滿滿丼 (已結業)

📍 滿滿丼｜平靚正得驚人嘅好味丼飯🥳今日中午先發現連大x活都又加價到50蚊個飯🥲呢間連和牛飯都不過百都先70幾蚊，而其他飯類均價都係三十幾蚊四十頭⋯仲要有得堂食，唔洗加一，聽落去真係平得好驚食完肚屙，但真係小人之心，抱住中伏心發現其實幾OK！賣貴啲都無問題！🥺宜家乜都貴真係好需要有間平靚正店救下糧尾人士～🥹🥢食物：推薦✨：和牛肩胛丼 🥩$76 + 倍增和牛份量 +$40- 增量完加埋有成四大塊和牛～一旁再有自揀配菜蜆肉青瓜、蛋絲同香口嘅拌飯海苔碎、飯面再淋咗少少啲鹹甜嘅醬汁，牛油滲入珍珠飯🍚中～大啖飯連餸一齊擺落口，🤤比預期中更好食又不頹！😍😈溫泉蛋雞肉丼 👅 $42- 好抵！有四塊雞肉～同真流心嘅溫泉蛋🥰一樣有蛋絲同香口嘅拌飯海苔碎！要讚蛋絲係軟綿易入口果種，而非乾柴柴～自揀配菜嘅黑松茸鮮菌係必食！菇菇大塊又裏滿黑松露醬汁～超級香黑松露味，真心高質！送飯一流！雞肉調味似極K?C嘅烤雞味～甜甜地雖然睇落去賣相還好，但味道都不錯喺中間有條細骨～🤩推薦✨： 👍🏻 黑蒜濃湯煮蜆🐚+ $6 - 熱辣辣一上台已經聞到好濃郁同突出嘅黑蒜香味！而蜆肉隻隻都無沙且粒粒飽滿又鮮甜～而份量都超豪邁！至少食

身為日本料理既愛好者，見到旺角開左間日本餐廳當然要試下啦😛我夜晚去到幾時候都幾full，餐廳大約坐到20個人，裝修好新淨，用餐環境幾舒服。-我地Order左個芝士牛肉丼($39)同和牛肩胛丼($76)，另外跟餐加$16可以揀野飲/湯同一款小食，勁抵食🙊-每個丼飯都有一款配菜揀，我地揀左泡菜同黑松露菇，個菇幾香口，凍凍地好開胃😬-個芝士牛肉丼落左好多牛肉，我另外加左隻日本溫泉蛋，D牛肉食落就更香滑🤪和牛肩胛丼有兩大片和牛，個面輕輕燒一燒過，唔會過熟，牛味都幾濃👍🏻小食方面我地揀左芝士年糕同炸雞，個炸雞幾脆，仲有DD辣，幾好食!Overall我地覺得呢間D野食都唔錯，最緊要夠平，大家可以試下😎

估唔到係MK食街開左間性價比都高既日式丼飯專門店，裝修都幾講究，最特別係就算堂食都會有一Set獨立包裝既餐具，仲要製作精美，疫情間期可以說是相當貼心的服務！日本和牛肩胛丼竟然只係HK$76,升級倍增都係加$40,轉埋餐都係再加$16,就有小食同飲品,都真係好抵食!和牛仲要係真係好味，唔會肥但又好嫩滑，黑松茸鮮菌好香口，另外芝士豚肉丼都有驚喜，豚肉好夠熱，應該係岩岩燒起，高水準，竟然都係HK$45!小食都相當不錯，可以簡中華沙律、泡菜同埋炸芝士年糕!兩個人食個晚飯都不用$200，超值!

