滷友記 (華都中心)

营业中

休息中

香港小食首屈一指就是咖哩魚蛋，而車仔麵也不亞於魚蛋，這裡就把香港的代表都放在菜單上。襯陳皮魚蛋仍有香港製造要多吃點！這裡的下午茶麵餐可選雙拼或單拼，就來碗陳皮魚蛋拼牛筋河。另外，要碗牛三寶河，有金錢𦟌、金錢肚和牛筋。的確滷得入味又嫩腍。椒鹽什丸有魚蛋、牛丸、墨魚丸和貢丸，彈牙又惹味。近來大家都講究養生，這裡有三款自家製的飲品。我們就點了一支檸檬薏米水和一支蘋果雪梨雪耳。最近開始回春，總是濕濕的，檸檬薏米水正好袪袪濕。蘋果雪梨雪耳正好滋潤一下。

🥢荃灣必試滷水湯底豬腸麵🥢請支持即刻俾心👍🏻仲有follow @eatgoodwesteatbadwest 🥢荃灣呢個地方除了是米線之城外，還是一個有很多隱藏美食的地方，今次試試這間主打滷水湯麵的小店，看看滷水是否出色🥢滷水大腸拼牛丸手造爽脆米粉$45🥢先來一口湯，湯頭滷水味道超香濃厚，香味四溢，而湯底清甜又不太咸。🥢手造爽脆米粉質感幼滑爽脆，像河源的霸王花米粉，口感一流。🥢豬腸滷水味十足，沒有異味，口感軟淋，牛丸一般貨色，下次不會再點這餸🥢滷水的食材湯底非常好，見到旁邊檯有叫炸雞髀飯，樣子非常不錯，下次先過來試試正唔正滷友記 地址: 荃灣西樓角街170-184號華都中心1樓44號舖 按右上角按三點，要按 就唔會錯過貼文啦#辣#香港美食#香港小店#今晚食咩好#今晚食乜好#食好西#食好西系列#非廣告#吃貨#吃貨日常#吃貨人生#吃貨日記#支持小店#旅行日記#食評#食好西理想與現實#hongkongfood#food#foodie#hongkongfoodie#eat#eatgoodwesteatbadwest#Eeeeeats#FoodPho

平日不時都會經過呢間「滷友記」，其店面光鮮，店內以大地色為主，布置簡單，望落乾淨舒服，但由於價錢同附近餐廳比相對無咁吸引，所以一直遲遲未試。小店提供的食物都以滷水野為主，但仍有少許炸物，不過一心打算淺嘗，所以同朋友只點左一個飯同撈麵。牛筋、金錢肚、新竹貢丸配滷水汁撈粗 $43一直都係撈粗愛好者，所以二話不說點左個撈麵；滷水汁較稀，所以掛麵能力唔高，但好處係入口唔會太鹹，而且滷水味幾香。牛筋炆到仍然彈牙，有咬口；金錢肚都好味，但切得太幼，少左煙韌口感；貢丸完全唔得，太淋太粉。牛三寶飯(金錢展、牛筋、金錢肚) $52夾左朋友一塊牛展黎試，估唔到肉質鬆化，一D都唔乾唔韌，配埋個滷水汁，好有驚喜!!凍檸茶 $7唔係即沖，而係預先沖好放係雪櫃入面，檸檬已經浸左好耐，苦澀味好重。呢度有兩款辣醬，一款有蒜香，好友話好味，但我就比較中意呢款好有麻香而辣度又唔算高既麻辣醬油加落撈麵度就成為最近大熱既台式麻辣撈麵!!~整體食物味道唔錯，滷水汁唔係好油、好杰、好濃烈果款，而係較稀、入口唔會好油膩、但都好香既款式。偶然想食滷水野，都可以再黎試。

放工到荃灣食晚飯，近排經常食西餐，想食吓車仔麵，通過綠楊坊行到華都中心，有間滷友記係食滷水嘢，店子不算大，裝修簡單，顧客川流不息，幾有人氣。點了滷水湯底牛三寳幼麵，有牛筋，牛和金錢肚，係店舖嘅招牌食品，熱辣辣大大碗，份量十足，牛筋燜得好腍滑，膠質豐富。牛厚厚腍而爽脆，燜得啱啱好，唔會太腍，而且很有嚼口兼牛味濃郁，金錢肚網紋清，煙靱而腍滑，滷得好入味。幼麵亦好爽滑，滷水湯底鹹中帶甜，完全突出傳统滷水湯麵風格，非常出色。陳皮魚皮爽口彈牙兼有陳皮香味，又一出色小食。

