滿屋日本料理 (大鴻輝(荃灣)中心) (已結業)

無論服務食品價錢已經同以前完全一樣，以前耐唔耐一個月都會嚟兩次左右，因為疫情關係所以已經好耐冇去，但係冇諗過會變到咁差門口有個好高大嘅哥哥俾咗張枱我，因為朋友喺樓下等緊lift所以我攞咗位先WhatsApp左枱號俾佢，咁我就出去攞嘢食啦，張枱我放咗張單喺度，轉身我攞嘢飲聽到嗰個好高大嘅哥哥call mic講話將我張枱俾人，的而且確我見到有幾個人行緊去我張枱坐低，即刻行埋去了解，嗰個女同事好似一片空白唔識得反應，跟住我WhatsApp俾佢睇我頭先影咗俾朋友叫佢哋嚟呢張枱嘅證據，被安排坐嗰張枱嘅客人即刻話唔好意思，佢先至比番張枱我，真係不可思議，嗰個哥哥做嘢有一手攞嘢食嗰度見到啲嘢都已經唔想食丶好多嘢都cut晒，就算你嗌個牛肉煲最簡單嘅菜同埋嗰個春雨都冇左，真係比兩片肥牛加啲湯你，已經唔會再去，已經冇咗好多嘢同埋質素都好差，睇嚟都係命不久矣

很久未食過日本料理這一類放題，今晚來到荃灣，就專程揀了食這個滿屋日本料理。餐廳位於荃灣大鴻輝10樓全層，裝修整潔雅麗，一整排一整排的卡位整潔舒適。放題$248/位，非常多款式，有自助區自取及qrcode點餐，自助區有湯、沙律、炆鴨腳、炆鳳爪、炆蘿蔔魚蛋、青口、東風螺、灼蝦、炸薯條……等等，還可自製沙律菜，及我喜愛的爆谷，飲品除一般的飲品，還有我喜愛的清酒及梅酒任飲、甜品 ……等等，qrcode點餐有一品料理、日式料理、刺身、壽司、炸物、及燒物等……，飲品甜品任飲任食~~~侍應安排座位後，直接到自助櫃面取喜愛的食物，放題正式開始，非常期待~~~自助區帶回一些喜愛的食物，有東風螺、青口、自製沙律、薯條、炆鴨腳 ，還有爆谷……，好開心~~Qrcode點餐非常快速，點完很快就上枱。刺身及壽司要了鮮味的深海八爪魚刺身、香芒吉列蝦卷及卜卜脆的蟹子軍艦。羊扒醃得入味，又香又多肉汁，香草味夠濃。又嫩滑又多汁的芝麻雞翼~~榴槤控必食的榴槤炸彈~~炸物類要了苦瓜天婦羅，甘甘涼涼又帶點苦味，香口很特別。酸酸甜甜的燒菠蘿~御品鮑汁燴花膠 ，一人要了一份，又滑又軟腍，還有炆得好腍的冬菇~~~蒲燒鰻魚，甜中帶香，

好耐無食日式放題見滿屋個價錢好吸引二百幾蚊就可以任飲任食😍內部環境乾淨整齊坐位寬闊舒適👍🏼自助區都幾多選擇冰鎮海鮮、沙律、小食、甜品仲有暖嘅飲品同清酒好貼心☺️飲品區最誇張兩大個雪櫃層層都放左唔同嘅飲品我最鍾意爆谷區開頭以為就咁攤係度會淋曬點知食落仲暖暖地同脆口好驚喜呀！日式放題嘅重頭戲當然係刺身啦擺盤好靚刺身肉厚又鮮甜起碼call 3 round啦🤤熟食方便都唔差樣樣上枱都係微熱嘅特別要讚燒羊架肉質好嫩滑而且羊味濃喜歡食羊嘅朋友必試！竹苼瑤柱蟹肉翅都好鮮味有酒樓嘅水準👍🏼最後當然唔少得甜品自助區有獨立包裝嘅雪米糍乾淨衛生仲可以網上落單點moven pick 同haagendazs雪糕添❤️總括黎講都幾抵食環境又舒服其實員工態度都好好👍🏼👍🏼

食物種類選擇還可，基本嘅魚生壽司都有，仲有自助區可以揀前菜同甜品，不過傳菜同埋收碗碟嘅方式有改善空間。埋單時用咗OpenRice嘅優惠，職員好耐心解答如何使用，整體用餐體驗一般

