滷友記 (華都中心)

营业中

休息中

放工到荃灣食晚飯，近排經常食西餐，想食吓車仔麵，通過綠楊坊行到華都中心，有間滷友記係食滷水嘢，店子不算大，裝修簡單，顧客川流不息，幾有人氣。點了滷水湯底牛三寳幼麵，有牛筋，牛和金錢肚，係店舖嘅招牌食品，熱辣辣大大碗，份量十足，牛筋燜得好腍滑，膠質豐富。牛厚厚腍而爽脆，燜得啱啱好，唔會太腍，而且很有嚼口兼牛味濃郁，金錢肚網紋清，煙靱而腍滑，滷得好入味。幼麵亦好爽滑，滷水湯底鹹中帶甜，完全突出傳统滷水湯麵風格，非常出色。陳皮魚皮爽口彈牙兼有陳皮香味，又一出色小食。