渝酸辣粉

营业中

休息中

辣永遠都有著迷人的魔力，無論食唔食得辣都會想挑戰一番😆今日難得過海一趟，從openrice見到這間食重慶麻辣的小店口啤都不錯，一於過去一試。大約8:35pm左右到達，見到有六七個人排隊等位，幾經爭扎，還是加入排隊行列。店外玻璃貼上餐牌外，更有多篇食評訪問之類的文章，一經細看，蔡瀾先生都曾是座上客。等了大約25分鐘終於有位了，店舖不大，座位之間空間不足，但幸好我被安排坐在店舖最入的位置，由於隔離沒有檯，所以比較寛鬆寫意。一坐下來餐牌也不需看便點了最出名的酸辣粉及口水雞。酸辣粉點了少辣，材料除了紅薯粉外，還加上炸菜，花生及莞茜。未食前當然先喝下第一啖湯，辣度剛好 但酸度不夠。湯亦不算味濃，但就明顯沒有另一連鎖店的那麼油。紅薯粉沒有什麼特別，同樣是煙韌滑溜。整體來說，平穩得來並沒有太大的驚喜。口水雞的麻辣醬汁算香，不太辣亦沒有麻的感覺，應該適合不太食得辣的朋友。雞不算太肥，皮與肉之間沒有肥膏。但雞肉卻一點彈性也沒有，雖然未至於霉，但一咬即散，像是沒有纖維般，比較遜色。埋單$110也算合理，雖然沒有想像中出色，但亦算是不錯的小店。

早前見到有網頁介紹銅鑼灣幾間出名有酸辣粉的餐廳，今日中午時間決定一試見鄰座的顧客點了口水雞酸辣粉套餐，賣相幾靚，好快決定好要跟！辣度方面，可以選少少辣、少辣等等。今次我選了少辣，初頭唔覺好辣，但愈食愈辣好過癮。湯底夠酸，材料也相當豐富，好適合喜歡芫茜的我，不錯的呢。口水雞的份量也充足，不會太喊。個人覺得有點少缺陷就是太肥，我是不吃雞皮的如果喜歡食肥美的雞皮的人就一定會好滿足。豆漿也不錯，不會太甜又夠大杯！也叫了奶茶，質素都幾好。餐牌上，一個餐大約80元，如果可以平返少少就好了。有機會都會再來！

平價午餐一定係食，不過銅鑼灣呢間就唔算平價，我諗除左地段外，佢名聲好都拉高左個價。就算4點幾黎食，餐廳都好多人，有人都開始要排隊!我地叫左個口水雞套餐，有杯野飲。另外單點多個。食物重慶酸辣粉 - 薯粉咬落都煙韌，可惜份量偏少配菜都唔多，味道顯得比較單調。個人鍾意花椒味重，有多少少麻辣香，呢個部分都較失色。口水雞醬料唔錯，有麻辣香，呢個份量足夠，雞肉都嫩滑，不過不失!而最推介的係泡椒豬手，其實佢豬手就唔係話啖啖肉個種，但浸得好入味，麻味齊哂，夠惹味!

I'm a huge fan of spicy food. However, most spicy food you can find in Hong Kong isn't properly Sichuan or Hunan spicy but a toned-down Cantonese version. Having told my friend that I love spicy food, he took me to this restaurant today. He claimed this is the real, authentic Sichuan stuff. And boy was I in for a surprise. We arrived shortly after 12:00 we before the lunch crowd arrived. We were lucky and got a table immediately. I ordered the dan-dan noodles with "saliva chicken" (口水鸡) together

中午1:30，渝酸辣粉是滿座的狀態，為了吃到至愛的渝酸辣粉，我等了10分鐘。坐下來點了重慶酸辣粉套餐，套餐除了有碗可自選辣度的酸辣粉外，還有有三款小吃包括拍青瓜、辣豬皮、蒜香雲耳、一碟口水鷄和甜品桂花冰粉。一個女子吃這個套餐是吃不完的，三小吃和口水鷄份量也很多呢！渝的酸辣粉出色在其湯底，吃得出不是坊間的酸辣味精粉，是以各種香料和醋煮出來的，而薯粉口感亦剛剛好，很Q彈，連著肉碎、炸菜絲、花生一起吃，實在一解我對酸辣粉的掛念。而三款小吃就有點偏鹹，口水鷄不錯，可以再辣一點（我太愛辣了！）吃完辣辣東西，吃碗甜品桂花冰粉，舌頭馬上涼浸浸。最後加了杯青瓜豆漿，是每次來必飲的透心涼飲料。

呢間成日有長長嘅人龍，所以一見到前面得一兩個人就等咗一下。因為係食辣嘅四川野，當然要試一試。1️⃣四川擔擔面 $45今次我就叫咗小辣🌶，麵質有啲淋身，冇人哋講到咁煙靭。麵嘅上面有啲香蔥同花生🥜，令到成個麵更加有口感。醬汁放得太多，麻醬過醎🤢，令到要係咁飲豆漿。可能呢個係佢哋嘅銷售策略😹。🙆🏻‍♀️美味指數:5.25/10💡整體來講，名過於實，不過價錢喺銅鑼灣來講尚算適中。

第一次來這一店食: 四川擔擔麵，蒜泥白肉同桂花糕。平時食開既擔擔面都係有湯底，但第一次冇湯底咁食，感受麻辣既擔擔面，味道好特別! 一定會反兜 至於甜品: 桂花糕係啫喱狀，個賣相真係好得意，好靚! 唯一感覺爭少少就係個蒜泥白肉切片就好似唔係好夠滿足了。

