影片
更多
2018-03-14
139 浏览
點解我咁講呢, 因為呢度係我唯一一間食過咁好態度嘅放題。平時食開嗰D 都係衝鋒陷陣咁, 但呢度會有員店停下腳步為你推介一下,連10款唔同雪糕都主動介紹一番。 而且呢度放題時間係2.5 小時,可以等我放輕鬆咁食, 慢慢下單, 仲可以慢慢嘆埋個雪糕先埋單!好！講下啲食物先！赤貝新鮮好爽，帶子都好鮮甜, 會停留喺口腔!三文魚同油甘魚都係厚切，不過蝦就淡味啲，甜蝦都唔夠鮮甜！海膽得小小劍魚腩都係好甜。仲有三文魚子手卷，飯就多左啲.。海膽海葡萄大赤蝦壽司,仲真係有一個海葡萄喺面，沖繩先有得食，正！凍盤有蝦 同蜆, 蝦都好爽口嘅。花膠冬菇炆鮑魚, 唔算入味!佢嘅沙律吧最令人興奮就係可以大大匙咁裝D 蟹子做蟹子沙律,雖然唔矜貴但小女子我喜歡。避風塘炒蟹, 新鮮度普通,但勝在夠火喉。芝麻雞翼真係一樣好好食嘅野, 未放到落枱就聞到嗰個香味. 仲有剛炸起嘅熱味, 刺激到係好想即刻咬啖。雪糕真係有十款比我揀, 好就好在唔係比cheap 雪條雪糕,有Haagen-Dazs, Movenpick, 仲Appolo Premium , 仲有榴槤雪糕... 當然揀個平時放題無嘅榴槤味。員員哥哥推介appolo話出面
平時食開嗰D 都係衝鋒陷陣咁, 但呢度會有員店停下腳步為你推介一下,連10款唔同雪糕都主動介紹一番。 而且呢度放題時間係2.5 小時,可以等我放輕鬆咁食, 慢慢下單, 仲可以慢慢嘆埋個雪糕先埋單!
好！講下啲食物先！赤貝新鮮好爽，帶子都好鮮甜, 會停留喺口腔!三文魚同油甘魚都係厚切，不過蝦就淡味啲，甜蝦都唔夠鮮甜！
海膽得小小劍魚腩都係好甜。仲有三文魚子手卷，飯就多左啲.。
海膽海葡萄大赤蝦壽司,仲真係有一個海葡萄喺面，沖繩先有得食，正！凍盤有蝦 同蜆, 蝦都好爽口嘅。
花膠冬菇炆鮑魚, 唔算入味!
佢嘅沙律吧最令人興奮就係可以大大匙咁裝D 蟹子做蟹子沙律,雖然唔矜貴但小女子我喜歡。
避風塘炒蟹, 新鮮度普通,但勝在夠火喉。
芝麻雞翼真係一樣好好食嘅野, 未放到落枱就聞到嗰個香味. 仲有剛炸起嘅熱味, 刺激到係好想即刻咬啖。
雪糕真係有十款比我揀, 好就好在唔係比cheap 雪條雪糕,有Haagen-Dazs, Movenpick, 仲Appolo Premium , 仲有榴槤雪糕... 當然揀個平時放題無嘅榴槤味。員員哥哥推介appolo話出面好少地方有得買。
整體黎講食得好舒服,有兩人卡位,節奏唔急速, 可以慢慢嘆下自己食緊d 咩。最後 再玩個棉花糖 同爆谷機
张贴
