温野菜 (2000年廣場)

营业中

休息中

和老公撐枱腳食日式火鍋，試間貴一點而質素又好點的店舖。幾間溫野菜，只有銅鑼灣分店設有放題套餐，自己還是喜歡任飲任食放題。裝修和風簡潔，多包廂款式設計的枱，坐得舒服又有私隱。 服務不錯啊！我們點了北海道十勝和牛肩脊肉放題，牛豬雞都新鮮高品質，乾淨企理，沒有漏單情況，落單用平板電腦的。任飲任食還有其他選擇，包括多款蔬菜菇類、丸類和小吃，其中芥辣貢丸和免治雞肉真的很特別和好吃。去唔到日本旅行，來住這裡回下味先！

朋友介紹話呢間好食，一黎到已經勁多人排隊，原來咁多人食。入到去我地叫咗火鍋放題嘅D餐，鹿兒島黑毛和牛嗰個餐同埋揀咗有機豆乳湯底。豆乳湯底奶白色，好滑好香豆味，唔洗較好大火啲食物都好快熟。鹿兒島黑毛和牛果然真係好好食，啲雪花紋好靚，奥洲和牛無咁肥牛味重過鹿兒島，兩隻都切得好薄，好快熟，嘅肉質好淋一啲都唔韌。菜類就一般般。

溫野菜今日同朋友慶祝升職，所以想食好小小，我地去左食溫野菜放題，我地係食夜割時段既，有7折優惠，食90分鐘，價錢係偏貴，但質素對得住價錢。湯底方面 我地點左壽喜燒湯底，偏甜，好好味同埋豆乳湯底。所有蔬菜都好新鮮，全部都係日本入貨。鹿兒島黑毛和牛牛肉入口即溶，好重牛味，肉質嫩滑，油脂充足，我哋encore左起碼7,8次，每一round質素都keep得住，一分錢一分貨。黑松露免治雞好重黑松露味，雞滑都好彈，好重雞味。價錢每位460$，可以一試。地址温野菜 (銅鑼灣)銅鑼灣堅拿道東8號2000年廣場4樓全層

35度炎熱天氣更加要打邊爐一直有牛角集團會員卡，但呢間溫野菜就反而一直無食過 今日同事介紹話有個lunch set 好抵食 $88有Set lunch 包豬/雞 2碟 仲有其他菜,小食 等... 叫左豬肉質素好好，每碟有4片，無冰鮮肉味，幾好味仲包一碟菜，真係好夠飽包烏冬/飯 一碗👍🏻 烏冬夠煙煙unun , 份量剛剛好個餐包免治雞肉，另外加$12 有2粒丸/餃子 。我地叫左兩個$12 啊，唔記得提仲有前菜因為有會員卡，免加一，埋單岩岩好一個人$100，真係有質素既lunch

推薦指數: 🤩🤩🤩🤩朋友一直大推溫野菜好食高質，我未試過就一於去食下。聽講只有銅鑼灣溫野菜分店先提供放題！🤗今次食豪Ｄ！黎個和牛SHABUSHABU 放題先😻我地食早割時段-需要19:30前離座!所以我地就BOOK左17:30👏🏻星期五、六、日及前夕成人一位HK$598 (再加一)雖然價錢係偏高，但係食物質素同服務都非常之好。我地點左壽喜燒湯底，嗌左幾款唔同的和牛。分別有鹿兒島黑毛和牛、澳洲Ｍ９和牛、英國安格斯牛肋肉、熊本豚梅肉等等。一盤盤整齊有埋牌仔寫清楚係邊款肉，乾淨衞生👍🏻和牛任點任食 😋我地嗌左十幾盤🤪抵番哂 😬安排座位係小包廂，私密度幾高，唔會你眼望我眼🤭一人一鍋，除左和牛同高質肉品之外，有好多其他野食可以點，溫野菜的蔬果種類奇多，連紅心蘿蔔都有🤗所有食材都係高質高水準呀！每位只需加HK$28仲可以有生單放題任飲！sapporo/ asahi 兩款任君選擇🍻抵呀

第一次光顧這家店， 因為很早就訂枱，所以被安排到房間。 房間很乾淨， 隔音還算ok， 如果隔壁房間客人大聲說話， 會聽到少少。食物選擇很多， 牛肉選擇多，配菜選擇也多， 特別要推介的是鹿兒島的和牛， 個人覺得嫩度和牛肉香味， 都比美國、英國、澳洲的牛肉優勝。服務生很友善， 食物也很快就到。非常滿意的一餐。

