湘蜀人家

营业中

休息中

得知呢間菜館堅持正宗川味，無得BB辣，咁有個性一定要試下。有午餐set, 小菜跟白飯飲品，炒飯面單跟飲品，價格由78-90起，午餐來講都算係中上價位。幸好每樣餸都好大份，男仔食都夠飽。宮保雞丁既脆脆腰果係一絕，雞肉又夠嫩，非常唔錯!牛肉絲炒面辣度剛剛好，面夠彈牙，青紅椒都好新鮮，唯獨油左少少，少啲啲油就好啦!不得不提個豆漿，好足料，足到起腐皮，清甜，推介推介!食得川菜多少都預左會油膩少少，食唔到太油膩最好食飯啦。 😊

唔知做咩事， 最近狀態唔係咁好， 腸胃有啲唔舒服， 痛咗好幾日都冇咩改善， 但有約咗好朋友食飯， 頂硬上。先黎烏龍茶， 茶味夠香。酸菜魚片， 名菜之一 來到酸菜魚夠曬酸 湯底鮮甜美味 開胃度十足。 麻婆豆腐， 加入咗港式做法 啱曬香港人食，但個人本身有啲期待食到川菜嘅味道， 所以感覺一般。水煮牛肉， 好擔心我嘅腸胃，咁有四川嘅感覺 ，我大件事啦 ，水煮牛肉真係做得好好 ，淨係見到上面層紅油， 已經知道 大件事。。。 祝我好運， 但一定要講味道真係唔錯 。小蔥醬油炒飯， 好食，最重要唔係好油膩， 味道都唔錯。高力豆沙， 上海甜品之選， 估唔到嚟到都有得食 ，仲要做得幾好蛋白炸得夠鬆軟。

網上瘋傳灣仔新開的川菜，不能選辣度，顧客只能食餐廳煮的辣度，以表尊重川菜由於新開的關係乾淨程度非常高，碗碟和裝修也很特別下午茶時間來，只有一款普洱茶提供 職員說因為不收茶位所以沒有選擇 晚市便有提供另外朋友一早想好要嘗一嘗這裡的辣子蝦，午市不供應，也建議我們晚市再來品嚐不同美食午市套餐 水煮魚片 $128 主餐牌上有水煮桂花魚也有水煮魚片但原來午市套餐份量也一樣 所以order了套餐嚐一嚐魚片也很滑身 沒有魚骨 辣味適中 內裡還配上粗扁薯粉 非常淋身下午茶餐 四川涼粉 $48 涼粉配上潮州辣椒油 食落沒有特別 涼粉也滑嘟嘟的下午茶 老成都擔擔麵 $52 我朋友推薦的 麵質彈牙 湯底也很特別沒有平時的杰身 配上少量肉碎蒜泥白肉 $72 如果蒜粒變蒜蓉會更好 豬肉不會太肥 作底有青瓜平衡油膩感清炒萵筍絲 $72 清甜的萵筍 是用來中和成餐川菜的辣味和少少的油膩孜然羊肉 $108 羊肉夠薄 配上白飯一流 不會有騷味辣子雞 $98 原本辣子雞都沒有貨了 全餐飯就完結時向一名應該是店長的人查詢，表明我們專程來食辣子蝦同辣子雞，也很好地幫我們再問問廚房份量也不少 不會辣椒多過雞肉 有骨的 味道

愛辣之人最鐘意四出試食辣嘢，由其四川麻辣是我的最愛。今次同呀妹放工出灣仔試食。一到步，眼見中國風的裝修，紅黑主色，在商場裡別樹一格，位置易搵，在場內尚算吸引。雖然入場有限食1.5小時，但我地2個人嗌咗5個餸，都只係食咗一個鐘多少少。上菜幾快，其實都幾夠時間食。水煮魚魚片夠滑，量亦夠多，配菜有清爽的蒿荀&索哂味嘅菇片，仲有響底嘅薯粉，好豐富，好好食。唯我覺得麻辣不夠，可以選辣度更佳！泡椒腰花呀妹鐘意食豬腰，於是試下。豬腰最重要整到冇壓味，依點係做到，但質感麻麻地，唔夠爽。反而唔知落咗咩椒，帶點酸辣，作為配菜的木耳索哂味，所以我比較欣賞個食配菜。孜然羊肉一上菜就聞落好惹味，佢配上大量莞茜，食落更加有層次。可惜個羊肉炒得有啲老，下次控制好火喉就正啦，佐酒一流！炒土豆絲一個好多人讚嘅菜，於是點下。不過依個好後先上，食完辣嘢再食依個已經冇咩味，所以上菜都有技巧。加上太飽了，所以帶走回家再品嚐。高力豆沙女人真係食甜品有第二個胃，正以為自已食唔落，最後4個都食哂。佢嘅軟綿綿的炸蛋白包著甜度適宜的豆沙，味道不錯。為我地依個晚餐畫上了圓滿的句號。2個人嗌5個餸認真誇張，佢地份量唔少，我諗黎多2個人就岩岩

