温野菜 (海港城)

营业中

休息中

午餐抵食，有時間當然要排隊為吃溫野菜的午餐。湯底一個壽喜燒，一個是藥膳湯，藥膳的味不太像台灣的那種，試過一次就好🤣，最後都系壽喜燒湯底最夾，肉類高質，蔬菜新鮮，最喜歡是烏冬，吸收壽喜燒的湯底，很滿足。

去到尖沙咀海港城原本想食牛角，點知發現隔離有牛角集團另一間高檔啲嘅火鍋店。見冇乜人等就入左去試。依到同樣九點後有優惠，指定食品有七折，但就唔可以同會員折扣一齊用。一坐低店員會比餐牌我哋，正價食品可以用iPad落單，但七折食品就要一定要叫店員幫手落單。特價食物種類唔算多，先叫了幾款，諗住唔夠食先再叫，而湯底就叫咗豆腐湯，同埋壽喜燒湯底（連一隻生雞蛋）等左大約5分鐘叫左嘅食物就黎到，每份嘅份量都唔多，但肉類都算新鮮同靚，性價比不高，試一次都夠。服務環境是挺好，食物質素感覺普通，最後兩人宵夜時段都要五百多埋單，不會有下次。

因為之前在日本食過，咁諗住唔會差得去邊。昨晚與朋友去食晚餐，個爐壞左，我就用旁邊的。但的我同服務員講時，態度極度惡劣。不知所謂。食完背脊骨落。無下次。請我都唔會去第二次！只可以劣評x1000

溫野菜午餐定食, 超多人排隊! 午市套餐有4個選擇! 我哋揀左以下3個, 樣樣都試到, 啱晒貪心嘅我哋! ♥1)雞, 牛, 豬 ($148) 2) 雞, 豬 ($98) 3) 牛, 豬 ($128) ! 套餐包括: 免治雞肉, 雜菜籃, 烏冬/白飯, 飲品! 豬, 牛及雞都有唔同部位及產地可以選擇, 其間並無店員嚟解釋, 因為一切靠自己喺 iPad 落單! 😌 所以唯有亂點😂😂😂 餸拎到嚟係賞心悅目嘅, 望見色彩繽紛已覺得肚餓! 😂😂😂 呢個質素食午餐價錢合理, 抵食過晚餐, 我哋個個食到捧住個肚走呀 😋

想來好耐，香港而家好少搵到一人一鍋，而好朋友唔食牛肉，我又係牛魔王，好難得可以一齊打邊爐！終於今日打算一試，平時行過好多人，所以前日就打電話來book定枱！12點到，得一枱客，好多位。座位好日本feel, 要爬入去，手拿一袋二袋，有啲煩 今日公眾假期，冇lunch set，尖沙咀分店亦冇放題。唯一做promotion有個雞set, $168，好朋友叫左，所以我就決定散叫。我叫左番茄湯底（$29），最平既牛肉（$49），黑松露雞滑（$49）同豬肉（$39），仲有番茄芝士坎飯（$25）！ 番茄湯底酸酸甜甜，係我最愛！牛肉同豬肉都好好味，大概各有4片，黑松露雞滑可以煮出4粒以上，好香，入面有雞軟骨，煮完我覺得個湯都有黑松露味 真心幾正！個坎飯最後上，會用小小蕃茄湯加飯同芝士煮，鍾意個湯既朋友要自己快點飲多啲，如果唔係會被店員批走哂，冇得飲！好朋友的雞set個湯係雞白湯，煮到最後好濃！好味！佢個set 有4塊雞，蔬菜，拉麵同雞滑。 埋單2個人$387，未必會再來，雖然食物質素高，但真心貴，咁既價錢其實我去食放題會開心好多、盡興好多！

係香港 真係一年四季都可以打邊爐日式火鍋開到區區都有商場總有一間有火鍋係附近而且仲有雞煲 部隊鍋 傳統茶樓 麻辣火鍋要凸圍而出真係要夠特別同有質素而溫野菜火鍋素材黎自日本一直都好想試高質素火鍋加上剛好某銀行有半價優惠套餐所以造就機會拜訪預約席一早六點後已滿 所以只好早些排隊5點30分到餐廳 已坐滿食客了餐廳一開始會點湯底先我揀左堅魚湯 朋友揀左和牛湯要用清啲既湯先可以試清牛肉味道！先試美國牛 ：有肉味 脂肪分佈滿意 屬中價位肥牛 鹿兒島和牛比一般日本和牛淡口今日同美國牛相比 無論牛肉味定軟淋 日本和牛也完勝豚肉唔鞋口 有豚味菜籃正常 紅色一片片係蘿蔔 仲有啲菇係底烏冬亦夠彈牙粟米丸好甜 魚糕也夾菜味最驚喜係黑松露雞軟骨滑撈左松露入雞滑中煮熟左都有松露味雞軟骨爽口服務員很勤力 主動加湯加水湯底及加一收原價 而呢個價錢都偏貴係一般日式火鍋店也能食到日本和牛任食餐但呢度環境服務也很好而其他食材也是日本直送所以試一次都好既

