渝痴漁醉

营业中

休息中

見網評咁好，昨日終於走左去試。金百利來了很多次，不過通常都係幫襯6樓午市韓式套餐，今次就一於去8樓食四川野先。一到步，只有一個迫字，鋪頭比較細，有點食米線格局，可能一層劏左兩間鋪出黎既原因啦，但難以想像可以打邊爐，但尚算整潔。睇睇餐牌，因我去到時已時兩點幾，所以職員比埋個下午茶餐牌我，都真係幾平喎$28個米線再配小食及熱飲品，仲無加一添，但因我一心係黎食水煮野，所以無緣下午茶了。見到有2至4人既水煮套餐($158-$288)水煮類+主食+涼拌+白飯+飲品+甜品(飯轉酸辣粉/麵要人頭計加$20),視乎套餐人數而增加主食同涼拌數量。我就叫左個2人餐，以下係我既分享：#水煮肥腸 -一個大湯碗咁大，肥腸有10舊左右(都大舊架)，大量大豆芽加少量寬粉,中辣，但麻辣度一般，唔算太油，仲可以撈飯添，味度亦可以#乾扁回鍋肉 - 主要係頭乾，青辣椒同腩肉片兜埋一碟，點解係兜呢？因為幾樣野都應該係炸過，而出黎唔係熱騰騰，所以係兜。 份量都夠的，味道亦唔差，但油左少少#手拍青瓜 - 不過不失咁啦，但係又係唔麻辣的#桂花冰粉 - 真係好鬼死甜，同太大pat桂花，對我黎講真係好難食飲品就茶餐廳野，唔難飲咁啦總

2019年的百万行是比较特殊的行中环湾仔绕行新隧道，随公司行完后刚好到达铜锣湾附近，时间也早，于是选择美食补补体力，经同事介绍选择了渝痴鱼醉！算是最早进店的客人了，不用排队，按同事之前吃过的餐，选择了菜品。二师兄猪手干锅，猪手应该有九块左右，够三四人食用，份量够，且入围，补充胶原蛋白之选！（二师兄又被妖精抓走了ヽ(‘⌒´メ)ノ还被剁了手）小龙坎口水鸡，中规中矩，不是很辣。清炒莴笋丝，纯粹简约配猪手中和口感和味道。冰粉，运动完后甜食爱好者的福音，要多来一碗！

我哋四個人一齊嚟食飯👭👭不過大家都唔算好肚餓， 所以四個女仔叫咗個二人餐再加一個小菜，咁叫法人均大概$111左右我哋二人餐要咗個水煮魚、宮保雞丁同埋渝北涼粉額外再加咗個萵筍整體來講都算幾好食我係覺得水煮魚啲魚可以再滑啲，但味道是不錯的，特別欣賞佢裏便嗰個薯粉👍🏻同埋個涼粉覺得冧咗啲，或者佢本身係咁， 只係我哋唔識欣賞佢😂宮保雞丁同萵筍都好食架順路嘅話會再嚟食嘅我朋友食咗好幾次架啦，相信點都有啲保證

今日有朋友敘舊，大家見天氣有些凍，就決定搵一間烤魚既餐廳食晚飯。呢間餐廳叫渝痴漁醉，主打川菜。口水雞非常出众，嫩滑又野味！拍青瓜爽囗但味道一般。烤魚出色，著得入味，魚肉都算多。但份量偏少，會食到魚刺，需要小心

今日相約朋友喺銅鑼灣行街，行行吓講起上次一齊返大陸食麻辣魚鍋，適逢天氣轉涼，我哋都好想食啲辣野暖下個身，然後咁啱就搵到呢間位於東角嘅四川麻辣鍋～鋪位唔算好大，但係唔係等左好耐，就有得入座。餐牌上有分套餐同埋散嗌，我同朋友唔想食太飽，所以決定嗌一個麻辣鍋，另外再加啲餸菜。佢哋嘅麻辣鍋係一煲直接煮好，然後放上枱，後期唔使一直keep住加熱，避免辣椒愈煲愈辣👍🏼🌶我哋揀咗朝天門水煮魚， 10分推介大家嗌呢款，因為魚夠彈牙，而且唔算好多骨，可以一啖放落口🤪餸菜方面我哋揀咗海帶、寬粉、娃娃菜同埋烏冬。分量唔會因為餸菜多少要減半，每份餸菜份量都幾多，所以我同朋友只係揀咗四款都夠晒飽。個人好鍾意食寬粉，因為好有咬口，而且平時係出面唔係成日有得食。其他餸菜都還好，不過其實食呢個鍋，最重要都係因為個湯底姐～湯底夠晒惹味，食到出哂汗之際，點左杯啤酒解下辣🥵somersby嘅賣相非常吸睛👀 份量大大杯，即使咁大杯咁辣，我同朋友都飲唔哂啊除左麻辣鍋之外，佢地都有做其他小菜，可以當一餐家常便飯咁食都得😝

