滿屋日本料理 (已結業)

今晚OT好累，要獎賞一下自己同老公食放題開心一下，八點半去到滿屋門口已經人山人海。但侍應好快手，安排了已訂座同walk in 客分兩行。我們訂了8:45，侍應好快就寫了枱號叫我們跟另一店員進場。座位是半卡位，有一本好厚的簿可揀選食物，剌身，壽司，燒物，炸物應有盡有，不逐一細講。冷盤，沙律，甜點同飲品要出去自助枱選擇，冷盤的象拔蚌同溫泉蛋都比較出色，象拔蚌鮮甜，溫泉蛋滑，煮得剛剛好！值得一讚是有凍熱清酒和梅酒可任飲，我好易醉無飲，酒鬼可以一試。先吃一輪剌身，上菜件數同我們選擇的一樣，沒有扣起。溶雪處理亦做得好好，沒有入口吃到雪的情況，鮮味足夠，剌身類最喜愛大赤蝦，大大隻又爽又甜，之後第二輪都主攻大赤蝦而放棄甜蝦。基本上每個類別樣樣都吃點，吃一輪已飽了七成，燒物最愛牛舌，不鞋口又夠香口。鹽燒蝦好惹味,食完要啜手指。花膠冬姑是另一樣是晚之選，唯一美中不足是我們看漏了加88蚊就可以吃升級食物，有海膽，鮑魚壽司等高級食材。下次再來要試試升級版了。總結238加一吃兩個小時是好夠的，店員上菜同清碟速度都快是關鍵之一。

其實我對日式放題真係情有獨鍾💕💕味道好，款式又多，仲可以任食，係邊到搵呀？首先講咗啲特別嘢先！而家放題發展愈嚟愈成熟！已經開始提供一啲特色飲品，有藍莓呀芒果呀等等，記住一定要試下！呢到好得意仲有梅酒飲㗎❤️花之戀又係不得不提嘅壽司！食過翻尋味！一定要食呀鰻魚就唔需要多講啦！足料鰻魚再配合特製醬汁，食極都停唔到口呀🤤佢仲有其他特色壽司，例如咖哩汁咁，大家都不妨試下！炒蜆都好正呀😭好想快啲再去食多次！

今晚唔知食乜🤔 最快諗到嘅。。。就係放題🤗 款式多 ，樣樣都有， 每樣食啲，都可以捧住個肚囉😂千挑細選，揀咗喺銅鑼灣，交通又方便嘅，價錢都幾合理👍~" 滿屋"一坐低，二話不說，首先梗係嗌番刺身先啦😍隻甜蝦有成隻筷子咁長😋 勁呀👍當然淨係大係冇用嘅😅仲要夠新鮮😊 蝦肉爽口彈牙😋 蝦頭又有膏 🤩鮑片爽甜油甘魚厚切，有口感， 爽得嚟魚油香😍三文魚色澤鮮明 ，入口滑滑，鮮味😍食番兩盤刺身，真係乜都返曬本😆鰻魚壽司 ，條鰻魚長過舊飯成倍有多 ，唔會大大舊飯質飽你🤣🤣🤣 正呀😍仲有好多特色嘅壽司 ，好似:帆立貝配吞拿魚蓉，帶子三文魚露筍卷，一啖一口，滋味無窮呢😍仲有必食嘅蒜片牛柳粒👍鐵板牛脷，牛脷爽口不但止，配菜嘅洋蔥仲好鮮甜，真係估佢唔到😋😋😋再唔夠嘅仲有熟食嘅吧枱，同埋款式多多嘅甜品蛋糕😍飲品都有好多選擇: 有梅酒啦，啤酒啦 ，汽水，果汁，仲有熱飲嘅竹蔗茅根， 同埋熱維他奶。。。 總有一款啱你嘅😝仲可以order啲特飲添 👍真係夠曬滿足 ，值得推介畀我哋嘅foodie 😅

今日早收工，所以book來食下，到左不用等位，直入進食👍🏻正食放題有幾樣野好重要：1）食物選揀多2）食物上得快3）收碟收得快以上三樣滿屋都做到👍🏻👍🏻其實我覺得滿屋同其他放題店都差不多，但比較好的是食物上得快，好少留單👍🏻🍙刺身，正常款式，非常新鮮🍣壽司，有好多選揀，我只吃了幾款，但都好好味🍤天婦羅，我覺得係即刻炸，熱辣辣🍢串燒，食左蝦，魷魚，小番薯👍🏻🍻飲品，好多不同對酒類，啱晒啲酒鬼，另外汽水飲品選擇都好多🥣熱食，多數都好味，講唔哂🍍但最最最好味係燒🍍，不停叫，我估我食左半個😂

今晚同男友揀食放題慶祝生日，既然黎食得放題,咁就揀左一間好多人食過都讚好既滿屋係未嗌野食之前,大堂位置有好多前菜食,例如:蒸蛋,凍蝦,凍花螺,甜品等...好多選擇,真係好正食左一輪之後,就到戲肉啦,刺身,壽司,炸物,燒物,飲品等,真係應有盡有,我地首先點左d刺身,刺身都非常新鮮,d帶子,大蝦同油甘魚非常鮮甜,值得再叫之後我地叫左d炸物,d炸蝦天婦羅,炸蟹柳天婦羅又係必食之選,d炸粉比例岩岩好,非常好食跟住我地又點左d燒物,個羊鞍好juicy,一d羶味都無,搞到我食完一件又一件,d燒蝦又係好正,無雪藏味,真材實料仲有點左好多壽司,d壽司又有創意又好味,食到我lam lam脷，值得再encore!

