湊湊火鍋‧茶憩 (如心廣場二期)

营业中

休息中

湊湊係一間主打火鍋同埋台式飲品既鋪頭，當時一開張已經超多人推薦去食🤩食客可以邊打邊爐🥗邊飲台式飲品🧋佢地既飲品除左可以堂食，亦可以買外賣，所以我路過都會買番杯黎飲☺️◦ 大紅袍珍珠奶茶 ($33) 已經係第N次飲呢杯大紅袍珍珠奶茶(全糖)‼️呢杯係佢地既招牌特飲，用大紅袍黎做茶底係好少見😍佢屬於中國既頂級烏龍茶葉，香味比較濃，口感醇厚，略為比鐵觀音重味。將大紅袍加入珍珠同奶黎制作珍珠奶茶🧋，呢個配搭真係非常之岀色😍 大紅袍獨特既茶香味配上香濃奶味，相得益彰，大家都唔會掩蓋到大家既味道，係完全配合🤤！值得一讚👍🏻珍珠偏細粒，但都做到彈牙爽口😋最後值得一讚係珍珠奶茶既溫度，製作個陣佢地係將冰同奶茶一齊攪拌，而唔係直將冰加落去奶茶到，所以成杯真心好夠凍！唔會飲到最後啲冰溶左而搞到奶茶變稀左😋真係要講美中不足就係個杯唔係透明，睇唔到入面啲料😛睇到既相信會更吸引😙湊湊仲有好多款茶飲，例如普洱珍珠奶茶等，希望下次有機會再試埋其他口味😘📍湊湊火鍋‧茶憩尖沙咀河內道18號K11購物藝術館B1樓B124號舖尖沙咀梳士巴利道18號Victoria Dockside K11 Musea6樓608-609號舖旺角

人生第一次脫智慧齒，老公話脫完無啖好食，就請左我去湊湊打邊爐🥰/🌟蟹粉黃魚煲(季節限定) $168鮮甜的湯底有兩件滑豆腐和一條無骨炸黃花魚，唔食魚既老公都讚啖啖肉好好味！另外附送鹹鮮蟹粉，含絲絲蟹肉，用黎撈烏冬真係perfect池~/🌟勵志養生鍋 $138喜歡它們的台式麻辣鍋，有藥材香，辣椒辛香、溫和但不嗆喉！湯底含軟滑Q彈的鴨血、吸汁豆腐和白玉菇，食哂可以免費追加，都幾抵食！不過，如果喜歡刺激感🌶🌻🔥的可能會失望，建議試吓老四川麻辣鍋，我諗四川風味先會夠辣🤔/🌟美國特選牛小排 $228⭐️美國特選牛板鍵 $138牛肉類試了兩款，一分錢一分貨，牛小排相比之下肉味真的濃很多，肉質腍滑。/🌟飛魚籽墨魚滑 $68軟滑的墨魚滑每個部分都撈勻粒粒飛魚子，每咬一口飛魚子都「噗吱、噗吱」，口感豐富🙌/⭐️魚皮餃 $58魚皮餃有五粒，味道正常，個人認為可叫可不叫！/🌟日本讚期半生烏冬 $38它們的烏冬滑溜彈牙，非常吸湯！別小看它半生時看似份量很少，煮熟後都幾多下🙈最後仲食剩左一碗/⭐️風味鴨腸 $58鴨腸爽彈，不過時間一定要拿捏得好，否則多一秒都會變橡筋lol/⭐️丸類拼盤 $98蝦丸真係有粒粒小蝦肉，鮮香彈

已經食過三，四次！今次聖誕節大餐都係揀返呢間😋😍今次揀左一個套餐，7百有找首先有一個鴛鴦鍋湯底揀返，平時最鍾意係花膠雞粒湯底今次就試吓其他….蕃茄牛膝湯底，胡椒豬肚雞湯底胡椒豬肚湯底好入味🤩如果對比係蕃茄牛膝嘅話味道都會比較長出之後一個牛小排，鮑魚，雞肉，油炸鬼，豬肉，仲有一個勁得意嘅企鵝🐧丸，勁QQ呢度已經足夠兩個人嘅份量，超級飽肚六點前仲有一個優惠係八五折，不過當日揀咗套餐就冇呢個優惠但不過都好抵平時最鍾意揀依家係因為鍾意佢坐嘅位置十分之舒適非常之闊落，加上服務質素係非常好，佢入邊會包埋沙冰再加一個梅子果凍，呢兩樣都幫食完火鍋解膩🥰