平日下午茶時段，成間舖先坐得兩三枱客，小弟叫完碗面之後五分鐘，美食便送到，完成八成分量冇耐，因為麻辣湯底關系，鼻哥有D刺激，使用紙巾清潔，正當整理時候，估唔到四眼阿姐，問都冇問，好快手羅走碗面，事後我馬上找數( 唔想佢地免費或者出其它優惠比我 )，再解釋剛才事件，咁快收又唔糸有人客排隊，發完囉嗦就火滾離開，以後呢間店衹會 Black List 佢！

上星期六同蝦子餅食完厚切牛展麵今星期日就再 encore ，仲帶埋細女嚟食我同蝦子餅今次就叫了自選麵我就叫左牛筋，雞腎，豆腐～粗面鼓油湯底滷豆腐入味，牛筋軟淋，雞腎略硬…份量正常，如大食者可再叫其他小食蝦子餅就叫了牛筋，豬肚，陳皮魚蛋好豐富吖～陳皮魚蛋正細女就叫了佢嘅至愛…應該係所有細路仔嘅至愛～雞亦飯由於太肚餓，未影就食左，唯有影住食到一半嘅相先～我不停咁聽到細女話：好味吖…好味吖…就咁樣一個人食哂啲飯了！我地仲叫了兩個蔬菜上湯浸蘿白上湯浸娃娃菜湯味夠不會太濃味食飽飽就走了！

之前新開張食過覺得好味，今日再去食睇下Keep唔keep到水準。老公上次食過陳皮魚蛋同牛筋話好味，今次再番食。湯底依然係好香花椒八角的滷水味，香而不鹹陳皮魚蛋平時係街市買都唔平，呢度有咁多粒仲要幫你滷埋，都好抵食，口感的確好過普通魚蛋㗎滷水豆腐都好好味。平時炸過的滷水豆腐我就一般。呢種原汁原味嘅滷豆腐我比較鍾意因為夠滑。牛筋同上次一樣軟硬度適中，炆得夠淋而且入味！大贊！我今次就試吓蕃茄湯。果然好濃郁茄膏湯底味，都幾醒胃。最鍾意係佢個米粉吸晒啲湯汁食落口感好好本來想叫炸墨魚丸點知賣晒，就試吓炸牛丸。竟然有驚喜，牛丸夠Juice而且好滑唔會乾爭爭。上面有啲椒鹽。夠晒吸引自製檸檬薏米水好好飲又唔甜，不過$19一支冇得跟餐就略嫌貴左少少

原本係呢個商場係想食餃子館,但實在太多人,而我地2個又好肚餓,記得路經有一間個名好特別既滷友記,所以就行返返轉頭去試下我叫左$43金錢展﹑陳皮魚蛋﹑蘿蔔配米粉,要滷水汁。自細就好鐘意係陳皮(果皮)魚蛋,估唔到呢到有得食~開初我地好擔心滷水湯會咸,又估佢唔到咁香,而且唔咸,味道控制得好好。色水又夠深,味道又剛好,所有食材都好入味~佢既米粉有別於我地係出面食得到既,佢係帶爽口有口感嫁~$46唐心蛋肉燥飯。份量算多,肉汁足夠,肉燥比得都大方,夠食晒成個飯。$7杯檸檬茶好特別,已經為客人吱左檸檬唔洗客人自己篤,味道都可以~$17椒鹽炸墨丸。一上檯勁大粒,之後冷縮熱脹變返正常SIZE,好食喔~$24滷水雞翼 ,推介推介! 佢既滷水真係開得好掂,配咩夠入味就好好食。總結:佢既滷水﹑炸物都好值得推介。PS*如果大家食得辣既,一定要試下佢呢到既呢2款辣,味道就唔形容啦,你地去試下,我就比手指公既*滷友記地址 :荃灣西樓角街170-184號華都中心1樓44號舖電話號碼:36203331營業時間:星期一至日12:00 - 21:30

