正, 榴蓮布甸都好好(送o既),重有芒果pancake 都唔係差呀~!送個榴蓮布甸黎果時, 重教埋邊樣食先,邊樣食後先好食,不過o的西瓜西米露差左小小, 唔夠甜,加小小糖會好o的~!個芒果pancake黎果時,我個friend見到有隻蚊飛左落去,個waitress諗都唔諗就拎去掉左,真係覺得有o的浪費~

其實食物方面都不錯, 水平保持得十分好, 多年以來也未嘗過劣質食物, 據我所知, 就連做得不美觀的食物也不會賣給客人, 只會平價賣給員工.

其實佢D 糖水都係不外如是，同一般糖水舖差不多。不過佢地就好闊佬，因為我有D 朋友要吃榴槤(所以要分開台坐)，只是叫了一客榴槤Pancake，但係佢地又送了兩個榴槤布甸又送多兩個榴槤Pancake 試食，真係有賺(可能見我們一大斑人去食，以後還計少我們錢添)，雖然我唔食榴槤，但我d 朋友個個食完都話正。

D人話每次黎西貢，都會黎滿記食糖水，其實本人覺得滿記都唔係你地話所講既好食，可能本人住係西貢，所以對西貢既美食比較清楚多D啦!西貢其實仲有一間糖水鋪比起滿記仲好食好多，地點就係西頁車站松記行裡既糖水鋪，個名叫妙品。入面既芝麻糊好好食呀，仲有好多好食既糖水未能進錄!!D人去滿記都係食個名，都冇乜特別!但環境就細左少少，下次去西貢可以去比較一下啦!!

星期六又到滿記吃甜品。兩人分別吃了芒果西米露及楊枝甘露。芒果西米露有濃濃的芒果味,好掂!楊枝甘露則屬一般貨色。在店內進食時,鄰桌竟坐著穿著街坊裝的廖啟智及陳敏兒夫婦和他們的兒子, 他們的兒子吃芝麻糊吃到像烏咀狗般, 很搞笑呢! 吃甜品時約晚上九時左右, 滿記坐無虛席, 反觀滿記附近藝人韓毓霞開的一間甜品鋪,則只有小貓三兩隻呢! <br>