温野菜 (2000年廣場)

营业中

休息中

十八種新鮮野菜任食! 期間限定120分鐘放題鹿兒島A5黑毛和牛任食！即點即切！霜降A5級數！食幾盤就回本! 温野菜銅鑼灣店限定放題7折免費升級享用鹿兒島A5黑毛和牛肉眼香港人鐘情和牛,食用量係世界最多！溫野菜推出限定美食，A5和牛肉眼,CP值爆發！仲有多款新鮮野菜，特式鍋底野菜銅鑼灣店推出優惠選鹿兒島黑毛和牛‧熊本豚食べ放題可免費升級享用鹿兒島A5黑毛和牛肉眼放題食盡76款美食,飲品和牛油花平均,肉質細緻嫩滑,入口即溶,牛味濃郁絕對一試難忘單賣一客已經價值$179 建議配搭鰹魚湯,味道更鮮更突出  【7折優惠價享用所有「温野菜」120分鐘放題】可於早割、夜割時段以7折享用所有「温野菜」「120分鐘食べ放題」熊本豚‧丹麥豚&雞食べ放題7折後只是$250.6起 多達18款的產地直送野菜及超過20款鍋肴等 有爽甜的熊本椰菜、鮮艷而口感爽脆的紅芯蘿蔔等，適合一眾健康愛美女士！ 提供多款招牌湯底選擇及17款飲品無限量供應 黑毛和牛肉眼即點即切,油花豐富,霜降極吸引 一次試盡日本豚肉,和牛！ 個人最喜歡番茄湯底，酸甜開胃！ 和牛油脂多，肉比較少，不宜燙太久大約３０秒即可食用！ ３０秒左右！ 入口即

見到廣告做緊特價早割7折，即刻同個fd去食，一去到即刻點返過鹿兒島和牛餐，個牛一尼到已經哇左一聲，個牛d雪花好均勻，一睇就知好香，再配埋個壽喜燒湯底，真係絕配。仲有仲有，今次仲有得免費升級和牛，食返幾碟已經回本！D菜又好新鮮，食落好甜，特別係紅肉蘿蔔同小棠菜，真係好好味。仲有免治雞肉配黑松露，食落爽口又重雞味，係其他餐廳根本冇可能食到。埋單400蚊一個人，完全係超值，下次一定會再尼！順帶一提，服務員既態度都好好，值得表揚。

🇭🇰#香港捐窿捐罅記 Instagram: foodkiller_dk一聽到溫野菜出左一個90分鐘放題 再加上早割or夜割 大約四百幾就可以任食鹿兒島🐃和牛同澳洲M9🐃和牛 我尼d師奶心態既後生仔當然想去啦 睇下究竟好唔好味啦😇-開始之前有兩樣野想講一講第一 澳洲🐃和牛評級 係由M1最低M9最高 根據肉既雪花去評定既第二 兩種和牛🐃比你任食既部位都係chuck roll 係肩膀既位置 牛比較多用到佢 所以就比較多肌肉同平😐 我遲d得閒再講下牛不同既部位味道方面鹿兒島和牛同M9和牛都做到入口即溶既效果😍 但當然鹿兒島做得更好 但係佢地都有一個共同問題 就係欠缺牛味🐃 不過尼個係大部分和牛既通病 我都一早預左🙂 所以先叫和牛湯去加重牛味 之後仲特登叫一個美國牛去比較一下 果然美國牛重好多🤷🏻‍♂️ 但除此之外都好好味 令我刷左超多😋 除左牛之外其實仲有豬🐽同其他小食任叫 不過為左唔好浪費個胃 所以都冇叫其他🙂唯一我想講係佢地既侍應 我唔識用個ipad📱問個侍應 點知佢又話自己都唔識 咁我叫佢搵一個識既人幫 佢15分鐘後先叫到 浪費左我15分鐘🤷🏻‍♂️ 餐廳既訓練需要改善🙂-🎈銅鑼灣堅拿道東

見有信用卡優惠 平時成千蚊嘅套餐平左一大截 心思思又想去打個邊爐喇去個日原來咁岩就係優惠嘅最後一日都相當多人 好彩可以用app等位 差唔多時間先上去安排坐嘅位置對正門口 望到等位嘅人但餐廳好貼心 有得拉落簾 有返私人空間叫左一人一鍋 豆乳同蕃茄雜菌湯 必食湯底係豆乳鍋唔會失望 滾起嘅時候可以撈到腐皮！好過癮作為牛魔王 對牛肉十分有要求 平時邊爐嘅肥牛我好少食 但呢度嘅肉脂肪分佈十分恰當淥完都有好香嘅牛味配起豆乳 正呀！其他菜都係好新鮮 令人食過返尋味