突然好想狂食牛，就約埋阿女卜呢間溫野菜，之前係日本沖繩已經食過，正到不得了。120分鐘和牛任食，一坐底唔洗講野緊係拿拿聲點野先，阿女點左昆布清湯，因佢想食真d牛肉嘅原鮮味，而我就比較喜歡食辣，見倒有款四川麻辣湯底🌶心諗日式放題有麻辣湯底🙄好奇之下就點左呢個湯底🙄湯底一d都唔麻唔辣 -湯底有d中伏感覺😖）第一板鹿兒島黑毛和牛🐮牛肩，果然冇令我地失望，牛肉入口即溶，油花都好香，牛肉味重，正到爆，其他配菜，丸，小食等等都有幾十款，最正👍🏻就係黑松露免治雞肉，起碼order左三次😋不過都係要留番多d quota食牛啦，所以其他配菜只叫左一round。全晚都試左美國、澳洲等等嘅牛，質素都ok，不過最正都緊係鹿兒島A5和牛啦⋯⋯叫到第6、7板牛肉就越來越肥啦🤣⋯⋯不過牛味都keep倒....唔知阿女係咪第二期發育🤭，兩板又兩板咁叫，嘩，全晚食左成十幾板有多，真係值回票價🤣🤣。呢間放題一人一鍋，非常衛生，坐位舒適，用ipad點餐，既方便又環保👍🏻值得比讚。

平時吃日式火鍋除咗牛摩外，温野菜銅鑼灣分店是我的至愛(因有放题) ; 是次選了薩摩和牛配以蒙古炎鋦(當然最好配和牛湯比較好，但蒙古炎銅也不錯)，除咗薩摩牛外，亦吃了安格斯牛，澳州和牛，豚肉等等，再加上飲品任飲，吃足2小時，對我來說一定回本，但記緊早點來或先取票，否則排隊有排等。

豆乳湯底就必要㗎啦～一人一爐嘅好處就係唔洗就來就去，好似媽咪唔食牛又唔食得辣同豆腐，就可以揀嗰藥材湯底喇，其他人都可以揀返自己想食嘅湯底，試多幾隻味又得，自私食又得。溫野菜食過幾次，都未試過藥材湯，今次叫咗先發現原來咁正，首先個店員會攞哂啲藥材料嚟，如果你有咩唔食可以同佢講，佢唔會幫你落嗰幾種你唔食嘅嘢。試一啖湯，藥材嘅味道真係好重，一開始有啲似小肥羊個湯底，但加咗肉落去，之後個湯就更加甜。食匀哂咁多隻湯底嘅肉，發覺豚肉放落藥材度淥係最好食，因為有啲藥材味，其實會令到塊肉個味更突岀同更加特別。蕃茄辣湯嗰湯底係咁多隻入面最麻麻嗰隻，無論飲定淥嘢，都好普通。淥菜嘅話，其實又係藥材湯底最好食。豆乳湯底除咗整到腐皮之外，真係毫無作用，仲要最sad 係我今次都整唔到腐皮岀嚟食😩😢右上嗰個係和牛湯底，淥牛ok 既，但其他我覺得藥材贏哂。打邊爐湯底第一，配料第二，溫野菜向來啲配料都好唔錯，今次食七折menu, 各種肉都要點到啲，豚肉x藥材第一，牛同雞都唔錯，反而今次啲菜麻麻地。

而家真係可以一連四季都打邊爐。今日，我同朋友兩個人去食溫野菜，已經唔係第一次食，所以都抱有期望。銅鑼灣溫野菜係咁多間分店裏面唯一一間有放題選擇，我地揀咗中等價錢嘅套餐。溫野菜係我地食過眾多日式火鍋放題最高質素嘅，所以即使價錢偏貴，我地都覺得係合理。咁多款牛肉入面，鹿兒島牛係最正嘅，入口即溶，仲非常有入味，真係一分錢一分貨。仲有，啲菜都非常乾淨同新鮮，尤其係個萵筍係最鍾意最好食。另外，朋友仲叫咗個芝士年糕，讚不絕口。下次都會繼續嚟！支持！

有年抽中了這個集團的普通會員咭，每年都有些coupon用，有幾餐可以食好一点点，但每年要消費滿3000才能續下年的會，牛角、牛涮鍋也是這集團的，有些朋友也會幫我儲儲分，我也是有會員咭後才認識溫野菜，試過一次後就喜歡了，之後也來過很多次～ 杏仁豆腐是我很喜歡的甜品😋 然後主食最主要是選湯底，昆布湯很清：要点醬油吃、我較喜歡完熟蕃茄湯：有些味道又有益、後來有人介紹我食四川麻辣：她說不辣的，我食過的確不算辣，味道很好😋 但最近再食的一次，湯底清單轉了而沒有四川麻辣，我就隨便選了辛辣蕃茄湯，不知道為什麼覺得不好吃，或許是意外，我有機會要再試多次才能證實質素是否下降了，或許其他舊湯底合我口味的⋯⋯

