滿屋日本料理 (已結業)

突然好想好想食海膽放題，就Book左呢間放題啦。本身係無海膽，要加$88升級先有.飲品種類其實好多，但男友影小左🤦🏻‍♀️仲有白色可樂，汽水，梅酒，燒酒等等牛肉壽司，燒左口魚都唔錯手卷係迷你版，幾貼心，可以一、兩啖一個刺身幾新鮮，推薦劍魚腩，平視我都唔識，但係呢件個樣咁靚仔就試咗一件，真係好好味，咬落去魚油好香🤤🤤🤤🤤 一定要講嘅係，升級嘅海膽刺身和牛都係落幾多就有幾多件， 絕對唔係叫幾次都冇👏🏻👏🏻👏🏻海膽都好新鮮，但係和牛比較好食🤤🤤鵝肝還可以，但係食咗一啖就好漏🙈🙈忌廉芝士多士，如果鍾意食芝士嘅朋友可以一試，但係真係一件起兩件止，因為都係好漏😂😂串燒牛舌都好香口， 但係因為啲嘢食係咁上，張枱太細，所以都影唔切相🙈炸多春魚就皮太厚，麻麻地燒有機菠蘿好好好好好味👏🏻👏🏻超正總括來講可以一試，不過價錢都偏貴，除非真係好鍾意食海膽，就可以去狂食😛😛😛😛衛生環境唔錯，員工都好有禮貌👏🏻👏🏻 不過有啲鮑魚嘅嘢都冇來到，但係我唔係好鍾意食鮑魚所以冇所謂，海膽有來齊就可以🤣🤣

上個星期同個friend去左銅鑼灣食左間叫滿屋嘅放題。坐低叫左第一轉野食之後差唔多3分鐘已經啲野食已經到左，上野食速度真係好快。刺食好好食，魚生切到好厚，油甘魚、三文魚都好新鮮，值得一讚嘅係佢嘅蝦，真係好大隻，食落好甜，仲有好多蝦膏，高度推薦大家去叫。炙燒嘅壽司亦好好食好有創意，牛肉好大塊、鰻魚好大條、而且炙燒三文魚有黑松露同蛋黃醬兩款口味，味道好夾好新奇有趣。呢到仲有好少見嘅Hoegaarden RADLER AGRUM飲，清新帶啲果酸味，入口清涼好正，高質高質。

去到銅鑼灣朋友表示想食放題，好耐無食放題既我諗起滿屋，立馬決定去食。除左餐牌上既款式之外，依度有好多食物都係自助餐形式，超多種類包你食唔哂!例如鮮蝦、鮮蜆、自製沙律(有青爪、蟹籽、螺肉、泡菜、中華沙律等)、原件木瓜甜品、章魚小丸子、酸青瓜、白雲鳳爪、醋黑木耳等，個人都幾鐘意食章魚小丸子，食左2粒幾有口感，有食到章魚粒，唔會得舊粉放落口。仲有埋爆谷機，係幾有趣，不過就無大興趣無食到。其他餐牌上既食物同一般放題一樣，刺身是必須要食的!而且絕對唔會令人失望，推介三文魚同象拔蚌特別新鮮而且有質感，絕對不會”梅”! 另外特別推介榴蓮炸彈同芝士香芋丸，熱辣辣之餘好有榴蓮味同香芋香，同埋入面真係小流心，唔會超級滯! 另外好鐘意食個鹽燒鯖花魚，好有日本風味，亦有鮮味。叫左蟹皇海鮮粥，除左鮮蟹味仲有蟹膏架真係唔錯，不過份量有小小大，同朋友2個人食唔哂。飲品方面都係勁多，仲要有埋酒精飲品依枝芒果味既酒妹適合女仔飲。最後就係甜品，然有好多種類但已經太飽淨係食到個泡芙同限定左每人1杯既雪糕，有Haagen-Dazs同Movenpick，我簡左最簡單又好味既雲利拿味黎做今次晚餐既一個美好總結。留意返晚市放題9:

第一次係cwb食放題 都幾多人食 好彩有book位 入到去當然係趕緊落單 叫滿一枱 😆刺身 燒物 炸物 小食 樣樣都叫啲😋店員服務態度好好 上菜速度都快 加分！食物方面 可以話係呢一年食過最好嘅一間 同其他放題相比 呢間性價比高 刺身 新鮮 份量唔會比小 跟足order 見到刺身 自然心花怒放 消除哂工作嘅怒氣 樣樣都鮮甜 冇筋 有啲爽 夠大隻 鮮甜最重要 三文魚 🍣甜蝦 鮑片 等等都全要再叫多round蝦 真無大傻得黎又鮮甜天婦羅🍤 蟹 南瓜🎃都好 唔會好厚粉 有再叫仲有啲頭盤 前菜係出面自己拎 任君選擇😍甜品方面有多款cake自己拎自己揀 又有甜品紙比你揀 雪花冰 雪糕果啲飲品種量都多 岩哂各人口味雪糕就每一人個

