温野菜 (海港城)

营业中

休息中

香港地星期五即興dinner系好難搵位的，天氣涼左又突然想打邊爐十下十下，好彩join左會員用個app去訂位，果然好lucky有位，真系開心！蔬菜很新鮮，和牛豚肉也好好味！用了一張會員coupon,送了一客鹿兒島黑毛和牛肩脊肉呀，可以encore !

高質日式邊爐，有多款湯底揀，之前試左牛乳同柚子，今次試了壽喜燒同麻辣，壽喜燒十分驚喜，很甜，同日本食嘅一樣，食完唔會口渴無味精，唔似出面啲壽喜燒鍋物飲左會好口渴！仲送隻生蛋，令我好懷念係日本食壽喜燒香港真係好難搵，中意壽喜燒嘅人一定要點呢個喔！a5和牛入口即融都好好味，脂肪分佈十分平均，但幾百蚊得6塊，有點貴而佢嘅放題係無呢隻肉揀架，傷心。明太子蝦滑同炊飯都不錯。值得一提係提供的餐具非常用心，有得隔走豉油，又有幾對筷子，唔驚生熟交叉感染會員有折，又可以草績分換食品，一定會每個月黎幾次！

今次因為HSBC 有二人套餐半價優惠所以同食家再去重溫美味溫野菜最精彩嫁三環 湯底 蔬菜 肉類今次個優惠唔包湯底我要左個鰹魚湯 $29 湯入面有幾片厚鏗魚 魚咪濃 唔會死鹹食家要左和牛野菜湯 $29湯入面有一片牛脂 有淡淡牛味 上次食嫁時候要左藥膳同壽喜燒 咪道偏鹹反而食唔到蔬菜同肉本身嫁味道今次兩個湯底岩岩好 味道好 亦都可以帶出肉類同菜類嫁鮮甜味 呢到最窩心係refill都係湯唔係水 呢到無限制你一定要一人一窩 2個人叫一個窩都可以 但自己一人一窩 可以簡自己歡喜嫁湯底係開心的既 前菜係生菜沙津 無咩特別 用麻油同紫菜涼拌 食左2啖 之後就放埋去湯底到烚 好味好多 好鮮甜爽口 第二個前菜係魷魚薯仔沙律 係細粒薯仔 連皮烚完 再拌上魷魚沙律 個魷魚應該係醃漬魷魚 有陣鹹魚味 唔係好接受到 但食家好歡喜個薯仔 夠淋身 之後就到主角肉肉出場佐賀和牛A5西冷 2客 共8片和牛切薄薄一片 油脂分布細而平均只要輕輕烚十零秒就食得 牛味好濃 入口即融 唔需要再配上芝蔴醬 和牛即係和牛 抵佢咁貴 跟住就係英國安格斯牛肋肉 2客 亦都係8片 呢款牛味都濃 但比和牛遜色 肉質比較有咬口 跟住係熊本豚

4位女士約打邊爐，唔想食得太肉，有朋友介紹食呢間溫野菜，明知星期五多人，6:15用apps 拎左飛都等到7:30 先有位。入坐計只有90分鐘時間，快脆揀好湯底先。下面呢款係藥膳，好pro 咁每樣執少少俾你。晌一人一鍋的情況下當然試唔同味的湯底啦。上：豆腐下：骨膠原柚子鹽味左：藥膳右：蕃茄個人覺得藥膳同柚子比較好味。因為唔係太大食，散叫，我地主要食豬，因為其中有朋友唔食牛的。樣樣都試d, 呢度的菜好好味，豆腐面就唔建議大家試，除非有朋友鍾意食豆腐干的質地。4位女士埋單每人$320老實講唔算係食得太多野，雖然算係好味，但覺得唔太抵。如果大食，應該任食會抵食d

