源祖之味古早蛋糕店 (已結業)

每次經過都會被其香味吸引，新鮮出爐的古早味蛋糕，望住店員切都感到好治癒！🔸香濃拉絲芝士蛋糕真的非常大份，而且非常鬆軟蛋味濃郁，個人覺得一般古早味蛋糕有一個問題，就係聞落好香但食落會有落差感，總係覺得聞著比吃的香，但呢間唔會有呢個問題！聞落好香，食落都無失望地符合到期望。芝士無處不在，呈半溶狀態，芝士控不要錯過。🔸海苔香口肉鬆味古早蛋糕 ($88)表層滿滿的海苔肉鬆，海苔X肉鬆是一個非常惹味香口的味道，同樣地蛋糕質感鬆軟，呢個組合比較經典不敗，唯一比較麻煩是肉鬆容易跌下來，吃的時候要多加注意。雖然價錢都要七八一個(全個)，但其實份量非常大，一個絕對夠4人食。如果少人的話，店家也很貼心可以購買半份，隨時試多兩個口味都得

💛🧡💛古早蛋糕要大啖大啖食🧀古早蛋糕嘅熱潮好似有增無減🤣依家好多地方都有得買，啱啱行過新都城中心，俾陣陣蛋香味吸引住🤤跟住香味，搵到原來係依度！既然係啱啱岀爐，緊係要買返盒自私食啦！🧡海苔香口肉鬆🧡 全份 $88食依個嘅時候真係要小心啲，如果唔係就變污糟貓啦！😛肉鬆份量好足夠，表面仲有海苔、芝麻，增加香味！食完好滿足🥰💛流沙鹹蛋黃💛 全份 $88流沙嘅效果單靠外表係睇唔到嘅，店員姐姐教我返屋企加熱🤭咁樣就有流沙feel啦！鹹鹹香香，再加埋軟綿嘅蛋糕😍令人一啖接一啖！依度嘅口味選擇好多，岀爐時間都好密😜不過好快就賣晒😂如果想食到自己心頭好，記得mark實岀爐時間啦！BTW記得save post，方便向店員查詢有關口味啦！📍源祖之味古早蛋糕店📍將軍澳貿業路8號新都城中心一期2樓254-255號舖

星期天和老公一起逛街時，突然飄來陣陣蛋香味，我們被這香味吸引著，一直沿著香味找，便發現了這間古早味蛋糕，看著牌上味道有很多，每一款都想吃，最後選了兩個，可以一人一個不用搶。香濃拉絲芝士蛋糕很重身，又高又厚，長長的一件，底層很多芝士爆出來，濃郁的蛋香味夾上芝士，甜甜咸咸的，香甜綿滑，又有戚風蛋糕的柔軟彈嫩，還有點水瑩瑩，份外軟綿，讓人一吃便愛上，芝士控最愛，果然是人氣第一。雲石紋朱古力這個蛋糕除了濃郁的蛋香，更多了一份朱古力香味，雲石紋把蛋糕夾著兩種味道，朱古力滋味濃郁而且不甜不膩，中間還有半溶朱古力醬，綿密細緻的口感，吃不停口。兩款蛋糕各有特色，令人一試便愛上，香味連我家小狗也吸引了😆

每次經過都聞到香噴噴嘅焗蛋糕香味，今日終於有時間過嚟幫襯一下，原來都有好多唔同嘅味道選擇，一共有16種味道，揀咗兩款買返屋企同屋企人share，原味古早蛋糕（全份） - $78第一款就當然係揀咗原味啦，蛋香味濃郁，綿密濕潤， 口感鬆軟， 甜度適中，全份size好抵食流沙咸蛋黃（全份） - $88第二款口味就揀咗流沙鹹蛋黃，好邪惡不過很有咸蛋黃香，口感同樣鬆軟，相比原味，更添了鹹蛋黃的口感，味道鹹鹹甜甜，蛋糕很有彈性， 按下後很快會回彈， 鋪頭仲有葡撻同蛋撻賣， 望落都好吸引， 價錢合理總結：蛋糕店長期香噴噴，很誘人蛋糕口味選擇多，價錢亦相宜，口感鬆軟，香味濃郁，店內的姐姐亦親切有禮