食放題,祝生日, 而家位位218起 比起以前食材同選擇升級了菜式明顯多了一點 4個人以上有蛋糕送 任飲清酒梅酒 另包十幾種汽水果汁茶和啤酒食2小時,最後半小時就CUT單 要食就盡快落單教學攻略,先快快落單因為好多都係即點即燒即炸我頭2輪都要等5-10分鐘先到,先落單後出去自助區拎住小食頂住先有海鮮3款 當天係蜆和螺和青口,味道不過不失當前菜冷盤海鮮自助雪糕任食仲有軟雪糕機 另有沙律吧幾款食材配搭同4種醬汁比你選擇甜品有好多款一口蛋糕,芝士蛋糕,布甸杯等等刺身同炸物都好出色,夠新鮮之餘味道唔差刺身以外仲有幾款手卷和卷物選擇,細細卷一口尺寸,唔怕飯多過料 紫菜夠脆口平均消費$240評分7/10滿屋日本料理荃灣眾安街55號大鴻輝(荃灣)中心10樓

第一次黎滿屋荃灣店食放題，好彩早收工，6:30左右嚟到，大鴻輝仲未出現排隊搭lift長龍。 $248自選兩個鐘，可以食到8:30 ，大把時間啦～～入咗之後，數QR code就可以落單，咁梗係放低個袋，行過圈，睇吓有咩嘢食同嘢飲先。超多雪糕糯米糍，有啲仲係有夾心！建議食之前五至10分鐘攞定，如果唔係，硬過石頭，食唔到住架～佢嘅飲品選擇多到有啲誇張，罐裝飲品，唔計啤酒，都多過10種！啤酒有五種！紙包飲品都有八種！真係花多眼亂！首先就梗係叫咗刺身先啦，個人認為三文魚，油甘魚，同埋赤貝係最高質，肥美又鮮甜。赤貝都好厚肉👍🏼👍🏼總共嗌左三轉😋😋燒羊架，好食都叫咗兩次，啖啖肉，而且落咗黑椒，好香口😁😁雞軟骨，味道比較淡，但係熱辣辣，加啲檸檬汁就夠晒惹味壽司方面，花之戀最出色！因為舊飯比較細，三文魚又夠肥美👍🏼👍🏼相思豆炸牛奶，中間係有紅豆，微微甜甜地，有溫暖，都幾好食😋😋除咗飲品之外，出面仲有熟食區，甜品區，同埋沙律櫃，仲有爆谷等等，成間餐廳都幾大，可以周圍行吓睇吓有咩新發現！最後點埋Häagen-Dazs雪糕，呢個係限數量的，每人只可以叫一杯，不過都有幾款味道可以選擇。性價比即刻高咗好多！整體來

大鴻輝一向都多野食，作為為食貓既我，放題當然係我喜歡食嘅嘢啦！所以我哋今日出開荃灣，就預先一早book定滿屋放題，呢度真係好多人食，佢之前記得book定枱啊！唔使多講，睇相片都見到自助吧枱已經有好多嘢食，賣相相當吸引，食品擺得相當企理同整齊我哋買咗好多嘢食，不過真係影唔到咁多俾大家睇，我影咗幾張我最鍾意食嘅嘢，推介俾大家，大家記得嚟放題嘅時候要嗌呀相片說明一切，睇吓啲刺身幾新鮮幾靚，食嘅時候又冇冰，係鮮甜好味嘅！推介大家要喺呢度嘅刺身，因為佢係厚切，好彈牙好好味通常放題我對食壽司同刺身都冇乜大期望，但滿屋嘅刺身同放題真係好令我滿意！劍魚腩同油金魚壽司都好好味😋牛舌燒得好靚，而且厚切又彈牙，呢個好好味，記得要嗌清酒煮蜆，雖然有少少沙，但都幾好味雞軟骨又係值得推介嘅食品，笑得好香、又煙刃，鍾意食雞軟骨嘅人記得唔好錯過啊！到最尾仲有食雪糕，食到飽飽先走

❣️ 滿屋日本料理放題大人細路都啱食❣️終於終於都開學啦！眨吓眼哥哥已經二年班🏫功課多一倍🧐呢幾日淨係簽通告都簽到手軟😌既然大家都咁辛苦😩咁我哋一齊去食放題啦😎今次我哋去咗大鴻輝嘅滿屋日本料理任飲任食兩個鐘⏰啲嘢食選擇多到眼花撩亂😍淨係個自助吧都有雪糕、蛋糕、水果、葡撻、麥樂雞、青口、大蝦、沙律菜、魚蛋、蒸雞、鳳爪等等！放題單款式包羅萬有😍刺身、壽司、串燒、鍋物、天婦羅！貴價雪糕Häagen-Dazs都有！每人可以食一杯😚我就最鍾意佢哋嘅燒羊鞍！大大件勁juicy！雞軟骨脆卜卜又有咬口😍最開心就係呢度嘅刺身係厚切架😋勁大片三文魚🍣仲有黃金燒扇貝！加埋個醬汁超正！哥哥就最鍾意食大蝦天婦羅🍤卜卜脆！蝦肉勁爽口！仲有澎湃嘅飲品櫃！同埋又任拎甜品同雪糕！哥哥話個朱古力蛋糕好好食😍

