滿滿丼 (已結業)

見到好多人推介的丼飯專門店#滿滿丼今日就買左返去公司眾樂樂1️⃣鰻魚雞肉丼 ($63)2️⃣溫泉蛋牛肉丼 ($43)3️⃣薄切燒牛脷井($45)外賣盒都超有誠意 和風超靚飯量超多 男同事表示超飽 女同事舉晒白旗鰻魚厚切而且有咬口 雞肉啖啖肉又濃味牛肉唔會太肥 牛肉汁撈飯無得輸另外加左$16升級套餐 包小食飲品炸日式紫薯餅 拎到返公司都仲脆卜卜足料啖啖紫薯又唔會太膩同事加左芝士年糕都話好食！整體係有水準有誠意的平民丼飯#糧尾恩物

店外好多人等位嘅滿滿丼，有多款丼飯可以選擇，牛、雞、豚肉、鰻魚、牛舌等等～～我揀咗鰻魚牛肉丼，雙拼可以試多啲嘢，牛肉份量都幾多，醬香濃味，鰻魚焦香爽彈肉質～配小菜黑松茸鮮菌～加配小食辣湯煮藍青口，鮮甜～另外，朋友order咗炙燒帆立貝豬軟骨鴛鴦丼，小菜蜆肉青瓜～～豬軟骨大大嚿啖啖肉，帆立貝就有兩粒，海鮮配搭～蜆肉青瓜係辣嘅，幾開胃惹味～另加配小食，棒棒炸雞翼，點黑松茸醬香濃～飲品揀咗樂天嘅檸檬茶同蘆薈汁～～呢度全程用電話影QR code落單，方便又快捷～

今日終於到星期六日，可以出去中午食餐好嘅，因為要去朗豪坊嗰邊買嘢所以去旺角嗰邊食嘢，知道近家樂坊嗰邊有間日本當飯好出名就去試吓，入邊座位舒適而且便當好特別好適合學生去食，我同朋友嗌咗牛舌丼飯同埋鰻魚豬軟骨飯，另外我哋升級套餐嗌咗魷魚同埋溫泉蛋小食，因為我唔夠飽所以嗌多咗個細牛肉飯，便當一到好有學生飯盒嗰種味道，牛舌煎得好香口而且配上珍珠米簡直係冇得彈，加上中華沙律同埋一啲配菜，好有飽肚感，而且牛舌厚度適中，唔會太過鹹，小食方面炸魷魚好香口，唔會太過油膩，而鰻魚丼飯，鰻魚醬汁好香口加上鰻魚煎得好入味，加上溫泉蛋配珍珠米簡直係錦上添花，除此之外我哋嗌多個雞翼小食，正正常常冇乜特別，而且套餐仲有飲品，價錢相當合理，下次去開旺角可以再試吓其他飯盒。

抵食日式丼飯，賣相吸引，價廉物美。如果唔想食吉野家嗰啲連鎖店日式丼飯，呢間係唔錯嘅選擇。賣$19蚊既細牛肉丼，成碗有3份1係牛肉，牛肉肥瘦均勻。啲牛肉汁仲要流晒落下面啲飯，配汁食勁香，仲唔會太鹹。好邪惡！性價比極高。一口牛丼都唔錯，牛既份量唔算多但係勝在爆汁、肉質好淋，咬落仲有淡淡地既脂肪香，唔擦子膠。似係平時食日式燒肉嗰啲質素。朋友叫咗個鰻魚丼，都指質數對得住價錢。小食都值得一讚。煮蜆好入味，好重牛油香。薯餅係紫薯，啱啱新鮮炸，食落熱辣辣。真心幾抵食！最貴果個飯先係60幾蚊，怪唔得好多學生哥幫襯。

放工，去旺角搵嘢食，經過餐廳-滿滿丼，見門口多人排隊拎住單等外賣，咪望多眼，餐廳坐滿曬人，餐牌丼飯類均價都係三十幾四十蚊，仲要唔洗加一，哩個價錢真系無得輸，咁啱有人埋單，就跟隊試下新嘢。豬軟骨烤雞丼 👅 $46，跟套餐加$24配黑蒜濃湯煮蜆+飲品蒜片一口牛丼$47，跟套餐加$20配唐揚炸魷魚+飲品丼飯本身紫薑、海帶、蛋絲，自選配菜可揀黑松茸鮮菌/辣蜆肉青瓜/泡菜/中華沙律，配料都多，特別中意食配菜黑松茸鮮菌。炸魷魚炸得香脆可口又惹味，黑蒜濃湯煮蜆勁熱，蜆都多，味道唔錯。另外再加咗小食，棒棒炸雞翼（3隻），單骨雞翼炸得香脆，揀咗黑松茸及中華辣醬各一款，都唔錯。又點咗原隻海蝦(3隻)，海蝦肉實淨，夠新鮮。職員友善，出餐及收枱都積極，除凍食外，全部食物上枱都熱辣辣，睇得出系即叫即整，味道唔錯，性價比勁高，抵食，難怪堂食坐滿曬人

