渝痴漁醉

营业中

休息中

酸菜魚喺大陸就食得多，因為最近冇時間北上，所以就喺香港搵一間試下，喺銅鑼灣行完街，見呢間價錢唔太貴就揀左佢嚟試下。因為目標明確，所以淨係嗌左個酸菜魚加萵筍同金菇。因為我怕多骨，所以揀左桂花魚，而個價錢會貴小小。個湯比較油，但係佢酸味係夠嘅，嗌左bb辣都岩岩好，所以個湯都算合格。而因為嗌左貴魚，所以都真係唔太多骨同埋都滑嘅，只係魚嘅份量比較少，酸菜份量比較多。飲品方面就嗌左佢兩杯特色飲品，佢沖出嚟好靚，飲落都唔會太甜或有藥水味，而且仲加左爆爆珠，有多一種口感。但要比較嘅話，味道都係比大陸果啲差小小，價錢都比較貴，但係同返香港比較，呢間嘅價錢已經算性價比高了。

最近常常想吃酸菜魚，所以周圍搵餐廳試下，今次搵到呢間試食！我們選擇2人套餐 （$328加1），主菜是酸菜魚片，小菜就是泡淑牛肉，頭盤小食是椒拌松花蛋，包白飯、飲品、桂花冰粉。酸菜是比較鹹香的口味，魚片明顯先有用蛋白同太白粉包過，雖然滑但上漿過厚。魚片份量多，下面有金針菇 墊底。松花蛋味道不錯，蛋黃半流心泡淑牛肉就味道正常，不是太特別！另外，我們訂左位，安排坐到最入面，長期沒有服務員，要等好耐先有人，這方面希望改善。

今日同同事一齊食Lunch,第二次黎食喇！今日就叫左四季豆同乾鍋，上次已經食過乾鍋覺得好好食就再叫首先講左碟四季豆先，炒得岩岩好，平時我真係唔鍾意食四季豆，但今次我真係食唔停口，可能佢加咗欖菜又鹹鹹地，又有少少香辣，所以真係好野味到個乾鍋啦，我呢個就揀咗香辣味， 入面就有午餐肉，單骨雞翼，海帶，大豆芽，五花腩，牛肉，薯仔，睇到張相都流口水🤤我都好中意啲重味野，佢呢個就十分對胃口，不過就有少少辣，我建議唔食得辣既要問佢有冇bb辣呀**如果sogo同事去食埋單時記得比佢睇下員工證會有9折呀

第三次食了！前兩次都係叫網上外賣平台，今晚放工後決定親身上去食～地點係金百利廣場8樓，SOGO 行過去極方便！上到去一出lift 己經聞到個陣辣味～好餓呀！咁我地叫左二師兄豬手香鍋，香辣味小辣（好感動可以走到麻子同花椒，因為敏感唔食得），加左寬粉、炸枝竹、午餐肉，個豬手不得了！咬落去個啲膠原～個面唔係炸又唔係蒸又唔係燜咁，但係又少少脆又酥又軟咁～個寬粉亦比我想像中好食！平時食得多係湯，咁樣加埋落香鍋到都食都唔錯，Q彈！鴛鴦饅頭係炸饅頭同蒸饅頭各一半（係即蒸即炸），炸個個面好脆中間軟軟的！蒸個個極欣賞～因為平時食嘅蒸包好容易有倒汗水滴番落啲包到，蒸得好完美！然後點滿煉奶，解辣～

今日同朋友行完山，落腳cwb 試下尼間川味菜🤔三人行黎到，可能時間尚早（6:30pm) 唔算太多人。座中朋友曾經黎食過烤魚，所以今次嘗試trytry 另一d 菜餚。點左豬大腸，酸菜魚，臘肉炒萵筍。本身想嗌d 米線share 以為無主食，最終原來晚市無米線麵類，唯有叫左個蔥蛋炒飯。原先諗住係細細碟小菜咁，點知黎到個大腸同酸菜魚大盤到‥食物整體ok, 份量比想像大份，三個人晚餐最終$52x, 價錢相宜，有機會想返黎再食烤魚，相信烤魚+少量薯粉都夠三個食。

