湊湊火鍋‧茶憩 (如心廣場二期)

营业中

休息中

中文「湊」字在古時意為人們相聚在水邊，預示著人與人共度美好時光。餐廳命名為「湊湊」，意思係想利用火鍋提升人與人之間的關係和聯繫，飲住珍珠奶茶打邊爐，呢種咁特別既用餐體驗真係好吸引，今日放工同朋友去左荃灣如心廣場分店試下呢個湊湊火鍋❤️🔥湯底: 台式麻辣鍋 & 酸菜白肉鍋 (鴛鴦)我地揀左鴛鴦湯底，揀左台灣最出名既麻辣鍋同酸菜白肉鍋，麻辣湯底係牛骨湯加上辣椒乾，味道真係夠哂濃郁，麻辣鮮香🌶🌶🌶酸菜白肉鍋亦好出色，白肉加上大量酸菜，好酸好開胃最岩用來淥冬粉食，啖啖冬粉都包含酸菜味煙韌又有咬口真心越食越開胃🤪美國特選級牛小排🐄一客牛小排份量都幾多，牛肉新鮮，油脂分佈平均，肉質軟嫩，食落牛味好濃，超正😍伊比利亞黑豬肉呢款豬肉片都幾高質，見到佢雪花紋都幾靚，淥完都唔會好硬，吸埋湯底既精華好好味😌😌番茄另外我地單點左一客番茄，番茄同酸白菜完美平衡湯底酸辣度，估唔到兩者可以咁夾🥰🥰

🕖時段-星期六夜晚早3日打去book已經full哂 去到餐廳用QR code拎飛 可以係網站見到仲有幾多張枱到自己我地8人 雖然淨係等3張 但都要差不多1個鐘先有枱比我地 最後8點幾入座 _💁🏻‍♀️每人要收$19醬料&自助區費 有啲任食既台式食物 例如肉燥飯 香芋地瓜球😋一入座仲會送西瓜🍉哈密瓜🍈同一shot沙冰 今次嗌左好多野食 整體都好好吃! 以下分享湯底同部分特別菜式👇🏻_▫️黃金奔馳鍋 $588任選3個湯底(不限價錢) 打邊爐最緊要湯底! 係餐廳門外行過都聞到超香 食完成身"湊"味🙊🔸臺式麻辣鍋No.1! 好香口🌶點呢個鍋可以無限refill鴨血豆腐食開十小辣既我都勉強食到(要有凍飲)🤣 除左菜之外我所有野都想落呢邊🤪🔸紅顏花膠雞鍋No.2! 真係好濃稠既花膠湯🐣入面仲有雞肉 鮑魚 花菇🍄 滾起每人1-2碗飲左先 超濃膠質口感! 之後再加湯打邊爐🔸清涼椰子雞No.3! 相比以上比較淡🥥食食下因為上面兩個濃好多所以半放棄左呢個湯底😬_▫️企鵝丸(墨魚漿製) $59湊湊名物🐧成日係story見到佢🐧 外形可愛 味道係普通墨丸😌_▫️時蔬拼盤 $138好大盤 (長過手臂💪) 擺盤整齊 各式

令人回味嘅台式火鍋今次係慶祝生日一行八人 可以享用包廂最低消費係一個三色鍋可以喺餐單上面揀個湯底辣同唔辣任君選擇適合唔同口味既人個人推薦花膠鮑魚雞湯底，同台式麻辣湯底花膠鮑魚雞湯底嘅膠質十足令人一再回味 飲咗頭啖湯之後再加嘅雞湯又係另一番風味台式麻辣湯底嘅出色之處就係隨意添加豆腐鴨血如果有揀呢個湯底的話可以唔使再叫付費嘅豆腐🤣🤣好入味好吸汁餐廳出手闊綽每次都同你加滿三色巨型湯鍋亦係打卡必備🤪出邊亦有少量免費添加食物同醬料風味魚皮亦值得推介仲有脆皮香芋湯圓同蕃茄仔疫情期間有得坐包廂獨立VIP房亦係吸引之處👍🏻👍🏻但食完會帶住一身湊味返屋企再回味😋😋😋

