滿小館 (已結業)

🔹尖沙咀// 滿小館🔹人均約$320🔹▫️小館冰鎮甜酸豬爽肉 $198超級推介！未叫之前覺得有少少貴🥹，但係見到隔籬枱有啲煙霧噴出嚟好靚好有仙氣決定嗌🤣但係絕對要講返句平反！佢唔係得個樣真係超級好食🥰😍！！覺得係我食過最好食嘅咕嚕肉😍！份量其實都幾多，所以個價錢絕對係值得😝，可能因為有冰鎮嘅關係，佢個肉係超級爽！而且味道係偏酸我自己幾鍾意❤️而且好開胃🤓連其他配菜都幾好食菠蘿又唔酸😗😗▪️火烙古法燒腩叉 $168好好食！啲叉燒好肥，上菜嘅時候會點火燒😝，自己要睇火！如果唔係都好易燶🤣叉燒係有少少酒味好香😚😚▫️乾煸四季豆 $108幾好食幾好食，配飯一流！係有少少辣，都係平時食川菜嗰浸味🤪▪️紅燒BB鴿 $58正正常常，我覺得唔算太貴？未去到好驚為天人但係都幾好食😝🔹好飽評語意外地喺IG見到有人推介，所以試吓😝😝真係幾好食！下次一定會叫多啲朋友去食食多啲其他菜式，順帶一提，佢嘅茶係用蠟燭keep住燒🫖會一路保溫，幾有誠意！🧠回頭指數：9️⃣🧏🏻‍♀️打卡港女：8️⃣🌬冷氣溫度：7️⃣🚽廁所評價：6️⃣🧾性價比呢：8️⃣

平時除咗走Cafe，當然要抽時間同屋企人飲下茶，打算去歷史博物館，所以搵咗附近嘅 #滿小館 ，未開門就已經見到有人排隊，即時充滿信心！餐牌勁多嘢揀，點心、廚部、燉湯、甜品都有，選擇困難症即時出現。留意到餐牌，原來星期一至五仲免茶芥，多人嘅話，即係慳返啲錢叫多個點心。◽️ 鴛鴦小館南非鮑一隻鮑魚，兩款口味，一半是清酒煮，另一半磯寫，同時嘗到鮑魚的不同風味，但相同的是肉質鮮嫩又味美。◽️ 蟹鉗巨無霸平時去飲最鍾意食炸蟹鉗，今次有巨無霸版即食，炸至熱辣新金黃色，食落好彈牙，最特別係個醬汁在裡面，好方便。◽️ 小館獅子頭一大粒的獅子頭，軟腍之餘，鹹度適中，佐飯剛剛好。◽️ 金湯松露餃漂亮賣相，有少少松露香氣，配一點金湯更豐富。◽️ 水晶蝦餃皇大大粒蝦好彈牙，鮮味十足，皮又不會太厚。◽️ 咖喱魷魚似足舊時的味道，魷魚彈牙又有濃郁咖喱味。◽️ 蟲草花豬𦟌燉雞燉湯燉湯清甜，雞肉依然好滑，豬𦟌亦好腍，飲多兩啖好滋補。🔸 桂花紅酒雪梨 雪梨有酒香，不會煮得太腍，保持到口感，加上點點桂花好像星星，打卡度即時提升。🔸 椰汁桂花糕一半椰汁糕、一半桂花糕，清甜好味道。除咗傳統中式茶葉，仲有花茶可以揀，好多選擇呢～

上個月尾同一班舊同事聚餐，因為疫情關係，加上部份人移民，儘管未能全部都能到，但很難得湊在一起，便選了這家在尖東嘅滿小館。其中一位同事來吃過對佢贊不絕口，便來試試，果然沒有令我哋失望😜以下菜式姑且分享一下食後感：☘️金沙脆魚皮 - 點嚟餸酒，食哂至醒起唔記得影相☘️冰鎮荔枝串串茄- 小小酸甜，冰凍嘅小番茄入口感覺好清新 ☘️話梅有機白涼瓜- 酸酸甜甜一點也不苦，甘香爽脆,改變了本人對苦瓜嘅抗拒☘️酒釀醉蝦（掛住食唔記得影相😜）- 蝦肉爽口，好味。一碟得六隻，七個人又好難叫兩碟，後來經理直接從廚房拎多隻送俾我哋，咁最後終於一人一隻了😜☘️魚- 唔記得係咩魚，只記得魚肉很嫩滑☘️黃金鳳尾蝦多士- 一份四隻我哋叫咗兩份，香脆可口，必點👍☘️小館冰鎮甜酸豬爽肉- 即係咕嘮肉，個皮被冰鎮住好脆，有點像冰糖葫蘆嘅皮一樣，肉汁豐富，但份量有點太少了，所以我們叫咗兩份😜☘️燕麥金沙蝦球- 非常香口，每隻蝦球都被蛋黃包住，香脆可口，就是有點熱氣☘️梅香馬友煎肉餅- 煎得非常香口，肉質感覺上不是機攪碎的，家鄉嘅味道☘️慢煮紅酒牛肋骨- 非常入味，肉燉得很軟，入口即化的感覺 ☘️茶香煙燻太爺雞- 皮脆肉嫩，很香☘️ 鮮茄腐竹浸時蔬