話說朋友之前已經話想食日本放題，所以今日決定黎銅鑼灣呢間陪佢一齊食，了結佢既心願12點幾到餐廳，已經開始陸續有其他客人入座。地方好大，唔會坐到好迫店員帶入座位期間，見到好多自助式既小食，野飲同甜品，見到都流哂口水野飲同甜品款式勁多選擇坐低後，立即拎左兩罐野飲，好凍，正！同埋係自助區拎左啲小食任拎，正！刺身 - 好新鮮！大赤蝦好大條，劍魚腩亦都好正果然冇失望每台都必叫既 和風汁牛柳粒， 好好味！好軟，同多汁，完全唔會過熟，連埋炸蒜一齊食，味道更香壽司亦都唔少得！ 材料份量夠足！特別要提到 原條海鰻壽司🍣 真係好大條，啖啖肉，好滿足串燒，即叫即燒，味道調得剛剛好，正最後要食Haagen Dazs 季節限定既 桃味雪糕，好香！滿足埋單每人平均200蚊，平靚正，抵

今朝喺灣仔上完瑜珈🧘‍♀️就約男友去銅鑼灣食飯，早到左少少喺街行下行下就有嬸嬸畀傳單我，一睇原來係放題，價錢仲好吸引🤓星期一至日都同價，今日中午都只係200包埋加一咁真係幾抵、一於上去試下🤪以為咁平都驚有少少伏、但一上到餐廳發覺都幾多人下，好彩都只係等左一陣就有位。原來佢都幾大，除左放題仲有啲自助前菜、甜品同野飲區，好似好正！😛由於我大餓，所以先攞左啲野食再用紙點餐點野食唔好睇少啲前菜，啲蜆仔、螺肉等都幾好食！😝而且佢都好多款呀！但又怕叫太多試唔哂！唯有樣樣叫少少😝而且佢啲下單紙圖文並茂、又分好類、可以清楚畀你揀食咩，咁我地就咩都叫少少啦，符合返放題既主題嘛🤓先講野飲，因為好驚喜佢喺出面自助區已有好多飲品（啤酒甚至清酒都有），而且自助區既都係一罐罐好衛生，但佢都有幾款特飲畀你叫。所以我揀左兩款梳打試下，都唔錯冇藥水味😂愛甜的你一定鍾意，仲有啲啫哩仔😝😝😋話說呢度真你個個都叫刺身！我地呢盤已相對地細啦，旨在咩都試下！除左必叫大赤蝦同甜蝦（正😋😋），都試左劍魚腩、赤貝同角螺。個人特別推介赤貝、好甜好新鮮！之後啲燒物都好正呀，特別係廣島蠔焗出來超香！炸物我試左個炸香蕉（糕），意外地好食😝🤗 雞

聽過呢間放題好多次但一直都冇試過 之前都係食開極尚xxx 今次第一次食 9點後吾洗等位即刻入坐 入坐後覺得環境擠逼 枱比較細。到叫嘢食嗰時發現食物選擇少 手卷類同卷物都係得3-4款揀。第一輪order叫左特飲但等左成半個鐘後再叫侍應跟單先有嘢飲。刺身上枱後發現數量同order紙不符+有啲係錯order 加上刺身吾新鮮 好失望。之後叫左牛柳粒食 覺得牛肉好韌。本身都鐘意食羊 叫左個羊架食 超級’蘇’ 難以入口。之後都覺得普普通通 臨尾諗住叫個標榜人氣之選嘅蟹粥食 等左一排之後再叫跟單 職員先同我地講話原來蟹粥已經賣哂。我自己都係做服務業 覺得嘢食賣哂最好盡快通知客人 吾係等人追單先講 搞到等左好耐得個吉。其實除左蟹粥 之後有其他食物都提供吾到 如果食物係收order紙前已經無法提供 應該一早係收order紙嘅時候就通知客人 而吾係要人等咁耐。總括而言 吾會再食 因為食物種類真係太少 覺得洗左錢又食吾飽。