星期六約左一大班friend 食飯，之前一直想食温野菜今次我地一早就去排隊！終於試到！入到去枱唔算多，有維港海景色。晚市有3款套餐，最後我同朋友叫左A，套餐有前菜，餐飲，主食烏冬/飯，一份竹輪拼盤，自選5款野菜同一份肉。A餐肉類有2款選擇，牛雞豬/雞鹿兒島豚肉。湯底有唔同選擇，昆布湯免費，可以加$升級轉其他種類。升級轉做和牛湯，牛湯清香，好重牛香味！前菜有昆布椰菜沙律，枝豆，鵪鶉蛋同泡菜，份量充足！首先上係竹輪，魚餅，豆腐同免治雞肉。竹輪同魚餅彈口，竹輪有淡淡蔥味，豆腐豆味濃！鹿兒島豚腩肉，肉眼，梅肉肥瘦分明食落口唔會全口油，肉質新鮮有光澤，放入口有好香豚肉味，好滿足！丹麥雞肉肥厚，嫩，無雪味，份量十足😋。5款自選菜新鮮，鮮菇，小棠菜，娃娃菜同大根。大根無渣爽口，食完肉再食返菜減下罪惡感。烏冬略嫌唔夠彈牙。餐飲叫左白桃燒酎乳酸梳打！白桃味香甜加上小小燒酎甘味配合得好好！食完一份餐十分滿足😋

因為紀念品關係,與心愛的人到溫野菜吃一餐傳聞18:30後要等到傻的關係,趕及18:30到達,適逢星期一又不算多人的情況下便直入對著海景的位置, 加上店員親切的服務都非常好店員還會逐一介紹餐具、醬汁(由於開過餐廳關係, 對此店用的餐巾、用具表示心中有數)由於套餐非常不吸引的情況下愛人表示單點食物菜及牛的質量高,湯底亦鮮味可惜是最後加落湯煮的那個飯就非常「鮮味」簡直刺激味蕾:一個字形容:鹹!兩個字形容: 好鹹!埋單單點比套餐還便宜, 食材就暫且不說但食景食服務是滿意的

如果6:30先拎飛，勸大家唔好等，因條龍唔郁，等到你唔想食去拎其他餐廳嘅飛，之後d人唔等走哂兩個鐘後先叫到你 😒無諗過咁瘋狂，可能因為無時間限制嘅關係。要食要攞第一轉飛。

温野菜。一人一鍋享受美景火鍋同姊妹做完運動已經八點多, 其實不應大吃大喝, 但姊妹男友正日生日,當然要捨命陪君子 (其實做電燈擔)哈哈~~他一直很想試這間溫野菜, 說是牛陣的朋友, 哈哈~~牛陣都不錯, 相信這間一定也不錯, 而且大排長龍, 不會不好吃吧我們足足在外面等了差不多一小時有多, 正合心意沒有運動完立即大吃大喝, 不過就等到超級肚餓餐廳內環境超美的, 以木色為主調, 柔和地與櫻花佈置溶合窗外全海景的迷人景致, 令人著迷如果正好撞正放煙花的日子, 你說多浪漫呢餐廳內位置不多, 就是相片看到的這些座位不怪得要等那麼久我們是最後走的一台, 才能拍下清場的畫面温野菜是一人一爐, 也非常合心意我總是喜歡試藥膳湯底, 又補又滋味但不是人人都接受到店員上了一盒九格的藥膳素材,在我們面前分好分量再放入藥膳湯底中味道濃郁, 好香好喜歡上級牛肋肉很喜歡温野菜會加塊小牌子讓大家知道吃的是那一種肉類幾乎入口即溶的上級牛肋肉, 有濃厚牛肉肉味, 嫩滑香濃, 好正丹麥雞腿肉雞腿肉基本上都一定會好吃的, 嫩口雞腿肉, 不錯熊本豚腩肉沒想到熊本豚腩肉比牛更出色, 入口的香濃好回味自家製福袋年糕口感很有趣,

朋友生日，於是一早book咗位嚟到尖沙咀呢間溫野菜度食晚餐入到店第一感覺係升級版嘅日式火鍋店，坊間都有好多任食日式火鍋，日牛、牛陣、牛涮鍋，都係二百幾蚊任食但溫野菜環境就舒服同衛生啲，座位闊落，特別係有個大窗觀望維港景色，8點仲可睇到幻彩詠香江講返食物，一人一個湯底，同朋友揀左壽喜燒同藥膳湯底藥膳湯底加入各種藥材，味道濃郁香甜叫左一碟鹿兒島黑毛和牛，令人垂涎既雪花！脂肪分布平均，一灼即食，軟綿綿口感，入口即溶，超正再叫一碟安格斯牛肋肉，呢碟較便宜而且份量較多，但味道亦不差呢碟牛肉質鮮嫩，有濃厚牛肉肉味，同鹿兒島牛係兩種口感，個人更喜歡安格斯牛再叫其他配菜，呢個野菜盛合份量太少，每樣菜都得兩片芝士竹輪咬開有芝士流出，同吉野家個竹輪一模一樣下面係豆腐麵，個人認為麻麻地，好似將豆干壓平再切成幼條，食落乾身鞋口，不是我杯茶再叫左另一啲小食冇影到相整體黎講如果大家著重食物份量，想飽吃一頓，可揀任食火鍋店，個人認為質量相若但如果想舒舒服服，欣賞維港夜景，食精緻啲，溫野菜亦是一個選擇