揀咗任食2小時時段。訂咗7點食，早咗少少到，張單寫1851入座，食兩個鐘理應就食到2051嘅，咁2000就催我地埋單都算，2022就同我地講食到2030就要走，姐係當我食一個半鐘頭？？仲猛喺度話「走路啦走路啦」，未食完未離座就開始執嘢，擺明趕你走啦，但道理就唔係你嗰邊，因為講到明任食兩個鐘，真係好差嘅服務態度，記錯人地入座都算仲猛催，極無禮貌。食物款式又少，又成日漏單，雞腎叫咗三次都冇黎過，同埋又唔係好食，本身諗住好耐冇食回憶返個味道，因為印象中真係好唔錯，但係以後唔會再去。希望各位都check清楚自己係幾點交枱，唔好被人搵笨，如果我食到超曬時係我衰，但你地未夠鐘趕人走就非常之差勁。

早2日係openrice book 左枱　所以一入去就入得嚕今次揀左荃灣分店個場地有好多位　可以容納大班人既gathering熟食有大量蟹籽 (Good)　可以自製沙律　仲可以食咩都加蟹籽　好滿足飲品 (汽水，茶，梅酒，啤酒都有)用QR code落單　方便環保又快加左入購物車　好快就上菜但咁岩個晚一入去壞左system 落唔到單好彩d staff 臨場應變　派實體單　可以落刺身食住先　之後好快整番好　正常番整體感覺幾好　d staff 都好有禮貌

【出街食好嘢】荃灣日式放題 | $208 兩小時任食😍啤酒飲品任飲 | 滿屋日本放題料理這次食滿屋放題都幾抵食,去到都幾多人,坐位方面唔會太迫"用餐時間食足兩個鐘"有好多唔同類型既刺身壽司同埋熟食揀，出餐的速度也十分快，這是值得讚賞的。魚生感覺新鮮，炸物可以。職員態度都算唔錯,飲品都有好多款揀，自助吧有凍海鮮（今日有凍蝦同埋貝殼類）， 幾款熟食（ 炸春捲，燒賣，麥樂雞）， 前菜（ 有泡菜，螺肉， 中華沙律，海蜇，飛魚子->可以攞嚟撈飯）  **貴價雪糕可以order,平價雪糕就放係雪糕櫃度 **

滿屋是在荃灣區，其中多選擇的放題，而且食物味道都不錯😀😀😀今晚同朋友一大班人去食～都叫了好多野食，其實唔止呢到。。仲有好多未影🤣🤭🤭.呢個凍蝦好新鮮🦐🦐🦐🦐👍🏻（可以出去拿）.葡tart 不錯。。但麥樂雞一般～.芝麻雞翼。。一如既往地好味👍🏻👍🏻.呢個牛肉鍋。。。最好味係入面d 菜。。吸收sai 整個鍋的精華😁😁.除了movenpick...仲有H.D.的雪糕😁😁.竟然有曲奇。。。試下先～都ok~反而呢次太飽， 無食其他甜品。。仲有西瓜。。同其他雪糕。。太多了，未能全盡錄🤭🙈

成日漏單，食物質素一般，魚生感覺唔太新鮮，炸物就算還可以吧。職員態度都算唔錯，不過真係成日漏單令我非常不滿意，而且可以簡既食物種類唔算多。不過勝在有免費梅酒飲。價錢都算貴

其實呢d放題大家都成日食，都係食果D野， 無咩好寫，食物相我都無影張。 今次寫食評係同服務有關。我地4大1小到餐廳食飯，餐廳安排左4人位，我地肩接肩咁坐，所以我地未開始就要求換位，果時我地位3歲小朋友被一名職員呼喝(名就唔開，如果係你本人睇到就反省下) ，叫佢度高要收佢小童價，呼喝聲音全場食客都望過黎，小朋友比佢嚇親，要成場人都望哂過黎就知有幾大聲都唔好講咩態度，佢果句"細路過去果去度高，超過90收你小童"真係有哂畫面。 首先一早講左4大1小， 你安排4位人已經唔岩， 仲要喝個小朋友度高！？ 已經講左4大1小度咩高！？ 之後我地都話無所謂1早講左有小朋友而佢真係高過90cm , 繼續要求換枱。個職員好唔順氣咁換枱比我地， 之後每次過黎我地枱都串串貢， 7點半已經叫我地8點要準時走， 我地問返佢我6點22分坐低點解要8點走？ 之後佢走左去check 單， 知道自己衰左就話你地8點22分要走 遲1分鐘都唔得。 成晚食餐個心情就比呢個職員影響哂， 如果唔係有小朋友唔想走黎走去， 我應該今晚唔會係到食。

等位期間，7點鐘到達。。門口帶位女士好冇禮貌！我bb一眼已經望到得一歲抱住訓中，就要求要叫佢起身量高度！叫醒了會喊完全冇諗過！仲大聲向我們說話！我們一家人都11個，人又吾算小！但完全冇禮品對待！