不止一次去过这家,之前点套餐就知道分量很少,但今天我点的红烧牛腩套餐分量少到过分,无法容忍。大家可以看一看少到什么程度,就算给到你自己吃,也不够吃饱的。做生意归做生意,80块的套餐至少要让人吃饱吧。我已经算食量很小了,这样的做法,真的让人难以接受!有机会我一定会投诉。差评我一定会给,我就是希望这家店可以做生意保持人基本的良心。再有,说句公道话,这家店的噱头的四川宜宾小吃,我自己去过,这家店的菜式没有一样是正宗的四川宜宾的菜。燃烧面根本不是这样做出来的。酸辣粉也不是那个酸辣粉,最多算是自己自创的一种味道,重点是那个油辣椒,辣度越高颜色越黑,老板,你知道吗 辣椒糊了油温度高了才会这样,连一点基本常识都没有,还要开店 麻烦你先认真学习一下啦

又是經過，店很細只有兩人或四人枱，有些迫要排排坐，不是可坐得舒適食一餐的地方。通常快食半個鐘至四十五分鐘食完便走。食四川餐，叫了前菜，幾好味。也叫了一碗酸辣粉，味道好但花生不太新鮮已淋晒，可惜。也叫了一份四川雲呑但雲呑皮應加了糖。兩個人食個快餐，$151.也只是說“可以”的一餐。

朋友話佢嘅酸辣粉同蒜泥白肉好好味酸辣粉我就冇試大家叫左個蒜泥白肉share食：好特別，每片肉試都有一片薄青瓜，要一片肉+一片青瓜咁一齊放入口，青瓜完全去晒肥肉嘅油膩感而醬汁係帶微甜嘅辣油，好香口，令到我食唔停口。雞絲麵就麻麻地，冇咩味，見餐牌有推薦先試，點知個湯頭太清不突出，唯一可讚的是麵煮得剛好，不太淋也不太硬，食落彈牙。而朋友叫左担担麵就好好食，好香口好夠味，麵質同雞絲湯麵一樣剛好彈牙，但就惹味多了

店面都幾細下因為太少枱所以需要排隊都好多人幫襯所以要等幾耐下三個人食叫咗幾樣餸第一個係水煮魚二百幾蚊來講其實得幾塊份量好少味道都唔錯不過就唔太夠辣酸辣粉個湯底仲比佢辣如果真係想食水煮魚可以唔使去呢間另一個係酸辣粉味道係不錯的個湯底麻辣夠香味夠雖然冇咩餸不過就咁食都好滿足係今晚成餐飯嘅亮點仲有一個烤鵝肝都係份量偏細鵝肝好肥美 個汁就好一般般我哋自己點左個酸辣粉湯嚟食都尚算可以間店係細但係其實服務不錯係個水煮魚比較失色

鋪面不大，但味道卻不似小店作品。口水雞（半隻）雞好滑，入味，醬汁帶點麻辣和辣油香。粉都全部都唔大碗，比出面食嘅細，但味道的確好味酸辣粉唔錯，唔算太辣，酸酸地幾開胃。粉條好彈牙担担麵好香，麵條略彈煮得唔錯，仲帶陣陣麻醬香味，推薦牛肉麵湯頭好濃，飲落好正，牛肉算淋，麵質一樣煮得算彈牙雞絲奶白湯麵見餐牌有寫推薦，一試落呢個會比其他失望，佢比其他當然清淡，雖不至冇味，因湯頭不濃也不香。還有蒜泥白肉十分推薦很香，而且每塊肉上都夾有一片薄青瓜好解膩

耀华街上的一家酸辣粉小店，门店小小的，里面装修的还可以吧，色调主要是热情似火的红色，可以选择吃的东西不算太多，人少的话当常餐吃吃还行。点了一份肥肠粉，一份甜品凉粉。酸辣粉分量小小的，料给的还挺足。辣度也还可以吧，总的来说不算惊艳。凉粉的口味还不错。服务态度还可以，挺热情的。

自問自己好鍾意食辣，但銅鑼灣平價酸辣粉嘅地方實在少之又少。除咗傷心酸辣粉之外，今日終於試呢間bookmark咗好耐一間都係平價食四川重慶野嘅渝酸辣粉！鋪頭細細大概30個位置左右，星期日八點鐘去，唔使等。由於我同寶寶都唔算太肚餓，淨係叫咗兩碗重慶酸辣粉（小辣）。酸辣粉酸味唔算出，反而麻辣味就會係個口腔度縈繞，食完碗麵其實都唔算話辣到要瘋狂飲水，建議食得辣嘅朋友下次可以挑戰中辣。材料方面，佢嘅紅薯粉比較幼身，冇咁多咬口，亦因為咁，相對比較易吞。配料有齊花生、芫荽、酸菜，算係中規中矩。細細碗，女仔食就啱晒啦😆-重慶酸辣粉 Chongqi Spicy and Sour Potato Noodles with Minced Beef | $37-

係銅鑼灣行街如果諗唔到食乜野就會過來渝酸辣粉，因為這裡有我最愛嘅嗆炒土豆絲。通常會同老公兩個人來，各人叫一個面/酸辣粉，一個土豆絲，再加一個肉菜，夠食。這次我們兩個都選了酸辣粉，因為懷孕嘅關係，我選了小小辣，所以酸味會比較突出，平時選小辣。酸味和辣味就會比較平均。比選嘅土豆絲一如既往的出眾，土豆絲夠細，夠爽，加了花椒所以會有小小麻，食嘅時候要儘量挑走花椒。毛血旺因為豬紅賣完，便多加了其他配料給我們，都OK，雖然叫了小辣，還是比較偏辣。青瓜不夠入味，相比之下，鱔魚麵裡面的青瓜就入味好多，推薦一試。