今日有同事提議去食溫野菜，所以我哋lunch就去試吓，入到去嘅環境都幾舒適嘅好多卡位坐，睇吓你個lunch嘅Menu差唔多最平都要揀$88個set先有肉可以食，揀啲特別小小嘅湯底加多$10至$20,閑閑地落樓都要過$100,咁我湯底我就揀咗麻辣湯底，叫嗰陣時都冇乜期望㗎啦但只有更失望，完全係唔麻唔辣嘅，所以大家千祈唔好揀麻辣湯底，同事揀豆乳湯底應該會比較出色，套餐有沙律，肉我揀咗一份日本臀肉一份丹麥雞俾肉，嚟到嘅時候擺相係好靚嘅，有個牌擺到寫明係咩肉，仲有一碟野菜同埋一杯野飲，可以揀飯或者烏冬，我地揀咗烏冬中咗服，個烏冬完全係淋既，唔明白點解成百蚊一個餐都要比咁嘅質素嘅互動烏冬，肉都OK 㗎，仲有個免治雞肉添呀，野菜都OK嘅但我又唔覺得真係特別好食，係新鮮嘅咁，嘅價錢呢我個人就覺得去其他日式火鍋午市放題反而仲抵食質素又唔差，同事仲入咗佢個會員我個人來講就覺得唔係好好抵，只係得九折即係免加一。

放工後跟友人到海港城食飯，見頗多人排隊，於是試試環境舒適分別點了麻辣湯和豆乳湯豆乳湯湯味頗濃明太子青瓜驚喜之作，醬汁和青瓜的清新恰到好處點了多款蔬菜，夠新鮮豚肉和牛肉肉質鮮味，可以說對得起價錢

間唔中就會黎溫野菜食lunch，通常會預先book位，不過lunchtime只要唔係太晏黎，通常都有位唔駛等好耐。6個人食，其實坐得舒服，不過D野食一黎就會擺到成枱都係野。食過好多次，所以店員介紹兩種醬都唔駛點聽了。今次點左個B餐($88)，要豆乳湯底(+$10)。如果唔轉湯底就得昆布湯，其實好淡無乜味，所以我都建議加。湯底我最推薦係呢個豆乳湯或者鰹魚湯，兩個都係+$10，幾特別之餘又濃味，抵玩。至於其他+$10既湯底我覺得無乜特別，所以好少試。+$20既話有柚子骨膠原(以前都係+$10就有，而家覺得呢個價錢唔值)，或者藥膳/蒙古辣(sth like that)，但太窮食唔起。揀B餐亦都因為佢係最平個個，佢有個GREENMONDAY全部都係菜，但仲貴過D肉($98)。其他餐就超過$100，因為可以揀牛。要小心佢D價錢都係任選兩款肉，所以叫左貴餐記得叫牛，如果唔係同B餐無分別。B餐就係豬肉同雞肉，我今次就揀左丹麥雞脾肉同豬梅肉。其實好鍾意食佢個前菜，係薯仔有幾條八爪魚，個醬好好食。我一落就會落晒D菜落去先，紅心蘿蔔係呢度第一次食，要小心佢會溶得好快所以唔可以煲咁耐。豬梅肉好似無乜特別，但

冬天時試過在火鍋旺季訂不到枱，想不到原來午市有定食！與同事見完客，在海運大廈找地方吃飯，看到招牌而wall-in 又有位，就決定來個午市火鍋！接待的店員告之午時限時90分鐘。每個午市定食可選飯或烏冬，成為飯桶的我要了白飯。我們點的套餐，每人有兩盤肉，薄薄的肉，初時還擔心不夠飽，但慢慢食，蔬菜、前菜、魚滑等，原來是很飽的！肉質很滑，食得出是正貨！我選了豆腐湯底，同事選了昆布湯，我的豆腐湯有淡淡的豆香，推介！想講的是：全部落單過程也是顧客自行用平板電腦進行，但由於選擇太多，非常煩覆，有點令人覺得麻煩。

溫野菜和果啲牛乜乜最大嘅分別，就睇下你同咩人食啦，如果你係兩個女仔又比較細食，當然係温野菜啦，牛肉有平有貴，一份大約四片，價錢上一定貴啲，去到可以吹水，因為冇限時，不過我都唔會揀溫野菜晚市，冇特別，唔好食，又細份，要揀就揀宵夜啦，十點後有折，都係試一次就算啦。