今次要為大家介紹嘅呢間火鍋喺荃灣如心廣場嘅1樓，夜晚時段會比較多人大家記住book位啊，佢哋嘅湯底有多款選擇，迎合晒食辣同唔食辣嘅你，唔食辣嘅朋友一定要試吓👉椰子雞火鍋湯底👈，重點一提店員服務態度好好🥰🥰，詳盡介紹有咩食，上菜同收碟效率都超快💯，想知係咩就繼續留意睇落去啦👇 —————————————————-👅椰子雞鍋🍲湯底裏便好足料，有椰子肉、粟米、杞子同雞件，啖湯超濃椰子味，飲左好多碗都無口渴，果然真材實料夠滋補—————————————————-👅肉類：伊比利亞黑豬肉特別推介大家試下呢個伊比利亞黑豬肉，豬肉脂肪吾多，雖然油脂唔多，但質感吾會因為呢個原因而好硬，食落系啱啱好💯—————————————————-👅竹笙竹笙咬落幾爽口，吸收晒椰子雞湯，非常入味。—————————————————-👅排骨酥好驚喜既台灣小食😻，熱辣辣，排骨酥脆身香口，一定係新鮮啱啱整😋😋—————————————————-👅時蔬湊湊拼盤拼盤由16樣新鮮時令蔬果組成的時蔬湊湊拼盤: 油麥菜、生菜、皇帝菜、大白菜、木耳、南瓜、冬瓜、蟹味菇、金針菇、香菇、豆腐、番茄、粉絲、魚豆腐、紅蘿蔔等，應有盡有，冬瓜煮得

自從禁晚市之後都少左出去打邊爐，難得媽咪放假就帶佢食餐好😆😆今次去左荃灣個間湊湊火鍋‧茶憩🍲地方大之餘又坐得好寬敞舒適，外面仲有個任食自助吧包括有唔同既醬料、餐前小食同水果，可以係打邊爐前醫一醫個肚☺️☺️☺️💗椰子雞鍋🍲店員一放低個火鍋湯底就聞到好香椰子香味，流哂口水，雞肉嫩滑纖細，雞鮮味濃🐓💗 加拿大松坂肉卷到一個花花咁 好靚拆開大約有7-8塊 都好大塊塊塊都好爽口既 肉味香濃💗夜市小食 - 排骨酥排骨酥即叫即炸，熱辣辣脆卜卜，真係好好食😋💗毛肚毛肚係牛既內臟，吃起來有咬口，富有彈性，同椰子雞鍋好夾，非常惹味💗粉麵自選幼麵，麵線吸收哂湯底既精華，口感厚實煙韌🍜最後仲有甜品，梅子茶凍，綠茶既清香配上酸酸甜甜梅子可以解解膩😚

疫情之下去唔到旅行，加上台灣又開始爆疫，唯有係香港食住台式火鍋止癮先，荃灣如心廣場開左間湊湊台式火鍋，既可以食到高質既打邊爐，又可以飲到台式地道手搖飲品ღ 鴛鴦鍋：台式麻辣鍋 & 酸菜白肉鍋酸菜鍋湯頭材料豐富滿滿酸菜，配料好健康，加埋白肉腩片真係正😋另一邊放住好足料既麻辣鍋，目測已經有好多鴨血同豆腐，鴨血好滑好香好入味，湯頭好濃夠杰身，係好正宗既台式麻辣味🌶❤️🔥╰┈➤ 𝘁𝗮𝘀𝘁𝗲: 9/10 𝗿𝗲𝗰𝗼𝗺𝗺𝗲𝗻𝗱: 9/10ღ 美國特選級牛小排油脂感好高，richy得嚟又唔會覺得好漏，薄薄哋一片，點一點豉油，但肉質一樣好好，唔會覺得太乾，好好食😋╰┈➤ 𝘁𝗮𝘀𝘁𝗲: 𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬ღ 海鮮棒棒糖海鮮棒棒糖有魚滑同蝦滑，賣相💯魚味香濃唔會腥，蝦滑爽口彈牙╰┈➤ 𝘁𝗮𝘀𝘁𝗲: 𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬ღ 台灣香腸台灣香腸晶凝通透，鹹度適中，口感一流╰┈➤ 𝘁𝗮𝘀𝘁𝗲: 𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬

