影片
薄荷奶茶，奶茶味不算浓，但同薄荷味平衡，两者味道都刚好。朱古力普洱，朱古力味好淡，普洱味较重，朱古力同茶的味道都几夹，好饮。二人套餐$108。有卤水拼盘，主菜，小食，米线或饭，仲有特饮，真系饱肚抵食。卤水拼盘有蛋、鸡翼、腩肉，卤水好有香味，但就煮得唔够入味，味道较单调。但米线的鸡汤底好饮，好重鸡味又唔咸，加上滑溜米线，味道好好。滇家酱青瓜，个酱偏咸，食唔惯觉得味道太浓太重，青瓜沾少少酱就够味，爽脆清新口感。主食叫左滇家卤水鸭，同样香味好吸引，未食已经闻到卤水香，但也是不入味，肉质有咬口，鸭味浓郁好味。总括，虽然卤味好香但不够入味，黎反而鸡汤底的米线更好味。 二人套餐有齐四𩠌、米线及特饮，二人才百元头，还没冇加一收费，颇抵食。
继续阅读
今次嚟到滇园揾食！住喺荃湾咁多年～即使以前系成日排长龙嘅扒王之王～但呢个铺位真系一次都冇去过！唔想帮衬连锁店～由荃湾广场去愉景新城期间一直寻找有兴趣嘅餐厅～忽然脑内闪出呢度～从外面偷望咗吓～好似冇咩人～预计应该好贵～但再望吓餐牌～云南米线竟然同米线店差不多～就即管入去挑战一下！正门尚算雅致店内空间广阔～有2层～座椅系藤椅为主～环境舒适～通往厨房的路有雕花门餐牌有各式各样嘅套餐～四喜滋味餐 （$108）呢个套餐有一个卤水拼盘、前菜、主菜、蔬菜、饭/米线、仲可拣特色饮品～滇味卤拼卤水鸡翼不错～都几入味～咬开后可见鸡肉已染上一层浅啡色～肉质仍算鲜嫩烤脆肉（猪颈肉）～得2片～但味道不错～不会太油～反而因为它的油脂令佢有咬口卤蛋～感觉卤得太耐～蛋白已变得干水嚡口…腩肉～份量最多～但都偏干～不过不失。黑三剁豆腐本来想叫烧茄拌皮蛋～但落单时店员话已经取消咗…咁又出现喺menu嘅…不过呢个黑三剁豆腐都有皮蛋！虽然餐牌只有1只辣椒～但都算辣～份量以前菜嚟讲系非常多！大概有一砖豆腐～平时嘅餐厅通常只有4、5片吧～皮蛋虽然可见到清晰雪花～但略嫌不够浓味～整体上可推荐！糖醋香酥肉呢个主菜唔得！香酥肉系炸粉为主～不太感受到有肉～不过个醋嘅酸甜度合适～如果捞饭应该几好味～蚝油蔬菜菜不够甜～系菜头比较好味～蚝油不会太咸～所以用于调味都唔错～份量亦颇多～米线小小一碗米线～汤很清甜～面嘅软硬度亦适中～份量系比较少但因为有多碟𩠌菜所以都够饱～芋香紫米冰餐饮连特饮都可以㨂嘅关系～有成50多款～又芋香又紫米咁吸引～梗系㨂佢啦味道同芋香奶茶差不多～芋头味香浓～奶滑～再加上紫米增加层次感～感觉有啲似紫米露～不错！想写食评时才发现餐厅已经2年冇人写过～而且一个好评都冇～但系呢个价钱食到四𩠌套餐+特饮～而食物水平又不算差的话～值得给佢一个
继续阅读