唔知點解最近好想食Shabu Shabu，溫野菜一直都係我Wishlist入面，雖然之前見過有人寫尖沙咀分店服務唔好，但今日既然黎到尖沙咀，見到又唔使排好長隊，就攞飛試一試佢。攞咗飛唔使5分鐘已經可以入座，講緊係星期四夜晚嘅八點左右，坐低之後睇餐牌發現普通一人餐由三百幾開始起跳，去到五百幾都有分別就係啲肉類嘅級數。既然我唔好肉類所以呢個就唔係我考慮嘅重點，而我嘅同伴佢鍾意海鮮多過肉類，好遺憾溫野菜冇乜嘢海鮮選擇最後我哋決定要AE卡獨享嘅優惠餐。決定咗之後，侍應開始問我地要乜嘢湯底，我要左一個海帶湯底非常之清，只有淡淡海帶嘅香味，係連鹹味都冇嘅。而我嘅同伴就要左一個辣湯底，但係佢就話俾我聽其實個湯底一啲都唔辣。當呢個特惠餐開始上嘅時候我哋兩個真係被嚇親。蔬菜有兩盤，肉類：豬肉同牛肉一共有八盤，沙律有兩個，小食黃瓜一份，蟹鉗一份，帶子貝殼類有兩只，我哋仲叫咗一支細嘅SAKE。由於肉類我一塊都無食，所以我就唔評論啦。但係講菜類係非常新鮮，再加上類似河粉咁樣嘅葛絲，煮完出嚟之後煙煙韌韌非常好食，海鮮都係唔錯嘅，雖然係冰凍嘅，但呢個價錢食到呢個水準已經係相當之唔錯。本來入嚟嘅時候講明個半鐘頭要還

呢度嘅食物質素同服務都唔錯架， 但我唔會再去，大家小心啲客人自己電子落order好有問題， 連啲職員都唔係太熟悉點用， 因為我哋第一次去，所以叫職員幫我哋入機，可能因為之前我哋都想自己輸入，但感覺好煩，咪叫服務員入囉，點知入double咗， 佢地實在太唔小心。 我每日人叫左套餐$398，份量好夠架，仲點會extra 叫多碟，個餐都食唔曬埋單見到多左碟，咪問下點解囉。服務員話，個餐 以外嘅獨立order, 我地話無另叫喎，服務員話你地都食左囉喎……好無奈，我地唯有照俾錢，錢唔係重點，條氣唔順嘛。咁就由“”好滿意“”180度變得“好無引”，明明係服務員落錯，就因為我地不知情底下食咗， 竟然要受氣兼比俾錢， 幾好食都係假 ，以後都唔想再去

一早book定同同事仔放工黎放縱下聚個會等左一陣就入得 等位嗰陣可以響門口既大螢幕度預先點餐佢係一人一鍋既日式火鍋不過我地被安排坐四人枱所以五個人就要share湯底啦可以對住個大海景食野心情都好d有兩部平板電腦比我地落單大家揀四款唔同湯底分別係蕃茄 鰹魚 骨膠原柚子鹽 藥膳藥膳嗰個好得意 店員會拎住有一盤藥材每樣加少少落個湯底前菜嗌左黑糖蠶豆同鹽枝豆兩個都好好食每次食枝豆都係為左搵番日本既味道自己偷偷食左大半碟我地嗌左好多野食推介：炸魚餅 炸豆腐魚餅 竹筒香草芝士免治雞肉 帶子 雞腿肉睇開飯網推介野菜五品盛合好抵食但原來舊生菜只係造樣扮原個 其實得4塊仲嗌左梅酒 味道一般但同朋友飲下酒會好滿足食哂之後叫店員上雜坎 可以自己揀咩湯底配邊個我地揀左鰹魚湯配蕃茄芝士雜坎蕃茄湯配豆乳芝士雜坎店員幫我地將配料同湯底撈好同分埋好似食緊risotto 蕃茄芝士雜坎好正 十個贊可能第一個太濃味 相比下豆乳芝士雜坎無咁出色其實四個湯底既味道無太大分別未係就咁飲真係食唔出甜品嗌左抹茶蕨餅伴雪糕有抹茶同紅豆一向係我至愛佢既味道都算唔錯埋單每人305蚊留意番LCX得電子消費既單先可以有免費泊車優惠

