滿記甜品 (已搬遷) 新店位置

今日試左個新野(薑汁梳乎里)。外貌看似tiramisu，以為會好"漏"，食落好清，好大薑汁味，一點都不"漏"，出乎以外。惜價錢較貴，細細個$23。另外試左個白雪黑珍珠，味道都係好清甜，奶味多過甜味，最正係加入龍眼乾，幾有創意。

楊枝甘露always都好味，而且不太甜。今次試榴槤布甸，好多料，超正。如果大柸ｄ就更好la。

榴槤班戟唔錯，幾好味！

同班同學去食,果時12am 度,好多人我叫左個楊枝甘露,都幾好食,足料,唔知係咪足料得滯,碗野都幾杰,好采唔太甜,咁就唔係好漏佢gei services 真係好好,我地成10幾人,佢落漏單,我地講番佢知,佢就講番唔好意思,仲送番一碗糖水俾我個friend,幾好服務price 都唔係話平...但都叫做物有所值

事緣星期六我和老婆去西貢找Friend，太座話去滿記食甜品，我都很久無來食過，我仲記得當年我們很喜歡吃芒果豆腐花，咁就一人叫一碗，唔知點解我覺得好似無以前咁好食，算啦我就食了幾淡就無食哂，跟手那裹的店員見到我無食完就問我係咪有問題(都幾有禮貌)，我就話佢知大問題就無不過好像無以前咁好食，佢跟住就說可能D芒果無之前咁靚，是但啦反正我唔係經常食，之後佢叫我試試榴槤班戟，咁我就試試啦，我和老婆試後都覺真係幾好食，不過埋單就覺貴了些，但水準都算ok了，此行都算滿意！^_^

今日女友生日趁機帶佢周圍食......去到滿記坐低, 我要左個雜果o者喱加芒果底, 我女友食木瓜西米露, 再加碟糖不甩, 我果個雜果ok, o者喱係菠蘿味, 但俾芒果底遮了, 個芒果底味略濃一點, 是成碗甜品唯一美中不足之處, 而女友的木瓜西米露, 望到佢個滿足樣, 就知好好食了.最後係糖不甩, 花生好入味, 加上好軟熟, 真係想食多碟.

滿記的甜品水準一般，價錢偏貴，尤其凍食的甜品一d都唔凍，真失望！唯獨是班戟比較特出，少忌廉及軟熟。另外，榴槤班戟及榴槤布甸都是食客的首選，所以唔食榴槤的人就真是可惜。

滿記甜品原來己經有Web Site, 不妨Look, Look.www.honeymoon-dessert.com

西貢滿記甜品除西貢外, 唯一聯營分店, 名叫手造甜品, 並標明係西貢滿記出品.手造甜品分店地址係:1.尖沙咀新港中心地庫Cooked Deli Shop B6B2.尖沙咀海港城Level 3, City Super,Shop 30013.銅锣灣時代廣場地庫Level 1, City Super Food Court4 中環娛樂行一樓Shop A (Tel: 2868-9799)Web Site : www.handmade-dessert.com 或Web Site : www.honeymoondessert.com

看見其他網站見到深井發記甜品話係同西貢滿記甜品所謂師姐師弟關係,唔知消息來源出自何處??? 另外,本人亦曾經光顧過跑馬地滿屋甜品,該店職員又話同西貢滿記甜品係姊妹店, 又真係幾奇怪???其實本人都認識西貢滿記甜品五位創辨人及其開祖師傅方老太, 佢話除手造甜品係西貢滿記出品外, 與其他甜品店號的任何關係全部都不是事實, 但外邊了有這些不確不實既流言,對西貢滿記甜品其都好, 因為西貢滿記甜品既地位同質數得到同業及顧客認同才會有人認親認戚, 但本人得人地西貢滿記甜品做左成九年才有今天地位. 如果其他甜品店有信心,憑自己實力,可須借別人之名上位, 認親認戚??? 但本人身為消費者, 有需要在此同網友提一提,不可盡信流言, 應要做過英明消費者!! Right????

2間係尖沙咀,1間係銅鑼灣尖沙咀既就係新港同海港度

我去過幾次﹐都係因為去西貢玩完。我唔覺得特別好﹐所以唔值得排O西長龍。可能出O左名﹐所以D食物都偏貴。我覺得去開就食埋就無所謂﹐但特登去就無謂- 又少車位﹐搭車都唔平﹗

我都知滿記甜品好食，可唔可以提供分店地址俾我呀？謝謝

點解大家仲要山長水遠去西貢食糖水呢??滿記已經有分店(唔駛講都應該有人知)西貢總店已經好耐無去,所以唔多知佢而家既水準係點樣。反之跑馬地&銅鑼灣店時時去, 唔知大家有無去過呢? 如果大家想試下,可以食佢地既竹筒蒸飯, 好好食, 食送又多, 又香; 我食左佢地既冬菇雞球飯,唔錯,d飯係加係竹筒入面蒸唔係人客叫時才加入去的, 因為飯入面好有雞香味同雞油,份量都幾大, 如果兩個女仔食,一個己經夠,可以叫其他小食&甜品。我自己比較喜歡佢地既布甸,你地可以試下黑芝麻豆腐布甸, 好香架, 其他布甸一定要食啦, 焗芒果布甸, 班cake, 楊枝金露都唔錯, 原個椰皇燉雪蛤糕,女士必食喎, 有椰汁同冰糖兩種。跑馬地店係無椰皇食既, 而家夏天唔知佢地出咩, 之前食係原個風水梨,好清甜。p.s.d坐位迫少少, 出入時小心,好易撞到其他食客, 坐近門口就最好(銅鑼灣店)

hi,我睇雜誌知道呢間甜品店有樣榴槤布甸聽講好正既，唔知你有無試過呢？如果有的話，俾d意見丫？Thanks!細姨媽boblsc@yahoo.com