香港嘅商場會有好多間，口味雖然好有特色但係未必能迎合香港人嘅飲食習慣。而呢一間位於灣仔嘅湘菜，不但做到適合香港人嘅口味亦都有湘菜既滋味。腰花設不薄片容易入口，旁邊仲有各種唔同嘅材料配合例如，蔥， 蒜頭，木耳，辣椒等等，非常嘢未而且送飯一流。成餐飯我喜歡嘅餸就係佢嘅水煮魚，唔單止魚肉大塊，厚而又滑身，所有既調味同埋辣到啱啱好，色，香，味俱全！份量亦都唔少一樣可以食到大約10塊！而且每一件都好有份量，另外我見佢仲有桂花魚，想食比較冇咁多骨可以選擇桂花魚因為呢一個會有小小骨，但係都好容易接受。呢度嘅涼粉草味非常之濃，所以感覺唔會好油膩，但係又有足夠嘅辣度，芝麻，香菜等等配料調味亦都合宜。豆沙鍋餅係我最鍾意嘅甜品，好多餐廳唔係整得好好食，面呢到嘅味道都算唔錯。份量幾多，略厭炸得不夠脆口，不過整體都評分都幾高！喺呢度食飯三，兩個餸其實已經食到我哋非常飽，價錢亦都唔貴性價比非常之高！

係fb 見到佢，一早想去試今日終於約左愛辣的朋友一齊挑戰上網見到話佢d 辣油涼粉全部係自己整ge而且無得揀bb 辣...所以其實有擔心過自己食唔食到😝一去到我就點左最想食的皮蛋同涼粉皮蛋上枱好靚每一料皮蛋都晶瑩通透😍呢個係小小辣，味道配合得岩岩好咁多碟餸我對佢印象都最深😁呢個涼粉，個口感有d 特別佢又唔知薯粉個d 煙韌...有d 滑嘟嘟ge 感覺...呢個比起皮蛋辣好多...但係辣得過癮ge之後點左我平時最愛的肴肉ummm...呢個反而無乜特別再黎係我必點的土豆絲我成日覺得呢碟餸切薯仔已經好花時間同功夫呢碟土豆紙好惹美...辣得黎帶d 薯仔的甜我鍾意😁我見呢到個個都叫水煮乜乜。又係ge, 食辣好似一定要食水煮食但因為我其實有d 怕辣 haaaa所以最後叫左個水煮魚呢個都好好味，辣度係我可以接受ge我最鍾意係食佢d 芽菜同薯粉 haaa最後要食d 唔辣的野清清就係好多人推介的西咩菜餃包得好靚又好味整體黎講好滿意呢間餐廳～會再去食😊btw, 佢d 音樂好搞笑...好中國...

在網上睇到哩間新開既川菜餐廳，見到佢既小炒好吸引，今晚就黎左試下喇！黎到門口見到店內既裝修充滿中國色彩，有特色，而且仲坐滿食客，新開都已經咁受歡迎，看來一定有吸引人之處。哩度既餐具好靚呀，藍白色和中國面具圖案！等左一會兒就上菜喇！第一碟係炒黃牛肉，用上芫茜、大蔥、辣椒等配料炒得好香，微辣得黎好惹味，牛肉好林，好食呀！再黎既係口水雞，見到好多枱都有食，應該都係人氣菜式呀。嫩滑的雞肉沾上辣油和辣椒醬，香麻得黎其實又唔係勁辣，正！另外，仲點左一碟糖醋小排骨，炸得香脆，酸甜醬好開胃，份量都幾多。我最中意哩個酸菜魚片！魚片新鮮少骨，酸菜都好食，個湯好好飲。食完各款小炒後覺得要食d甜品先滿足，就點左一碟豆沙窩餅食。一上枱熱辣辣，豆沙多唔會太甜，想不到連甜品都有驚喜！