一直都好中意食辣野 嗰日同朋友去左試呢間餐廳 真係唔錯!招牌豆花烤魚好好食 有辣味得黎又唔會辣到好麻 我地嗌左凌波魚 成條魚都好大條 至於寬粉就唔洗特別講啦 吸哂啲辣汁就一定正架啦但其他配料 就一般啦我地仲嗌左辣子雞 都幾好食 但辣椒好似多過雞好多咁😰😰😰？

我經常同朋友子講，唔食辣嘅人生缺少左樂趣！嗜辣嘅朋友大概會明白，「麻麻辣辣」係一種心癮，周圍試川菜樂趣無窮！因心血來潮想食烤魚，喺金百利廣場見Openrice有間零負評川烤魚，就試試佢有幾堅先！喺星期五晚上，等咗一個鐘終於食到（建議想試嘅朋友可用Gulu攞位，再行下街等）原本一心想試烤魚，入座後見隔離枱嘅水煮菜色太吸引，突然就變了心🤭兩個人Order咗水煮二人套餐，任選一款水煮菜式、一款家常小菜同一款涼拌菜，套餐仲包咗白飯同飲品，$328都算抵食！水煮菜式㨂咗水煮魚，雖然未有令人驚嘆嘅水準，但整體麻香味到位，魚片嫩滑足料！涼拌菜方面，九點已經無曬我想食嘅涼拌粉皮，結果揀咗山椒木耳，普普通通。家常小菜點咗個炒菜，略嫌有點油膩

去了幾次銅鑼灣分店，真系非常好味，酸菜魚辣得過癮好香，而且銅鑼灣分店的服務人員kk態度很nice，友善又有耐心，老闆真系要留住呢個好員工吖～不過，有次入左馬鞍山店食，話就話同一個老闆，但真系一個天一個地，酸菜魚全部都係魚骨，而且好唔新鮮，d服務員態度又差，雖然離屋企近但以後都唔會去，寧願過海來銅鑼灣食

本身想食牛涮鍋，但實在太多人，等左1.5鐘仲未有位，決定去渝痴漁醉。上到去等左5分鐘就有位，諗好左食雞煲半隻，加寬粉同蝦，可惜蝦賣哂。為有等下次。因為等左好耐太餓的關係，叫左個麻辣拌冷麵，要左bb辣🔶重慶雞絲涼麵 $58 評分7/10第1個上的是冷麵，大大碟，同我lunch過黎食ge份量差不多。 男朋友未食過，佢覺得幾好食，麵質彈牙，雖然只係bb辣但都愈食愈辣。光速地比我地食哂。🔶惹味麻辣雞煲 （半份）$168 評分8.5/10等左30分鐘，雞煲終於上枱。唔記得叫走茜，唔食芫茜ge朋友記得事前叫定，因為真係好多。雞煲都叫左bb辣，上枱等左5分鐘就滾了，食得！見到都有好多乾辣椒🌶️燈籠椒，其實個傷口未埋都應該介下口，完全無理會過😂一啖又一啖咁食。 入面有d豆卜，吸哂湯底d汁，麻麻辣辣。最欣賞佢個雞煲不太油，加左2次湯我地。都無沖得太淡個味。我地都加左寬粉，土豆片，芝士腸。寬粉同土豆都好快熟，勁入味，喜歡食辣ge朋友必定要叫。🔶芝士腸 $36 評分8/10芝士腸都有d唔同，唔係平日食開個種，比較長身，入面ge芝士都好足料。每次黎都必叫，份量十足有八條 必定夠飽🔶提提大家，成為會員可以免費送麻

尋晚同表妹同朋友一行三人去食呢間，之前見有報導介紹過好似幾吸引，所以就搵機會約埋辣友們嚟試試！晚上7點入去，唔算多人，仲可以揀枱，環境正常不會好迫，到8點左右就坐滿人了。我地打開份menu,其實都有唔少選擇，辣魚鍋有幾種魚可以揀，辣程度亦可以揀，所以怕辣的朋友可以先揀小辣，唔夠辣再叫佢加辣都ok!我地叫菜方式是叫了一份二人餐，另外追加2款配料同一個川椒肥腸辣魚是用銀盤一邊火熱住上，肉質鮮嫩少骨，你可以追加配料打邊爐，不過建議大家先食左條魚先，因為條魚就唔會煮得太耐而不夠嫩滑，而且我們很傻的一落單就追加了配料闊粉同萵筍，但原來我地叫另一味菜式川椒肥腸入面已經有這兩種配料，而且份量不少....所以大家要留意！到尾聲個鍋湯開始少會有點咸，可以叫店員加湯！川椒肥腸唔會太辣，肥腸無異味，口感嫩，好味，配料闊粉同萵筍都不少！回鍋肉不過不失，不防一試！拍青瓜大大碟，又爽口，有辣香而不太辣！