我一向都鍾意烚烚下當朋友話不如去尖沙咀睇下有冇位時我真係一d都唔樂觀還好係平日，比我想像中快有位坐！ AE有優惠套餐半價！$1568->$784!!!價錢係相等於menu入面其他最平嘅套餐但肉方面就變成有齊幾款靚肉、元貝同松葉蟹腳再加酒或飲品！前菜係明太子青瓜同生菜沙律！ 好清爽同脆！套餐包一枝大吟釀或者每人兩杯飲品！ 其實由於都好多嘢食嘢飲又好大杯，所以其實係飲唔哂的.... 本人食shabushabu 鍾意點柚子醋所以湯底就揀番清嘅昆布湯， 朋友就揀咗豆乳湯底，見佢不停食不停就自制腐竹， 湯底亦越煮越濃，最後決定唔再加湯而係加水！ 其實身為牛精嘅我， 開頭都有擔心套餐會唔夠食，但到上枱時其實每樣item都係一人一份， 加上我朋友點完左個餐至同我講話佢其實仲係戒牛期間， 所以6盤牛全數歸我！ Angus牛其實都已經幾好quality, 但M9牛肩脊肉係3款牛中最好味！ 脂肪比例最適中，入口會溶之餘仲係好有肉味，至於A5和牛當然係最肥美，油份多亦入口即溶，但我shabushabu都係prefer唔太多油花的，A5呢類都係啱厚切燒多d!朋友既然仲戒緊牛，所以我將熊本豬、免治雞肉同

本來想食另一間餐廳，不過嗰間餐廳有好多人排隊所以就轉黎食呢間哈哈哈哈，當試下新餐廳～第一次來食溫野菜，叫左個set dinner，一人一煲幾好幾handy，而且食自己夠衛生哈哈。叫set就貪佢乜都有啲嘛。不過大食的朋友就表示個set唔係好夠飽，我就覺得岩岩好～味道不過不失，比較起來喜歡中式邊爐對口味一點。另外覺得呢到的服務好好，餐廳環境都不錯，可能因為是日本品牌吧。而且上菜時啲肉肉會有個牌標示住果一款係乜嘢肉，有豬有牛方便打卡😂 同埋可以知道自己食左啲乜。

冬天，最開心就是打邊爐。我同太太都成日想打邊爐，可是要茹素的她，在街外要食素火鍋，的確只可以光顧中式的素食館子。不過，因為有 Green Monday 這一個組織，我們得知有一間自助的日式火鍋店食素食的 shabu shabu，可是若是兩人一起去的話，兩個都要同時間食素火鍋，像我們一家人，只一個茹素的，未免有少少不太開心。這一次又去了一間標榜有素食的日式火鍋店，《溫野菜》這一個店名已經讓人知道，這是以菜為主題的食店。我問清楚那一個湯底可食之後，在聖誕節的一個晚上，排幾耐都好，一家人開開心心 family dinner。 結果，為了這一餐，我們由6點排到9點。太太自己行，及帶兒子行都行左好多轉商場，都未到我地張飛，正想放棄之時，其實又只係等三張檯，結果我們堅持了。都我們的號碼了，店方剛好安排到我們坐卡位，可望到《溫野菜》的期間限定店長《熊本熊》。 望到《熊本熊》的那一個地方，其實是店子準備食材同火鍋湯底的地方。那兒，有一個放置了許多新鮮蔬菜的地方，是不是用來賣的呢? 我們沒有去研究，只曉得，這是我們在這店所會食到的日本產蔬菜。 非火鍋類，我們只點了一客泡菜同後上的甜品。叫泡菜的原因好簡單