呢間黎自日本既過江龍，最出名係食日本的新鮮蔬菜，不過我最鐘意既，反而係啲湯底。我地四個人，叫左四個唔同既湯底黎試下。-骨膠原柚子鹽湯，藥膳湯，蒙古炎湯，牛肉湯。四個湯各有特色，我特別喜歡骨膠原湯同藥膳湯，好適合貪靚既女仔！-身為芝士控既我，每次都會叫呢個芝士竹輪，特別推薦！-呢間分店可以揀任食或者散叫，每款菜都係十幾二十蚊，如果唔會食好多肉既話，散叫比較划算啊呢間分店座位好舒服，有間隔去分開唔同枱，可以有一個私人既空間同朋友傾計。

去開日本o既朋友應該都有聽過溫野菜吧！佢係一間連鎖shabu shabu 專門店.. 主打新鮮蔬菜，岩晒愛健康一族，食多多都唔怕！成日心思思想再食返，而家終於係香港開左啦！當然馬上立刻就去會一會舊情人外國o既月亮係特別圓而日本既生菜係特別甜，唔好睇佢平平無奇咁o既樣，食落好爽口架，好似食薯片咁冷盤新鮮蟹腳，岩晒我呀！仲有海水味 😚牛是必備的吧！點可能唔食呀，淨係賣相都贏成條街啦，日本出品必屬街品 😏 入口即溶，流晒口水喇！🤤豚肉食落都唔會覺得肥，神奇蔬菜係主打，一定要食啦，大蔥蘿蔔洋蔥都係我朋友，雖然唔係咩貴野但好正囉 敗筆係香港只有套餐而沒有放題！！

午後定食七折優惠超抵，平日五時前下單就可以，放假食當晚餐最啱。今次二人去，叫了最便宜的雞和豚肉定食$88 及上牛定食$128 ，一個昆布湯（免費），一個鰹魚湯（加$10），加一按原價計算，共$180。 定食包括飲品和烏冬或飯及一份雞肉滑。食材很新鮮，雞腿肉嫩滑。如不吃牛，不用點）$128 的定食。上次已試過鰹魚，煮肉類及煮烏冬都非常好吃。侍應殷勤有禮，添茶自動自覺。差不多六時，聽到經理和員工 briefing 晚上流程，清楚又細心。

朋友之前食過黎間，讚口不絕，今日心血來潮，突然相約帶我去試食下，梗係即慶即book 位，5:30 仲有位。 黎度已有人排隊，甘早食飯都有人排，真係甘好食嗎？ 聽侍應指只有呢度有放題，其他分店是逐碟點叫。價目有4款，由$358-498，我們選左398，主打食美國和牛肩脊肉及英國安格斯牛肉，其餘美國上級牛肉等逐一試曬。 美國和牛有很重牛肉味，肉質有咬感。英國安格斯也屬重牛味，細嫩肉質。熊本豬腩肉都很彈牙，煮耐d都唔會UN. 美味！其他蔬菜都新鮮多元化，丸既種類很多，可惜肚皮空間有限，下次再食吧⋯⋯飲品有波子汽水，兒時飲品，很懷舊的

不可一不可再的餐廳!服務態度很差: 由6時多等到9時也不能進場。沒有位置又不直接跟我們說,成村人等了好幾個小時!浪費時間。就算好食也不要去。只會給職員耍。千萬不要去,一定要等的。唔可以預先訂座

員工態度差，俾400幾蚊乞食由下午6點50分等到9點14分，已挪飛仔C0002, 叫我哋7位七點半回去再等，七點半到，叫我地等到八點十五分，總話只凖吃90分鐘，硬企走廊，等到8點半終於放氣，去咗Jimmie Kitchen，吃到一半夜晩9点14分打電話來話🈶️位。同在走廊好無辜的2⃣️位客，以為我哋走咗，佢吔可以少等7位，怎知經過翡翠拉麵見到佢哋。因為成條走廊🉐️我吔9位在等，所以認🉐️。咁嘅餐廳，員工講大話，態度惡劣，就算免費請我食，我們都會拒絕。差差差差差差差好差差差差差差差差唔會返去。

見到溫野菜出左放題牛魔王又係時候出動啦難得有高質牛肉食今日就豪番次食左最貴既我鹿兒島黑毛和牛放題一入座佢會比d牛同埋菜拼盤不過佢有一盤牛唔係和牛感覺好似冇咁著數因為今日打算係咁食黑毛和牛嘛呢度係一人一鍋叫左一個和牛湯同埋壽喜燒和牛湯清清地唔會太濃完全唔會cover左食物既味道壽喜燒甜甜地可以解膩配合油香重既黑毛和牛都好適合一見到d黑毛和牛就覺得超靚 油脂分佈平均食落超級嫩 牛味油味都適中雖然未係入口即溶但係果仲淋同埋超重既牛味我已經超滿足今日主要黎都係狂食牛肉其他配料都淨係食左少少感覺都係普普通通菜就幾新鮮

