滔滔甜品

营业中

休息中

滔滔甜品元朗嘅糖水舖愈開愈多，繼快要有一老店要光榮結業後，我作為半個元朗人，更意識到撐小店嘅重要性，所以今晚飯後就去支持一下另一個個人認為唔錯嘅小店— 滔滔甜品。| 蛋白杏仁茶湯丸 |招牌糖水，當然從未令我失望過！熱食杏仁香滑，配芝麻湯圓十分出色，而且芝麻香滲入杏仁茶入，更顯香濃！| 木瓜雪耳燉桃膠 |入秋都需要清潤一下，木瓜自己係首選！加埋雪耳同桃膠，滋陰養顏！整體而言餐廳以中式糖水為主，而且味道幾好又唔太甜，飯後食都唔疣罪惡感。

唔知係咪我太唔識食，每次去元朗食甜品，都淨係識去B仔涼粉，但一直都覺得b仔唔係世人吹捧得咁勁，所以今次專登search下，元朗有咩甜品食，就發現到呢間評價唔錯嘅滔滔甜品。餐廳裝潢極富特色，以舊香港為主題，濃濃嘅時代感，不過格局實在太迫，兩個人食嘅話，要拼檯嘅機會率好高，會有少尷尬。講番野食，餐廳以中式甜品做主打，但一改平時中式較樸素嘅形象，以精緻風格突圍而出。今次嗌左養顏系列嘅木瓜雪耳燉桃膠，賣相好靚，莫名覺得好有營養嘅感覺。食落唔會太甜，感覺岩岩好。配料份量正常，但可以接受。友人嗌左新出系列，黑糖珍珠檸檬愛玉。第一啖都幾奇怪，檸檬過酸，但又有黑糖嘅甜，兩隻酸甜係唔太夾，不過食到後期會習慣左。份量出奇地多，愛玉同珍珠都食極食唔曬，但珍珠太細，係唔太咬到嘅細，失去左本身珍珠存在嘅意義。總括黎講，feel到餐廳係間有heart有gimmick嘅，定價唔高，可以一試。

今日去完產檢 又打算食啲對孕期好嘅甜品做下午茶知道康樂路開左間中式少少嘅糖水舖 走黎試下啦呢個嘅裝潢好有中國特底 啲位置坐墊用左傳統嘅繡花 加埋灰泥色的牆身 好似返左80年代仲有手繪嘅畫板 好紅呀好有東方之珠感覺 仲有啲舊式信箱老公叫左碗木瓜雪耳燉桃膠 $29 桃膠5係度度都食到 係女士養顏之選 味道清甜可口 木瓜好哂熟 桃膠 浸得爽口彈牙 配埋啲雪耳 食完精神謂之一振!而我就叫左核桃糊拼芝麻糊 $24這間店用石磨打磨出黎 無渣無沙 完全係好滑溜亦且力度控制得宜 黏度好高 亦都好濃郁 5易溶化 肚入面嘅寶寶好話甜甜地 好好味

既然涼茶可以納入中國的文化遺產，我覺得有養生保健作用的中式糖水其實都應該考慮納入為其中。從四季養生法來看，春養肝、夏養心、秋養肺、冬養腎，中式糖水都有著不同的養潤的作用，例如芝麻糊有護髮和潤膚作用，合桃糊有補腦功效，杏仁茶美白滋潤等，每款不同口味的糖水也發揮到其保健的功效。即製蛋白杏仁茶（$24）👍👍👍👍杏仁茶的香氣很濃郁，每一口都充滿著杏仁的味道，甜度適中，加上白滑的蛋白, 在秋冬乾燥的季節，確是一個美白養顏的甜品，女仕們就最適合了。石磨芝蔴糊（$20）👍👍👍👍👍這店的芝蔴糊是用電動石磨把芝蔴磨至滑溜，囗感的確幼滑，完全無渣, 而且甜度不會過甜, 正好適合港人口味。加上黑芝麻有多種養生功效，對皮膚頭髮等都有裨益，男女老少佳宜。桑寄生蓮子蛋茶（$20）👍👍👍👍👍這個桑寄生蓮子蛋茶, 味道甘澀中帶甜，除了有原隻雞蛋外, 還有蓮子和紅棗, 紅棗的甜味亦提升了當中的甜味。桑寄生其實有很多療效，是一個老少佳宜，特別是女仕的恩物。濃薑蕃薯糖水（$18）👍👍👍👍蕃薯配薑糖水, 真是最佳拍擋，這碗蕃薯糖水的薑味很重，甜味剛好, 不會過甜, 蕃薯大大嚿多到滿瀉, 認真抵食。門面內在環境餐牌