今晚黎左滿小館食晚飯，性價比高，好適合一家人或一大班朋友聚會食飯，環境寬敞，坐得舒適。比起酒樓，有時我更鐘意黎呢類新派中菜館食飯😁鐵板蒜片牛仔柳 $98上枱時仲係卟卟卟燒緊，熱焫焫冒哂煙真係睇見都覺得惹味，牛仔柳肉質勁嫩，蒜片、紅椒同蔥都一齊放係鐵板上燒，令到牛仔柳更入味更香口😍鳳尾蝦多士 $78唔係好多中餐館有蝦多士叫，呢到既蝦多士係好味既，多士好酥脆，食落有「嚓」一聲，唔油膩，蝦都有一齊炸過，再落埋芝麻粒，味道更可口，點唔點沙律醬都一樣好食😋冰鎮清酒五頭南非鮑 $118口感厚實又彈牙，食落清酒味好出好香濃，浸到入哂味，真係冇點錯！👍🏼紅燒BB鴿 $58見到隔離枱叫左隻，我地又想食又跟住嗌😆燒得好靚，食落有少少炭燒味，鴿皮油香不得了，食落勁juicy，火候控制得好好，肉質嫩腍👍🏼火焰古法燒腩叉 $168呢個必叫！又睇得又食得👍🏼上左枱後會再燒一燒，真係火焰🔥燒腩叉，腩叉半肥瘦，食落都覺得肉質鬆嫩，上面舖滿桂花糖，有別於食開既蜜汁叉，我覺得用桂花糖燒食落更香甜，味道更特別。紫薯山藥泡時蔬 $108好新穎既配搭，清清地好健康，纖維又多，山藥好爽口清甜。椰汁桂花糕 $42我好鐘意食桂花糕，

今日避過午市高峰期同屋企人黎滿小館飲個靚茶😚呢間新派精緻中菜館質素一直保持得好好，係屋企人既悠閒飲茶首選，雖然定價係中高檔，但最緊要係味道夠好，而家平日中午都係免茶芥🤑好時中心既美食唔止得沙爹，仲有呢間新派中菜，裝修唔會好老氣🪵用咗唔少竹木系係櫃檯同餐具上，感覺自然舒服，仲有個調酒吧檯突顯出格調.作為一間中西合璧既新派中菜，茶水除咗普洱烏龍外仲有西式花果茶🫖今日揀咗瑰荔堂煌，職員仲會有一個小蠟燭熱住，服務幾好，入口花香果香溢出，幫助解膩🍒🥟水晶蝦餃皇 | $52 | 7/10蝦餃皮夠哂晶瑩剔透，唔會太薄易穿，入面蝦肉餡料就正常，相比今日食咗其他幾款蝦點心冇咁突出🤭🦀蟹籽燒賣 | $48 | 8/10即叫即蒸既美點，拎到出黎熱氣蒸騰，入口冬菇味好香好味道，咬落去肉餡比例恰到好處，既有蝦鮮味同豬肉既油潤😊🦐韭黃鮮蝦蒸腸粉 | $46 | 7.5/10有6大件腸粉，粉皮滑溜偏厚身，入面既大大原隻鮮蝦好似隔住腸粉都跳出黎咁，入口夠彈牙，韭黃味反而弱d🤪🦑古早味咖哩魷魚 | $48 | 8/10屋企人話呢碟好正，真係有細細個係酒樓食既風味，魷魚口感爽脆唔會韌😋加埋惹味咖哩更加欲罷不能，墊底仲豆卜