時間上 90同120分鐘係唔夠 因為野食種類多 上菜時間不是特別快加湯加到唔見左人 都會令到120分鐘唔夠時間另外店內只會在90分鐘提示客人last order而不會溫馨提示90分鐘交檯便d之類... 今次食鹿兒島和牛級別即係代表前面級別的都可以叫一開波先叫 美國牛 澳洲和牛 鹿兒島和牛但上來的是所謂頭盤即係 英國和牛 豬肉 少量菜唔問都唔知以為叫錯野真係非一般頭盤所以和牛次序英國 美國 澳洲 鹿兒島每樣4-6片 已經飽到暈味道同脂肪分布都係一級級上 叫菜通常半份半份叫秋葵兩條兩條咁來，3個人分唔到菜又幾塊幾塊到喉唔到肺丸又係 兩件兩件咁 望落係咪嘥野但唔開胃湯底一人一窩叫左sukiyaki 和牛湯 和骨膠源柚子sukiyaki 唔特別和牛湯係嗅落有牛牛味 食落不太特別 但有舊肥膏係湯底，食完舊肥膏仲係度骨膠原柚子 普普通通埋單位位 6xx 連加一原來假期前夕貴咁多是晚3條精明女一齊變左senior，咁多tricky位都留意唔到

上次食過溫野菜之後印象不錯，今次再encore去試下新出的牛腸鍋shabu shabu! 第一次去銅鑼灣的分店，雖然無海港城分店的維港夜景，不過環境、座位都幾好，7點幾未算太多人，兩個人坐四人卡位用餐幾舒服，涼住冷氣打邊爐好爽👍🏻好多人一聽到牛腸鍋就覺得接受唔到，雖然平時都少食牛腸，不過試左兩舊味道還可以，口感都幾彈牙。食火鍋最重要食湯底，牛腸鍋的湯底很清甜，調味適中，而且不會有太濃的內臟味道，放入娃娃菜和烏冬吸下湯底的精華非常加分！一分錢一分貨，溫野菜無論是環境、食物質素都算不錯，最重要係牛肉和豬肉的quality 有誠意~大家如果怕牛腸的話其他食返其他湯底啦！

今次係第二次食溫野菜，上次食過呢度嘅自選午餐感覺質素都唔錯😋同埋坐得都幾舒服👍🏻每人個空間感比較有私隱度，以前食嗰啲任食和牛火鍋檯與檯根本好接近，食得唔舒適，但係溫野菜鍾意佢嘅地方就係好寬敞，又唔使出去攞菜和其他食品坐喺度撳掣就有人招呼有人直送到你檯面，完全唔需要好似其他接近價錢既食店，你要係咁要走出去夾菜，所以覺得高檔好多！價錢差唔多梗係揀溫野菜食得舒舒服服啦😌而且食物質素方面佢哋主打係日本直送嘅野菜質素當然有保證😉我地都揀左壽喜燒湯底，我哋試鹿兒島和牛同埋澳洲牛都幾好味，美國牛就真係一碟都嫌多😕豬肉叫左熊本豚肉都幾好食架！不過有牛就梗係食牛啦 我係牛怪嚟㗎嘛🤣除左肉外佢有其他野菜配料，仲有魚餅、肉滑、菇菌類，仲面同飯都可以叫，總之配料就係好多選擇，仲有飲品熱凍都有，埋單900蚊其實大胃皇黎真係幾抵食👍🏻因爲我地本身係細食精所以冇叫好多野怕浪費😊肉類我地食左12、3盤咁上下，佢地上菜既速度都唔會好慢

由第一次對之驚艷, 到到今天已經是大失所望仲記得第一次去食GE時候, 好開心食到間咁高質GE日本火鍋, 之後仲成日不停帶朋友去食而且食完之後成日都好掛住想再食, 但自從多左人食多左人識之後就開始每況逾下第一年好努力食到變左金會員...但其實個陣已經慢慢變差左, D肉唔再覺得值得個個價錢, 到依家金會籍差不多到期再去食, 結果都係冇進步返, 仲無埋個紫蘇雞肉TIM...唯獨個D雪糕都仲係好食GE, 好彩佢地冇轉入第2 隻貨, 哈哈好希望佢地有人睇到LI篇野之後會令佢變返以前GE溫野菜啦