Kabu會員早一天book枱，十分方便。有9折、又可以儲績分。銅鑼灣分店假日人不多，2個人可以坐4人卡位，空間十分寬敞、坐得又舒服、而且有私人空間，方便傾計，而且服務很好，侍應很有禮貌、服務周到，有高級餐廳feel。假日午市套餐抵食，套餐有很多不同款式的食物，份量充足，又可慳錢。相對晚市放題較貴，而且晚上不宜吃得太飽。叫左一個藥饍鍋、一個壽喜燒鍋。藥饍鍋上枱時，在客人面前放多款不同的配料，可以按個人喜好選擇，而且份量充足，湯底煲耐一點才吃，會更出味午市入座，1.5小時要還枱，上菜很快，所以時間也足夠的，不過，如果可以坐2小時就更好。

今次試左飛騨牛放題，肉質嫩滑，油花靚，牛味濃，可以話係入口即溶! 我和朋友都食咗好多碟。除了飛騨牛之外，仲有唔同嘅牛肉可供選擇，有其他日式和牛，美國肥牛，澳洲牛等等，有唔同部位可供選擇。不過都係最好食係飛騨牛。豬肉方面叫了幾款，有豬腩肉，酸梅肉片等等，都唔錯幾好味。雞肉就冇叫了，留返quota食飛騨牛!😜除了肉類，蔬菜類多好多選擇，還有些小食，丸類，粉麵飯和飲品。因為自己食咗好多肉所以叫咗好多菜，一邊食菜一邊食肉可以減下油膩感。總括來說，價錢方面算係中等，不是便宜，但可食到高質素嘅和牛我覺得都是值得的~! 期待下次再食! ❤️❤️😍😍

重溫一下之前去食温野菜😋個日點咗鹿兒島黑毛和牛·熊本豚食べ放題コース(HK$498)，如果鍾意食肉嘅朋友仔，強烈建議揀食放題，佢散叫一碟都百令蚊，食番兩三碟，其實都抵番🤣個日重點食鹿兒島黑毛和牛肩肉同牛肉眼，牛肩肉就比較瘦，但肉質唔會「鞋」，都係好嫩滑，有牛味；而我自己就比較鍾意肉眼多啲，比較肥美，有入口即溶嘅感覺，但唔會成口肥油🤤豚肉平時出街好少食，因為好驚有「豬」味😅但呢款熊本豚腩片冇豬味之外，肉質好爽滑，有驚喜🐷另外，佢全部蔬菜都係日本產地直送，有啲比較特別嘅蔬菜款式，例如日本生菜、啡金菇、水菜、紅芯大根等等，全部都好新鮮，又冇爛，又好乾淨，讚👍🏼湯底我就揀番最大路嘅壽喜燒湯底，係好味嘅，但食到中後段又覺得超甜🤭要狂飲野😅總括而言，係推介嘅🙌🏼🙌🏼🙌🏼但留意番，放題只限於銅鑼灣分店，其他店係無嫁😉

#米妮loumei食好西🍲🍕🍝🍣溫野菜📍秋高氣爽緊係開始要打邊爐啦🤤原來午後時段(兩點後) 佢啲lunch set有七折今次就嗌咗一個set加啲配料兩個人食🤤.C. 上牛•豚•雞三品特盛{原價$148+$10(秘傳月見壽喜湯)+$12(紫菜味麻糬片)+$10(杏仁豆腐) X 70% ➕以原價加一}我哋就揀咗 🐽熊本豚腩肉 🐷熊本豚梅頭 🐮美國牛肩肉熊本嘅豚肉真係好正🤤🤤 油而不膩雖然豚腩肉聽落好肥咁 但係食落入口即溶🤤豚梅頭更加唔使講 勁香今次特登嗌咗個壽喜湯 啲牛肩肉點蛋食果然🤤塩辛薯仔伴魷魚沙律醬 (套餐包括)好夠味 好好食🤤 可能啲薯仔用牛油整過所以唔會乾爭爭💯竹筒免治雞肉—半份 (套餐包括)佢入面加咗雞軟骨 淋得嚟有啲脆 幾爽口 幾特別😋溫野菜盛合 (套餐包括)個野菜盛入面啲紅心蘿蔔幾特別 不過食落同普通蘿蔔差唔多🤔紫菜味麻糬片 (+$10)記得唔好淥太耐 見佢淋咗就 如果唔係就會溶🙈 鐘意紫菜 同煙煙韌韌嘅嘢就唔好錯過🤤.另外我哋加咗芝士年糕丸 $22呢個正 又有年糕 又有芝士 啲芝士仲可以拉絲🤤煙韌控一定要嗌海老餃子 $29佢入面啲餡 食落似竹筒免治雞肉