最近天氣比較潮濕又持續落雨天，心情比較鬱悶，連煮飯的心情也沒有，放工後就先在家附近吃完飯再回家吧！之前也沒有發現新開了一間滷水粉麵店，湯底，配料全部滷水自家調製，今晚就決定試試這間吧！雖然店內空間有限，但感覺不算太迫，而且裝修有少少中國風。餐牌選擇雖然不算太多，但既然餐廳打正旗號專賣滷水食品，一於叫幾款試試看。厚切金錢展配上海麵金錢展果然非常厚身，而且入口軟嫩入味，滷水香味四溢，而滷水湯㡳清甜而不太咸，配搭上海麵，更加凸顯滷香味。牛三寶配爽脆米粉配料有金錢展，牛根，金錢肚，這款金錢展是薄身的，比較有咬口，牛根膠質感重，入口軟嫩，金錢肚爽口彈牙，非常入味，第一次食爽脆米粉，似粉絲呈透明狀，但食落爽口彈牙，而且吸收了滷水汁特別滋味，大家一定要試試看。麻辣雙拼（豬大腸+豬肚）豬大腸清洗得非常乾淨，入口甘香軟淋，而豬肚口感爽彈，滷香味十足，再加上麻辣醬汁，開始有少少辣勁，隨後麻辣感覺突然衝上，非常刺激又惹味。食物好味又不太貴，如果荃灣可以開多一些這類型的小店就太好了。

牛三寶米粉，特別選了手造爽脆米粉，因為平日無食過手造的米粉，估唔到手造是不同的，米粉入口好彈牙，不會糊口，滲入了滷水湯底，好入味！金錢𦟌、牛筋、金錢肚係牛三寶，金錢𦟌厚肉，入口又林又有牛味。牛筋咬口又滑又痴，骨膠原十足。金錢肚爽口不刃，全部好入味。仲有d辣蒜容醬同麻辣醬可加，風味獨特麻辣豬大腸、雞腎， 麻辣味好正，入口先辣後麻，味道刺激一流，豬大腸林軟滷水入味，雞腎爽口。好味所以再叫多個小食，豬肚加雞亦，豬肚好入鹵水味，雞亦又好入味，回味陳皮冰糖燉檸檬熱好鮮味，味道獨特，檸檬酸帶少許陳皮既甘味，潤喉十足炸秋葵配蒜蓉，秋蓉炸得光澤，咬落爽口，而且鮮味，健康之選

鹵水溏心蛋$8食落有驚喜 口感是微凍的 有淡淡地嘅鹵水香味 蛋黃是流心的 加咗少少椒鹽 味道好突出陳皮魚蛋$16細細粒嘅魚蛋 一啖一口 質感比較紮實有彈性 細味咀嚼之下有好淡嘅陳皮香味 分量夠曬多大食四拼麵$46 配料包括:滷大腸，牛筋，豆腐，蘿蔔配幼麵 麻辣湯底湯底非常惹味 麻味多過辣味 麻麻痺痺嘅感覺好過癮幼麵質素高 食落爽口夠彈牙 唔會煮得過淋 非常喜歡這種質感滷大腸滷得非常出色 腸中間嘅脂肪好肥美 完全冇內臟嘅腥味滷豆腐 又淋又滑 豆腐吸曬鹵水汁好入味牛筋炆到好淋 膠質勁重 相信餐廳下了不少功夫 (必食之選)蘋果雪梨水$19清甜潤喉自家製 微微甜 啱曬我口味 飲落喉嚨勁唔舒服 頓時有潤潤的感覺 瓶內有蘋果肉及雪梨肉 還有雪耳 非常足料自家製辣椒油 又香又辣 拌麵拌小吃加兩滴一流 50蚊一樽餐牌嘅食物大致分為小吃，炸物，麵類及飯類選擇都幾多 最重要係價錢吾貴份量必定要試餐廳自家製嘅飲品 例如陳皮冰糖燉檸檬 蘋果雪梨雪耳 薏米檸檬水每款都有美容功效 對身體有益 誠心推介 健康之選