話說有日去完海洋公園，出番去銅鑼灣唔知食咩好，咁岩辣癮起，就去試下呢間渝癡如醉。當日係平日6點零鐘，都唔算多人，唔洗等位就直入。menu有好多款式選擇，我同男朋友決定揀左個幾抵食既二人餐！主菜揀左個水煮魚。入面除左魚之外，仲有寬粉、芽菜、青瓜。我地仲加左金菇添！雖然佢個樣望落好似好辣，好重味精，但個味道ok喎，唔會太咸，亦都唔太辣，仲有陣好香既麻油味👍👍小菜都有幾款選擇，我地揀左呢個炒牛肉。上菜時都有小小嚇親，因為小菜都比起我想像中既大碟同多。最終呢碟小菜我地有打包帶番屋企食😂涼伴就揀左個尖椒皮蛋，本身個味道唔算咸，但上面黑色既醬就超重口味！夠曬咸同辣，岩曬d重口味既人士(我)😆😆仲有2碗飯同2杯飲品送，其實一定夠曬飽！🤤紅糖冰粉都包埋，食完辣野食呢個一流啊🤤呢個二人餐，一個主菜、一個小菜、一個涼拌、兩碗飯、兩碗紅糖冰粉、兩杯飲品，盛為300幾蚊(包埋加一，$400有找)，真係好抵食！🤤🤟🏻

小弟一向都好鐘意食四川菜既，今次就聽Friend 既推介，一於試下位於銅鑼灣金百利既渝癡渝醉啦！首先試左佢個酸菜魚，個湯底係唔錯既，幾清淡，但酸菜既味道唔濃。至於魚片方面，滑就滑既，但碎骨好多！！食既時候要小心！食既時候真係要小心d!! 另外都試左佢個川北涼粉，無錯，d涼粉夠滑個汁夠辣，稍稍覺得佢個Texture 冧左小小。最後唔小得既就試埋佢個宮保雞丁啦！辣味適中唔會係死辣果種，但唯獨是雞丁唔夠入味。

話說今晚去開銅鑼灣就順便喺度覓食金百利廣場好多嘢食選擇 最後揀咗呢間食雞煲上網睇都見幾多好評就一於試下 夜晚9點鐘都等咗30分鐘先比我地入去 我地兩個人就點咗半隻雞煲賣相都唔錯 叫咗小辣 雞件砍得好細件 裡面有啲洋蔥 辣椒 芫西蔥 都係大路嘢 加埋八角就會惹味啲除咗雞煲我地仲叫咗幾個配料食雞煲必點嘅薯仔未試過食雞煲切到咁薄 都👌🏻嘅 可以快啲食得 但係切到厚薄不一 👎🏻食雞煲必點二 炸響鈴普通炸響鈴 無驚喜 至少攞出黎嘅時候仲係脆身嘅食雞煲必點三 午餐肉選用呢隻牌子嘅午餐肉比較lum身 無咩口感 普通好耐無食豬紅 呢度嘅豬紅淡而無味 一人食咗一粒就無食 🤷🏻‍♀️食食下我地個爐無火 個職員整極都唔得就攞起個爐去換過個比我地 點知爐上面啲污糟水就倒瀉咗喺個雞煲湯裡面...🤷🏻‍♀️ 無論環境食物乾淨度都麻麻 價錢平但係都唔會再去食 👋🏻 真心怕怕 😱

星期五晚卜左8點鍾枱 兩個人吃好彩又卜到 見評語唔錯咪試下去到已經坐滿一半人我地兩個人吃叫左一大碗酸菜魚 不過要提前講加配料 最多加4樣逐樣計錢的我地揀左 紅薯粉同埋金菇出到黎 唔錯 好大碗唔會太油不過個人覺得到啲辣 味道還好 送飯一流魚片都爽口的 唔多骨本人最憎多骨的魚另外有一樣餸 係咩松花蛋個賣相黎到就好差 因為無砌好就上菜同張圖片出入好大不過無所謂啦味道都ok 唔太咸 其實就係皮蛋加啲特別的辣椒一齊男侍應服務好好 好有禮貌！