如果食野可以減壓，咁樣，食放題就絕對係最佳既減壓良方！！係芸芸既日式放題料理店當中，「滿屋」係我最常光顧的！！尢其是銅鑼灣店，座位寬敞，坐得舒服，而且自助區，有popcorn 機，有前菜，小食，甜品，非常豐富！！飲品種類也極之多，除了有多款罐裝飲品，重有梅酒，甚至連茶包都有幾款選擇，最最最正係可以叫特飲，非常少有！！刺身連較少有既赤貝都有，色澤鮮明，大隻厚肉，新鮮肥美，係我最愛！其他刺身-帶子，赤蝦，三文魚都很新鮮！冬菇花膠煲，大大件花膠，有4大塊，燜得好諗，冬菇索哂d汁，好入味，正！芝麻雞翼同榴槤炸彈，必食！尤其榴槤炸彈，外脆內軟，榴槤蓉濃郁，榴槤控不要錯過！最后重有Haagen Dazs / movenpick 雪榚，好圓滿喔！

放工後好肚餓，因為提前知道要食日式放題，所以lunch唔食甘飽，而我地揀銅鑼灣，因為地點方便係銅鑼灣站C出口行兩分鐘就到，好在提前book左位，所以等十五分鐘就有位，而満屋呢間佈置滿天花圍住餐廳，見到門口貼住美食己流曬口水，佢7:30前同9:30後入座會有85折埋位等食物之際去大堂中拎小小野食，熟食小菜，海鮮，甜品，飲料包羅萬有首先到係足料魚翅湯海鮮款款鮮甜大隻，而壽司上鋪左海膽，好吸引食物送得好快，香脆炸物陸續上場，最好食係芝麻雞翼同燒牛肉粒燒鰻魚都好出色一杯芒果艦隊同紫貝天葵梳打超正，我地仲encore左！總結：食物多不勝數，不能盡錄，上菜快速，價錢合理

今晚係2018 年世界杯總決賽，趁開波前同老婆去「滿屋」食放題嘆下先。最欣賞呢到加設了自助bar, 有前菜、熱盤，湯，甜品，可以落完order 紙後，出嚟拎野食，食住等，真係名副其實食足全程！！冷盤有凍蝦同蜆，凍蝦大大隻兼爽口！！重有my favor popcorn，因為太受歡迎，好快比人掃哂！最驚喜係甜品，竟然有原個木瓜，好有heart, 正！！食放題當然主打刺身，但其實呢到既串燒都當相唔錯！鹽燒蝦串燒，燒得剛剛好，保持鮮味，肉質爽口！鹽燒牛舌，很惹味，我老婆本身唔太食牛舌都食了2串天婦羅都係另一亮點，天婦羅蝦彈牙，南瓜同紫蕃薯香甜，而且全部都炸得很好，完全不油，也不會炸得乾珍珍，控制得很好！創意之作，鮑魚冬蔭功海鮮鍋，酸酸的，夠開胃！

次次食放題既話，滿屋都會係我既選擇之一，因為依家放題真係太多，質素都好參差。所以食開覺得好味既放題通常都會食返，比較穩陣d😂唔洗講啦，食放題黎到一定係瘋狂食刺身啦。呢間放題有我非常鍾意食既帶子（好過放題都無或者好劣質）d帶子仲要好新鮮 好鮮甜。於是我就瘋狂食帶子，食左好多轉哈哈😋而其他刺身都係新鮮既唔會係劣質既刺身大家可以放心😇而其他既炸物都好味，都係有我喜歡食既芝麻雞翼👍呢間仲有出面放題無既蟹腳食，已經相當之唔錯了

平時食茶餐廳食到悶改下食魚生放題店鋪中午有午餐定食選什麼好啦？前菜有湯和沙律，醒胃惹食慾大大隻赤蝦，厚身三文魚，蟹籽，鮑魚片，天使蝦等等，超新鮮美味同事點左個喇沙麵，超級多海鮮，這價錢好抵豚肉炒好香，配上生姜，份量足夠，好好味豬扒炸得好香脆，外脆內軟，超級好食送上甜點

自從當上媽媽後，已經很少可以跟老公二人世界，放肆吃喝玩樂 今天難得可以在滿屋吃上一頓日式放題，當然不禁充滿期待到達餐廳後，很快就安排入座，值得一讃👍餐廳環境乾淨，設有自助放題區,飲品區，提供不同款式的冷盤、飲品由於實在飢餓已久,先享用前菜以作熱身然後，刺身放題來了！一貫的美味 一貫的新鮮除了剌身 熱食水準也很高，本人至愛的牛柳粒 芝麻雞翼 炸榴連 全部高出水準 還有許多美味佳餚任你選擇如果喜歡吃羊，一定要品嚐羊棑 美味至極！

老婆生日梗係大哂 所以訂左長期要排隊既滿屋慶祝下先由於係平日午市， 所以都好快入座啦 同當然要盡快叫野食啦拎左前菜食下先跟住梗係食刺身啦 值得一提 野飲都好多選擇 有罐裝 有特飲作為一個成功既放題 又點會只得刺身 梗係仲有一堆熟食啦牛柳粒 羊排 焗蠔 全部應有盡有 好食又大份 夠哂滿足仲有嗌左好多正野 雞翼當然走唔甩 仲有炸野 有炸年糕 炸榴連 好味到無朋友 仲有個燒波羅都一定要燒 好甜既波羅 食完好多肉後 食一啖有陣清新既感覺 最後仲有花膠俾你 夠哂補身呀！