滔滔甜品

营业中

休息中

同朋友食完farewell飯，例牌係食糖水既時間，佢地元朗人就帶我去試試哩間長龍人氣店。因為我地早去，好快就有位。入面既裝潢好有情調，以七八十年代老香港作為主題，亦包含好多香港🇭🇰元素，好似舞獅頭🦁、油燈等等。完我就揀冰烤紫薯雪糕系列既紫草園$38，包括仙草、黑糖水晶、芋圓地瓜圓同紅豆。紫薯雪糕口感好綿，明明食緊雪糕🍦又好似食緊綿花糖咁，而且仲食到紫薯粒粒同紫薯蓉，好特別！黑糖水晶我都係第一次試，少少爽口好似大菜糕口感，好重黑糖味。芋圓同地瓜圓🍠都食到芋頭同地瓜味，亦有煙韌咬口但煮得帶軟淋身。仙草唔算好滑，正正常常。完朋友揀左三元豆花$35，包括豆花、芋圓、地瓜圓🍠、黑糖珍珠、紫薯西米，仲可以係紅豆、香草雪糕、愛玉、芒果🥭入面再揀一種配料，朋友揀左雪糕。朋友話紫薯西米好特別，食到淡淡紫薯味。黑糖珍珠煮得入味，唔單止外表有味，口感煙韌。而主角豆花唔算好滑，但有香濃豆香。😋完整體上都滿意，價錢稍貴，但絕對可以一試。店舖仲提供傳統糖水，不過固定配搭既糖水唔可以改，要注意喔⚠️完

去過幾次摸門釘 勁多人排隊今次終於俾我等到😃-🌸叁元豆花 HK$35有芋圓 地瓜圓 黑糖珍珠 紫薯西米 再配左愛玉芋圓幾好食 有芋頭香 好怕有哦成粒擦膠咁 唔知食緊乜同埋超多料 滿足好多個願望😃-🌸薑汁湯丸 HK$18個薑汁先係重點 夠晒薑❤️不過朋友話有點辣 我就覺得好好好正

最近在元朗新發現最好吃的竽圓，老實講很多地方的竽圓還未煮透，或沒有芋頭番薯的味道 - 在滔滔甜品一試愛上，重拾在台灣九份的味道！！今天是芝麻合桃糊竽圓，香滑，竽圓QQ的滿滿竽香

食完dinner之後意猶未盡，決定再去食個甜品，適逢好耐無食中式甜品，於是就泥左滔滔甜品。前：木瓜雪耳燉桃膠(熱) ($29)想食養生的糖水，所以就食呢個甜品🤤木瓜好甜，亦吸收左糖水既味😋可惜桃膠完了無味，而且沒有膠質黏稠既質感，核膠看似最後才放上面，而唔係同木瓜雪耳一齊燉，完全吸收唔到糖水既味。而整碗糖水則偏甜。後：石磨芝麻糊(熱) ($20)熱騰騰既芝麻糊幼滑無渣，甜度適中。以前試過都呢間石磨芝麻糊，而今次同上次食既一樣，依然保持水準。個人比較喜歡呢碗整體：芝麻糊用了寫了戰鬥碗既碗裝著，而店鋪裝潢都很有懷舊風，很有特色！

因為正餐食唔飽，有朋友提議嚟食糖水，話呢到d清心丸糖水好食wor~menu都好多選擇下揀左呢碗大堆頭叁元豆花 $35(8點前$33)啱哂貪心既我，有豆腐花、芋圓、地瓜圓、黑糖珍珠、紫薯西米+愛玉（其實可以揀芒果/紅豆/香草雪糕，4選一）成碗糖水口感好豐富，豆腐花嫩滑，芋圓、地瓜圓、黑糖珍珠夠哂煙韌有唔同既嚼頭，又唔會太甜，紫薯西米香甜，愛玉好似啫喱甘qq~一碗就滿足哂所有願望，而且唔會好甜，感覺健康d～

