滷友記 (華都中心)

营业中

休息中

一食愛上 #手造爽脆米粉好鐘意揀小店去食, 而呢間, 唔可以唔紀錄一下🤤我揀左佢勁推介我既 招牌大滷麵 🍜有陳皮魚蛋, 入味蘿蔔, 入味豆腐, 同牛𦟌 麻辣好好好食~ 唔識講、但絕對係令我一定會返去再食既感覺手造米粉係比較爽、 真心！ 一試會愛上仲有我最愛既炸丸 😍 係必食～而且同麻辣湯底好夾🤩我仲買埋檸檬薏米水 👍🏻 勁正, 唔會太甜, 飲完勁舒服。記得記得！ 要買佢地自家製麻辣醬 😍😍會上癮😅😅食完返唔到轉頭、 我都買左2樽走

早日出開荃豐中心買嘢…想醫肚就上網睇吓附近有乜好食啦…見到呢間主打滷水嘢又幾吸引麻甩Be喎…一於去試吓味先🤤. 滷水汁牛三寶飯 $55金錢肚：有咬口得嚟好軟腍！牛筋：啖啖膠質入囗滑溜溜！金錢展：最入味！一啲唔韌！配埋招牌滷水撈飯！正！. (下午茶自選兩配料湯麪）$38滷大腸牛筋滷水湯粗麪🤤相比之下Be個人強烈建議呢度食麪正過食飯！！配料同樣又腍又夠味！但重點係碗湯底🤤飲得出濃濃膠原溶化喺湯頭之中！Be係飲到清楚見到碗底架！. 椒鹽炸墨丸 $19見網上啲食評話係必點又真係無講錯😜粒粒都彈牙有口感！而且脆炸完都無話食到滿口油膩感！. 上湯浸唐生菜 $18時蔬都夠新鮮🥬不過如果早知係同飯麪之中嘅配菜一樣的話…會揀叫秋葵😂. 陳皮魚蛋 $20好重果皮味兼實的的嘅魚蛋sss！特地叫嚟試佢哋呢度嘅「自家秘製麻辣油」😝點嚟食漸漸感到口舌微微麻痺好過癮！！. 加點嘅凍奶茶（＋$5）不過不失👌反而跟餐免費叫嘅熱金桔蜜夠足料…飲落去有清心解熱嘅養生感覺😊

滷友記一開始係遠方被招牌吸引行近d就被香氣吸引你可能問，滷水有乜咁特別下文為你一一解答車仔麵好多不過主打滷水車仔麵就好少好少做得好嘅更是鳳毛麟角先講大腸入味缺不會太軟給人體驗內臟應有的那種爽口感味道很飽滿先是甜，然後鹹，最後是甘香。最後又有點類似月桂葉的回甘。很不錯。牛肚爽口彈牙，不會有血水的味道。越嚼越有滋味麵很喜歡的類似上海麵。伴上足夠的熱度。很好評。唯一要挑剔的就是份量有點少吧。最後驚喜醬！醬！醬！無論是辣醬定酸醬你一試試愛上

經過這家店，傳出濃香的滷水汁，好像呼喚大家前來品嘗，我被香味吸引而內進。餐牌上提供各款如車仔麵的配料，可以選店家預設的配撘，或者自選配菜。麵款有3-4款，湯底亦有4款任君選擇。朋友自選四餸，而我就挑選大滷麵，有齊吸湯的豆腐和蘿蔔，還有陳皮魚蛋和牛𦟌。我們都選了店內推介的米粉和滷水汁。另外點了小食選了芝麻醬雞絲粉皮和糖心蛋一隻。飲品就可以跟餐加配$10選了陳皮燉檸檬，最適合秋天時節。先來飲品，淡淡的，都很夠陳皮味，配濃味的滷水食品很適合。兩碗麵食都很大份，足料。滷水汁濃而不咸，米粉亦很爽口，同時亦能掛湯。牛𦟌非常軟滑，但一碗麵只有兩塊略嫌不夠，太好吃了！吸湯的蘿蔔和豆腐更為入味，但豆腐有點偏咸。我覺得陳皮魚蛋很驚喜，因為陳皮味非常濃郁而且夠爽彈，實屬坊間旱見。朋友亦分享了金錢肚和雞翼予我淺嚐，兩樣都燜得淋滑和美味。小食的糖心蛋的蛋黃流心而且很有蛋香，十分可口，吃罷很滿足。芝麻醬粉皮較為普通，但吃罷一頓濃味有這道涼菜有中和的作用。這餐每人約$85，雖然味道不如香味吸引，但勝在份量很充足，滷水汁的確出色，再經過的話必定會再來試其他配撘。