晚上吃完晚餐，在元朗附近逛街，想起之前來過這裡，加上天氣轉變，已經正值秋天，最好吃些滋潤的糖水。我們點了蛋白杏仁茶湯圓$31，木瓜燉雪耳$22，之後追加了濃薑蕃薯🍠糖水$18。蛋白杏仁茶湯圓$31，果然是貨真價實，杏仁是生磨，而不是開粉。杏仁茶內的湯圓是芝麻味，又是生磨的，所以很好香芝麻味。而且真的有一塊蛋白，吃完有點很滿足了。木瓜燉雪耳$22，淡淡的木瓜味，糖水不會太甜，加上雪耳，感覺腸胃都得到滋潤。濃薑蕃薯🍠糖水$18，本來沒有想點這個甜品，不過可能剛才在吃晚飯時，冷氣吹到頭部，有點不舒服，見到這個甜品便點來試試，因為薑有驅寒的作用。這個薑味不算太辣，甜品適中，蕃薯大大塊，吃完十幾分鐘之後，頭部不適，一掃而空，果然是真材實料。

當日去到已經好多人，要排隊排咗十幾分鐘。本來想食招牌菜叄元豆花，一早就買晒，但去滔滔一定要試芋圓，無可奈何之下叫咗一個愛玉黑珍珠+芋圓。叫呢個野既時候都唔知咩叫愛玉，後面一到咗，就見到一堆透明類似啫喱既物體，一啖咬落去就比啫喱更有咬口，黑珍珠就比平時食既珍珠奶茶入面珍珠彈牙，最特別係加咗檸檬汁，芋圓冇想像中咁好食，但可以接受，所有野夾埋好食！白色果碗已經唔記得叫咩名，但係就比較普通既。一樣入面有黑珍珠仲有雜果。整體都唔錯，坐既位置尚算寬敞，但就座位比較少，鋪面比較細！

食完晚飯🥢仲未飽心思思甜品癮起🤪入親元朗都食B仔🤭但想試試新嘗試☺️去左滔滔甜品😎一去到都要等一陣先有位坐😅店員推薦🤗「叁元豆花」🍧一碗滿足哂小妹想食嘅甜品🤤有芋圓、地瓜圓、黑糖珍珠、紫薯西米、豆腐花😍再配搭香草雪糕🍦自選架其他選擇有紅豆、芒果、愛玉😝芋圓、地瓜圓口感煙韌😆珍珠食落QQ😌黑糖味甚濃豆腐花都幾滑口😙雪糕上再加上黑糖漿😈邪惡每款配料份量十足😉食完都幾飽肚架

今日試咗芋圓、馬蹄露同埋木瓜桃膠雪耳。佢嘅芋圓入面有好多料，雪糕仲可以揀味道，成碗野唔會太甜，好有咬口，好飽肚，都係$30幾，超抵食。另外木瓜果碗桃膠份量都幾多，唔會太甜，木瓜夠熟，正。

不論環境，食物質素及服務態度都是神級的差，從不寫食評的我，也不得不吐不快。位於公園旁，距離約五十米有一垃圾站，位置較為僻靜。我們被安排到戶外座，短短20分鐘已經看見4次老鼠經過，感覺有點錯愕。b仔，泛后，松記都坐過戶外座，從未見過老鼠。我們點了叁元糖水同埋雪糕仙草。朋友的雪糕仙草來到時，雪糕已經是半溶的狀態，底部還暖暖的，吃第二口時，雪糕已完全溶化。而我點的叁元糖水，情況亦相同，唯一不同的是黑糖珍珠的中心是硬的。應該是不煮吧。平時堅持要食完不浪費，有食物焚化爐之稱的我也敵不過它，食了第三口就沒食了，根本不能再食。最後，到我埋單時就跟收銀說明一下"珍珠好像不熟"，他就一句"好呀"敷衍了事，找錢給我，然後就說"多謝幫襯"。根本沒有打算跟進。這種無視既回應，係元朗係好難搵到。滔滔甜品，絕對能給你驚嘆.