<炸脾勁大隻26 蚊 滷水又好味>🔥😋平時我去荃灣揾食 都去開 地鐵 a出口 嗰邊 , 好少沿住大窩口方向 b出口嗰邊 今日得到住喺附近朋友介紹 叫我去 b出口西樓閣嗰邊原來有個大廈叫華都 有 d似葵涌廣場嗰 d . 一入到平枱一樓就見到 <滷友記> 細細間鋪頭 以啡白色為主 放住唔同既小食相片 別樹一格💪🏻食店既 menu有兩種野食 滷水 同炸物 選擇唔多 但每一樣都好吸引 😈 🍴大滷麵 45 蚊😋🍜因為懶， 所以點左佢推介既大滷麵 唔洗揀😂有豆腐 金錢展 魚蛋 蘿蔔豆腐有 d似台灣嗰類 切成細片 好有口感 帶有少少滷水香味 , 金錢展厚切 肥瘦適中 咬落充滿膠質 好入味🐷 魚蛋係 細細粒好厚實丸咬口嗰 d .口感幾特意 而蘿蔔好正好林好入味🐟 麵就點左粗麵 🍜 比較爽口 麵味都勁既 而湯底就當然點左佢既滷水 滷水湯幾清甜 滷水味唔會好搶 甘同麵同食物味道好 match好食 推介 . (我相信如果點埋牛腩會仲正😂)🥤凍啡14 蚊☕❄如果跟餐點就7 蚊 佢係一早沖定 所以冇得少甜嗰 d . 但佢個咖啡味幾香濃 唔會話好甜 都幾滑 沖得唔錯 💪🏻

不過不失啦味濃，湯底有D特色，麻辣湯，滷水湯，番茄湯三款選擇，我今次叫咗滷水湯，不錯喔！雞翼夠滑，我唔會煮得過火，大腸味道都OK啦，加一杯冰鎮咖啡，味道不錯，但個麵底就一般般了！

小店在荃灣的一個小商場 環境挺乾淨 小店內位置不多 但坐得還算舒服店員好有禮貌 還會和客人有交流 很親切叫了一個麵和三個小食 已是很足夠兩個人的份量湯底和麵粉都有不同的可選=大滷麵=選了滷水湯 上海麵 單看顏色好像口味挺重的 其實滷水湯不會太鹹太油 而且好有味道配料好足 有金錢𦟌 陳皮 魚蛋 豆腐 蘿蔔金錢𦟌肉質很軟很稔 陳皮魚蛋是小小的那種 很香陳皮味蘿蔔非常稔而且没渣它的秘製麻辣油 跟滷麵很配 很香很麻 令滷水湯有另外一個感覺=上湯浸蘿蔔=蘿蔔真的没渣 清湯煮好稔好甜好多汁=椒鹽炸什丸= 有四種丸子 魚蛋 墨丸 牛丸 貢丸炸得很透 熱騰騰的 外脆內彈牙魚蛋跟剛剛大滷麵的魚蛋是不一樣的是大大的一個 口感好不一樣 店主太用心了椒鹽本身已經很出 但配他們家的秘製蒜辣醬酸酸甜甜又有少少辣 也很出色=滷水雞翼=滷水味甜甜的 雞翼入味也很滑=意米檸檬水=是自家製的 是清甜不會像外面買的都是死甜 小店是性價比高的一類

晚餐原本想去吃漢堡，後來看到這間就改變主意了，一進鋪內就聞到香味～麵粉可選 粗麵, 幼麵, 上海麵, 米粉 等湯底可選 滷水, 麻辣, 蕃茄 先來點招牌推薦的牛三寶麵~  有金錢𦟌, 牛筋, 金錢肚~  我選的是  滷水湯底配粗麵 (鋪頭名都叫 滷友記~ 當然要試滷水湯底XD )再來一個是 招牌大滷麵~ 有金錢𦟌, 陳皮魚蛋, 豆腐, 蘿蔔推薦 陳皮魚蛋, 挺有趣的, 咬下去的口感跟普通魚蛋很不一樣, 吃完後會有陳皮的香味滲出~值得一試!店裡提供秘製麻辣油, 光是打開蓋子就能聞到很香很香的花椒味道!試完原味湯底後, 就立能加一匙進湯底, 立即把整個麵都提升了一個層次!!!!  然後立即要買一罐!! 推薦!!!! 麻辣雞絲粉皮, 很開胃! 挺好吃!! 連檸檬茶我都覺得有點不一樣, 不太甜, 微酸, 恰到好處! 挺好～