渝酸辣粉

营业中

休息中

potato noodles were delicious in a flavoursome brothy soup. the spicy chicken was deliciously morish. everything was spicy so make sure you get a soya milk to wash it down . dan dan noodles were ok but a bit too spicy for me and no broth like normal. next time we'll ask for spicy number 1. staff were super friendly and helpful. they spike very good english and were very efficientquite a small place with lots of westerners and locals on a road with many bars

前幾日下午3:00，去呢間小店幫襯，在耀華街小巷裏，店舖不甚起眼，但係三點時間仍然有五六位客人，我心想應該食得個喎。於是，坐咗入店，先知道原來冇下午茶餐，咁唯有叫返正價粉麵啦！一心諗住正價粉麵嘅份量應該唔會太少，點知真叫我失望。我點了一碗雞絲湯麵，雞絲分量唔算多，麵量亦都偏少，收費為$60左右，加想味道屬於中規中矩。所以我不會推介此店，如果收$60以上的價錢，食下午茶餐，比此店優質的，在銅鑼灣選擇還有好多。

平時好少寫食評，但今次真係忍唔住要出手讚下渝酸辣粉，希望多啲人支持佢。經過呢間野好幾年，今日都係第一次食，叫左碗肥腸粉紅湯，老闆好好禮貌，成間舖既人都好親切。紅薯粉略嫌硬，可能平時自己食開淋既，下次可以叫淋啲。叫左正常辣，個湯有啲後勁，麻辣之外有胡椒味，個人幾中意。另外加左個鍾水餃，見到好多人推介，真係好好味，個汁甜甜辣辣，好開胃，味道好難忘，唔係一味得個辣字，食完仲回味緊！一個人食左一碗粉再加五隻鍾水餃都食得哂。另外值得一提既係小店非常貼心，會主動加茶，見我用左張紙巾會補一張紙巾比我，見我差唔多食完會比牙簽，好貼心，上下員工都好親切，冇一般飲食業晦晦氣氣既態度。

朋友說這家的酸辣粉是超級正所以終於來試吓啦 但是排隊要排很久呢 叫了他家的大腸酸辣粉 辣到眼淚都出來了 不過除了辣味就沒有其他味道呢 我記得我是叫了小辣 但是也受不了 太辣了！這裏的服務很差 那個老闆根本就完全沒有耐性去下單 問多少少問題就黑面了

每逢放假下午必定到渝酸辣粉吃鐘水餃。 水餃裏有豬肉， 味道是甜甜的， 帶蒜蓉味， 是我很喜歡的一個北方菜式。 第一次吃的時候覺得味覺很有衝擊，因為沒有想過水餃會有甜甜的味道， 自此就愛上了，每次來這裏都要叫。我通常也會叫一碗麵， 試過了擔擔麵 和燃燒麵。 一般來說我都是吃小辣因為這裏的小辣已經很強勁， 但這裏的辣很有香味不是死實的辣， 而是有帶辣椒香的辣。另外有個有趣的觀察， 每次十二點來的時候總有些韓國遊客，看來連遊客也被這小店吸引了。

下午四時左近，與男友到渝吃個酸辣粉。網上評論高，故也十分期待。到埗餐廳裝潢古式古香，中國風的確搶眼。麵線來說，餐牌定價偏高。點了推介的口水雞酸辣粉套戲，豆漿一杯，和香菇麵。店員有禮也效率上菜。端上之時，唯見碗小到一個點，兼夾上的酸辣粉是碎狀。極之失望。吃下辣味是香口的，可吃時有一堆粉狀物痴上喉，至不停地咳，每吃一口也是。本以為是我頂不上這小辣程度，換我男友吃，同樣狀況出現。至於口水雞，入味嫩口，不錯的。由於吃個麵也被那不明粉狀搶喉，香菇麵也懶得手機食先。香菇出乎意料非常非常的迷你份量，而麵線是好吃的。

酸辣粉 HKD$37(本來應該有芫荽、葱，可以我去掉了)紅薯粉韌度剛好，比較幼身，味道還可以，湯底不是很酸，也沒有很辣(我要的是普通辣度，老闆說已經算中辣了，但更原汁原味)，可是我必需說，它很嗆！就是吃一口，覺得不怎麼辣，那後勁卻會嗆得不停咳嗽😂，應該是太刺激到喉嚨，吃到後來已經習慣了，只是有點太鹹。.瀂水拼盤 HKD$14X (忘記了😛)兩人分吃剛好，味道不錯，只是有一點鹹。