熱鬧等於好食？第一次光顧 ！聞名不如一試？早一天預約了六人座🍲廂房需要拼三款湯底起最後點了花膠、蕃茄、台辣台辣是附送無限添食的鴨血和豆腐，還點了…烏雞片，口感幾爽滑；黃魚，比魚片香濃點；企鵝丸，一過不失，只是外觀吸引也罷兩款牛肉都是很一般值得一提是自助醬料夾的魚皮意外爽口好味沒有值得推介的食材初段，店員一開始有提示過花膠湯底熱後可供飲用，但怎想到再微滾後見佢杰撻撻仲有點黏底😣後續加的都是統一湯底總結，食物一般，服務尚可，可是沒有試第二次的理由

今日Lunch見到如心廣場分店唔洗排隊，就入去試下。入去前都睇過openrice 食評，都係寫服務態度差，見到其他人影食物相都好似質素OK啦，點知中哂伏!首先排隊等入餐廳，侍應唔多點理，叫左2次先有反應帶入位。坐低叫完野食之後，發現餐具有污積就叫侍應換，點知大部分侍應見到你舉手扮睇唔到，叫佢地就扮聽唔到。叫到埋黎換餐具就好似驗屍咁驗，驗到有污積先換。大約10分鐘後，食物就到啦。我睇完到份食物之後，我以為我叫錯餐。餐牌上圖片同現實極大出入，叫左個台式香酥豬扒飯，我以為比左份蒸豬扒飯我。賣相兜皮兜骨，個皮又淋，仲要好似比人拎左幾舊咁。總之以後唔會幫襯啦，其他人寫食評d相好明顯借哂角度P哂圖，大家小心中伏！（餐牌上既豬扒飯）（現實既豬扒飯）

Great restaurant! Was very relaxing and I liked the buffet- the food was delicious and the drinks were great. It is highly recommended    for family. The waiters/waitresses were very helpful! Environment was very calm and relaxing and good view.  

6pm 拎飛排6人枱，等左40mins 就問考唔考慮換4人枱迫d, 就會快d 入座，當然唔考慮啦。 於是就繼續等，大約1.5 hrs, 終於入座，點知係比張4人枱 ??黑人大問號？？？？？ 如果要4人枱我唔早d 轉？ 我選擇繼續排就係為左要張6人枱，咁算係點？ 呃人排6人枱？仲有baby chair 極dirty, 一抺係成張濕紙巾變黑色Order叫野食 又慢 等左半粒鐘先出 座肥牛山拼盤，仲要一追先話做緊。整體黎講十分不愉快既體驗，6人去 埋單 $1542 食唔太飽。 無下次， 永不再去

［呻文］上個月同朋友嚟食飯，網上預約6:00，朋友準時到達，不過現場輪候人龍超長，排隊逐一等職員安排入座。時間一分一秒過，朋友排隊等候之際，網上預約系統係6:10 由於未有「出席」記錄，被即時取消預約，朋友眼見都O 咀。排咗15分鐘隊，6:16 終於到朋友入席，門口職員卻表示遲到，不安排入席。但在場人士都係等職員安排而超出預約系統所示既預訂時間。簡單d 講。職員手腳慢而致無法準時入席，職員仲同朋友理論。作為食客，可以既話都儘量早少少到達，但餐廳都有責任即場為輪候入席人士作簡單登記，避免系統取消預約。自從晚市恢復，餐飲業又繼續放肆…. 唉！做生意唔係咁做！而且，侍廳質素真係好差（全港都係）************************介紹返，上次一肚氣，book 左位都冇位，隔左兩個月，做冬日，同朋友嚟lunch 胡椒豬肚雞用香港01積分，兌換左呢份海鮮滑。一蚊都唔使