今日嚟到位於尖東嘅滿小館試吓佢地個lunch menu。位於尖東麼地道好時中心地下嘅佢，距離尖東站都係大約10分鐘嘅距離。場內闊落光猛，大約有10幾張枱，見佢旁邊都有包房呀。坐低緊係即刻開壺茶，茶錢每位$14加一，除咗典型茶葉，佢仲提供3款花茶。今日我哋就叫咗桂花烏龍，花味陣陣飄香撲鼻，在口腔中帶長餘韻。加埋個火熱住壺茶，打咭一流之餘，成餐都保持到個茶嘅熱度。首先叫咗呢個小館獅子頭，$68蚊。肉丸配上白飯，就好似一個小套餐咁相當趣致。個肉球軟身，食落個味道有啲似梅菜扣肉。配埋佢個鮮味醬汁，真係撈飯一流。第二味叫咗金湯松露餃，$48。金黃色湯汁配上三隻晶瑩湯餃，賣相相當唔錯。松露餃餃皮煙韌，松露味香，但味道唔會太重口覆蓋過其他味道。餃餡係啲冬菇同菌類，與松露相得益彰。佢個湯係南瓜汁，厚身甜甜哋。夾埋松露有一種中西合璧嘅感覺。第三味，蟹鉗巨無霸，$78。擺放返喺個木紋盤襯托簡潔鮮明。大大件蟹鉗有佢成隻杯咁大，跟咗個沙律菜俾你清清味蕾，蟹鉗皮脆乾身亦不會太厚。中間切開有啲汁，酸酸甜甜似咕嚕骨嘅味，個肉爽口之餘有豐富嘅蟹肉味。第四味，流心鵪鶉蛋燒賣，$48。唔同平日嘅燒賣，佢成粒白雪雪。吧一聲

放假同屋企人飲茶，揀咗依間主打新派點心小菜既中菜館☺️ 餐廳環境寬敞，食物款式多又有創意，星期一至五午市仲免茶芥，性價比唔錯👍🏻❀ 瑰荔堂煌 🫖入座後可以揀茶葉或花茶，依款係玫瑰荔枝花茶🌹 飲落有陣陣玫瑰及荔枝果香，清新解膩，仲有小蠟燭暖住花茶👍🏻❀ 金湯松露餃 🥟松露餃浸係清甜既金湯中✨ 餃皮食落有少少煙韌，咬開有滿滿既雜菌粒及黑松露，散發著陣陣香氣，味道香濃❀ 流心鵪鶉蛋燒賣 🥚燒賣入面包住大大粒鵪鶉蛋，咬開有流心蛋黃，好有驚喜😍 食落肉質彈牙，加埋流心蛋汁味道好夾～❀ 韭黃鮮蝦蒸腸粉 🦐腸粉皮整得好香滑✨ 入面有韭黃及新鮮彈牙既大蝦，好足料呢☺️❀ 古巴雪茄春卷 🦐以雪茄造型整成既春卷，賣相一流😍 外皮炸到脆卜卜，入面包滿蝦肉，旁邊仲有麥片碎做裝飾🙈❀ 蟹鉗巨無霸 🦀真係好巨型🥰 蟹鉗外層炸得香脆，蟹肉好彈牙，切開會見到爆汁酸甜醬，食落熱辣辣好正👍🏻❀ 鴛鴦小館南非鮑 🥢必食鴛鴦鮑魚😍 鮑魚大大隻，肉質鮮嫩彈牙，一半係用清酒煮，一半係磯煮✨ 兩款口味整得好入味，前者帶有陣陣酒香，後者味道相對較濃郁☺️❀ 八味金磚 🥢飲茶好鐘意點既小食～香脆既外皮加埋滑溜既豆腐，會令人食唔停口😝❀ 紅棗

香港人好多時放假都會去飲茶，我自己都唔例外，但有時酒樓嘅傳統點心食到有點悶，想搞搞新意思，搵啲新派特色點心。位於尖東嘅「滿小館」，日間嘅茶市就提供咗唔少嘅新派特色點心，好多都好有驚喜。另外就係逢星期一至五，午市免茶芥，而茶嘅選擇亦不少，除傳統嘅茶葉之外，亦有3款花茶選擇▶️古巴雪茄春卷 - 打卡度高嘅一款點心，仿雪茄嘅春卷放在煙灰缸上面，幾可亂真▶️黃金鳳尾蝦多士 - 食落香脆可口，最重要係一啲油膩感都無▶️蟹鉗巨無霸 - 蟹鉗巨無霸般大隻，用上蝦膠同蟹肉製成，亦加入咗適量糖醋在內，令到蟹鉗嘅味道更加豐富▶️金湯松露餃 - 松露粒同菇粒做餡，食落陣陣香濃嘅松露味，浸落鮮味十足嘅雞湯令味道層次提升▶️水晶蝦餃皇 - 皮薄而晶瑩剔透，蝦肉大大隻，非一般酒樓食到嘅蝦餃▶️流心鵪鶉蛋燒賣 - 越嚟越少係酒樓食到鵪鶉蛋燒賣，而鵪鶉蛋做到流心更加難能可貴▶️惠州梅菜扣肉包 - 類似叉燒包，但餡料換上梅菜扣肉，幾有諗頭，值得一試▶️桂花紅酒雪梨 - 以紅酒浸泡雪梨，令整個雪梨染紅，再以新鮮桂花同桂花糖作點綴，食落清甜之餘亦有紅酒嘅香味▶️椰汁桂花糕 - 作為飯後甜品，滿足的一餐

