源祖之味古早蛋糕店 (已結業)

次次買古早蛋糕番屋企超快就被搶食哂！「源祖之味」嘅古早蛋糕出名 用料全天然 品質上乘～食完滿肚子都充滿幸福嘅感覺🎈古早蛋糕比起一般海綿蛋糕🍰 口感更鬆軟綿密 蛋味更加香濃加上純手工現場新鮮即製行過一定聞到蛋糕香噴噴每次蛋糕一出爐好快就被大家搶住買真係會好味到食上引架～「古早味」是閩南語意思係 古老、懷舊及傳統的味道源祖之味古早蛋糕就再加點新意推許多款口味原味就食得多啦我今次新年就試左其中兩款口味❥ 海苔香口肉鬆 $88(全份) 海苔肉鬆好惹味 配搭古早蛋糕 又咸又甜 味道有層樓～❥ 香濃拉絲芝士 $88(全份) 芝士控必試 啖啖芝士切開後 半溶狀態拉絲出離真係好開胃～另外有人人啱食嘅❥ 輕乳酪芝士蛋糕 $120/個 🧀 大大個超鬆軟彈彈下下嘅芝士蛋糕真係又好味又抵食～仲有唔少得應節嘅❥ 脆脆蝴蝶酥 $288/盒 🧡型樣靚 口感超脆超酥化 仲要唔太甜 食多幾塊都唔怕滯～❥ 奇亞籽花生芝麻曲奇 $78/包❥ 健康六殼曲奇 $78/包 加入健康食材嘅曲奇🍪 牛油味重又鬆化😋～

行行下街聞到好香好香新鮮出爐既蛋糕味，比啲香味吸引左過嚟，原來係賣古早蛋糕🤤見到有好多隻味，隻隻都好吸引咁。海苔香口肉鬆味古旱蛋糕最後我買左海苔肉鬆味，蛋糕面好多肉鬆，一啲都唔會姑寒🤣蛋糕面會鋪有小小既紫菜碎，食落蛋糕既質地係十分鬆軟，聞落有濃厚既蛋香味。佢個size都幾大，如果一日食唔晒都唔洗怕，放入雪櫃，第二日食蛋糕既質地依然係幾好！🤤凍凍地食又有另一番唔同既感覺😍個蛋糕我一個人都可以成條自己食晒，食唔厭🤪

源祖之味古早蛋糕店主打全天然食材與現場製作,每日新鮮製造保証出品每件都係美味蛋糕超過十種口味選擇,包括拉絲芝士,肉鬆蛋而家仲可以半份或一份咁買,彈性得多 唔洗怕食唔曬咁大件當天食用係最好味既,店員有教,如果食之前烘或微波幾秒熱返味道會再香好多食落味道香甜,口感鬆軟濕潤,一底$60小貴,但味道相當唔錯評分7/10消費$60將軍澳貿業路8號新都城中心一期2樓254-255號舖

買左兩個古早味蛋糕一試 叮熱少少超級好食😋 店舖可以半分咁買 $40半份 $75全份 啱晒心多多既我😂海苔香口肉鬆💯肉鬆份量一啲都唔手軟 加上表面既海苔 絕配！雲石紋朱古力🍫朱古力味濃 雲石紋花樣多 小朋友會好鍾意

今日到將軍澳行街，見到啱啱出爐嘅古早味蛋糕，聞落好香。今次買左兩個味，每種都係半份，都係$45，流沙鹹蛋黃同海苔肉鬆都係人氣之選。兩個蛋糕食落有蛋味同鬆軟，流沙鹹蛋黃食落有鹹香，而肉鬆食落唔錯。

當芝士❤️上肉鬆源祖之味蛋糕店有幾間分店，將軍澳寶琳、樂富、上水等。今日經過樂富分店，見到排長龍，我都湊熱鬧買左一件芝士🧀愛肉鬆蛋糕🍰。點解買呢種味道，因為我係一個超級芝士🧀控😛😛講下個造型先😉覺得佢個賣相唔錯，長方形芝士蛋糕，夠曬大件🤩。$85 算抵食啦。話明係芝士愛❤️肉鬆，果然係蛋糕如其名，蛋糕上面佈滿肉鬆，好似糖黐豆咁🥰so sweet 💘講下個味道啦，蛋糕鬆軟好味😋，真係唔錯呀👍🏻，蛋香、鹹香芝士味加上脆脆既肉鬆，配搭一流，好有口感，果然無令我呢位芝士控失望。啱曬一家人一齊分享🥰啦！等我下次再試下佢嘅人氣NO.1 香濃拉絲芝士蛋糕先😋😋