常常聽朋友介紹滿屋的午餐定食不錯，今天和幾位朋友來了銅鑼灣購物，一於就去試試啦！我們中午十二點半左右入座，可能時間尙早，不算太多人。我們叫了三文魚甜蝦丼、什錦天婦羅拼熱烏冬，及芝士焗雞扒飯拼三文魚刺身，而每個定食會跟前菜、沙律、湯、甜品及餐茶，追加壽司只需每件$2，食材新鮮及款式多，味道不錯，下次會再來吖

果日放工好得閒又鬼死咁肚餓，所以就走左去呢間銅鑼灣嘅放題嗰度食嘢，上到去見到個價錢見到二百幾蚊都算OK就走入去，入到去個環境好舒服唔會好似旺角嗰啲放題餐廳窄到嘔，地方比較闊落，未坐低就已經見到好多自助嘅食物，有小丸子、甜品、蛋糕泡芙、炮谷機、沙律。一坐低就叫咗個刺身拼盤 ，刺身肉質爽彈，味道鮮甜，吃多幾片都不覺膩。牛舌好大件，又厚身，黑椒味重。大赤蝦粗過手指，鮮甜肉厚。三文魚厚切，質感好肥美，一口吃下好滿足。壽司大件，味道香濃，份量剛好不會蓋過刺身鮮味。火炙壽司的原條鰻魚好正！鰻魚非常長身，燒得幾好。最值得叫就係和牛壽司，入口即溶，和牛D油脂滲晒落個口入邊。食食下就叫咗一杯荔枝特飲，第一啖飲落去好甜，不過飲飲下就覺得幾正，芝士蛋糕和泡芙都好食，不過果凍就一般。

今日一班同事約埋夜晚一齊去灣仔食放題，我哋揀咗銅鑼灣嘅一間日式店，因為一早已經預約咗，所以好快就可以入咗坐低。店的環境唔錯，店員好快就攞餐單同埋推薦咗幾個唔錯壽司set.俾我哋，我哋一嚟就點咗幾個壽司拼盤，同埋天婦羅，因為男嘅同事比較多，另外都散叫咗好多唔同嘅壽司 呢度嘅壽司都好新鮮，蝦肉都好甜，魚生都夠味，顏色鮮味，啲肉同都好爽口。另外嗌咗幾碟串燒肉，呢度嘅肉汁都係幾特別，配搭燒肉好好食，另外我哋再叫咗好多唔同嘅飲品，同一堆啤酒不過環境比較吵，大家坐得比較逼，所以都唔係好聽到大家嘅對話，但係整體嘅食物都好滿意，而且份量都好足，相信下次會再去

今日落雨都去食好西$ 中午放題$183連加一，仲有 魚生刺身壽司手捲甜品...... 真系好多種類 ，任君選擇，真的眼寛肚窄，點了的食物差點吃不完。大量韓國的飲品， 之前喺香港都未買過嚟飲， 可以試新嘢，正!岩鹽，燒火灸左口魚背壽司~魚入口香滑有魚味火焰咖哩醬，三文魚壽司~ 好鍾意食，好香的三文魚火焰鰻魚汁，原條海鰻壽司~ 連埋啲鰻魚汁食幾特別cc蘋果汁,韓國香蕉,哈密瓜,士多啤梨,寶礦力, 檸檬柑桔 等等......數唔盡嘅飲品，夏天要飲多啲水，補水!刺身三文魚 ,鮑魚片， 油甘魚，劍魚腩,帶子,仿松葉蟹棒,赤貝,大赤蝦樣樣都新鮮，入口令人食指動廚師推介鹽燒雞翼~燒雞翼我鍾意食鹽燒海蝦~大隻新鮮鮮甜而彈牙燒有機鮮蘿~因為幾健康，必食的燒蟹蓋讓蟹肉~配料足，賣相吸引蜆好清甜， 不過小心 d 食，因間中有一兩隻有沙燒原條石斑，大大條， 真係豪華海鮮宴炸物深海虎蝦天婦羅皇帝蟹棒天婦羅新鮮即炸，熱食一流燒紐西蘭香草羊鞍，系我的至愛，入口羊唔 so, 加香草燒，好香口啖啖肉，好好味😋