之前黎滿小館食過一次晚市，今次黎試吓佢地D手工點心😋平日午市係免茶芥金湯松露餃～一咬開餃子🥟松露菇菌味都已經出哂黎，透明嘅餃子皮彈口，餃子都被金湯雞湯浸住，多重味覺嘅享受紅燒BB鴿～骨軟肉酥，加上皮既油香，食落更juicy，鍾意食最外面感覺比肉味更香黃金鳳尾蝦多士～一上枱即刻忍唔住沾沙律醬食，就係想熱辣辣，香而酥脆，多士鋪滿芝麻👍更香囗小館獅子頭～一大舊肉丸，肉質吾會太鬆散，肉汁正，係我心目中吾算太重味，但鍾意師傅嘅心思會配上幾啖飯比客人一齊食，鍾意撈飯食，記得撈埋啲汁蟹籽燒賣～鮮味而且嫩彈飽滿XO醬帶子炒腸粉～呢個都係趁熱食，熱辣惹味，外面少脆，都幾可口嫁惠州梅菜扣肉包～呢個包我覺得肥肉可以多啲，油份要再重D，包同肉一齊食乾乾地‼️好多人都會嚟呢度飲返碗靚湯🥣

很久沒有吃點心，上個週末就同屋企人來到這間位於尖東的中菜餐廳！餐廳早上提供點心，晚上提供小菜！近日他們還轉了新餐牌呢！運程流沙包，流沙包每個都有表情好可愛，入面是流沙奶黃，味道不會好甜！意式濃蝦湯鮮竹卷，這鮮竹卷是炸過的，鮮竹卷入面有鮮蝦，外層吸收了西式的濃蝦湯的味道，好有蝦味，中西合璧，非常特別！惠州梅菜扣肉包，這款梅菜扣肉包用上刈包，入面包住梅菜扣肉，肉味道不會好甜，亦不算好肥，味道不錯！小館獅子頭，他們的獅子頭味道都不錯，醬汁甜甜地，肉球的肉不會很肥，還附有一個小小的飯，好貼心！古巴雪茄春卷，這款春卷的造型整到好像雪茄般，好特別，春卷外皮脆卜卜，內裡蝦肉都幾多，十分足料！八味金磚，這款金磚其實是豆腐，外層脆皮，上面亦有淮鹽等調味，內裡嫩滑，口感好正！避風塘蘿蔔糕，蘿蔔糕煎得香口，加上用上避風塘既炒法，很惹味！竹笙上素粉果，粉果外皮晶瑩剔透，內裡有菇粒，是一個清清地的點心，不錯！香辣醬汁鳳爪，鳳爪醬汁美味，而且整得剛剛好，不會太腍！

呢間係屬於比較新派嘅茶樓，點心好多fusion野好有特色，價錢就屬中價，都幾啱附近返工而又有慶祝活動可以試下~ 首先茶有得揀有果香嘅茶，我就揀左🍑白桃烏龍，好清香有淡淡嘅白桃味🥟金湯松露餃 $48松露餃好足料有好多菇，湯係南瓜湯，好好飲，兩者都幾夾🦀蟹鉗巨無霸 $78好大個蟹鉗，中間係甜酸醬，蟹肉好真材實料，唔係普通彈牙到普通丸咁，炸得金黃香脆👍🏻古巴雪茄春卷 $68打卡幾得意😂入面係好純粹嘅蒜香蝦肉，足料🦐XO醬帶子炒腸粉 $58個XO醬好香！炒得有鑊氣🍳另外仲叫左白胡椒豬肚雞 $58運程流沙包 $38流心鵪鶉蛋燒賣 $48蜜汁叉燒包 $36椰汁桂花糕 正常酒樓水平，不過不失～

去開麼地道想飲茶，就見到依間中菜館有得食點心，打開佢個餐牌就已經覺得佢啲菜式好新穎好新派。由茶開始講起，一般酒樓都係比茶葉，但係依度竟然有埋花茶，茶葉有：普洱、牡丹、鐵觀音、香片，而花茶嘅話有：桂花烏龍、瑰荔堂煌、白桃烏龍，我就叫咗白桃烏龍，都好清香。點心既話，運程流沙包$38、流心鵪鶉蛋燒賣$48、古巴雪茄春卷$68，聽個名都覺得好奇，造型就更特別，熱辣辣食都話都不錯👍🏻仲見有其他小菜幾特別，有機會再試下。

