滇園雲南飲食 (已結業)

薄荷奶茶，奶茶味不算濃，但同薄荷味平衡，兩者味道都剛好。朱古力普洱，朱古力味好淡，普洱味較重，朱古力同茶的味道都幾夾，好飲。二人套餐$108。有鹵水拼盤，主菜，小食，米線或飯，仲有特飲，真係飽肚抵食。鹵水拼盤有蛋、雞翼、腩肉，鹵水好有香味，但就煮得唔夠入味，味道較單調。但米線的雞湯底好飲，好重雞味又唔咸，加上滑溜米線，味道好好。滇家醬青瓜，個醬偏咸，食唔慣覺得味道太濃太重，青瓜沾少少醬就夠味，爽脆清新口感。主食叫左滇家鹵水鴨，同樣香味好吸引，未食已經聞到鹵水香，但也是不入味，肉質有咬口，鴨味濃郁好味。總括，雖然鹵味好香但不夠入味，黎反而雞湯底的米線更好味。 二人套餐有齊四餸、米線及特飲，二人才百元頭，還沒冇加一收費，頗抵食。

今次嚟到滇園搵食！住喺荃灣咁多年～即使以前係成日排長龍嘅扒王之王～但呢個鋪位真係一次都冇去過！唔想幫襯連鎖店～由荃灣廣場去愉景新城期間一直尋找有興趣嘅餐廳～忽然腦內閃出呢度～從外面偷望咗吓～好似冇咩人～預計應該好貴～但再望吓餐牌～雲南米線竟然同米線店差不多～就即管入去挑戰一下！正門尚算雅緻店內空間廣闊～有2層～座椅係藤椅為主～環境舒適～通往廚房的路有雕花門餐牌有各式各樣嘅套餐～四喜滋味餐 （$108）呢個套餐有一個滷水拼盤、前菜、主菜、蔬菜、飯/米線、仲可揀特色飲品～滇味滷拼滷水雞翼不錯～都幾入味～咬開後可見雞肉已染上一層淺啡色～肉質仍算鮮嫩烤脆肉（豬頸肉）～得2片～但味道不錯～不會太油～反而因為它的油脂令佢有咬口滷蛋～感覺滷得太耐～蛋白已變得乾水嚡口…腩肉～份量最多～但都偏乾～不過不失。黑三剁豆腐本來想叫燒茄拌皮蛋～但落單時店員話已經取消咗…咁又出現喺menu嘅…不過呢個黑三剁豆腐都有皮蛋！雖然餐牌只有1隻辣椒～但都算辣～份量以前菜嚟講係非常多！大概有一磚豆腐～平時嘅餐廳通常只有4、5片吧～皮蛋雖然可見到清晰雪花～但略嫌不夠濃味～整體上可推薦！糖醋香酥肉呢個主菜唔得！香酥肉係炸粉為主

咁啱一堆人20個去食 見到樓下冇大枱 本身就諗住算啦去第二間 之後個店員出嚟話咪開個樓上平時只for私房菜嘅廳比我地用 咁就入咗呢個大伏了20個人比得2份餐牌我哋諗住自己咁多人就費事麻煩到人點菜點到亂哂啦 本身就諗住自己寫哂係紙到俾佢一次過跟住張紙落單嘅 但係佢又係都要我哋自己講住點菜 之後個老闆黑哂口面咁點菜 點點下菜同個店員講嘢嗰陣又俾我哋聽到佢用粗口話我地lol 佢話：「好X多」真係令人啼笑不得 其實我哋有冇話一定要入黎食嘅 係佢自己話開個私房菜廳比我地 但係落餐嘅時候又話我哋人數多 咁算點先？粗口都唔緊要喇 但之後上餐嗰陣又黎錯野食 甚至我哋成枱食晒 我地已經落埋樓下自己提佢差乜嘢未有 佢都居然可以唔知仲有一個差未整 ^^ 而呢間野嘅食物質素真係令我大開眼界😂不單止餐牌抄普洱抄到一模一樣 色系排版冇分別 我哋啲湯米線竟然可以有人係得幾匙羹湯 二湯米線係一啲味都冇 淡到不得了 凍飲竟然係冇冰嘅⋯個杯朱古力普洱冇冰係幾咁頂你明唔明⋯⋯ 最好笑既係杯蜂蜜綠茶⋯ 如無意外應該真係用 支裝道地綠茶 倒落個杯到⋯一飲就飲得出喺道地陣味⋯⋯除咗店員講粗口 有個上菜既嬸嬸竟然話自己唔識字 我哋