今日係我第一次食午市放題，估唔到食物選擇多，味道佳，服務一流，感覺好好呀～有一個自助區，都好多嘢食揀架，熱盤/沙律/甜品都會有~menu有好多選擇，good第一樣梗係食刺身啦，大赤蝦勁大隻，超級爽口，油甘魚質感好好，好有魚味呀，劍魚腩好肥美，完全係食緊一舊勁爽嘅肥豬肉咁，我就係最鍾意呢個口感喇，赤貝超爽超甜，不得了呀！和風汁牛柳粒好juicy好有牛肉味/鹽燒牛舌最正，好味到唔識形容，食完呢4串，之後再叫多4串添，就知幾好味啦/炒雜菜係正常啦，平時食嘅菜會係一塊塊，呢到係切晒絲，食得好方便架/燒雞翼唔駛講，必食唔會輸！海膽手卷，細細件容易食/火炙左口魚壽司估唔到咁好食，輕輕燒一燒bit晒啲魚油出嚟，入口即溶咁架，真係好正/火炙蛋黃醬蝦壽司，醬+蝦+飯已經係絕配，仲有燒一燒，完全係正到一條氣食晒3件~燒蝦-蝦味好濃烈/燒菠蘿-好甜/燒蕃薯仔-甜x100/焗蠔-又係加咗蛋黃醬整嘅，好味到唔識講嘢今期季節限定係桃味雪糕，梗係揀呢個啦，super~飲品任飲，hehe，啱晒我~

一次餐飲服務差的體驗。 所以由結帳糾紛開始說起， 話說我係去哪兒 平台下單， 講明全包到時一毫子都唔使畀， 點知 服務員畀張五百幾蚊嘅單要我找， 咁我同服務員講 我已經喺去哪兒畀曬點解仲要畀， 服務員話 要訂枱時講明係團購， 我話去哪兒平台已經 一手包辦 我根本唔需要打電話去訂枱， 點知服務員 堅持要我埋單， 放低張單就走人， 服務態度極差 冇諗過要去find out一下係發生咩事， 咁我畀曬錢我梗係唔理佢點都唔肯埋呢張單。 點知服務員轉頭走來， 見到我仲未畀錢， 仲同我講小姐你仲未畀錢呀， 我即時忍唔住梗係扯火啦， 我同服務員講呢張單我點都唔會買㗎喇， 個服務員先走去搵經理黎。 經理嚟到先即是話唔好意思， 因為太多種類的團購同事搞錯。 不過意義不大， 已經嬲到食唔落， 好彩只係雪糕未食。講真呢種錯誤一般嘅香港人根本唔會接受， 唔係攞錯食物 咁簡單， 而係收咗個客錢 仲要個客買多次單， 係非常嚴重的錯誤。 仲要服務員態度差， 自己搞錯仲要 堅持自己係啱， 話個客錯， 好離譜。保證我一定唔會再嚟呢間餐廳， 而且佢啲食物又唔係特別好味， 又唔係平， 食物種類又唔多。餐廳環境非常不理想，很

果日睇完戲，突然想食刺身，就諗不如去食放題，上網search search就發現附近有間滿屋，決定入去試試一去到都幾多人排，好彩等左一陣就有位第一樣野叫既緊係最想食既刺身 特別出色既係啲蝦呢度既蝦唔似出面食既凍冰冰，未溶雪咁，食落好新鮮 無乜雪味三文魚腩都好食，夠厚又肥美呢碟牛舌係我食過咁多間放題之中整得最好食，平時食落又乾又鞋 但滿屋既牛舌係淋身，唔會話好乾咁每次食放題都會叫蟹粥，呢度既蟹粥除左蟹之外，仲會有其他海鮮，正最後食埋個雪糕做ending，勁好食

每次諗唔到食乜嘢，都會諗起放題😅因為放題有林林總總嘅食物，生嘅，熟嘅，串燒，炸物，乜都有齊👍 今日去咗銅鑼灣嘅'滿屋'。原來滿屋嘅飲品真係超多👍汽水，啤酒 ，冷飲熱飲 ，甚至特飲😮都有得 ，仲有梅酒同清酒添呀😍不過講到返本咁就梗係先來一盤刺身喇甜蝦特別大隻，蝦肉爽口彈牙， 三文魚油脂分佈平均，入口滑捋捋 😋😋😋劍魚腩厚切，肥美😍 赤貝爽口 ，希靈魚新鮮 ，仲有帶子同鮑片添。。。。原條燒鰻魚壽司 ，食多兩件又再返多啲本呢🤗🤗🤗熟食有我至鍾意嘅焗蠔 ，醬燒帆立貝😋😋😋串燒牛舌 ，牛舌外香內軟，咬落仲好juicy。仲有必食嘅炸榴槤，同埋燒菠蘿 🤩炸榴槤真係做到外脆，裏面仲係流心嘅，小心辣親噃 😝蝦兵蟹蓋 ，個名夠曬特別，裏面係 蝦膠同蟹肉😍菠蘿真係冇得輸，超甜👍餐後果😍仲有好多熟食嘅吧，自己整蝦蟹子沙律又得😅 蛋糕，甜品，真係數不勝數👍雪糕都係Haagen Dazs同埋movenpick嚟㗎🤩 二百幾蚊真係超值👍