同朋友行開旺角，就畀佢個標題大滿足吸引住， 朋友想食牛肉飯就入去試一試門口嘅大滿足令我哋諗起日本嘅家鄉， 而且門口都多人排隊證明應該係好食嘅一個丼嘅價錢三至四十蚊，而且加16蚊就有小食同飲品都好合理👍 平時食橙色嗰間牛肉丼都係差唔多價錢， 仲要冇小食😩餐廳好闊落，而且吸引咗好多年輕人食， 店員亦都好注重衛生，當一有人走手嘅時候就即刻收拾檯面同清潔👍我哋兩個都除咗食丼之外，都另加16蚊要一個套餐👍 飲品各方面都唔錯，有罐裝飲品亦有支裝飲品👍 朋友叫咗蘆薈汁而我就咁叫咗個綠茶。提出餐廳係有心思嘅， 雖然用外賣盒盛裝，但熱力相當好，每一啖都夠熱， 包裝嘅餐具一啲都唔馬虎.， 絕對不是快餐店😜☺️ 日本岩手和牛丼和牛勁大塊， 而且都有五六塊， 入口香濃，而且入口即溶， 其他嘅配料份量都多： 昆布，日本薑，蛋絲： 昆布夠爽口，日本薑夠爽辣， 仲有配菜中華沙律可以揀， 中華沙律夠爽甜☺️ 鰻魚牛肉丼鰻魚夠香口， 而且夠厚身又無骨👍 鰻魚嘅份量足足有半條， 牛肉嘅份量都多，而且牛肉汁味濃， 再配泡菜， 簡直停唔到口黑松露雞翼雞翼炸得好脆口， 再配黑松露醬， 令炸雞翼惹味提升酥炸魷魚條條魷魚手指咁粗，而且

中咗之後時間停止咗兩周😶最近追趕返消失嘅時光🏃🏻‍♀️忙到甩轆～轆轆轆Lunch time都只能快快食🥹經過食咗呢間丼飯，以快餐嚟講，性價比又幾高喎😆首先佢靚靚嘅便當🍱盒仔，好適合外賣去野餐🤣 門口寫明係岩手黑毛和牛，有曬證書㗎，以快餐價錢食到咁嘅水準，仲要有好多日式小食配搭，有我鍾意嘅日式芝士年糕❤️、紫薯餅、炸魷魚🦑、黑蒜雞翼、沙律🥗、凍蝦同蜆，唔講以為食緊放題😆主食方面都好多選擇，豬、雞、鰻魚、牛丼，都應有盡有🫶🏻最出色係隻溫泉♨️蛋😍將佢打落丼飯度，半熟嘅蛋汁撈埋白飯🍚超好餸飯，仲將牛肉嘅味道提升咗層次，必加蛋呀👍🏻👍🏻旺角快食lunch嘅好選擇

旺角有好多嘢食,但又有好多嘢唔好食...難得見到間餐廳幾企理又闊落,啲嘢食又唔貴嘅,就一於去試下啦!😋我真係好鍾意食鰻魚,呢個原條鰻魚丼嘅鰻魚煎得稍香,又有油香味~飯底係軟熟嘅日本米,口感唔錯🍱而佢嘅丼飯全部都可以揀一個配菜,我就揀咗中華沙律🌱見佢好推介,於是試下呢個和牛肩胛丼🐮牛肉唔會韌或者羶,上檯時仲略帶粉紅,生熟程度剛好~配菜揀咗黑松茸鮮菌🍄🍄,味道好香,如果再多啲更好🙈炸魷魚新鮮炸起,所以上檯仲好熱辣辣,而且份量好足🦑母親大人喜歡食蝦,所以揀咗呢個海老凍蝦,凍蝦爽口鮮味🦐🦐跟套餐仲會有飲品一罐~呢度環境好乾淨,而且座位間唔會話好逼~以咁方便嘅地點📍,而且食物質素唔錯😋,呢個價錢真係好抵食!下次一個人唔知食咩好,應該都會encore呢間~

今日放假同屋企人去食咗呢間日式丼飯「滿滿丼」，餐廳裝修具日式風格，整潔企理，座位都舒適，餐牌款式都係以便當同小食為主。今次我叫咗和牛肩胛丼，配菜揀左泡菜，另加左個黑蒜濃湯煮蜆，泡菜酸酸辣辣好開胃，又不是太辣；牛肉好嫩滑，醬汁入味。黑蒜濃湯煮蜆幾大碗，蜆肉唔算好大隻，不過沒有沙，黑蒜濃湯奶白色，好香黑蒜味。我仲點左豬軟骨扇貝丼飯，豬軟骨好諗好入味軟骨部份爽脆；扇貝有非常多件，沒有沙，配上醬汁同飯非常夾。總結性價比幾高，食品質素和味道都不錯，餐牌款式唔算太多，不過平民價錢食到和牛都不妨一試。