最近睇蘋果動新聞見到有一間餐廳好寸嘴，話乜乜唔食得辣唔俾叫BB辣，怕唔夠正宗。我哋嚟到嘅時候排滿人，好彩book定位，估唔到個個都上嚟俾佢串xd！坐低之後諗諗下都係唔好亂咁挑戰，如果叫咗個水煮魚或者水煮牛肉辣死我無命賠XD同埋唔可以叫BB辣，咁就食啲都係湘蜀風味但係唔太辣嘅食品試吓。蒜泥白肉＄72 裏面有好多青瓜，白肉都比較多肉，蒜蓉味香但係啲蒜蓉粒唔夠幼細，所以入味程度一般，建議要同啲蒜蓉粒一齊食。糖醋魚片＄82依味就真係普通少少，雖然係魚片，但係比較細粒嘅基本上係個皮比較多，裏面冇乜肉，調味唔錯但係如果魚肉有更多就會比較滿意。土家酸菜桂花魚$288大窩桂花魚好正，大大鍋，成條魚。不過一早已經處理左，進食嘅時候會更加容易，啲酸菜好彩唔會太酸，過酸都唔會討人喜歡。小小酸味可以吊起個胃口，同埋同啲酸菜一齊進食都好香，桂花魚不算多骨，就算有嘅骨都比較大條唔會容易哽親，唔錯。注意每位茶界＄15 ,揀咗香片啲茶唔錯。如果食食吓覺得好辣，飲茶又好熱，我就建議另外叫一杯豆漿。＄15一杯豆漿絕對唔算便宜，但係飲落去絕對係飲得出自家磨嗰種質感，因為飲到有少少豆漿渣，同埋味道都係比較新鮮，唔係加超級多糖

揭到手都跛都未諗到食乜嘢好，好似樣樣都想食咁樣。如果得我一個人揀，我諗真係出年都未揀到自己想食啲乜嘢，好彩有人幫我決定姐。涼菜呢，就冇食到平時好鍾意食嘅口水雞。今日就轉行食蒜泥白肉，呢個蒜泥白肉嘅算真係非常之正，唔係普通嘅生蒜，都係經過調味嘅生蒜。一啖蒜，一啖青瓜再配埋半肥瘦嘅薄切白肉，正！有時候我都會叫呢一個水晶涼粉嚟食嘅，呢度嘅水晶涼粉做得不錯，夠濃味，微辣，但係就略為軟身左少少。水煮牛肉係我每一次食必叫嘅菜式 呢度嘅牛肉冇用肥牛，係用鮮牛肉。所以食落去就會比較瘦身，但係佢唔會好韌，入邊總會有萵筍，芽菜同埋水晶粉，非常之豐富。而佢嘅麻味唔算重，但係辣味就一流。仲有個宮保雞丁，呢一個宮保雞丁真係啱晒啲非常之鍾意食辣嘅人士，因為除咗雞丁之外佢會配上紅椒同埋青椒都係非常之辣，我爭啲食到噴火咁滯。喺呢度點川菜店員從來都冇問到我係需要啲乜辣度，但係平時食開中辣嘅我，對於佢呢一個拿到來講就覺得啱啱好，仲有少少挑戰性添。如果真係食都冇咁辣嘅就建議主動同返店員講小辣喇。

朋友收工一齊喺灣仔食飯呢間鋪頭都幾多人等位野食份量多，價錢又唔貴辣唔辣都有，任君選擇成都肴肉加埋超過十塊，一班朋友share，唔驚唔夠分刀拍開洋黃瓜黃瓜清甜爽口，天氣仲咁熱，食完呢個前菜即刻降溫四川口水雞好香既麻辣，好正宗，有水準土家酸菜魚片一上檯，好大盤，而且魚片份量好多，配埋酸菜好夾糖醋小排骨好少肥肉，酸甜度好適中，最岩送飯！炸醬麵炸醬勁多，啲麵都好彈牙👍不論前菜、小菜，樣樣都好大碟，而且味道好正宗唔怪得之成晚keep住都有人等位

對於四川菜我有一份情意結。曾經有個內地同事煮得一手好菜，請我食佢煮既家常便飯，席間有味酸菜魚，試後念念不忘。由朋友口中得知呢間做得夠正宗，為條酸菜魚走入灣仔食，結果等咗好奈位，8點入座已經賣哂（如果想食記住打電話留菜），唯有點其他菜式，原來唔只酸菜魚值得試！食四川既點可以唔試擔擔麵！呢到做法雖然有啲辣，但係個湯底好濃郁，食得出唔係用現成花生醬咁隨便，係用心自家調配既湯底😋湯混入芝麻令食落去口感更豐富，仲有蔥碎同肉末，幼麵掛起湯汁，啖啖精華～西洋菜餃簡直不得了，皮薄餡靚由張相都睇得出皮薄到好通透。咬來去皮質煙韌好明顯食得出係自己搓粉，饀料超多粒粒飽滿，菜多肉少，因為我鍾意食菜多過肉，菜肉比例對我來講無得彈～萵筍海蜇頭好抵讚，滑嫩爽口，酸酸甜甜夠哂開胃，加上灑向面上既芝麻入口更香。不過好辣下，我算食得辣都忍唔住飲幾啖水沖沖口。蒜泥白肉都係好辣🌶同食開嘅唔同，肉片厚身咗少少，冇蒜泥反而係拍碎既蒜片，可能係風格唔同，我覺得有少少失色。值得一題係佢地既調配既辣味，唔知點解佢既辣係會愈食愈辣，同愈食愈熱，勁到我同朋友9點食完，翻到屋企12點幾個身仲發緊熱，大熱天時有少少惡頂，但冬天食就不得了😍