或者好多人都未必知道，原來我哋平時鍾意食嘅日式放題店係有午巿套餐，適合我呢d想食日本嘢但又唔大胃口嘅人，水準同價錢都相當ok，最緊要係假日都有供應同坐得舒服，所以我下次諗唔到去邊度食，直接去呢度解決午飯。鐵板牛柳粒+御品榴槤炸彈 $60牛柳熟咗dd，但食到有牛味無雪味，呢個餐超多沙律，非常豐盛，仲有濃郁麵豉湯，同好臭嘅榴槤炸彈4粒同迷你芒果布甸，真係飽到無朋友雪花牛肉鍋+三文魚刺身3片 $60 最推介呢個牛肉鍋，日式甜豉油濃湯底，牛肉數量多達5片以上，蔬菜亦唔少，不過如果有得揀烏冬就perfect，另跟三文魚刺身真係超肥美，竟有誠意到用一大盆冰冰鎮住壽司盛+細烏冬 $65 壽司分別有劍魚腩、油甘魚、大赤蝦、三文魚腩、花之戀各二件，估唔到呢個價錢d刺身都幾新鮮，樣樣都係我至愛，好味！除此之外，烏冬竟然係稻庭烏冬，熱辣辣超煙靭，湯底係淡豉油，讚呀！三人共消費: $203.50

我一向都鍾意食放題同自助餐，今次滿屋呢個放題真係平靚正，晚餐二百幾蚊一位，就有咁多嘢食揀最重要係book咗位的話，完全直入唔使等👍🏻座位都叫做就坐適中，唔會完全無位轉身☺👍🏻👍🏻升級版有海膽、鵝肝；下次一定要食升級版餐☺我哋雖然得兩個人但係都有叫到好多嘢食返嚟試，因為佢分兩方面唔算太大份，少少地好適合放題做法，可以食多幾樣野啱食再叫都未遲✌🏻✌🏻刺身選擇好多普通嘅三文魚、帶子、甜蝦、牡丹蝦、劍魚腩都有🤤樣樣都好新鮮，但係得兩個人其實食一轉都已經有少少飽！壽司就呢做得細細件又好好味喎！食多幾件都唔會飽左！同埋我最高就係海蝦天婦羅同埋燒物，真係好正👍🏻

今日一行五人嚟試吓呢間滿屋，唉！點知啲服務咁甩漏嘅！都係嗰句人多幫襯都唔知點算何況今日都唔多人幫襯(我環顧成個塲都唔知有無二十枱客呀，中午Lunch hrs喺銅鑼灣區咁都唔爆，就自已想吓喇！)好喇！話說我有三位同事先到同落咗3個相同order(都係"雪花肥牛鍋定食+3片三文魚刺身)我同另一位同事約五分鐘後緊隨後到！我就點咗吉豬定食，另一位同事都係點咗肥牛鍋。我哋另追加4串燒牛舌同1串芝麻雞翼！好喇！先叫嘅嗰3客嘅同事就好快咁分別先上咗刺身、沙律、湯！跟住後加個位同事刺身都到埋。但我同嗰位同事嘅沙律同湯就未有！終於我碟雜菜先到！(沙律同湯仍未有喎！叫極侍應都係話跟緊)最後4個牛鍋嚟埋！甜品同飲品都到埋(又係趕收工咁！)我嘅吉豬千呼萬喚至出來！但還有兩個沙律、湯同追加小食未到！唉……吹到都無晒癮啦！終於2客沙律同凍湯到咗！又到追加小食未到！最後跟本漏咗落單哇！即時火都嚟埋啦！初落單時都同我哋確認咗，最後又漏單有無搞錯呀？？？就算啲嘢幾好食咁嘅服務真係不感恭維呀(最慘係又唔爆場喎咁都甩漏！何況食物質素一般！)未必有下次！