咁啱一堆人20个去食 见到楼下冇大枱 本身就谂住算啦去第二间 之后个店员出嚟话咪开个楼上平时只for私房菜嘅厅比我地用 咁就入咗呢个大伏了20个人比得2份餐牌我哋谂住自己咁多人就费事麻烦到人点菜点到乱哂啦 本身就谂住自己写哂系纸到俾佢一次过跟住张纸落单嘅 但系佢又系都要我哋自己讲住点菜 之后个老板黑哂口面咁点菜 点点下菜同个店员讲嘢𠮶阵又俾我哋听到佢用粗口话我地lol 佢话：「好X多」真系令人啼笑不得 其实我哋有冇话一定要入黎食嘅 系佢自己话开个私房菜厅比我地 但系落餐嘅时候又话我哋人数多 咁算点先？粗口都唔紧要喇 但之后上餐𠮶阵又黎错野食 甚至我哋成枱食晒 我地已经落埋楼下自己提佢差乜嘢未有 佢都居然可以唔知仲有一个差未整 ^^ 而呢间野嘅食物质素真系令我大开眼界😂不单止餐牌抄普洱抄到一模一样 色系排版冇分别 我哋啲汤米线竟然可以有人系得几匙羹汤 二汤米线系一啲味都冇 淡到不得了 冻饮竟然系冇冰嘅⋯个杯朱古力普洱冇冰系几咁顶你明唔明⋯⋯ 最好笑既系杯蜂蜜绿茶⋯ 如无意外应该真系用 支装道地绿茶 倒落个杯到⋯一饮就饮得出喺道地阵味⋯⋯除咗店员讲粗口 有个上菜既婶婶竟然话自己唔识字 我哋只不过系问个碗系咩（因为睇样真系睇唔出个一碗系乜嘢）佢竟然可以话唔识字睇唔到张单讲咩⋯⋯我真系俾佢吹胀⋯所以整体而言 呢次系我地咁多人食饭最快想走嘅一次 真系未食完都想走 啲态度差不在话下 食物质素真系几肚饿都食唔晒又系你地叫我地上私房菜厅既我地始终系客人 比小小礼貌系咪咁难先？所以不可一 不可再。
继续阅读
某天行过这店对面，才记起上次出外旅游前，由于乘搭夜航，曾匆匆在这店子食过一次晚饭，当晚抱著食得小，随便找间小店试下的心态，结果印象中这店真是不会令人有“印象”，平凡普通，无特别无特色，以它的价钱计，食物入得口，不算好食亦不太差。当晚叫了两个餐，包括：气㶽鸡餐~气㶽鸡，有轻微药材味，鸡煮得颇老，个汤都几肥。灼菜，尚好，不致于太淋，不加上那一壳得过咸字的平价蚝油会更好。套餐~切鸡，鸡肉尚算嫩，但鸡味欠奉，鸡皮不太肥，可接受。青瓜，捞了蒜蓉粒和辣椒碎，清新中带点辣味，非常醒胃，不错。地瓜饭，简直是惊喜，加入地瓜和肉碎，增加了饭的香味，食落有半点似海南鸡饭的油饭，算是全晚的意外收获。甜酸肉排，皮淋肉鞋，噬落有渣，但味道算适中，几拾元—个餐，材料也真是难有保证，以价钱衡量，可饱肚，入得口，算是这样了，何况每个餐还送一杯杯饮品呢。
继续阅读
今晚同太太试吓呢间睇落唔贵，但装修几雅致嘅云南餐馆。7时45分去到，入面都几多人，仲有一张可以坐5个人嘅L台剩，我同太太犹豫紧坐唔坐好嘅时候，发现系冇楼面帮忙安排座位，后面跟住有4个人入黎，我梗系坐左先。等左两分钟先见到有个哥哥仔从厨房出来，即刻拦截住佢落单，落完单个哥哥仔又神秘地消失左。喺等野食嘅十多分钟，只系见到有人传菜，而见唔到有人会企在楼面招呼入黎嘅客，就喺呢十几分钟，已经有不下四五组客因冇人招呼而走左。除左冇人企楼面，呢间餐馆嘅卫生情况亦有待改善，可能真系唔够人手，我见到洗碗阿姐戴住仲系湿嘅胶手套传菜。今晚食左个二人餐，味道同份量合格有余，只系计埋服务同卫生，就真系可一不可再。
继续阅读