古早味蛋糕雖然已經風行一時，偶然還是想吃一，兩件過吓口癮，加上不同小店都有自家製作配方、新口味，配合材料簡單嘅原始味道總是百吃不厭。這天到新都城探朋友，順道買些蛋糕，零吃作手信又可以一大班人分享。離遠已經聞到香噴噴剛出爐的蛋糕香氣，十分吸引。即日新鮮現場製作，每天都有限定及不同口味，亦有特別組合例如半條蛋糕加蝴蝶酥，如想試多款口味也可選半條份量。原味古早蛋糕$78蛋糕相當聚手，切落十分鬆軟，綿密芳香，濕潤之餘也有回彈力，蛋味濃郁，令人一吃愛上。店家更以低甜度配方製作，因此食落甜而不膩！😋雲石紋朱古力$88相信工序較為繁複，同時吃到原味和朱古力味。加入粒粒朱古力令味道更濃郁，中間部份更有較為流心的朱古力，香甜可口。還是喜歡原味多一點，吃到濃濃的蛋香😋原始味道最為吸引！

如果不喜歡充滿忌廉的西日蛋糕，古早蛋糕實在是不二之選。古早蛋糕外表看似樸實無華，但入口充滿雞蛋麵粉香氣，實在是不少人的心頭之選。源早之味古早蛋糕店的人氣No.1及No.2分別是香濃拉絲芝士及海苔香口肉鬆，選這兩種口味一定沒錯。先食了第一名的芝士味，蛋糕身充滿粒粒香濃拉絲芝士，就算雪凍食，芝士依然香濃而不硬。蛋糕質感軟熟豐厚，蛋味清香，不會食完像一陣風，喜歡食清蛋糕的，應該都會喜歡古早蛋糕。海苔肉鬆味少少肉香味與樸實的古早蛋糕味道也很夾，難怪是人氣的第二名。

這兩年大街小巷開滿了古早蛋糕店。這家餐廳位於寶琳，每日都推出幾款古早蛋糕出售。餐牌上的口味不少，有焦糖咖啡、OREO曲奇、迷人甜蜜玫瑰我買了兩款蛋糕，包裝以透明袋盛載，方便衛生。⭐️芝士愛肉鬆$88這款芝士肉鬆口味的蛋糕，表面鋪滿了一絲絲的肉鬆。切下去時很柔軟，有空氣感，但不失彈性。入口肉鬆不死鹹，配上香軟的蛋糕，夾心還有淡淡的芝士味，令人滿意。⭐️雲石紋朱古力$88一打開盒子，已經聞到濃郁的朱古力味。蛋糕十分鬆軟，切下去是帶點流心的朱古力醬，朱古力扭紋和原味蛋糕互相配合，入口香甜不膩。

每次經過聞到好香嘅蛋糕味，都會忍唔住買啲返屋企食，全部蛋糕都係每日新鮮製造，採用全天然食材，味道仲有成十幾款，今次就揀咗新鮮出爐嘅呢兩款😍每件都勁厚身又大件🤩❤️海苔香口肉鬆古早味蛋糕 $88面層有厚厚嘅肉鬆，蛋糕質感鬆軟綿密帶點濕潤，味道鹹鹹甜甜，蛋味亦都非常濃郁，層次感相當豐富❤️雲石紋朱古力古早味蛋糕 $88佢嘅雲石紋真係整得好靚，朱古力味道香濃，仲有好多朱古力碎粒，入口唔會過甜✨✨✨✨✨✨✨✨✨✨✨✨✨✨✨✨

阿媽好鍾意食古早蛋糕🍰前幾日經過寶琳呢間專賣古早蛋糕店，之前食過覺得幾好味😋今次又想再買，比阿媽做早餐～芝士肉鬆蛋糕有好多肉鬆喺面，仲有芝士夾住蛋糕🍰蛋糕超級鬆軟，好大件，好香～肉鬆鹹鹹地，好好味😋古早蛋糕口感軟淋淋，配埋芝士好好味～朱古力蛋糕黑黑地啡啡地，有漸變色嘅古早蛋糕🍰食落有好香嘅朱古力味🍫甜甜地，朱古力好濃郁，同埋好突出～蛋糕同樣咁鬆軟，入口好滑～古早蛋糕新鮮出爐，離遠都聞到香噴噴超級正