今晚唔煮飯，呢間餐廳主打唔同款式嘅日式丼飯，價錢好抵，跟餐仲可以揀小食同飲品一於買返屋企煲住劇嚟食✨鰻魚牛肉丼丼飯點少得鰻魚，夠哂肥美，加上鰻魚汁好正，配埋牛肉，好軟腍，唔會靭，份量恰好✨咖哩豚肉丼豚肉嘅肉質夠腍，入口啖啖肉，同咖哩真係好夾，咖哩汁融入每粒珍珠米，好惹味✨黑蒜濃湯煮蜆估唔到蜆嘅數量都幾多，而且隻隻開哂口，好飽滿，連埋湯底一齊啜，好鮮甜✨唐揚炸魷魚最鍾意食炸魷魚，皆因煙煙靭靭好有口感，外層炸粉唔太厚，夠哂香脆✨炸日式紫薯餅外皮酥脆，熱辣辣，外脆內軟嘅口感，紫薯入口軟綿綿環境都唔錯．下次要嚟堂食

一入到餐廳就聞到陣陣香味，未見到食物就令人食指大動，內部裝橫簡潔明亮，木製桌子更顯和風。我同朋友落咗兩個套餐加幾個小食，$200都唔使，十分划算😋最先來的是冷盤黑松露鮮菌，分量十足，啖啖菇都十分飽滿，而且松露汁濃郁，又冇平時食開廉價黑松露嘅火水味，愛菇人士一定要試✅之後就係炸芝士年糕，必點日式炸物之一。年糕非常鬆脆，輕輕用筷子一夾就可能夾穿，濃郁飽滿嘅芝士流出年糕，令人食指大動，芝士香而不膩🤤美中不足嘅就係一碟剩係得一舊，唔兩個人夠分🥺🥺然後就係黑蒜煮蜆，本身以為係一碟蜆肉，結果原來係蒜蓉蜆肉湯😮‍💨黑蒜香氣四溢，一層薄薄的黑蒜油浮喺湯嘅表面，唔小心嘅話真係會比第一啖湯燙到🥵🔥湯料充足，大概有八九隻蜆，隻隻都好入味，而湯喺蜆肉同蔥花嘅搭配底下顯得尤其鮮味，值得一試🤤重頭戲就係主食啦！首先係溫泉蛋牛肉丼，配菜選擇泡菜。泡菜係甜泡菜，唔太辣又唔太甜，配飯一流✨✨牛肉較乾不太多肉汁，但勝在份量較多，食量較少的可能會食不完。牛肉飯上有蔥花、洋蔥同芝麻，而飯的上面佐有蛋絲、昆布和薑，令整體香味提升，同時又增加口感，加埋溫泉蛋令味道畫龍點睛，鍾意食嘅一定要落埋啦😝😙而另一個主食就係豬軟骨烤雞丼，配

📍滿滿丼 (旺角)呢間餐廳嘅日式便當🍱靚到不得了。可以堂食，亦可以外賣。加$16有小食有飲品。✨原條鰻魚丼$59 +$16轉套餐🔶棒棒炸雞翼 +$4鰻魚厚肉肥美，香甜冇泥味。棒棒炸雞翼即係單骨雞翼，味道似CP雞翼，辣辣地幾惹味。✨牛肉丼 $36 +$16轉套餐🔶唐揚炸魷魚 +$4牛肉都係用醬油、味醂調味，係記憶中嘅吉仔牛丼味道。炸魷魚香脆鮮味，感覺上比起雞翼抵食。✨豬軟骨扇貝丼 $46 +$16轉套餐🔶原隻海蝦豬軟骨炆得軟腍入味，充滿醬油甜味。扇貝肉煎得香口。原隻海蝦彈牙鮮甜。📍滿滿丼 (旺角)旺角通菜街1M-1T號華發大廈地下D號舖