估唔到而家仲有啲咁平咁抵食嘅日本嘢食，就算買好多小食都係好平，食得開心又捨得我哋嗌咗兩個飯一個係和牛丼，你可以自己配小食，我揀咗蜆肉青瓜；除咗一個凍嘅小食側邊仲有紫菜漬物雞蛋絲，所以全個飯顏色豐富🤤 加埋隻溫泉蛋，絕對係不敗之選！！和牛好有牛味，脂肪分布適中，如果唔夠味你仲可以加側邊既調味粉😗另一個原條鰻魚丼，今次配左中華沙律🥗 鰻魚好厚身，食完好滿足😄 味道都幾好！兩個飯我都轉左套餐，一個要黑蒜濃湯煮蜆 + 淳茶舍 - 泠萃綠茶，濃湯熱辣辣，飲落好舒服另一個要炸魷魚+樂天 - 芒果汁，炸魷魚都有好多條，炸得又脆又香整體嚟講呢到價錢大眾化，最重要係好味😄😄😄😄

成日都去旺角通菜街揾食夠晒多餐廳選擇見未試過呢間 < 滿滿丼 >同朋友叫咗一人一款嚟試..座位闊落我哋坐咗卡位裝修都好有日本氣息..全部丼飯 (魚豬雞牛都有) 可以加 $16 變套餐，配小食加飲品，丼飯份量唔算大和牛肩胛丼 ($76) : 加咗 $40 要和牛份量倍增，牛味濃郁，唔會煮得太熟，好食 👍🏻 配埋泡菜，小食要咗黑蒜濃湯煮蜆，都有差唔多10隻蜆，黑蒜濃湯好味，我哋飲哂牛脷丼 ($44) : 牛脷厚薄適中，唔韌，配上中華沙律

行過女人街，呢度可以話係餐廳小店兵家必爭之地，呢一帶大大話話至少有4-50家食肆，要成功發圍，除咗好食，仲要抵食。最近發現呢間日式裝潢嘅小店，賣點係用日本食材，但CP值高，就畀個機會試吓先。我叫咗個日本岩手和牛肩胛丼，加$40仲可以有倍增嘅和牛份量，啲牛肉質素真係唔錯，而且份量真係足夠兩個人分享。而所有丼飯加$16就可以轉套餐，包飲品/味噌湯同一個小食，我叫咗個單骨雞翼，質素算唔錯，的確好抵食！另外我哋再叫咗個豬軟骨扇貝丼，同樣轉套餐，配上黑蒜濃湯煮蜆，超多蜆肉勁足料，認真超值。下次你哋去開旺角油麻地行街，諗唔到食咩好，想簡簡單單嚟呢度食丼飯，價錢實惠，一定唔會令你哋失望。

旺角開咗間丼飯店，30幾蚊起，俾個價錢吸引咗入去食，呢個價錢已經有齊主菜，酸薑，蛋絲，海帶等配菜，仲有另外四選一伴菜，再加$16可以upgrade套餐，有飲品同小食，聽落都幾抵食。入到去見到環境乾淨企理，不過座位就比較狹窄。🐮和牛肩胛丼配青瓜蜆肉門口已經見到主打推介日本岩手黑毛和牛，牛肉有三塊，份量唔算好多，肉質幾鮮嫩，牛肉味幾香濃，不過略嫌overcook, 令本身鮮嫩嘅牛肉老咗少少。🍚飯底都係用珍珠米，粒粒分明，配上香濃醬汁撈飯食都唔錯，青瓜配菜爽脆清新。鰻魚牛肉丼配黑松茸鮮菌鰻魚有半條，燒得幾香，肉質都幾鮮嫩，醬汁香濃；牛肉就冇得同和牛比啦，同吉xx普通牛肉飯差唔多; 黑松茸鮮菌都幾爽口，有淡淡的菇香味。炸魷魚🦑份量都唔少，炸得幾香脆，炸漿厚薄適中，魷魚爽口又唔會太老。炸芝士年糕芝士年糕煙煙韌韌，咬落去流出香濃芝士軟心，不過略嫌咋嘅溫度唔夠高，少咗啲爆漿效果。味噌湯味噌味道比較淡，配料只有海帶同香蔥。