今日突然好想食台式火鍋，因為即慶關係，好多地方都已經full booking, 最後選擇walk in 凑凑火鍋。已經係第三次黎，個人好喜歡它古色古香嘅環境設計，好有特色。餐廳空間十分寬敞，不會覺得逼迫。唯獨燈光稍為過於昏暗。今次叫咗2人餐，可選2款湯底，其中一款當然要選麻辣鍋啦(咁先夠台味🤣)。套餐包括肥牛、豚肉或烏雞卷、企鵝丸或芝士魚丸、皇帝菜或蒿萵、油炸鬼條或寬麵條。另送，小杯沙冰同梅子果凍啫喱。一分錢 一分貨，總括食物質素不錯，keep到水準，食物新鮮，湯底香濃好味！但套餐份量不算多，我們另點了響鈴、牛肩胛肉、特價$1鮮菌海鮮滑。整體用餐經驗不錯，其中一間勝價比算高的火鍋店，質素有保證。一定會再次光顧！

⁑📌湊湊火鍋。茶憩 荃灣大河道98如心廣場二期1樓121號舖•近期大愛嘅火鍋店🥳雖然大部分人打邊爐都偏愛放題任食，但係對於我而言，我比較鍾意可以散叫，因為可以更有彈性控制價錢，份量，而及食物嘅品質🎵餐廳嘅燈光比較昏暗，配合佢嘅帶點古色古香嘅裝修以及擺設和餐具，宛如置身於一個神秘嘅中式後亭園🐉•四人套餐💰1288🍲鴛鴦鍋紅顏花膠雞鍋👑紅顏花膠雞湯非常足料，滿滿嘅骨膠原令人為之瘋狂🤪花膠好似食嚟食去都食唔完咁，而且湯底味道鮮甜，加入香菇熬製，味道自然更想一層樓🤩因為膠質豐富，所以湯底質感較厚，香氣亦會在口腔每一個角落停留更長時間🕰💡 花膠雞鍋一上枱嘅時候係比較濃稠，食客可以飲用。當在享受湯底過後就可以示意員工為你加入高湯，就可以打邊爐啦😚此外湯底容易癡底，所以要盡量多啲攪拌同埋盡快食曬啲花膠啦🥢珍鮮菌菇鍋🍄如果前者係柔和嘅陽光🌞呢個相對而言，會係一𣊬即逝嘅煙火🎇菇菌嘅香氣與湯底嘅鹹香會伴隨火鍋材料在口腔爆炸，令人一試愛上😍•🌊海鮮波士頓龍蝦🦞海鮮類食物頗為新鮮，龍蝦肉質彈牙，而且肉味鮮甜😋鮑魚4隻🎵鮑魚唔會太韌，餐廳亦好貼心地係上面𠝹花，見到佢熟嘅時候，自己個心仿佛都因此而心花怒放🌻•🥩肉

天氣凍最啱就係打邊爐！🫕湯底鴛鴦鍋 - 蟹粉黃魚鍋 ($168) & 紅顏花膠雞鍋 ($138)最驚喜係竟然有兩大碟蟹粉，可以伴食物、或倒入鍋啖啖湯都有蟹嘅鮮味！至於花膠雞鍋，店員都建議我哋每人先飲一碗再加湯打邊爐，湯入面好足料，有鮑魚仔、雞粒、菇同埋好多花膠，未食野已經好滿足🤣未嗌野食先送上鴨血、豆腐，鴨血厚身唔腥，輕微麻辣，豆腐亦都大大舊。如果嗌麻辣湯底，鴨血、豆腐係可以無限添加架🔥🔥🍴自助醬料區$19/位，除咗唔同風味 (京川、台式等) 嘅醬料之外，仲可以拎時令前菜同水果🍴主菜🐧企鵝丸 ($59) 造型好可愛，係墨魚丸嚟🐂美國特選級牛肩胛肉眼 ($138) 質素一般，未去到好驚豔🐖伊比利亞黑豬肉 ($138) 肉質水準高，好食過牛肉🐟巴沙魚 ($58) 普普通通🦐基圍蝦 ($108) 好新鮮，上枱好生猛🍢芝士豆腐 ($49) 正常發揮，有流心芝士效果🍴蟶子 ($68) 比較細隻同有沙， 不過份量都多同肉質鮮甜！服務態度值得一讚，店員間唔中會主動問你要唔要加湯、食物嚟齊未、使唔使添加鴨血豆腐等，非常貼心👍🏻

We have tried noodles with beef and fish, the taste is acceptable, and appreciated their service, there was not too crowded during lunch time. However, very disappointed we received no discount of 15% off as mentioned on our booking!because the offer is applied to take hotpot, but this regulation does not specify onto the App, it is totally a deception!

