影片
更多
2021-09-07
173 浏览
第一次黎滿屋荃灣店食放題，好彩早收工，6:30左右嚟到，大鴻輝仲未出現排隊搭lift長龍。 $248自選兩個鐘，可以食到8:30 ，大把時間啦～～入咗之後，數QR code就可以落單，咁梗係放低個袋，行過圈，睇吓有咩嘢食同嘢飲先。超多雪糕糯米糍，有啲仲係有夾心！建議食之前五至10分鐘攞定，如果唔係，硬過石頭，食唔到住架～佢嘅飲品選擇多到有啲誇張，罐裝飲品，唔計啤酒，都多過10種！啤酒有五種！紙包飲品都有八種！真係花多眼亂！首先就梗係叫咗刺身先啦，個人認為三文魚，油甘魚，同埋赤貝係最高質，肥美又鮮甜。赤貝都好厚肉👍🏼👍🏼總共嗌左三轉😋😋燒羊架，好食都叫咗兩次，啖啖肉，而且落咗黑椒，好香口😁😁雞軟骨，味道比較淡，但係熱辣辣，加啲檸檬汁就夠晒惹味壽司方面，花之戀最出色！因為舊飯比較細，三文魚又夠肥美👍🏼👍🏼相思豆炸牛奶，中間係有紅豆，微微甜甜地，有溫暖，都幾好食😋😋除咗飲品之外，出面仲有熟食區，甜品區，同埋沙律櫃，仲有爆谷等等，成間餐廳都幾大，可以周圍行吓睇吓有咩新發現！最後點埋Häagen-Dazs雪糕，呢個係限數量的，每人只可以叫一杯，不過都有幾款味道可以選擇。性價比即刻高咗好多！整體來
入咗之後，數QR code就可以落單，咁梗係放低個袋，行過圈，睇吓有咩嘢食同嘢飲先。
超多雪糕糯米糍，有啲仲係有夾心！
建議食之前五至10分鐘攞定，如果唔係，硬過石頭，食唔到住架～
佢嘅飲品選擇多到有啲誇張，罐裝飲品，唔計啤酒，都多過10種！啤酒有五種！紙包飲品都有八種！真係花多眼亂！
首先就梗係叫咗刺身先啦，個人認為三文魚，油甘魚，同埋赤貝係最高質，肥美又鮮甜。赤貝都好厚肉👍🏼👍🏼總共嗌左三轉😋😋
燒羊架，好食都叫咗兩次，啖啖肉，而且落咗黑椒，好香口😁😁
雞軟骨，味道比較淡，但係熱辣辣，加啲檸檬汁就夠晒惹味
壽司方面，花之戀最出色！因為舊飯比較細，三文魚又夠肥美👍🏼👍🏼
相思豆炸牛奶，中間係有紅豆，微微甜甜地，有溫暖，都幾好食😋😋
除咗飲品之外，出面仲有熟食區，甜品區，同埋沙律櫃，仲有爆谷等等，成間餐廳都幾大，可以周圍行吓睇吓有咩新發現！
最後點埋Häagen-Dazs雪糕，呢個係限數量的，每人只可以叫一杯，不過都有幾款味道可以選擇。性價比即刻高咗好多！
整體來講餐飯都食得幾開心，成間餐廳非常多座位，不過基本上座無虛席，約齊人就要盡快book枱啦～～
张贴