📍 滿滿丼 旺角通菜街1M-1T號華發大廈地下D號舖 🦔⸒⸒原條鰻魚丼 $59原條鰻魚食落甜甜地鹹鹹地 分左兩份仲有姜片、蛋絲、木耳等配菜 飯嘅份量適中 小菜配蜆肉青瓜 青瓜份量會較多 配小量蜆肉粒 有少少辣辣地咁帆立貝豬軟骨丼 $46帆立貝有兩粒 都幾大粒😝 食落鮮甜豬軟骨有一舊 食落鹹鹹地 口感較軟淋小菜配黑松茸鮮菌 呢款好好味 有好多鮮菌☺️棒棒炸雞翼（套餐）$20套餐+$16 配一款小食+一款飲品 炸雞翼配黑松茸醬要再+$4 雞翼只有一條骨 方便食～ 雞翼炸到好脆 好似KFC嗰啲🥰樂天 -鮮蘆薈汁有唔少蘆薈粒 飲落去甜甜地炸魷魚（套餐）$20炸魷魚都要另外再加$4 魷魚食落去彈牙 外脆內軟樂天 - 芒果汁好香芒果味 鍾意飲芒果汁嘅可以試吓細牛丼 $19其實佢就係細size嘅飯 有啲牛肉係上面 下面就係小size嘅飯 牛肉仲有洋蔥一齊炒 肥瘦適中 撈埋一齊食會好啲紫薯餅 $12一共有兩件 咬落去外脆內軟 入邊有好多紫薯餡炸芝士年糕 $12有滿滿嘅芝士喺入面 食落去芝士味濃郁🔖 @don_man_man

今日嚟到旺角食呢間日式丼飯，平日夜晚都超多人食，好多人買外賣，佢哋嘅丼飯都好平，$39至$62不等，套餐加$16有小食同飲品，仲可以自選一款前菜，都幾抵食。🍴 鰻魚牛肉丼 $62 +$16套餐 小食+飲品 (7/10)有一塊鰻魚同埋四至五塊牛肉，鰻魚比較薄，唔算好厚肉，都有油脂嘅香，甜甜地都OK。牛肉嘅醬汁就比較重甜重鹹，牛肉就係普通肥牛，唔會太乾太老，飯都中咗珍珠米六粒飽滿，不過份量呢就比較少，黑松露野菌都幾重黑松露味幾好食，仲有啲海帶，但是同埋薑片消滯！🍴 灸燒帆立貝牛肉鴛鴦丼 $46 +$16套餐 小食+飲品 (7/10)朋友叫咗呢個套餐，帆立貝都大粒OK嘅！🍴 棒棒炸雞翼 +$4 (7/10)炸雞翼即叫即炸，非常香脆，有啲似CP嘅雞翼辣辣地，加埋黑松露嘅醬汁，都幾重黑松露味！🍴 唐楊炸魷魚 +$4 (7.5/10)魷魚份量都幾多，炸得香脆，炸粉都薄身！好食！🍴 炸日式紫薯餅 $12 (7/10)非常香脆，入邊係紫薯蓉，微甜，都幾好！🍴 炸芝士年糕 $12 (7/10)有啲似放題嗰種，入邊有流心嘅芝士，年糕皮就比較薄身，唔錯推薦指數: 7/10旺角嚟講呢個價錢呢個質素都幾抵食，個

旺角新開日式牛肉丼飯✨以抵吃為賣點！牛肉飯有多種配搭，更以岩手黑毛和牛做主打，抵吃又吸引！《蒜片一口牛柳粒丼》$47一口牛柳粒👍🏻的確是一口一啖，而且是入口即溶化，更有點咀嚼感，米飯也特別好吃，牛肉飯的味道，十分開胃！丼飯跟一款伴菜，此飯選了黑松茸鮮菌，香味撲鼻！只需要加$16，便可轉套餐，有飲品和一款小食。《鰻魚牛肉丼》$62抵吃之選！大大塊的鰻魚，配上牛肉，豐富食材舖滿整個丼飯，此飯跟了泡菜為伴菜，相當抵食！同樣地，只需要加$16便可轉為套餐。跟餐小食方面《炸日式紫薯餅》原價$12，跟餐免費，濃厚的紫薯餡，吃得很滋味！《棒棒炸雞翼》原價$19，跟餐$4，共有三件。棒棒炸雞可選擇醬汁，是次選了黑松露醬，雞翼炸得很香口！《黑蒜濃湯煮蜆》原價$23，跟餐$8。黑蒜濃湯很惹味！蜆的份量也很多！《唐揚炸魷魚》原價$19，跟餐$4日式唐揚炸法，香口又惹味！《炸芝士年糕》原價$12，跟餐免費。芝士年糕內的流心芝士無得輸！總結：抵吃的牛肉丼！！！