食湊湊ge過程好輾轉ʟᴏʟ諗住幫ᴍᴀᴍɪ慶生一早ʙᴏᴏᴋ ᴊᴏʀ 之後又轉香江花月但食果日就咁岩8號風球了🌪香江花月的ᴡʜᴀᴛsᴀᴘᴘ客服好差ʀᴇsᴜᴍᴇ返營業都唔應人 咁咪唔食ʟᴏʀ~由於ᴏᴘᴇɴʀɪᴄᴇ ᴄᴀɴᴄᴇʟ了湊湊的ʙᴏᴏᴋɪɴɢ打風當日中午就打去📞得返5:30ᴘᴍ/6ᴘᴍ咁最後就將ʟᴜɴᴄʜ改食ᴅɪɴɴᴇʀ 特登問咗 餐廳無提供任何生日優惠/甜品店員幫我哋留咗卡位坐得舒服ᴅ 事前睇ᴏᴘᴇɴʀɪᴄᴇ好多負皮🤭話佢服務差唔理人上菜要等好耐 要幫佢哋平反下先早咗半個鐘到 即時都安排到入座 用餐限時2ʜʀs 餐廳一片漆黑格局 有ᴅ類似池塘嘅物體會噴煙霧坐低一陣之後我哋就點餐 一開始係唔想點套餐的因為3個女人 驚食唔晒 跟住店員就推薦我哋2人套餐 ($698) 包2個鍋其實係抵ᴅ 如果唔係就要每個鍋計 點完餐 我去咗個廁所之後 就上了7成的食物了⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯ ✨鴛鴦鍋7選2 (台式麻X + 胡椒豬肚雞🐔)：麻辣好正🌶食唔到辣的屋企人都食到 可能因為太濃味 食返隔離個胡椒豬肚雞時就頓時覺得淡味了 食食下有碟雞 明明無點雞肉 原來係跟個鍋的 鍋入面本身有豬肚 多

Hot pot is a must for a cold season 🍂🍁🐿.美國特選級牛肩胛眼肉 - 肉質還可以，不是太嫩滑，這個格價有點太少。飛魚籽墨魚滑 - 這個很滑，食得出係人手打的，雖然睇落細舊，但滾落去係長食長有的。丸類拼盤 - 拼盤能滿足我不同要求，咩口味都可以試下，味道還可以。勵誌鍋底 - 無限增添鴨血依個正，湯底看似好辣但還可以接受，鴨血都好好食。叫侍應加鴨血唔會黑面。珍妹奶綠 - 超好飲，啲珍珠好煙韌，係香港算係好高質既珍奶。$27 超級大杯了。

每次收工行去西鐵站既必經之地每次經過都會勾一勾起打邊爐隻根今次又忍唔住入去坐底左🙈其實食過好多次 但餐廳水準愈來愈差...兩個人食 就緊係叫個二人餐食啦二人餐竟然叫鴛鴦鍋都唔洗加錢 咁無理由唔試下紅顏花膠雞鍋 + 老四川風味麻辣原來個花膠雞鍋無可以當花膠雞湯咁飲😮職員提我地飲夠湯先好叫加水打邊爐肉類：美國特選級牛小排肥瘦適中 有牛味 伊比亞黑豬肉雪花好靚 半肥半瘦 蔬菜：萵筍好爽好味 同麻辣火鍋好夾丸類：企鵝丸即係墨魚丸 有墨魚味 唔會好似食粉咁海鮮：海蝦蝦好新鮮 好鮮甜 二人份量都有8隻 不過係有大有細既主食：油條Er....其實係飽到唔會食到....加上偏油 所以咬左啖就放棄左🙈調味料區有個珍鮮菌菇醬好好味 唔記得影相🙈好香濃既菇味 又唔會太油 又可以帶到食物既鮮味出嚟 鍾意食菇類既朋友一定要試！今次第一次食鴛鴦鍋 啲湯成日滾過隔離.....其實食食下兩個鍋都一樣味今日啲鴨血同豆腐仲要酸酸地既....職員話係因為我地個湯底原因🤪但我次次都係食呢個湯底.....之前食都唔覺得會酸好彩今日叫得多野食 個肚都無咩空間放鴨血同豆腐不過都係有少少失望兩個人埋單7百幾 雖然係食得好飽 但好似任