📍源祖之味 將軍澳台灣古早味蛋糕店 遠離已經聞到佢嘅蛋香味 🤥 多數要排隊等佢熱辣辣出爐 🤔佢有 6款口味 - 流心鹹蛋黃 / 海苔肉鬆 / 芝士 / 檸檬 + 限定心型玫瑰 / 伯爵茶口味 😍————————————海苔肉鬆味 $75 😛 聽講話係人氣之選 🤔 面層鋪滿晒全部海苔肉鬆 蛋糕中間仲會夾住少少 聽落去好似肉鬆同蛋糕有啲唔夾 一個甜一個鹹🙈 但係食落去好好食喎👍👍肉鬆海苔有啲鹹香味 再配上香濃蛋味🥚 鬆軟嘅蛋糕 海苔肉鬆味值得一試😍 記住注意出爐時間 ❗️❗️❗️( ❗️我上次試過原味真心超級難食❗️❗️食落去完全冇蛋香味 垃圾 但今次竟然有驚喜喎 😂大家要買就唔好食原味❗️試吓其他味啦😋食過有咩味好食留言話我知🙏 ）————————————————📍地址：將軍澳新都城一期2樓254-255號店（港鐵站寶林B2出口，交通銀行隔離）

再次介紹依間古早味蛋糕店，四度幫襯！以古早味蛋糕黎講係心目中的no.1🥰總店係寶琳，但非常厲害最近又開了新分店仲要係呢個逆境時期，果然有實力便夠膽色😌其他分店包括：上水、樂富、旺角👓芝士愛肉鬆 $85之前食過海苔肉鬆簡直係大愛，點知食埋呢個先發現原來佢係真正嘅no.1😍面頭滿滿的肉鬆配上蛋糕中間夾雜着的流心芝士，充滿着鹹香味道好惹味👍🏻評分：9/10👓皇室伯爵 $85伯爵茶味好明顯，散發住淡淡茶香味但又唔會濃得變俗。雖然當中沒有流心或任何餡料，但軟熟嘅蛋糕質地配上剛好嘅伯爵茶香味，非常好食👍🏻評分：8.5/10👓清新檸香 $75味道好得意，明顯有陣檸檬味但不是酸酸甜甜的，只是很清新的檸檬香。唔鍾意食咁漏嘅朋友可以揀依款偏清新特別的口味。評分：7.5/10👓迷人甜蜜玫瑰 $75賣相好靚面頭鋪滿玫瑰花碎。食玫瑰味產品最棹忌玫瑰花味道太濃郁變得很俗，可是這個蛋糕有淡淡的玫瑰味剛剛好😋評分：7.5/10🥚味道排行：芝士愛肉鬆＞皇室伯爵＞海苔香口肉鬆＞香滑奶黃＞香濃拉絲芝士＞清新檸香＞迷人甜蜜玫瑰＞流心鹹蛋黃

仔仔想食古祖蛋糕，我諗起源祖之味將軍澳總店最多口味，一場去到我地買咗兩款：🧀芝士愛肉鬆同☕️皇室伯爵我比較喜歡熱食，叮30秒蛋糕香味即刻出返晒嚟😍兩款蛋糕都同樣軟綿綿，阿仔喜歡🧀芝士愛肉鬆嘅流心芝士，加埋蛋糕面上嘅肉鬆脆脆地好香口❤️而我就喜歡Earl grey 嘅香濃茶葉味，嗒落回甘大滿足❤️

喺附近同呀仔食完嘢經過買左件原味古早蛋糕，今日咁啱有折扣$65。好香好濃蛋味，質地都好鬆軟，唔錯！拎返屋企食連我媽都話好食。店員都好有禮貌，下次有機會再黎幫襯呀。

今日嚟到將軍澳行街，喺新都城中心一期離遠都聞到一陣好香嘅蛋糕味😍見到呢間古早蛋糕好吸引🤩忍唔住嚟試吓🤣呢間古早蛋糕店有好多種蛋糕可以選擇～全部都好正🤩店舖而家搞緊優惠，為咗慶祝樂富同Moko店開幕👏🏻成個12月只要like  社交平台嘅page就可以減$10👍🏻迷人甜蜜玫瑰$85蛋糕表面有好多玫瑰花瓣🌹好靚😍好少女嘅感覺😝係打卡之選👍🏻離遠都聞到浸清香嘅玫瑰花味🌸好似佢個名咁迷人💕蛋糕食落幾濕潤☺️而且幾香甜🥰有軟綿綿嘅感覺😆好好味😋皇室伯爵$85個名好高級🤣好鍾意伯爵茶😍有好香嘅伯爵茶味☺️蛋糕表面仲印有店舖嘅特色公仔😆好得意🥰蛋糕食落仲有伯爵茶葉碎碎😊好特別🤩而且伯爵茶味好濃郁💕仲有蛋香味，好正👍🏻呢到嘅古早蛋糕大大件😍而且又靚又香🤩好值得一試💕