行開附近。個名好有印象 但次次上親呢棟野都係傷心酸辣粉今次試下呢間兩個人食午餐 一份酸菜魚 一個小炒黃牛肉一個酸辣土豆絲 酸菜魚 份量足料唔會話好似好多其他湘菜館咁成碗酸菜得幾舊魚，夠酸又夠辣。（山長水又遠返大陸食太二仲要有排等位，我黎呢度食好過）小炒黃牛肉無可挑剔 連用黎炒牛肉個d配菜都食哂。酸辣土豆絲 相比另兩樣遜色，口感正常 但味道偏淡 唔夠酸又唔夠辣。野飲 正常凍檸茶無咩好講。最後仲有兩個甜品送既 桂花冰粉⋯⋯桂花味唔出 仲有d奇怪 不過送既 又有咩好挑剔。食呢d埋單先二百幾好抵食

今晚約了幾位好友晚飯而且係想試下烤魚，所以早早打電話訂定位先。地方不是太大但坐位都坐得舒服，坐好先來過有糖係面的花生🥜。這種花生都係第一次食，不錯大家都不用討論就要了～渝翁招牌豆花烤桂花魚，夫妻肺片，椒拌松花蛋加邊爐配菜先來夫妻肺片夫妻肺片辣辣地不錯，而且有我喜歡的芫荽再椒拌松花蛋松花蛋食落好黏口，加上中間的醬料及青椒口感豐富渝翁招牌豆花烤桂花魚依個真係不得不試色香味俱全⋯⋯而且湯的精華可能再去到盡，再打邊爐囉加些紅薯粉，炸枝竹，日本蟹柳同午餐肉等去吸收⋯⋯飽飽

九點後銅鑼灣宵夜又一選擇，喜歡食川菜，喜歡那種麻麻辣辣的感覺，渝痴漁醉9點後有8折，超級抵食啊。和朋友二人點了一個水煮魚套餐，再加多份最愛的口水雞，分量剛剛好，水煮魚做得不錯，味道正宗，魚片嫩滑冇骨份量非常之多，水煮魚底有芽菜薯粉等配料，非常飽肚，另外套餐還可以選擇其他配菜，我們點了手拍青瓜還有兩碗白飯同埋湯水冰粉，他的辣油是非常香的，平時食開小辣的我覺得不算太辣，手拍青瓜這份涼菜非常開胃。這魚香肉絲非常適合送飯，白飯都食多幾碗，汁濃，重口味，分量多，夠晒鑊氣。

唔知係我之前唔覺定點，依家好似多左好多川茶餐廳，仲要都係較新式同摩登渝痴漁醉都唔算新，夜左少少既星期日8點幾去唔使等位，都有不少內地人食環境都幾唔錯，幾靚既裝修，啲位都唔算迫，係我兩個人就同隔離坐得太近有少少尷尬坐落有紙巾同圍裙俾你，都貼心既，唔使彈到成身有，又唔會好大油煙或者辣味，之前食辣野最怕食完成個人頭身錶袋都好大味，我想食水煮魚咋，唔係想變成水煮魚阿落單時候到，主打都係水煮魚、酸菜魚、鮮椒魚，另外仲有魚鍋個啲，可以加配料煮，或者再食小菜、涼拌小食可以慢慢揀先黎食下涼拌小食先，叫左個生腸，食落好似魷魚，無乜味，最正反而係啲青瓜絲，入味好多，唔多推薦只要down佢個app填啲資料，就送個涼拌雲耳，一叫即上咁濟，依碟雖然送既但麻、辣、蒜味都幾唔錯有個莫明奇妙位🤷🏻‍♀️ 就係佢先上涼菜，十拎分鐘後先有魚，其實正常但佢叫我將個飯寫埋同一張一開始落單，涼菜到飯就到，咁。。。。。涼菜熱飯，熱菜涼飯叫左個水煮魚，加配萵筍、滑牛肉、寬粉，個樣係震撼既，好似幾好味食落個味唔算好辣，應該中辣會好啲，辣椒炒得好香幾好味，個水煮底都好味既，亦夠麻夠香，非常多魚既，不過啲魚就真係唔算滑，失去水煮魚既其中一

知道渝痴漁醉呢間餐廳人氣旺, 唔訂定位先真係分分鐘要等位.星期五既關係, 所以打電話訂定位先. 所以唔洗等就入到去~餐廳主打係食四川烤魚 (魚類方面可以選擇, 鯇魚、凌波魚、清江魚、桂花魚...)我地兩個人就叫左渝翁招牌豆花烤魚, 再加午餐肉, 出前一丁同娃娃菜整體味道都OK, 可能聽聞好好食所以期待高