日本速食文化轉到來香港啦！今日品嚐旺角新開張 ，以優惠價錢食到高質丼物，大大大滿足呢！ 餐廳地方雖然不是很大，但感覺日系裝修設計，環境舒適潔淨。大大個餐牌日本岩手和牛丼 $76，已經被吸引住，而且 +$40 和牛份量倍增㖭。另外仲有牛肉丼、烤雞肉丼、炙燒豚肉丼、鰻魚丼、薄切燒牛脷丼、豬軟骨扇貝丼、多款小食及飲品，所有丼飯 +16 可轉套餐 (飲品/味噌湯 + 紅色標記小食一份)。日本岩手和牛丼     $116 依個係 +$40 和牛份量倍增，大大片和牛，滿佈雪花網紋，肉質鮮嫩肥美，滋味油香，肉味濃厚，而每個丼都配有海帶、雞蛋絲、酸薑及自選一款涼伴菜，泡菜酸酸辣辣，開胃解膩。芝士牛肉丼    $39金黃色澤的牛肉丼飯，視覺效果滿分。米飯上鋪一層醬汁炒牛肉，牛肉香濃軟嫩，再層層疊地放入芝士碎，用火槍燒過嘅芝士，喜歡半溶芝士質地，配埋惹味蜆肉青瓜和蛋絲一齊食，口感更豐富。炸單骨雞翼   $26  即點即炸，夠香脆，最重要仍然有肉汁，非常美味，點埋黑松茸醬，香口惹味。樂天忌廉溝鮮奶    $9忌廉溝鮮奶，係唔少人心目中經典嘅茶餐廳特色飲品。口感香甜順滑，味道充滿特色。無糖可樂    $9無糖

一直都好鍾意食日本菜，咁啱喺旺角見到一間新開嘅日式丼飯，見到門口寫住「大滿足」，即刻吸引到我入食試下先-和牛肩胛丼(加倍) $116黑松茸鮮菌一睇就知，呢個丼飯係店舖嘅招牌啦！除咗有和牛之外，仲有蛋碎，姜片同埋海帶絲，成個丼飯真系滿滿既配料，分量十足和牛肩胛肉雖然係薄切，但原來肉汁豐富，咬落去一啲都吾靭，呢個價錢食到和牛，超抵食呀-鰻魚雞肉丼 $62蜆肉青瓜蜆肉青瓜簡直係開胃嘅小菜，丼飯有半條鰻魚，有4大舊雞肉，一個飯可以滿足兩個願望，吾洗左諗右諗，鰻魚無骨之餘，加上熱辣辣嘅雞肉，外脆內軟，炸得啱啱好，推介-黑蒜濃湯煮蜆 $24唔好睇佢細細碗，原來都有吾小既蜆肉，濃郁既黑蒜湯份量都吾輸蝕，可以用鮮甜黎形容-海老凍蝦 $15凍蝦尚算新鮮，3大隻凍蝦，配上醬汁，簡單又好味，唔好睇佢咁抵食，質素都吾差架

今日好想食日式快餐，見呢間日式快餐幾多食，一於試試丼飯$30-$60不等，+$16轉套餐包一款小食同飲品，抵食呀鰻魚雞肉丼$62鰻魚大大條無骨咖，雞肉有少少骨，要小心D食雞肉好重照燒汁味，用埋D汁撈飯食就岩配菜簡左黑松茸鮮菌，黑茸味好香，野菌陣味幾鮮小食簡左芝士年榚，拉絲好和味日本和牛丼$76和牛薄切燒得夠香夠脆，口感唔會un，另外配左蛋絲同紫菜，口感更加豐富小食簡左棒棒雞，炸粉唔厚，單骨易食好多

係旺角唔知食咩好就會入通菜街睇下😂，點知比我尋寶搵到間 糧尾恩物 丼飯，原本最平$36有牛肉丼，而家仲推岀左個(細)牛肉丼只售$19❗️😱抵到爆‼️✨不設加一-✨各款丼可自選涼伴菜(蜆肉青瓜/泡菜/中華沙律/黑松茸鮮菌).💕 鰻魚牛肉丼 $62 (跟餐+$16)蜆肉青瓜唐揚炸魷魚(另+$4)淳茶舍泠萃綠茶(另+$3)👅好味指數：7/10下午餐食 份量剛好，伴菜簡左蜆肉青瓜，蜆肉香香辣辣，鰻魚有半條，唔會好肥有焦脆口感☺️牛肉醃得超入味又軟腍🤤炸魷魚炸得香口又彈牙。- 💕 日本岩手和牛肩胛丼 $76 (跟餐+$16)中華沙律炸芝士年糕淳茶舍紅袍鳥龍茶(另+$3)👅好味指數：7.2/10見到個名好勁咁就叫左😂和牛有2大塊，煎得好靚☺️肉質唔韌 軟嫩適中，油脂感豐富。飯用上珍珠米，煮得夠煙韌，配埋和牛同燒肉汁 正😚。炸芝士年糕炸到脹卜卜，跟餐叫真係好抵，唔洗放題都有得食🤣-環境：7/10服務：7/10整體味道：7/10回頭率：7/10