餐廳係位於尖東既新派精緻中菜館，環境好大，座位闊落坐得舒服，一家大細黎聚餐都好適合，另外餐廳仲設有獨立廂房私房菜。✨茶芥$14/位，星期一至五午市免茶芥✨另收加一-💕茶葉/花茶 新派特別，竟然有白桃烏龍😳-💕 水晶蝦餃皇 $52👅好味指數：7.5/10皮薄餡滿，外皮夠煙韌，蝦肉彈牙有鮮味👍🏻-💕 運程流沙包 $38👅好味指數：7/10造型可愛☺️放左陣都冇凝固到，包體軟綿，鹹蛋黃餡香甜。-💕 蜜汁叉燒腸 $48👅好味指數：7.5/10腸粉皮滑唔會過於厚身，叉燒入味👍🏻-💕 黃金鳳尾蝦多士 $78👅好味指數：7.8/10炸得好酥脆香口！咬落有聲🤣蝦味濃，仲有芝麻香🤤-💕 流心鵪鶉蛋燒賣 $48👅好味指數：6.9/10完美流心效果🤣相比起平時食既鵪鶉蛋燒賣，味道更清，小左份油膩感👍🏻。-💕 古巴雪茄春卷 $68👅好味指數：7.5/10賣相一流😂，仲做埋煙灰缸造型炸到熱辣辣好香脆，入面蝦肉爽口！- 💕 黑松露海鮮炆飯 $148👅好味指數：6.9/10份量超多！夠4-5人食😂炆飯濕潤而有咬口，色澤均勻，充滿醬油香，帶淡淡黑松露香，並配上蝦同翠玉瓜粒，口感豐富。

感謝邀約試食🙏價錢親民 性價比高中菜館值得一提 健康少味精！好味中菜之選👍蟹鉗巨無霸 HKD78 per person Deep-fried Giant Crab Claws啖啖肉 脆炸香口 配上甜酸醬 非常開胃😋It tasted so good with the sweet and sour sauce!! I also love the texture of the deep-fried crab claws ~ crispy and delicious 👍水晶蝦餃皇 HKD 52Shrimp Dumplings with Bamboo Shoots 皮薄餡靚😋Traditional Chinese dim sum and it tasted good with thin skin and good quality shrimp dumplings 金湯松露餃 HKD 48Streamed Truffle Dumplings in Chicken and Carrot Broth松露味香濃 配健康少味精金湯 值得一試👏The truffle taste was strong an

假日最鍾意同屋企人飲茶🤞🏻歎杯茶，食個包，慢慢傾下計，慢活享受。 今日選擇位於尖東好時中心地鋪的「滿小館」。 第一次黎依間餐廳，質素相當唔錯😋-可以選擇傳統的茶款，如普洱、鐵觀音、香片、牡丹； 亦可選擇花茶款，如桂花烏龍、瑰荔堂煌、白桃烏龍。 白桃烏龍的確幾清香。-❤️運程流沙包 $38賣相可愛，差不多每枱都會點😋 圓滾滾的流沙包，畫上不同表情。剛出爐的流心內餡暖笠笠，又甜又香。-❤️流心鵪鶉蛋燒賣 $48驚喜之手作點心。特意把鵪鶉蛋釀在燒賣裡，一口咬下蛋汁流出！爆汁溫潤，令人回味。-❤️蟹鉗巨無霸🦀️ $78色澤金黃皮脆，體積巨型，蟹肉肉質軟滑彈牙，啖啖蟹肉飽滿，口感十足。最特別之處是流心！將酸汁放進內！！驚喜滿分💯！ -❤️鐵板蒜片牛仔柳 $88鐵板呈上香氣四溢，牛柳在鐵板上吱吱作響，入口軟嫩，一定要配上靈魂脆蒜片一起吃，份外惹味。-❤️八味金磚 $68炸豆腐外層金黃脆香，條狀如金磚。 炸粉薄身不油不膩，入口裡邊是嫩白如鮮奶般的滑豆腐。-❤️紅燒BB 鴿 $58鴿皮燒得脆口，肉質嫩滑，點上淮鹽超好味。-❤️金湯松露餃 $48晶瑩透亮的外皮，包裹住豐富的內餡。濃郁的松茸香菇粒與黑松露的香氣逼人，浸在