滿記甜品 (已搬遷) 新店位置

我成日去滿記食甜品架，好多都試過，最常食係雜果西米撈同楊枝金露，味道過得去啦，價錢係貴左少少，不過我成日去既目的，最主要都係想見多佢幾面。^^

之前聽滿記d 糖水好正, 不過試左之後...失望...<br>我叫左個紅豆沙, 咁普通既糖水都竟然做到淡眸眸, 係紅豆水?! 沙都唔沙下...<br>之後又有一次食呢度既mango pancake...不外如是...冇乜特別, 都係不過不失啦.........但係咁既名氣配咁既食物...真係大失所望lor.

十分同意Alan的講法，水準實在差了很多很多。上星期食個湯圓，完全唔得。講真，湯圓有幾難整，粉搓得正常好，略新鮮已好食，點可以整到又"un" 又唔滑餡又少，超市D 雪藏利川湯圓都好得多。<br>芒果Pancake 仍ok，但只算合格，其他糖水很普通及退步，朋友間好多夜晚駕車冇掟去貪佢夠遠(可以飛下車)又唔太麻煩泊車才去。其實隔離間都唔錯，但人人食名氣，隔離間仲靜"英英"。

起初真的能夠令我感到我終於找到一家好食的甜品屋, 但現在只有靠名氣了, 因為水準真的下降了很多, 唯一吸引仍然是芒果pancake, 人是很多, 但一定要求進步呀...否則很快被淘汰。

上次咁O岩去開西貢, 就順便幫襯O下。一句講, 都係咁唧, 無乜特別。試過芝麻糊同紅豆沙, 唔係唔好, 不過又唔係特別香, 唔知點解咁出名。我仲嫌佢貴O左少少添。如果想食榴槤甜品都可以去, 不過尖沙咀同銅鑼灣都有啦。環境就逼少少, 成日同人背貼背咁。搞到無乜心情食。

完全係食名氣<br>住o係西貢既人多數唔會幫趁..<br>食街入面間妙品甜仲正啦~

我覺得都係一般....除左佢個楊枝金露做得比其他出色之外，我覺得其他都係許留香好d，呢度又多人喎，坐得唔係咁舒服，好似坐o係個密室咁既!<br>總之我唔會山長水遠咁入去為左食佢碗糖水囉...<br>除非我自己有車囉!

went there on sat nite, had the worst "dau fu fa" ever, just like "Dau Fu Jelly" , Ver hard. if anone wants to try the best dau fu fa, i would suggest "Bo Wa" in Sheung Shui

唔係話唔好食，不過都只係一般水準，只不過係有榴槤甜品比較特別，我個次特地車入去食，泊車又要等位，人又要等位，咁就覺得唔係咁值得囉。

同行愛新鮮，食名氣大過天...如果講質素，一般！外面都可以搵到相同的味道。但如果講環境，還可以吧，裝修得幾有feel~~唔多講啦，人人都知來呢度一定要試：1) Pancake -- 真係做得好好，尤其係榴槤味就必試，去唔到咁遠？去尖咀新港一樣搵到！2) 楊枝金露-- 一場來到，咪試下囉，橫掂都似咯！3) 湯丸-- 喂？唔見雜誌介紹喎，係呀！人食乜你食乜呀？OK架，味道唔錯，細細粒容易啖！不過如果你只係為左食下糖水既，唔駛特登來到西貢既...

個榴槤班戟($18/兩件) 好正呀~~~~~~~ <br>好香榴槤味, 同cream 一齊食都唔覺"漏" (單食榴槤仲漏呀)~ 食多一份都得呀~~~ <br>不過芒果冰($21) 仲貴過佢, 都唔係冰o黎o既~ 又唔好飲~

如果朋友有親車, 想食糖水都會想起滿記. 其實佢地D 糖水唔係非常特別好食,好多人慕名而去,但多數都會失望,話: 「唔係真係咁好o者」,所以我都會叫朋友抱住平常心去.<br>朋友叫o左個海底耶涼粉& 芝麻胡湯圓,都好甜,食到一半就唔食,埋單事頭婆問D 糖水今日得唔得,朋友照實講,事頭婆竟然話唔收個2 個糖水的錢.仲話會改善.真係敬業樂業.

　小弟久聞呢間滿記咁巴閉，咪車入去試下囉。　！咪同出面甜品屋差唔多！我覺得晒我油錢呀！（如果專程入去食碗楊枝甘露話）有陣時明星效應唔一定Work。油尖旺深一帶都好多食糖水地方，駛乜山長水遠入西貢！

楊枝甘露周街都有,邊個原創我都唔知道! 但係我識食! 大家聽住--如果大家覺得碗"甘露" 稀OR 杰, 金柚唔夠甜...唔該請你地番屋企!! 如果唔識食而家我教你地~~~稀:水多, 杰:奶,糖, 芒漿比例唔好而最白痴就係話金柚唔夠多! <br><<楊枝甘露根本係用金柚既苦澀味帶出芒果既清香,給食客一種脫俗既感覺>> 呢樣甜品我十年前以經食過,而家out day (編按: 應是outdated的筆誤)啦! 咁岩今日俾我見到許x 山而家先有得賣...哈哈哈

楊枝甘露&西瓜涼粉都只屬一般甜品屋水準... <br>不過個芒果pancake真係幾好食, 舊芒果好大, 個皮亦唔錯.