之前喺又一城分店同樣係食溫野菜,該店面積比尖沙咀店更大,要服務既客人數量比尖沙咀店更多，但又一城店既服務水準好得多說回正題，最差既係門口嗌飛嗰位小姐，食過尖沙咀店2次，2次都俾佢激親第一次係同朋友們用app攞左張B飛(3-4人)，見到差不多到我地就已經衝過去，但去到又咁啱已經過左一張飛，但上面註明不超過5張飛係可以補返下一張枱俾你~但佢望都唔望清楚就態度惡劣話我地張飛過左5個號碼要重新輪侯，好似覺得我地白撞嘥佢時間阻住佢咁～我差d就俾佢坤左delete左張飛去，好彩之後我朋友望清楚，原來個嗌飛小姐將我個號碼睇左做A飛，B飛根本未超過5個號碼的，即刻行返轉頭同佢講返先有得食～以為上次係咁啱得咁橋啫，點知今晚係同屋企人去食，又係呢個小姐嗌飛，又再出事～嗌到我張飛B51(3-4人)，但佢話張枱會迫d未有4人枱，咁我就話寧願等下張4人枱，佢話ok既，因為已經有張4人枱埋緊單，點知原來佢係得一秒記憶，轉個頭就無左件事咁，一直嗌曬B52至B56入座，我屋企人覺得唔對路，上前問佢點解明明話下一張4人枱就可以俾我地，但又不停叫後面d飛既人入座呢?佢先好似如夢初醒咁話:「吖..係呀」當時好幾個客人都開始

一直想試這家溫野菜，奈何每次經過總是大排長龍所以沒有機會。 湊巧今晚約了友人在尖沙咀看表演，所以不到六點便到達，輕鬆入座。有90分鐘用餐時間。店員十分細心，知道我們第一次光顧，詳細耐心的介紹餐牌給點餐的運作。 湯底種類選擇多，食物種類都足夠多，還設有素菜餐！我們二人叫了套餐，上菜速度快，湯底清甜 (我點了魚湯，朋友點了豆腐湯)，肉類和蔬菜都非常新鮮。肉類有牛豬雞肉。另外，我們點了蓮藕片，旺菜，香菇，紅蘿蔔片等等作跟餐蔬菜。很滿足的一餐，一定會再來！

第2次黎，試有咩好食這次點了藥膳湯，牛骨跟鰹魚鰹魚上一次也有點，因為喜歡所以重點了然後藥膳湯不是中式的那種味道，感覺有點怪怪的，然後有時候放下去，肉的味道就消失了，所以不建議點，還比其他的貴十元呢。。牛骨湯，可以令肉味更突出，吃豬肉也可以，不過豬肉不特別點也可以，我熊本的全點了，然後沒特別喜歡的。。然後到牛肉了和牛這次是鹿兒島和牛，有牛味，不過味道沒勝價比可言，就不過不失上次說好吃的和牛也有點，可惜退步了，我個人感覺不一定要點和牛，反而點其他，勝價比更好我個人推薦最便宜的那個牛肉，能吃出牛味，又可以吃到湯底味，重點便宜，可以吃多點另一個推薦m9也不錯，感覺愛吃麻醬也可以點來吃反正和牛本來就比較適合燒，所以省點吃得開心又滿足吧這邊看到的都是我覺得可以重點的配菜愛吃菇類的別錯過滑子菇，真的很滑新點的有福袋跟紫菜麻糬片福袋個人覺得可以不點，裏面沒記錯好像是南瓜等蔬菜紫菜麻糬片可以點來一試，我個人挺喜歡的，挺重紫菜味菜只是感覺上想要健康點，但其實火鍋多葉的本來就不健康XD下次再來可能就會把配菜點得更完整，因為有些配菜還沒點還，但大部份都點過了

之前見到呢間餐廳喺海港城呢邊成日大排長龍，都好想試吓! 剛好朋友有申請會員，可以電子攞飛，慳返好多時間。但意料之外還需要等半小時。餐廳裝修都幾靚和光鮮，個座椅都幾好坐，感覺系舒適點餐方面佢哋用電子落單，有圖有方便易明，唔使嘥時間。話雖如此，溫野菜啲肉類的確有啲貴。大概叫咗幾樣野，熊本豚肉，和牛西冷！竹筒免治雞肉，黑松露味。口感有啲趣，黑松露味唔係好濃烈， overall嚟講幾好。野菜五品分別有生菜，水彩，甘筍絲，啡金菇和旺菜。當中比較喜歡係啡金菇，入口又爽又有水份。