我哋趁住夜晚又凍返d，特登去食暖笠笠嘅糖水🥰1合桃糊芝麻湯圓成碗甜品就嚟滿瀉！😝合桃糊真材實料，幾濃郁，超級滑溜，甜度適中，啱晒唔嗜甜嘅朋友。😘湯圓係芝麻餡，湯圓好香甜好軟糯，黑芝麻香噴噴，食落甜蜜蜜，好正啊！2.椰汁紫米露紫米一直都係我嘅至愛！呢碗糖水嘅賣相好吸引，一圈一圈，令我想起寵物小精靈嘅蚊香蛙🤣🤣🤣佢d紫米好有𡁻口，煙煙韌韌，加埋椰漿，絕配呀！成碗同樣份量好足，食完好滿足，食完覺得好舒服、溫暖。🥰🥰🥰

元朗有很多糖水舖，今次嚟朋友介紹的這家試試。店舖裝修走懷舊文藝風，又有點舊香港感覺，幾有特色。餐廳主要賣港式糖水，有時食開新式糖水都會惦掛港式糖水。基本的有紅豆沙、綠豆沙、芝麻糊，杏仁糊等等，而且價錢都十分相宜，大部分都不超過三十元。竟被我在餐牌上看到有仙草凍，甚麼都動搖不到我了😂今次點了仙草凍右雪糕，而這家糖水店只有雲呢拿味雪糕選擇。仙草凍滑嘟嘟，很喜歡這口感，而且調味時不會過甜，甜度是剛剛好。下次喺元朗食糖水都會嚟呢間，好想試埋其他產品😍

今日食完飯，去滔滔甜品食糖水。。十點鐘，應該係對於大部分既人，係星期六晚，食糖水既黃金時間！我地十個人，等左二十分鐘，諗住終於有位。。點知叫個合桃糊。。無叫個芝麻糊。。無叫個蛋白杏仁茶。。無叫個馬蹄露。。無紫米露。。無綠豆沙。。無我地問，甘其實你仲有咩係有既呢？之後作為店鋪半個老闆既男人態度好差話“我地細鋪唔可以備甘多貨, 我地人手少，你地下次早啲黎囉”乜都無都算！但點解佢既態度仲可以甘差！之後陸陸續續等緊既人都走！

天氣咁凍，緊係要食返碗暖呼呼既糖水。上幾次黎滔滔甜品，清心丸都賣晒，今次黎食到最愛，當然要紀錄下。滔滔室內位置得3-4張枱，人多既通常會出面坐。餐單上有冷熱港式糖水同冰凍糖水，佢既糖水足料亦唔會過甜，可以加錢配其他食料。黎到可以試下佢既芋圓同清心丸，前者有芋頭味同好有咬口。 腐竹馬蹄露清心丸- 腐竹馬蹄份量多，唔會太甜。重點介紹清心丸，口感似大粒珍珠，煙煙韌韌，少少甜味，配埋馬蹄好爽口。紫米露配清心丸總結：性價比高既糖水店！

元朗有大量糖水舖，舊既有B仔，新少少既有糖森林，絕對不乏選擇！今日同朋友即興黎到呢間位於安娜餐廳後面既甜品鋪，睇中佢特別既裝修，同埋有芋圓／地瓜圓，呢間舖頭既位置人流唔算多，附近亦都無糖水舖，所以比較難搵到！佢有室內同埋室外座位，冬天如果唔係太凍，係出面坐其實仲舒服，無禁焗！我同朋友都叫左呢碗有芋圓，地瓜圓，黑糖珍珠，紫薯西米，加雪糕，另有豆腐花底既甜品！最鍾意佢既豆腐花，好滑！紫薯西米無咩紫薯味，黑糖珍珠亦都唔係好重黑糖味，但欣賞佢係用細粒個隻珍珠，方便食！雪糕同埋芋圓，地瓜圓無咩特別，味道同樣唔算好濃！但呢個價錢包禁多樣野，我都收貨既！