週末又係同埋女皇&大帝一家人外出搵食既好時機啦女皇不嬲中意食辣，所以我就搵左間新開既湘菜同佢地一齊試下我地去到已經爆場，等左十幾分鐘到先有得入座我地見到個“二人餐”HKd$298+10%都幾多野食咁，所以就先點左呢個餐食住先涼菜我地揀左“口水雞”同“成都肴肉”，肴肉點上鎮江醋，酸酸地夠開胃，仲要咁多膠質而蒸餃就揀左“西洋菜肉餃”，菜既比例多過肉，味道都唔錯啵跟住既“鮮魚湯浸時菜”既白菜仔都夠嫩身幾清甜跟住一大盆既“水煮牛肉”都送到啦，仲左有牛肉之外，仲有好多我中意既煙韌紅薯粉呀！！！啲紅薯粉仲要吸左啲麻辣汁，辣得黎令人愈食愈想食係女皇食得過癮之際，大帝就再嗌多個“土家酸菜魚片”HKd$98+10%同一碗“白飯”HKd$15+10%，我都趁機叫罐“可樂”解下辣先（最後罐可樂好快俾我飲曬先醒起無影相）呢盆酸菜魚片都係一大盆咁送到上黎有好多塊滑一滑既鯇魚片呀，仲要食落唔多骨最後都忍唔住拎左啲大帝order既白飯黎食，個酸菜魚同啲酸菜真係好好送飯因為兩老都唔食酒釀丸子，一問之下，餐廳方面就好好人咁幫我地轉左做高力豆沙食埋個甜品就心滿意足啦，雖然自己唔太食得辣，但見到兩老食得滿足，陪下佢地食又有

嗜辣既我們 最近睇到某報大推湘蜀人家唔通唔狗衝咩都知道中午人流好多要等位係預計之內但想唔到咁多伙計都應接不暇叫杯水都要叫幾次 食物要不斷催單 搞亂哂態度又唔多好確實有點無奈北川涼皮味道是正常的酸香但一點都不辣仲要一夾就散 涼皮上檯仲暖 某報又話冰涼既...水煮牛肉牛肉好多根 榻體份量算多底下有薯粉芽菜菇片萵荀可惜連麻和辣都談不上辣椒跟皮蛋好似初相識咁辣椒有辣椒味 皮蛋冇皮蛋香只有豉油咸 西洋菜餃餃子皮薄餡多是真的可是餃皮既口感古怪 不像雲吞皮水餃皮 也不像小籠包皮吃多顆也不想 只好說不是我們的菜近年以"辣"作為賣點既食肆真係好多但整得好食又真係辣又有幾多.....又要再起程尋找真材實料既食店了

湖南、四川菜都是以辣出名，湘蜀人家可一次過品嘗兩個地方的家鄉小菜風味。先來一碟泡椒腰花 ($98)，即是醬爆炒豬腰，豬腰亦即是豬的腎，中國人最喜歡以形補形，所以據稱對補腎有一定功效。內臟其實已經少食，豬腰更是第一次食到，這名菜是朋友指定要點的，由於制作豬腰工序多，要反覆清洗以僻除氣味，所以現在已經很少地方可以食到，今天就讓他懷念下家鄉的味道。豬腰質感較爽口，火候剛好，炒完仍保持嫩滑。廚師在豬腰背上交替下刀，炒後呈現出花的形狀。水煮桂花魚 (小$218)，桂花魚先起肉，再稍炸一下，放進辣椒、花椒、辣油等配料，未起筷眼見到都已經覺得辣。魚是嫩，再帶麻辣香辣，吃得嘴唇也麻了起來，很是過癮。連續吃了兩個勁辣菜式，要回一回氣，點了碗嫩牛滄湯面 ($68)，牛肉是肥牛，面質有點似烏冬，是好味是豬骨味的湯底，在眾多辣的菜式下更顯清新。

今日book左中午去食，叫了粉皮，哈哈，真係好滑呀😋😋好正。叫了水煮牛肉，辣子雞，其實整得唔係幾辣，下次可以叫佢再加辣會更加正。西洋菜餃，塞滿晒D餡，好味。😜😜豆沙鍋餅，外皮好脆，整得好好食！😋😋😋