《 私 心 推 薦 》呢間係我最愛嘅食店，因為除左價錢合理，味道仲係一流！滷友記一向都以滷水為主打，而佢地做滷水麵個湯真係好高質！高質在夠味而不咸，有豉油滷水香。每次去必嗌佢個牛肚，豆腐同蘿蔔拼滷水湯米粉。哩個組合強在係全部材料麵係好索湯味。牛肚爽脆入味，蘿蔔香甜多汁，豆腐滷得入味！除咗麵仲有炸物都係必食，尤其係生炸大雞髀同椒鹽炸墨丸。生炸大雞髀既大隻亦好香脆，加埋小小椒鹽，令人食完一啖又一啖。而炸墨魚丸充滿墨魚香味，口感彈牙，配埋佢地自家製嘅蒜辣醬，蒜蓉配埋辣椒磨爛再煮埋一齊，將蒜嘅香味同甜味再配以辣椒嘅辣味，令成個醬香辣而不嗆，蒜香四溢，正！佢仲有好多自己製飲品，冰糖燉檸檬，薏仁水等等。去荃灣食野真係唔可以錯過！叫咁多野食都只係 $124 咋，係咪好出色呢～🍽 好食推介 ：椒鹽炸墨丸 $19

🎈滷友記下午茶時間入左黎充一充飢 兩點開始呀😇溏心蛋肉燥飯($36)個飯一嚟到好吸引 望落閃令令咁🍚肉燥 飯 溏心蛋同蔥花粒缺一不可再系個麵度灑上少少白芝麻😍味道方面 成個飯配合返啲蔥花粒食落去好香好滑 有一兩舊大嚿少少嘅五花腩配合返個飯食 好夾😋雙拼滷水雞翼加陳皮魚蛋($36)配蕃茄湯手造爽脆米粉🍜入到黎滷友記 就試吓佢哋既滷水雞翼🐔雞翼有滷水味 但可能因為浸左系蕃茄湯度 所以溝淡咗佢嘅味道 分開上滷水味應該會出啲🤭 陳皮魚蛋細細粒彈牙好咬蕃茄湯底入邊有蕃茄蓉 配合返佢哋舖頭嘅爽脆米粉幾特別 值得一試👍跟餐仲奉送熱飲 叫咗熱柚子蜜同柑桔蜜

好多時都忘記左呢間滷水小店 😝, 當每次食完晚飯後經過先記得, 所以今日mark 低一放工就到呢間位於荃灣華都中心1樓既滷水小店~我們二人分別叫左以下食品(👦)滷友三寶麵 ,有3款餸包括👉金錢展唔un,𣺉𣺉地👉牛筋好𣺉,好入味👉金錢肚一般水準麵款揀左粗麵無咩特別, 一般水準湯底 , 滷水湯湯底不錯,不會好咸還有奶茶一杯 , 茶味香濃 , 奶味適中, 茶味啱啱好蓋過奶味,但又飲到奶味喎~(👧)自選3餸麵,,有3款餸包括👉金錢肚一般水準👉雞腎雞腎ok 啦👉陳皮魚蛋魚蛋好彈牙 , 有陳皮味道👍麵款揀左自家製米粉好爽脆 , 好味👍湯底 , 滷水湯湯底好濃郁但唔咸😋👍仲有凍檸茶一杯 , 好有茶味🆗飲品方面 : 無提供咖啡☕選擇, 只得奶茶選擇