來到元朗食飽飯點可以唔食返碗湯水先走呢? 上網見到D間<滔滔甜品>有齊哂傳統湯水+新式甜品, 絕對適合所有人, 由3到80歲都一定岩啦!見到門口已經覺好有懷舊特式啦, 晚上7點幾已經坐滿好多人, 餐牌上有好多選擇, 傳統湯水有好多, 新式既有台灣綿綿冰, 芋圓, 珍珠….我就揀左個第一次見既潮式糖水<腐竹馬蹄清心丸>, 貪佢夠特別. D個糖水好似平時食開既腐竹糖水, 另加左新鮮馬蹄, 口感好脆口同清新, 加上清心丸, 好似芋圓咁(煙煙銀銀), 成碗湯水好滋潤好清新口感又脆又軟,好食又難忘!另一碗鮮雜果西米露, 超多新鮮水果, 西米露雪得夠哂凍, 又不太甜, 唔錯唔錯!下次要再來試下<蛋白杏仁湯圓>同埋<石磨核桃露拼芝麻湖>至得! 諗起都想食!!

腐竹馬蹄清心丸（熱） $27🌕🌕🌕🌕🌕糖水溫度不穩，時熱時暖，但當佢係熱既狀態時，味道絕對係滿分！糖水唔會太甜，馬蹄有大有細有咬口，清心丸大大粒好煙韌！之前外賣搭左半個鐘車，番到屋企食都夠熱好好食！！呢間我最推呢個！-蓮子雪耳清心丸（熱） $27🌕🌕🌕🌗🌑清心丸都好好食，但糖水過甜，甜到似罐頭糖水咁，一般。值得一讚既係，用左洋薏米，好有咬口啊～-檸檬珍珠愛玉 $27🌕🌕🌕🌖🌑第一口，好酸！就算珍珠幾甜，都係好酸，但之後食落都唔差，會令人想繼續食，好開胃。

叫左芒果桃膠西米露，33蚊個碗看似唔大其實內裡份量十足超多芒果同桃膠芒果唔酸，基本上有半碗都係芒果西米露輕甜，唔會搶左芒果的香味和甜味桃膠原來是熱的，一開始又凍又熱有些唔慣，不過當桃膠同西米露同一溫度時又幾好食黎呢度食飯後甜品真係唔錯的選擇

同朋友去元朗食嘢，佢話之前食過一間糖水舖可以介紹下，不過我哋都搵咗一陣先搵到，個地點唔係大街，所以要啲時間搵一去到門口就覺得幾特別，懷舊風，環境都唔錯，都幾有心機去裝修，雖然裏便得幾張枱，一坐低我哋就叫咗兩碗糖水，呢兩款都係佢哋鋪頭比較出名嘅，人氣產品黎，一是發現檸檬味嘅好清新呀，喺其他糖水舖比較少食到，味道唔錯，我都幾鍾意另一碗係馬蹄爽，個人本身對馬蹄冇咩興趣，但係食落去都幾好味，唔太甜而且唔會好膩，唔會有好飽好脹嘅感覺我哋去嗰陣冇咩人，所以都坐得幾舒服，可以去試吓

曾經我為左佢排過40分鍾～～今時今日元朗好多新式糖水店了。不過係得佢同b 仔開得夜少少 ， 不過今次食好失望啊😫😫😫😫😫😫😫😫😫😫😫😫1蚊荳花。勁多配料。但係今次珍珠同芋圓都好硬呀........ 勁失望， 同埋成碗野甜左好多， 愛玉超甜，凍食珍珠同芋圓會硬d 我明， 但今次似係雪耐過一日個隻硬..食基本野既， 我覺得唔駛來呢間了 題外話：店舖外面又衛生情況真係好差！！！對面就係好多露宿者，食食下突然間有一隻貓咁大嘅老鼠！跑左係我面前，建議大家都係坐店內....