呢排時熱時凍咁，真係打多左好多邊爐🍲去左荃灣試呢間特色火鍋店，裝修採用古代風格，古色古香好特別😎✅ 台式麻辣鍋 & 酸菜白肉鍋 (鴛鴦)酸菜白肉鍋有少少辣，酸酸地好開胃，白肉脆脆地又煙韌，豬味濃郁，湯底有大量醃製既酸甜爽脆大白菜，好好食😋麻辣鍋亦好足料，鍋底有鴨血同豆腐，鴨血大大塊，口感非常嫩滑，至於豆腐索哂麻辣湯底既精華，辣得好過癮🌶✅ 美國特選級牛小排牛小排肉脂香口，食落鮮嫩，牛肉味香濃，正😋✅青蟹蟹件都幾大件，肉質鮮甜睇得出係新鮮野，啖啖肉🔥✅海鮮棒棒糖海鮮棒棒糖係用魚滑同蝦滑整成，感覺新鮮同埋手打既，而且好香好滑🥰✅台式茶飲: 珍珠奶茶 & 荔枝QQ湊湊火鍋既賣點係將台式茶飲引入台式火鍋，當然要試下佢地既手搖飲品啦，珍珠奶茶茶味香濃，珍珠又好煙韌❤️朋友叫左荔枝QQ，好香荔枝味唔會好假，口感清新

因為做緊優惠，有免費鍋底，所以就決定一試。簡左台式麻辣鍋同花膠雞鍋。望落去係幾吸引，但食落去又唔係果回事。花膠雞鍋個味有d似出面酒樓食既羹咁，比較杰。雞肉切到一粒粒，食落去有些少冰鮮雞味。仲有兩粒可有可無、好細粒、煲到unun地既鮑魚反而d菇幾好食台式麻辣鍋就更普通，唔香又唔麻，鴨血切得比較薄、唔嫩，食落一般。配料叫左：美國特選牛小排、伊比利亞黑豬肉、蛋餃、飛魚籽墨魚滑肉一般水準，蛋餃個肉餡好肥，墨魚滑咬落去有滿滿既飛魚籽，不過唔係幾食得出墨魚味。除左醬料外，佢有其他野可以拎，例如：海帶、魚皮、見左一次就無再見過既地瓜球，仲有白飯同（很油既）肉燥野飲叫左杯大紅袍珍珠奶茶，不過不失，勝在大杯服務方面：唔知係咪因為環境比較昏暗，次次舉手都好似見唔到咁員工態度尚可既，不過唔會點主動⋯總結而言就係我諗唔到有咩野令我會再黎食多次

終於放寬堂食啦即相約好友食火鍋，好開心啊🥰環境以台式裝修，有華麗的餐具和佈置，增添古色古香既感覺🍲椰子雞鍋椰子雞湯好濃味又足料，雞件都好滑，係時候要滋補一下，打邊爐前飲多幾碗先😋🔥🐮美國特選級牛小排牛肉質素唔錯，有肉汁豐富，油脂帶甘香🥟排骨酥湊湊火鍋除左有台式茶飲，仲有多款小食，好似去左一轉夜市咁，我地叫左排骨酥，上到枱仲熱辣辣，炸粉夠薄好香口，必試!🥤飲品: 冬瓜大紅袍同黃金鮮柑茶湊湊將台式茶飲引入火鍋，大大杯既手搖飲品，甜度適中，消暑解渴一流👍🏻👍🏻👍🏻埋單前店員送上透心涼既🥛乳酪沙冰，整體來講，湯底和食材都好出色，超滿足❤️

