影片
更多
2017-10-03
584 浏览
星期六約左一大班friend 食飯，之前一直想食温野菜今次我地一早就去排隊！終於試到！入到去枱唔算多，有維港海景色。晚市有3款套餐，最後我同朋友叫左A，套餐有前菜，餐飲，主食烏冬/飯，一份竹輪拼盤，自選5款野菜同一份肉。A餐肉類有2款選擇，牛雞豬/雞鹿兒島豚肉。湯底有唔同選擇，昆布湯免費，可以加$升級轉其他種類。升級轉做和牛湯，牛湯清香，好重牛香味！前菜有昆布椰菜沙律，枝豆，鵪鶉蛋同泡菜，份量充足！首先上係竹輪，魚餅，豆腐同免治雞肉。竹輪同魚餅彈口，竹輪有淡淡蔥味，豆腐豆味濃！鹿兒島豚腩肉，肉眼，梅肉肥瘦分明食落口唔會全口油，肉質新鮮有光澤，放入口有好香豚肉味，好滿足！丹麥雞肉肥厚，嫩，無雪味，份量十足😋。5款自選菜新鮮，鮮菇，小棠菜，娃娃菜同大根。大根無渣爽口，食完肉再食返菜減下罪惡感。烏冬略嫌唔夠彈牙。餐飲叫左白桃燒酎乳酸梳打！白桃味香甜加上小小燒酎甘味配合得好好！食完一份餐十分滿足😋
入到去枱唔算多，有維港海景色。晚市有3款套餐，最後我同朋友叫左A，套餐有前菜，餐飲，主食烏冬/飯，一份竹輪拼盤，自選5款野菜同一份肉。A餐肉類有2款選擇，牛雞豬/雞鹿兒島豚肉。
湯底有唔同選擇，昆布湯免費，可以加$升級轉其他種類。升級轉做和牛湯，牛湯清香，好重牛香味！前菜有昆布椰菜沙律，枝豆，鵪鶉蛋同泡菜，份量充足！
首先上係竹輪，魚餅，豆腐同免治雞肉。竹輪同魚餅彈口，竹輪有淡淡蔥味，豆腐豆味濃！
鹿兒島豚腩肉，肉眼，梅肉肥瘦分明食落口唔會全口油，肉質新鮮有光澤，放入口有好香豚肉味，好滿足！丹麥雞肉肥厚，嫩，無雪味，份量十足😋。
5款自選菜新鮮，鮮菇，小棠菜，娃娃菜同大根。大根無渣爽口，食完肉再食返菜減下罪惡感。烏冬略嫌唔夠彈牙。餐飲叫左白桃燒酎乳酸梳打！白桃味香甜加上小小燒酎甘味配合得好好！
食完一份餐十分滿足😋
张贴