老友特意黎搵我食飯，晚飯後順便上我家坐下，點少得再食下甜點🍮，知佢地喜歡食蛋糕，就去左附近的#源祖之味 ，購買2個濃芝士愛肉鬆蛋糕跟芝士味蛋糕，買完便滿足地回家去囉😋。 芝士蛋糕夾住澳洲芝士，咸香味足，而芝士愛肉鬆蛋糕🍰，加多左超多的肉鬆鋪滿在蛋糕上，切開時己聞到好香的蛋香味撲鼻，咬落濕潤軟綿綿，芝士勁多好足料，店舖用了低甜度配方，唔怕有負擔， 甜而不膩大家都食得😋好滋味呀🥳。#源祖之味
📍新都城一期L2 Shop 254-255

自己可以一日食哂成個古早蛋糕就知我有幾鐘意食某日行完街經過，知道呢個商場入面有間，於是乎緊係買返兩件回家慢慢歎啦味道都有好幾款, 選擇困難症的我, 起CASHIER前面都諗咗一陣先下決定最後選咗: 香濃芝士 & 海苔香口肉鬆返到屋企打開個盒都已經聞到濃濃嘅蛋香味芝士味都唔使多講, 看圖便懂, 爆料咁海苔肉鬆面頭都舖得滿滿, 仲加埋香口嘅芝麻粒添忍唔住即刻切2片試試雖然唔係新鮮出爐果一刻食落口, 但蛋糕嘅質感都是很軟熟, 半空氣感得來又有點實在就算當晚食唔哂, 放入雪櫃翌日拎返出來都不會硬屈屈, 依然軟熟有彈性最重要一點, 佢地出爐嘅蛋糕係少甜口味, 好啱我呢D鐘意食甜, 但又怕肥嘅人芝士原來是混合了2款不同的芝士, 白色果隻仲帶點流心添如果要選邊隻好食D?! 我真係揀唔到, 呢2款我都鐘意肉鬆本身有D咸香味, 同少甜的蛋糕一齊食, 咸咸甜甜又幾得意

今日午休的時間忽然走過這一間古早味蛋糕店，一時嘴饞就叫左幾種不同口味的蛋糕來同同事一起吃 佢有好多口味選擇，其他店都未必有既味到，呢到都搵到。點左流心芝士同咸蛋黃的味道，蛋糕本身是屬於比較鬆軟性，食落軟綿綿。蛋香味非常濃厚，吃起來有一種自然的甜味牛油香，就好像蛋白分泌的甜味，個蛋糕按下去的時候，可以看到會彈上來。口感是非常不錯。咸蛋黃味入面有一粒粒的鹹蛋黃非常之足料，識落有咸香味，但是又不會太咸。吃左之後反而會覺得有一種咸香咸香的感覺留在口中，非常上癮。仲叫咗一個留心芝士口味，濃濃嘅芝士味加上有留心效果。越食越想食。葡撻都表現都不錯，本身是外層脆皮非常脆口，甜度上適中，而且有保溫箱保溫，返到屋企食，食落去仲暖暖地不會太甜。