Weekday同友人去左南豐紗廠chill下，歎下清新空氣，上openrice 一search就見到呢間人氣台灣過江龍湊湊火鍋店超級抵食😋不得不讚呢度嘅裝修實在好有台灣特色，周圍都係打卡熱點，環境寬敞，任我地打卡📷▪自助醬料區餐廳設有自助醬料區，有多款醬料同配料可供選擇，小食無限仼添，如海帶、魚皮、肉燥飯甚至飯後果既西瓜同哈密瓜都可以仼食👍🏻👍🏻👍🏻▪ 台式麻辣鍋 & 酸菜白肉鍋 (鴛鴦)台式麻辣鍋用左唔少香料，所以麻香十足，而辣味持久，鍋內仲有鴨血同豆腐，兩者口感非常嫩滑，酸菜鍋用上秘製配方，大量酸菜配上豬腩片，風味獨特，酸香醒胃🥰▪️ 伊比利亞黑豬肉鮮紅嘅豬肉片帶有雪花般的紋理❄️肥瘦分明，食落完全唔會韌，豬味濃郁，厚薄均勻，超級推薦😋▪️青蟹青蟹賣相精緻，將蟹件放進鍋裡煮一陣就食得，入口味道鮮甜🦀🦀🦀▪️台灣香腸雖然呢度主要係食台式火鍋，但都有供應多款台式小吃，我地叫左台灣香腸，份量都幾多，入口有嚼勁，唔會好鹹，幾正😋

雖然而家放寬左限聚令不過疫情咁反覆真係唔知幾時又再改變政策今日想介紹呢間位於荃灣既湊湊火鍋就算二人限聚都可以食返餐豐富火鍋食物質素又遠高於放題加上台式風格既裝修別有一番風味🥥椰子雞鍋香濃湯底大量椰子肉同鮮甜粟米一開始飲咗湯先再打邊爐另外仲有碟雞件做湯底啱哂唔食得辣既朋友🐮美國特選級牛小排鮮味十足又唔硬碌十幾秒就食得肉汁滿滿🦀青蟹青蟹非常新鮮又大隻同椰子湯底好爽肉質好鮮甜做得非常出色🍡海鮮棒棒糖除左企鵝丸係必點之外呢個ig-able既海鮮棒棒糖幾乎好多枱都有叫用上魚滑同蝦滑整到好似圓牌既造型搵長竹簽串住食淥起之後食落好彈牙私心推介大家要試呢個❤️

一踏入餐廳， 裝修設計走新東方風格，刷新餐廳固有的用餐環境印象，連Menu都係花咗好多心思去設計👍🏻 真係好岩打卡❤️🍲 台式麻辣鍋 & 酸菜白肉鍋 (鴛鴦)款款都好吸引❤️ 最終揀左個鴛鴦湯底，酸菜鍋夠哂開胃，還有少少辣，腩肉切片厚薄適中。麻辣鍋加左少少藥材，配以辣椒同紅棗，估唔到麻辣鍋都可以養顏，鴨血豆腐又嫩滑又入味，同樣好高質素！🐮 美國特選級牛肩胛牛肩胛重牛味👍🏻 有咬口但唔韌😋🥟小食: 排骨酥🐖即叫即炸既排骨酥，上到枱仲熱辣辣，外皮脆卜卜，入面肉質鮮嫩😌🔥🍢企鵝丸🐟企鵝丸用上手打墨魚滑，加上可愛企鵝造型，粒粒都爽口彃牙😋🥗 雜菜拼盤餐廳除左提供肉類之外，仲照顧到鐘意食菜既朋友既需要，用上16種新鮮時令蔬果組成既蔬菜拼盤，油麥菜🥬 同雲耳都好新鮮🌿，豆腐同粉絲吸哂湯底既精華，真係健康營養又好味😉