突然好想食酸茶魚，番唔到深圳食，唯有係香港食住川菜止一止癮先呢間渝酸辣粉，地方唔大，7點幾黎到已經坐滿晒人，我地一行4人入到去即刻叫左個4人餐四人餐最後四個人都食唔晒四人餐我地叫左青瓜，雲耳，茄子，蒜泥白肉，口水雞，當然唔少得酸菜魚，冰粉同白飯，另外叫多個土豆絲土豆絲好爽脆，好入味口水雞唔算辣，但好香，雞肉好滑，雞胸肉都唔"鞋"拍青瓜個辣粉好辣好正，同平時出面食開唔同酸菜魚用左黃花魚，無魚骨，而且d魚肉好新鮮，啖啖肉，加埋底d粉絲索晒d汁真係一流如果酸菜再酸d就好喇

每次經過呢一度都想試下 ，但係唔係老細話怕啦就係啲同事話地方細好逼 ，所以 老公有日接我放工，我就可以無拘束咁樣去試下。呢度地方好雅致，知有民族風。 而家乾淨整齊。檯面上的墊枱紙顏色好fashion， 玫紅色底加青綠色自有民族味。點了青瓜豆漿，未飲之前都想像到味道如何，但未想過這兩樣食物可以夾埋一齊。 對解辣好有幫助。點了“擔擔麵”,這裡的推介食物之一， 味道唔錯，好balance，我叫了小辣，麵的口感 韌度剛剛好，不太淋也不太硬，不過份量少了點，配料有香草同花生，香口， 整體都唔錯。原本想點大蒜鱔魚麵，但因為屬於三級辣，所以不敢點，便點了另一推介“雞絲奶湯麵 ”,但這個面味道一般，有少許青瓜絲及雞絲，只是一個不辣的麵。湯底不是那種濃濃的雞湯底。再點了一個蒜泥白肉，味道唔錯，蒜蓉味很濃，青瓜同白肉切成同一size，睇得出是心機菜， 醬汁很惹味，辣鹹共冶一爐。整體來說 ，都喜歡渝，會再來的，因為味道口感都啱我口味。

有 follow 開，都知我無🌶不歡！哩個名堂叫《四川燃燒麵》，英文譯做 Mouth Numbing Seasoned Noodle，其實冇乜麻痹感覺，唔見有花椒，不過都好好味，如果落埋花椒就perfect 啦！真心不錯，唔怪得咁多年都屹立不倒，相信愛辣嘅港女們💁🏻‍♀️都會繼續幫襯💕今日食飯得我一個人，所以只係嗌咗一碗麵。不過我見隔離枱碟夫妻肺片都好靚！其實仲有好多嘢想試，下次會嗌埋班fan一齊食多啲！

我同好多朋友都十分喜歡食辣嘢，里間細細間既店舖，都不是第一次來，平時都有人等位，今日竟然得小猫三兩隻，奇景小辣既酸辣粉，味道Ok，粉彈牙我永遠都係食里個餐，因我比較多心加貪心，我想一次過試多D款式，仲有甜品跟里碗粉好似少左D，平時都吾覺少，今次我食完吾夠飽我朋友個餐，好細份($ 8O)肉質好韌里份吾可以當正常既午餐只可以當下午茶餐加左份雲吞拿辣有分大中小辣，任君選擇我既甜品，好得意，有D似啫喱樣樣都係細細碗，两個人可能要三個餐share遇上我里D大食積就慘，分分鐘一個人食两份

平時返工路過耀華街頭唔起眼既小店，今日終於一試⋯有種唔聲唔聲嚇你一驚感覺！原來小店都可以好出色⋯餐牌選擇唔算多，配搭更少，店舖枱只有8張左右，容納不多，但環境幾乾淨，我試左個四川豬肚絲麵加涼拌青瓜，麵係小麻辣，非常的麻香，食到頭都麻痺痛，麵係幼身上海麵都算彈牙爽口，略嫌婉太細，我一個小女子都唔夠飽，而豬肚好林⋯都係太少（$55）最後一定要講個青瓜⋯可以大膽講句係幾十年人食過最好食青瓜，青瓜清翠爽口，味道調校適中，汁料特別，係黑忟忟的，總之一試難忘，而我見其他客人一般都會嗌$108果個招牌套餐⋯下次我一定要食佢！