最近行經寶琳見到依間源祖😗一開頭比佢個qq蛋公仔吸引🤣見到佢新鮮出爐既口味好正 決定試下🤪🤪而且仲有cute蛋枱影下相😗•🐽 香滑奶黃🥚 ($85)第一次見奶黃味古早蛋糕🤪係期間限定先有嫁😗奶黃份量十足啊🤤🤤配埋綿密既蛋糕👅👅•🐽 芝士愛肉鬆🧀 ($85)只係試過芝士同肉鬆味分開食😗今次第一次見到依個combo!勁豐富既口味🤤🤤面層好多好多肉鬆🤪配埋芝士香🥳👍🏻

古早味蛋糕店有很多，說真的不是每間都好吃🙊 之前試過有些過乾、有些就扁塌到蛋糕整個歪掉😅▫️第一次留意源祖之味是緣於他的玫瑰花蛋糕，看著就少女心爆發‼️💕 這次換換口味，試了雲石紋朱古力和海苔香口肉鬆‼️👅👅▫️$75 雲石紋朱古力🍞 每切開一塊它的紋路都不同，效果很美‼️口感既鬆軟又濕潤，還加上朱古力粒，整個蛋糕充斥著濃濃的朱古力味🍫 而且不會太甜，吃多了也不膩‼️😋😋▫️$75 海苔香口肉鬆🍞 除了表面鋪滿肉鬆外，中間也夾雜著一絲絲的肉鬆、加上海苔，味道咸香咸香的‼️蛋糕的蛋味很香濃，質感鬆軟綿密，香噴噴的好好吃‼️😍😍

與閨蜜一同清年假，行咗幾日山，散晒😆。今天她在「源祖之味古早蛋糕」買了兩大個蛋糕嚟我屋企一起煲劇。她很喜歡這人氣小店，她說店員妹妹很有禮貌，而且烘焙師傅還曾特意前往台灣學藝。雖是小店，但選用日本3.6牛奶及優質食材製作，不但讓你感受到他們誠意，也吃得安心。伯爵茶古早味蛋糕🌱充滿茶葉香氣的伯爵茶古早味蛋糕，吃時蛋糕還微暖，口感鬆軟微甜，伯爵茶香味突出。芝士肉鬆古早味蛋糕🧀 一樣的基本材料，加了肉鬆與芝士，譜出了不一樣的滋味；芝士與肉鬆的鹹香與蛋糕的甜味好夾，口感豐富。

位於將軍澳的源祖之味，是一間選用優質食材的古早味蛋糕店。品牌是該區第一間古早味蛋糕店，每次有蛋糕新鮮焗起，都會大排長龍，非常受歡迎。幸好店舖在商場內，落雨或打大風也不怕啦! 源祖之味的師傅為創作出正宗古早味蛋糕，特意 走到台灣拜師學藝，蛋糕選材上乘，選用北海道3.6牛乳、歐洲進口雞蛋和韓國低甜度砂糖，食得安心，又不用怕發胖。整個過程全人手製作，質感鬆軟綿密，難怪吸引大量街坊光顧。 店舖提供多款口味古早味蛋糕，有原味、雲石紋朱古力、檸檬、伯爵茶、芝士肉鬆、海苔肉鬆 和 迷人甜蜜玫瑰。奶皇和鹹蛋黄則是期間限定口味，已經沒售啦~ 當天是我首次踏足寶琳站，山長水遠來到，當然要帶點手信回家吧。 伯爵茶古早味蛋糕 $85 甚少見伯爵茶口味的古早味蛋糕，二話不說要一個試試。色澤深濃的蛋糕，散發微微的伯爵茶香，味道濃郁，質感鬆軟，再配一杯伯爵茶，真是錦上添花呢。 芝士肉鬆古早味蛋糕 $85 嘩~滿瀉的芝士從蛋糕的外層流了出來，賣相非常吸引! 面層有肉鬆，內層有厚厚的芝士片，蛋糕有微微蛋香，綿密濕潤，芝士的鹹香略為不足，選用濃一點的芝士更惹味呀。