中午銅鑼灣睇完小飛象，已經3pm幾食tea先中午這楝商廈超多人排隊,幸好tea不多人呢👍🏻我覺得價錢超抵，$28已包一碗麵+小食+飲品，還可以免費轉薯粉😍不過麵的味道比較清淡，小食選擇已炸為主，可以改善一下😊

这里推荐吃炒菜，超级喜欢这里的鱼香肉丝，获得重庆朋友认可，中午也有定时套餐，很不错。但是这里的大菜真的都比较一般。上次来吃过麻辣风暴，真的不太好吃～青花椒，红花椒混在一起加牛肉各种料用水煮出来的，完全遮盖了花椒的优点，慎点。这次又抱着试一试心态，真的想吃烤鱼，烤鱼应该不会踩雷吧！但是又失望了，烤鱼味道一般，而且这次选的清江鱼，鱼真的超小，还要强行剖开两瓣鱼也煮过头，没有人来提醒可以吃了。希望可以改进吧，服务人员是不是也可以加一加，感觉都很忙！

已經第二次幫襯呢間烤魚店，口味每次都會簡漁翁招牌豆花烤魚，個湯底睇落好火紅紅🔥，好似好多辣椒好辣咁，但其實叫小辣嘅話會覺岩岩好😚，唔會太辣之餘又食得好過癒😍，湯底有鮮嫩豆腐，入口有淡淡嘅豆花香味。魚就簡左凌波魚🐟，魚都幾大條，凌波魚偏向多肉少刺，所以啖啖肉😋唔想食魚咁齋的話，可以加配菜落去一齊煮，好推薦加寬粉呀，吸左d湯汁時好入味，精瑩通透，好滑好彈牙，每次必點之選黎👍🏻至於其他配菜嘅選擇都好多架，可以根據喜好自行加配💖飲品叫左個搭配紫薯嘅蝶豆花飲品，想像中會覺得味道夾唔黎，但有d野真係要試過先知，發現又幾夾喔haha, 可以叫黎試下啦🥰

宵夜食烤魚是首選。4個人應該再叫一份雞煲，一份烤魚。飲酒不如辣野，麻辣風味其實可以選擇豆花味道。麻辣最好飲多啲水，另外松花蛋，拍青瓜，完全都是四川重慶口味，一送飯ok。

成日都聽講話大陸某幾間既煮魚整得好出色，好多香港人都會上去食，但其實香港係咪無餐廳整得到咁好食呢？本人覺得呢間係香港係做得比較好既其中之一，價錢可能係貴少少(其實香港餐廳有一半都係食租🙈), 但起碼唔係去咁遠先食到。好彩有book到枱，可以一上到去就入座(P.S呢幢大廈好多餐廳，但升降機得兩三部，大堂經常要排長龍，wall in 食既話早d到)餐牌上大部分都有圖，可以容易決定點咩食另外每枱都會有圍裙提供，唔使驚俾湯油彈到身魚前小食，雖然蛋可以做到流心，但辣味唔係好出，份量搭夠一係唔食，食就食最貴個條😅魚唔會overcooked，肉一夾落去就甩到，加埋個花椒湯底，食落去好舒服。當然都有叫其他”火鍋”配料，加落去煮都入味好食，但魚始終都係無得輸。芒果甜味略嫌唔夠，不過有Q果咬下都ok ge食完仲有甜品送，當然味道就無特別啦地方唔算好大，侍應有招呼有服務，仲會播d流行歌帶起氣氛。如果唔想走咁遠食魚既話，呢間係唔錯選擇。

朋友生日今日揀咗間食四川菜，我地叫咗條凌波魚，味道很好最緊要肉質夠滑又唔會好多骨，又叫咗d可火鍋的配菜，吸埋d湯汁食味道非常好，我地仲叫咗d小食，水龍坎口水雞肉質滑味道好，整體食材新鮮，員工服務態度亦不錯，會再光顧此店