有事去荃灣一趟，終於到荃灣，但仲未食lunch，趕急，不過荃灣有好多小店，2點呢個鐘數應該容易搵位同可以好快食完。呢間鋪頭個名玩諧音，又幾得意，下午茶HKD36好抵玩，揀啱左養生既胡椒豬肚鹹菜湯飯，決定入去（我都想食滷水，但果刻想養生，so...🤣）。入到去，見到書法字既牌匾，好有氣勢。書法同滷水一樣，都係經過沈澱，有底藴先做得好，裝潢match食物主打，good!因為小店，目測應該24人座位左右，因為下午茶時段唔算好多人，所以尚好。平時應該幾逼。有貼心既桌下掛鉤，加分。下午茶送埋野飲，要左杯熱黑糖薑茶。黑糖薑茶較淡。胡椒豬肚鹹菜湯飯，豬肚ok，我偏好食軟身d既野，佢既豬肚爽口，可以更軟。胡椒味重，一開始比較鹹，可能要自己撈一撈勻。性價比高，出菜速度快。臨走前聽到有人叫左雙拼麵，再加好多其他滷水配料，好想聽佢地評價，但時間所限，要先走，下次可以一試。👧

呢間餐廳同男朋友提過幾次，但因為關門時間比較早，一直未有機會帶佢試。今日在荃灣打完波，一於帶佢食返隻佢最愛既雞脾補充下😋呢間係小店黎，座位唔算多，但人客唔算多，都坐的舒適。我地2人點左滷水雞髀飯，大滷麵，青菜，仲有樽佢地自家製既檸檬薏米水。滷水汁濃郁得黎唔太咸，味道適中。雞髀大大隻，啖啖肉好入味。我最欣賞係佢既米粉係自家製，好爽口好特別，黎到一定要試佢地個自製米粉。最後不得不提樽薏米水，好中意飲！

星期日有節目，食個早餐然後去拜山之後在荃灣随便逛逛，路過華都中心商場，各式各樣不同店舖，也有不少美食啊！ 發現有間小店「 滷老記」， 難道滷水好味😋簡單佈置，店舖細細間，座位少，仍坐得舒服，6:00 前有下午茶喎... $36 奉送 冷熱飲品..平宜有麵及飯餐我哋點了 兩餸麵 配蕃茄湯/ 滷水湯蘿蔔 炇得淋、甜滷水牛肚夠入味，大腸乾淨冇怪味，雞腎薄，味道略嫌太淡上海幼麵份量算是多濃濃 深色滷水湯 😋酸酸番茄🍅湯，開胃餐飲：黑糖薑茶，不太甜 夠薑總結： 幾好喎！下次再嚟 👌

豬師奶同朋友今日尼到荃灣dinner, 荃豐中心衣邊一連幾個商場都好多小店，是日比衣度既滷水吸引左，點知一試難忘！餐牌有湯麵同撈麵揀，仲有滷水小食同自家制飲品：蘋果雪梨雪耳同薏米檸檬水豬師奶揀左自選麵，蘿蔔豆腐雞腎滷水汁撈麵，價錢都只係43,仲有單拼或者雙拼揀，都係38蚊，真係你鐘意食幾多個餸都得^_^麵就揀左上海麵～衣個撈麵我比一百分，湯汁好濃，個麵質感好好，有咬口，d餸好足料，好多，成個麵份量好大，男仔都夠食～另外叫左個油菜，仲有滷汁湯添！