網上睇到有人介紹呢間見佢平平地走去試下入去叫餐，個前台姐姐已經態度不友好落緊單，佢突然成個人hang機停左係度唔知做乜，然後叫我繼續講俾完錢就隨手將d銀仔扔落兜，連埋張單都算數啦，唯有將d希望放落食物度🙄重頭戲嚟啦，一返去打開個飯盒我都唔識形容，俾大家睇下2個飯盒都係加左$16蚊轉套餐每舊雞都有塊骨係入面，食到一肚氣旺角有更多更好選擇，試完今次冇下次👋🏻👋🏻

最近試咗呢間位於旺角開嘅人氣丼飯 #滿滿丼 🔥 呢間舖頭主打價錢親民嘅牛肉丼、雞肉丼、豚肉及鰻魚丼，即刻率先試伏🥰-🧄🐂蒜片一口牛蒜($47)餐廳間唔中會有新嘅丼飯推出，我地緊係要試下😍 一口牛有濃郁既蒜片鹹香，一咬落去勁Juicy🤤 勁重嘅牛脂香氣，配埋軟糯既日本櫻城米，好好食！🤤 套餐加$24 就有多一份小食同飲品，我哋叫咗黑蒜濃湯煮蜆，蜆肉幾清甜，唔錯👌🏻-🐟🐂鰻魚牛肉丼($62)另一個飯我地叫左鰻魚拼牛肉，鰻魚份量足足有半條，牛肉肥瘦均勻，牛肉汁好濃，呢個配搭比較濃味，啱晒我地呢啲重口味人士🥰 小食叫左店家新出既辣湯藍青口，幾香口，另外在加咗🧀炸芝士年糕($12)及 🦑 唐揚炸魷魚($19)，味道正常發揮，勝在夠抵食。餐廳整體性價比極高，2個人食左咁多嘢都唔使$200，味道質素唔錯，絕對係窮人恩物🥰 值得推介！

旺角新開主打日式丼飯的平民價食堂，丼飯🍱由$36起。餐廳有牛肉丼🐂、炙燒豚肉丼🐖、烤雞肉丼🐓和鰻魚丼可選擇，而小食方面選擇都唔少，有：蜆肉湯、青口湯🦪、炸魷魚🦑、炸紫薯餅🍘等。每款丼飯🍱跟配一款自選涼菜，四款涼菜包括蜆肉青瓜🥒、泡菜🥫、中華沙律🥬、黑松茸鮮菌🍄。丼飯加$16可轉套餐，包一款小食🌯和飲品🧃，絕對是窮人恩物🤩。我地選擇了鰻魚牛肉丼🐂和鰻魚雞肉丼🐓，丼飯配搭花心思，有跟配料雞蛋絲🍳和海帶，牛肉丼仲有配生薑，牛肉🐂份量好多，醃製得入味，好濃醬油味🥣。而雞肉燒得有焦香味，鰻魚塗滿了濃調的鰻魚汁。而米飯是珍珠米🍚，圓潤飽滿，吸收了醬汁，再灑上大量芝麻海苔碎🧂，口感豐富😋。涼菜方面，我地選擇了黑松茸鮮菌🍄和蜆肉青瓜🥒，黑松茸鮮菌有驚喜，黑松茸味香露又炒得唔油，蜆肉青瓜酸酸辣辣🌶️，有蒜香味🧄，清新爽脆。小食我地選擇了棒棒炸雞翼🐓和炸魷魚🦑，炸得夠香脆，炸雞翼🐓跟配黑松茸醬，黑松茸味道突出；炸魷魚🦑炸粉唔厚又唔會炸得乾，咬落有質感😋。

.📍滿滿丼 📍香港旺角通菜街1M-1T號華發大廈地下D號舖咖喱雞肉丼配泡菜(39hkd)雞肉用的是單骨雞翼，都有3-4舊，而且有炸過，即使淋左咖喱汁🍛都仍然好香口，咖喱汁剛剛好夠撈完整個飯，加埋泡菜酸酸辣辣好下飯😍鰻魚豬軟骨丼配黑松茸鮮菌(62hkd) 菇🍄菌好香黑松露味，豬軟骨煮得好入味，但不會太軟爛，仲保留一定的咬口，而且仲有半條鰻魚，以呢個價錢可以食到鰻魚同咁大塊肉真係好抵，cp值超級高🥹絕對係糧尾救星😝灸燒帆立貝牛肉鴛鴦丼配中華沙律(46hkd)兩大粒帆立貝，無咩腥味，很不錯，牛肉份量都幾多，濃濃的日式和風醬汁配飯一流，贏過唔少餐廳賣的牛肉飯，加埋中華沙律都幾fresh黑蒜濃湯煮蜆(23hkd)蒜🧄味超級香，加埋黑椒微微的辣，非常惹味，有成10隻蜆，好抵食😍#foodiblum日式