今晚去好友屋企食飯，幾熟都好，當然不能兩手空空。記得她們都好喜歡食古早蛋糕，而這商場正好有間挺有名古早蛋糕店，一於買兩件齊齊分享。蛋糕店以黃色為主調，相當搶眼，光鮮企理，最吸引是還未走近已聞到陣陣蛋糕香。蛋糕店主打古早蛋糕，但亦有其他甜品，包括曲奇、蛋撻、蝴蝶酥、甜甜圈等等，選擇都不少。廚窗貼上古早蛋糕的款式，共有十六款，但此刻有什麼新鮮出爐現貨就要睇睇電子螢幕。在五款中，我要了一甜一鹹，兩盒都好有份量，都幾重！盒子有幾個透氣位，不用擔心焗出倒汗水。邊行邊聞到陣陣香氣，真是想快點吃，哈！******************************芝士愛肉鬆古早蛋糕 Pork Floss w/ Cheese Cake（$85/全份）又厚身又大件，仔細看看，周邊看到芝士溶，而頂頭就舖滿了肉鬆，非常足料。輕輕地把它切件，一切的時候連刀都沾上半溶的芝士，中間夾了不少芝士，好誘人。糕身相當綿密，並沒有任何大洞，的確非常鬆軟，口感細膩，讚!吃到鹹香味之餘，亦沒有奪了蛋香，雖然有些邪惡，但非常美味，令大家都不了口。******************************Oreo 曲奇古早蛋糕 O

今日經過寶琳見到有這間古早蛋糕~~一直都很想找一間比較適合自己口味的古早蛋糕，因為平時食的古早蛋糕不太喜歡那種只得軟綿綿，但像空氣感甚重的古早蛋糕。而這一間被吸引的原因是因為它有不同特別的味道，也相對比較難找到其他店舖有這些口味。而本身就是芝士fans, 所以就買了兩個不同口味的古早蛋糕回家試一試。原來他們有不同size可供選擇有全份、半份、輕食完全從客人需要方面設計完全能夠滿足心大心細想是幾種口味的客人。揀咗一段時間後才決定到！一款是海苔香口肉鬆，另一款是香濃拉絲芝士其實一食就愛上了它。先提下它的蛋糕質感非常之軟熟，又鬆化。 而且蛋味濃郁。首先它的材料，非常之足料。先是海苔肉鬆 -那個海苔肉鬆滿佈蛋糕面，不是那薄薄的一層，更是和古早蛋糕的比例非常合適。沒有因為海苔肉鬆掩蓋了古早蛋糕的味道！這樣就能夠享受蛋糕裏面那種海苔肉鬆味。肉鬆也是非常有質素。很喜歡這個肉鬆的味道，這個肉鬆調味得非常之好。仲可以享受第二日的早餐加咖啡！仍然非常之新鮮軟熟。香濃拉絲芝士這個拉斯芝士都非常之高質因為芝士是中間那一層厚厚的那個芝士可以和古早蛋糕味道提升了不少層次。這間古早真的可以再翻炒

今日無意間經過新都城的源祖之味古早蛋糕店, 聞到陣陣的蛋糕漂香, 突然令我回想起數年前在台灣淡水吃過的古早蛋糕, 令人回味無窮, 於是便買了2條回家慢慢嘆。除了多款口味的古早蛋糕, 還有曲奇及撻類食品。由於時間關係.....肚子很餓, 又未到晚飯時間, 鼻子再聞埋啲香噴噴嘅蛋糕香味,  急不及待勞煩服務員幫我2款各切一件先品嚐, 蛋糕麵包永遠都係新鮮出爐又香又軟最好食。大家一定奇怪點解我唔要芝士味、唔要朱古力扭紋蛋糕、伯爵茶味、流心芝士味或其他味道？ 冇辦法, 我實在太愛原味道的雞蛋香氣了原味古早蛋糕 ($88)長長一條, 一份份量都幾多, 其實可以當生日蛋糕慶生呢。蛋糕拿上手很鬆軟, 手感彈彈的, 按兩下蛋糕也沒有凹位, 入口鬆鬆軟軟, 好香蛋味, 最正係甜度調得剛剛好, 唔甜膩, 多吃2件也沒問題。Q 彈海苔香口肉鬆味古早蛋糕 ($88)海苔香口肉鬆味古早蛋糕底是原味, 只是古早原味加了厚厚一層的海苔、炒香了的黑芝麻及猪肉鬆。加了肉鬆的蛋糕確惹味好多, 肉鬆本身已經係鹹鹹香香的之食物, 加埋脆紫菜及炒香了的黑香芝麻, 更香口, 味道更豐富, 亦不失蛋香。溫馨提示 : 晚飯回家後做甜