源祖之味古早蛋糕店 (已結業)

今日去咗將軍澳攞野，經過新都城見到呢間古早蛋糕舖新開，疫情下都咁多人排隊，好似好吸引。咁就同2個朋友一齊排隊買，見到都有出爐時間，咁樣就知大概要等幾耐。排左大概15分鐘店員就開始派籌，見住D蛋糕出爐，睇到都覺得好鬆軟，蛋糕用紙盒裝，鋪頭都好細心加多個膠袋！ 我自己買咗朱古力，朋友仔就買咗肉鬆，熱辣辣食都好好味，蛋糕好鬆軟，D肉鬆爆多，我自己就最鍾意又咸又甜嘅味道😂試左少少，好好味啊！ 由於自己太操魯，返屋企途中搞到個蛋糕有小小變形，好彩係唔會影響味道🤣🤣！望住D朱古力花紋都好治愈！ 個蛋糕一樣都係咁鬆軟，唔會乾, 甜度剛好！ 不過我想講佢真係好大舊，好抵食我食唔晒，放咗入雪櫃第二日食，我鐘意凍食😆買完先發現有個打卡位，下次去一定要影吓相！

將軍澳終於有古早蛋糕店！仲有終於有間開喺商場，夏天如果戶外排隊等出爐真係幾辛苦。呢間新開的店都好多將軍澳街坊支持，上去佢社交平台有$10 coupon，折左一件$65都okay!買左芝士味，個蛋糕超香蛋味同超滑，味道超Ok! 屋企人話芝士味可以再濃D，但對於我唔係真係100%芝士迷就岩岩好。