慶幸自己住係荃灣，呢區真係好多好野食，今晚黎到如心廣場既湊湊台式火鍋～～餐廳裝修、餐單、擺設都充滿台灣風格好啱打卡📸📸好似去左一轉台灣旅行咁-🍲椰子雞鍋湯底方面，我地揀左椰子雞鍋～鍋內本身已經有椰肉🥥、粟米🌽，店員仲會即場加入原個椰青水，令湯底更清甜！！飲左兩碗，感覺好滋潤！之後就可以放雞肉去煮😋😋📍美國特選級牛小排🥩牛味濃郁，油花部分比較少，口感相對爽滑～📍海鮮棒棒糖賣相幾靚！用魚滑同蝦滑整成咁可愛既造型，好睇又好食，口感彈牙❤️❤️📍青蟹🦀椰子雞湯好清甜，最啱就係配個海鮮，我地揀左一隻青蟹，好新鮮，蟹鉗好大隻，煮熟左之後肉質鮮甜仲要有膏😌😌📍伊比利亞黑豬肉🐖伊比利亞黑豬肉肥瘦均勻，口感軟滑，推介👍🏻👍🏻📍雜菜拼盤🥗蔬菜款式會不定期轉換～～款式多達十六款當日有油麥菜、生菜、木耳等，全部都好新鮮❤️❤️木耳煮過之後好爽口，正📍冬瓜大紅袍🥤台式茶飲都有好多款，唔單止係珍珠奶茶，呢排天氣咁熱建議飲返杯冬瓜茶消消暑，唔會死甜既冬瓜茶好好飲最後食埋個梅子果凍做甜品，今餐好滿足🥰

小編同朋友去左荃灣如心廣場既湊湊火鍋，餐廳環境寬敞，裝修風格偏台式，仿如置身於台灣街頭火鍋店中，上個月開始就有返晚市堂食，啱晒約埋朋友嚟打邊爐🥰❀ 台式麻辣鍋 & 酸菜白肉鍋 (鴛鴦) 🍅湯底有多款選擇，今次就揀咗鴛鴦鍋，麻辣鍋加入大量辣椒及香料，加上鍋內的鴨血和頭腐，十分入味；酸菜鍋酸甜開胃～而且仲好足料👍🏻❀ 美國特選級牛小排 🐮打邊爐必點既牛肉✨ 牛肉份量多，肉質好嫩滑，油脂分佈均勻，牛味香濃，鐘意食牛一定要試下呢🥰❀ 排骨酥🐟自家製加新鮮炸起，浸一浸湯底再食，吸收晒湯既精華，食落又香又脆，非常邪惡😝❀ 台灣香腸食台灣菜點可以唔叫台灣香腸呢，香腸切片之後方便進食，唔會乾到變硬，好惹味💯🔥❀ 蔬菜拼盤 🥬最鐘意就係叫拼盤，因為可以一次過食幾款蔬菜～拼盤有香菇、油麥菜、生菜、豆腐，菜類好新鮮，豆腐好滑溜👍🏻😌

見到網站做緊六周年優惠諗住去試一試網站上面嘅條款寫明要預約於是就打電話預約啦結果係打咗50個電話都係冇人聽完全唔明白點解餐廳要約預約但係又可以咁誇張完全冇人聽電話死心咁行去餐廳預約結果係去到餐廳門口等位個前台度一係就冇人一係就嗰個人完全十問九唔應門口迫晒等枱嘅人去到呢一刻我唔明白點解預約食餐飯都要咁當佢肯應我嘅時候發現同條款所寫嘅完全唔同條款明明話要預約 但預約嘅時間一係就六點一係就八點其餘時間都要Walk in佢話Walk in都會有呢個優惠但係睇返佢個網站留言又有好多人話坐低咗先發現冇優惠完全唔知間餐廳想點我信唔信個店員好未食已經一肚氣