最近香港受到SARS 2.0的肆虐，很少市民願意外出消費及食飯，連平日一位難求的食店，都不用排隊及訂座了！當然筆者會好好利用呢段時間，四出尋找美食。今日去到荃灣華都中心商場，無意間發現咗一間好特别嘅小店，店舖的間格及座位唔算寬敞。平時可能係一位難求，所以要好好珍惜宜家嘅機會入去試吓！雖然店舖不大，但食物的款式及種類也不少，麵底除一般食店的粉麵外，小店有提供較特别的上海麵及手打爽脆米粉。湯底有皇牌的滷水湯，還有麻辣及蕃茄湯，任君選擇。根據目測其他食客的湯粉麵，大部份均選擇滷水湯底，其湯頭的色澤深如墨汁。心想: 從好的方面諗味道一定很濃、很入味；另一方面，一旦失手與喝豉汁也沒有分别，加上過咸及濃的味道反而令人反胃。最终筆者都係跟大隊，反正都是第一次嚟試新野。蘿蔔、豬大腸粗麵（滷水湯底）我覺得味道很獨特，濃濃的湯頭令麵條更入味。此外，蘿蔔炆得很稔，加上佢係一款吸湯的食物，所以非常夾配。小店嘅豬大腸也異常出色，既稔之餘仍有咬口，入味得嚟又唔會死咸。而且腸內則洗得很乾淨，绝對沒有那股豬“壓”味。牛丸、豬大腸上海麵（滷水湯底）其實食味跟之前那碗沒有太大分别，不過上海麵不是一般的麵店會提供，所以我便

讚1. 滷水野食幾入味，豆腐最正，入味又唔會太咸，同埋豆腐唔會鞋，魚蛋彈牙得黎又入味，唔錯2. 雪梨野飲好飲，好足料彈1. 米粉話係特別推薦，但入口太硬身2. 滷水牛腩好韌3. 炸魚皮實在係無味，雖然係即炸，但零味道

噚日(21-12-2019 Sat)晏晝同老公落荃灣,食個晏先.佢話嚟呢間,啊.我哋去到得一個客,坐低後睇完menu,我哋決定要:5. $19.00嘅蘋果雪梨雪耳女店員話係自家製,味道唔太甜亦冇酸味,ok.味道:3.5分2. $8.00嘅滷水唐心蛋滷水味道啱啱好,但隻蛋係冰凍.味道:5分3. $18.00嘅上湯浸蘿蔔蘿蔔冇渣亦唔苦,但味道有啲奇.味道:2.5分1. $43.00嘅三拚麵老公揀陳皮魚蛋, 滷水雞翼同滷水豆腐,要上海麵同滷水湯.我第一次食陳皮魚蛋, 真係有點點陳皮味,特別.味道:3分滷水豆腐, 滷到啲顏色似豬紅,食落,豆腐好滑.味道都OK.味道:5分上海麵,雖然滷水好濃,但都冇掩蓋到麵本身嘅味道,而佢嘅口感係滑.味道:4分滷水雞翼,我食晒其他嘢至食,呢個滷水味冇咁苦,正常啲.味道:3分4. $28.00嘅滷水大雞髀就算佢哋幫我一開三,都睇到好大隻,食落, 滷水味濃到苦,肉質嚡都在所難免.味道:0.1分抵食係2.5分服務:都幾好嘅,但我哋叫晒嘢食,冇打算叫嘢飲,女店員問我哋飲唔飲嘢?話有蘋果雪梨雪耳,薏米檸檬水,夠兩個人飲.我哋冇為意下就叫咗蘋果雪梨雪耳,o衣o家睇返menu

每次到這個商場都是為了去吃一間有名的餃子店，但其實到餃子店之前，附近有很多各式各樣的餐廳。這間餐廳座位不多，但客人不斷。今天一於的起心肝不吃餃子，轉吃滷味！食物價錢大眾化，主打滷水、炸物。蒜香炸豆腐20粉漿很薄，外皮微微金黃。豆腐嫩滑，可惜豆味不夠濃～伴炸香了的蒜頭同吃，惹味非常。牛筋、豬大腸、陳皮魚蛋 滷水汁麵 $43魚蛋有陳皮味，喜歡這種浸了一段時間都不會發漲的魚蛋。牛筋軟腍入味，充滿膠質。大腸乾淨，煙煙韌韌，有咬口。滷水汁味道不會太鹹，但不夠香濃。