某天行過這店對面，才記起上次出外旅遊前，由於乘搭夜航，曾匆匆在這店子食過一次晚飯，當晚抱著食得小，隨便找間小店試下的心態，結果印象中這店真是不會令人有“印象”，平凡普通，無特別無特色，以它的價錢計，食物入得口，不算好食亦不太差。當晚叫了兩個餐，包括：氣煱雞餐~氣煱雞，有輕微藥材味，雞煮得頗老，個湯都幾肥。灼菜，尚好，不致於太淋，不加上那一殼得過咸字的平價蠔油會更好。套餐~切雞，雞肉尚算嫩，但雞味欠奉，雞皮不太肥，可接受。青瓜，撈了蒜蓉粒和辣椒碎，清新中帶點辣味，非常醒胃，不錯。地瓜飯，簡直是驚喜，加入地瓜和肉碎，增加了飯的香味，食落有半點似海南雞飯的油飯，算是全晚的意外收獲。甜酸肉排，皮淋肉鞋，噬落有渣，但味道算適中，幾拾元—個餐，材料也真是難有保證，以價錢衡量，可飽肚，入得口，算是這樣了，何況每個餐還送一杯杯飲品呢。

今晚同太太試吓呢間睇落唔貴，但裝修幾雅致嘅雲南餐館。7時45分去到，入面都幾多人，仲有一張可以坐5個人嘅L檯剩，我同太太猶豫緊坐唔坐好嘅時候，發現係冇樓面幫忙安排座位，後面跟住有4個人入黎，我梗係坐左先。等左兩分鐘先見到有個哥哥仔從廚房出來，即刻攔截住佢落單，落完單個哥哥仔又神秘地消失左。喺等野食嘅十多分鐘，只係見到有人傳菜，而見唔到有人會企在樓面招呼入黎嘅客，就喺呢十幾分鐘，已經有不下四五組客因冇人招呼而走左。除左冇人企樓面，呢間餐館嘅衛生情況亦有待改善，可能真係唔夠人手，我見到洗碗阿姐戴住仲係濕嘅膠手套傳菜。今晚食左個二人餐，味道同份量合格有餘，只係計埋服務同衛生，就真係可一不可再。

多年來這家大廈的地舖名字轉又轉,時間最持久的是曾是人龍店的扒王之王,當看著她由人龍店到後期推出超優惠飯盒,也感覺到其命不久已,繼而又出現一家曇花一現的上海店,可是還未去嘗試又已變為另一家雲南菜館--滇園。週末決定先在荃灣吃飽飽才出發到目的地,週末的滇園比平日午餐時間更易找位置,畢竟大多數人也像我一樣, 週末放工後還不往別處跑? 況且對面愉景新城地利更好選擇也多,誰會特意多走一條天橋到這邊吃飯?? 所以很容易就佔有一席,不過午餐時間也算熱鬧。自己很少接觸雲南菜,看著菜牌上很多新奇名字及配搭也很有興趣,這裡除汽鍋雞、米線的熟悉雲南菜名字,還有雲南特產野菌和幾款中式點心,左看右看發現有米線餐, 除包括特色飲品還可加$6多款小食, 以精明消費者角度而言當然點這個套餐。單拼及雙拼米線價格不同,相距少許當選多一款選擇的雙拼醬撈米線($36) ,從多款配菜中點了好像稍為特別的春城豆花及手撕雞。大大碗的米線本身已有點韮菜、芽菜、酸菜作配料,就像平日吃過的小鍋米線般不算單調,米線有彈力之餘仍有滑溜感覺,不會軟得沒咀嚼勁,本來不太喜米線的我也覺得蠻好吃,相信浸湯後的食感也不會過軟。春城豆花不如想像中是片出