今日目標只有一個....就係麻麻地奶凍餐廳出面佈滿明星相同飲食推介。仲有menu可以排住隊睇。中午一點幾，好彩未坐滿，唔駛等位雖然目標係麻麻地奶凍，但都要食啲嘢醫下個肚先，揀咗重慶酸辣粉少少辣，本來想要多杯青瓜豆漿，但唔叫套餐要正價，$31有啲貴，下次叫套餐先加$10要杯重慶酸辣粉，辣度適中，花生有啲淋，不過不失，冇咩特別。麻麻地奶凍太心急啦，食咗兩啖先醒起要影相記以前係附近返工，同事帶我黎食，佢話必試青瓜豆漿同麻麻地奶凍。點知一試難忘，經開呢頭都會過黎食甜甜地嘅奶凍入口香滑，舌頭先感受奶凍嘅甜味，慢慢開始感覺到麻痺感，呢種感覺都幾刺激，有啲似戀愛咁，開頭甜絲絲，慢慢感到痛楚，但你又會抗拒唔到，愈食愈愛上食到底仲會見到好多麻椒粒佈滿碗底

這店很久前已收藏在我的收藏中，卻一次沒去過，因為我的飯腳實在沒有一個半個是好辣的。明天有超強颱風來襲，趕緊到銅鑼灣辦點私務，今次颱風來勢洶洶，搵食就來點辣的吧🤨我點了一碗酸辣麵、一個鍾水餃、一杯豆漿。由於以前沒吃過，食評都說會很辣，穏陣D只叫了小辣。麵來了看到有蠻多的芫茜、花生、炸菜絲，但好像欠了點紅，先嚐一口，確實不太辣，又欠了點酸，有小許麻，就是和平常吃的要淡了點，但奇怪的湯底好像有淡淡的牛腩麵香味，碗麵味道是不差的，只是抱著一股要噴火🔥的心來就有點失望了。麵要吃了大半，鍾水餃才到。我猜是即點即淥，時間要久一點。有嘢趁熱食，即刻放了一夥餃子🥟入口。看碗底的汁料有一層紅油，但不要給他騙了，餃子味道是帶甜的，餡料有肉鲜味，味道算不錯。豆漿本來叫來解辣的，現在派不上用途了。川菜特色是麻、辣、鮮、香，他都有些，但就沒有冀待的辛辣，又麻不到味蕾而以

其實本身唔係特別食得好辣, 但特別喜歡食麻椒味, 剛巧麻椒癮起黎到cwb, 一於試試mark了好久的渝酸辣粉!平日夜晚7點零鐘去到, 剛好取了最後一張2人枱, 地方比較細, 不過幾有中國風味, 而且重點係, 成間店都有果陣麻味今日唔係好肚餓, 只係叫左3樣野, 加一碗白飯。口水雞小辣(例牌)/$73:份量都ok, 舖左2層雞肉, 睇落去都唔係油淋淋既感覺, 而花椒油味好重, 好正, 雞肉亦都好滑, 小辣對我黎講岩岩好, 有麻辣感覺但又唔會辣到食唔到, 正呀!涼拌素食3拼/$62:有木耳, 茄子, 同青瓜,  木耳比較似貓耳朵, 唔辣既好開胃, 而另外2款都帶有少少辣, 3種都係涼拌菜但其實3款都唔同味, 味道做得幾好, 只係茄子比較油~酸辣粉小辣/$37: 等左好耐先上枱, 面層辣油唔多, 但有超多芫茜, 好正, 湯底好夠酸, 味道好正宗, 薯粉煮得剛剛好, 好q彈, 呢個湯算做得好好, 唔多油之餘又好夠酸辣, 大推!!3樣野飲加碗白飯, 埋單$190, 都幾抵食, 而且最欣賞既係做得對味之餘, 食物又唔會好似油浸咁