和表妹吃完火鍋以後，又是開動第二個胃的時候了。地頭蟲的她提意來到這所近日人氣的甜品店， 品嚐一下她的中式糖水。桑寄生蓮子蛋茶 $20桑寄生本身帶有獨特的苦澀味，但混合了桂園 給紅棗後，味道變得合宜，實在是清心養神補血養生的不二之選。流心花生湯丸 $18薑湯底薑味十足，絕對是行血暖身之選！湯圓皮真的是薄餡靚，煙韌微彈，濃濃的花生餡料緩緩地流出， 可真是滑口誘人。總體而言，價錢絕對合理，出品又貨真價實童叟無欺，怪不得深受街坊歡迎。

《滔滔甜品》 #食在元朗📍元朗康樂路8號康樂廣場地下9號舖-🔹叄元豆花 $33 #芋圓控 #煙韌控 （豆腐花、芋圓、地瓜圓、黑糖珍珠、紫薯西米+香草雪糕）有芋圓嘅地方我都要試🤣 呢碗野係幾豐富嘅但真係好普通 仲要唔夠凍😢 豆花又唔滑 因為細珍珠嘅關係無乜咬口 紫薯西米無乜紫薯味 係得d色😂整體碗野如果係凍d嘅話都可以一試 $33黎講有咁多款野都算係咁.🔹桃膠腐竹馬蹄露 $29 #養生系列原整想食木瓜雪耳燉桃膠 但無哂木瓜😢呢碗野我係嗌熱嘅 但都係好似室溫咁 腐竹好小好稀桃膠同馬蹄露就OK 普普通通 價錢都ok.🔹台式仙草凍 $18無特別 完。.4.5/10

尼間糖水鋪既有傳統糖水，亦有潮流興起既芋圓，岩哂唔同口味既人。叫左叄元豆花($33)，海底椰檸檬愛玉($27)，清心丸配綠豆爽($22)。叄元豆花材料有黑糖珍珠，紫薯西米，豆腐花，芋圓，地瓜圓，再自己配多一種材料(4選1)。紫薯西米有驚喜，食落口啖啖紫薯味，而且豆腐花好香豆味，又滑，加埋煙煙韌韌既唔同芋圓物，口感變到好豐富。海底椰檸檬愛玉有塊檸檬片，仲有1粒檸檬味熊仔糖係上面。海底椰數量多，愛玉既質素同台灣食到既差唔多，不過整體太甜。第1次食清心丸and綠豆爽，清心丸比起芋圓更煙韌，好有口感，超鍾意。綠豆爽好似端午節包粽個d綠豆餡咁，幾新奇，好少糖水鋪食到尼款糖水。相反，尼碗就清清淡淡，唔甜，感覺健康d。

The signature dessert has pretty much everything I ask for. All the different kinds of rice balls and a scoop of vanilla ice cream. I am not sure about the tofu being in there but the rice balls made it up. It wasn’t too sweet so it was easy to eat. The kitchen staff noticed I was looking around and asked if I needed anything. Pretty observant. Looking foreword to my next visit.

星期日冇野做緊係跟友人去食下糖水先😍😍😍滔滔甜品自從上次食過之後念念不忘😝😅再次返去都係選擇叁元豆花，上次試愛玉，今次揀紅豆😍😍😍真係有好豐富嘅味道，有好幾樣材料放埋一齊，豆花又好滑

十二點想係元朗食糖水選擇不多，滔滔開左有一段時間，一直冇試到今日有機會啦。鋪頭開到凌晨一點，十二點左右到門口啲檯都收曬，而鋪頭入面有十幾個位，裝修好复古。糖水以傳統糖水為主，亦都有黑珍珠、仙草凍同新出既叄元豆花。而滔滔亦都主打石磨合桃糊同埋石磨芝麻糊，最後叫左豆花同熱既石磨芝麻糊。紫薯西米-叄元豆花豆花已經有兩款芋圓（地瓜買同芋圓），另外仲有黑糖珍珠同紫薯西米，而底就係豆腐花，仲可以揀雪糕/愛玉/紅豆或者芒果，見圖用左雪糕於是都叫左香草雪糕黎到芋圓都有十數粒，每款配款都好重手，香草雪糕上面仲有黑糖。地瓜圓同芋圓好香好煙軔，地瓜圓仲有小小薑味，好好味。豆腐花都好滑，而紫薯西米好特別好香紫薯味，不過全部都偏甜，由其係啲水，食到最後有小小膩。相反芝麻糊比想像中出色，滿滿一大碗！入口非常濃滑，而且係一啲渣都冇，成碗都超濃郁一啲都唔水，$20抵！原本想叫埋湯圓，可惜岩岩食完晚餐冇耐，唔係要叫埋湯圓咁就完美啦。