渝痴漁醉

营业中

休息中

和朋友中午去的。问88元烤鱼放题和单点有什么区别，服务员说放题的烤鱼不是新鲜的鱼，单点是新鲜的。我和朋友想要新鲜的，就加钱要了新鲜鱼，但是上来的还是不新鲜的。并且烤鱼味道也不怎么样。除了鱼还点了一份猪手。猪手味道还不错，配菜的四季豆和藕都还可以，但是里面的豆干是臭豆干。可能是本来就是配的臭豆干，但因为烤鱼不新鲜，让我怀疑豆干也是放臭了的。对了，后面还没出大厦，我和朋友先后肠胃翻腾了一遍。总之是非常差的体验。

烤魚/雞煲/肉骨茶煲/胡椒豬肚雞煲 4選1放題！只係$128，超抵，一於同另一半試下。環境以魚為主題，牆壁有好多魚嘅圖案。餐牌除左放題，本身餐廳都有單點餐牌，但放題價錢咁吸引就無考慮單點。 雞煲放題 $128/位 最後揀左雞煲放題大辣！雞件都好多件，大辣無令我哋失望，真係夠哂辣，雞肉肉質都幾嫩唔會嚡口。食完雞煲加湯就開始打邊爐，火鍋配料係任食，飲品都係任飲，有肥牛、豚肉、蝦、魷魚、丸類、菜類等等，配上麻辣湯底好邪惡，店員refil嘅速度都好快，唔怕會無嘢食。總括而言，銅鑼灣地段有$128放題仲要免加一真係好抵，難怪平日晚上都full house！

-有冇諗過兩個人$300有找 就可以喺銅鑼灣食一個任食放題？雞煲 / 烤魚 / 肉骨茶 / 胡椒豬肚雞 (4選1) 每位都只系$128啤酒汽水任飲🧃🍺仲有成個雪櫃入面廿幾款嘢食都係任食雖然唔係話好多配料 但以呢個價錢來講 唔好追求太多😛鋪面唔算好大 一眼望哂👀同朋友今次選擇左要雞煲(小辣)侍應放低喺我哋枱面 開爐後2分鐘左右慢慢就會聞到雞煲香👍🏼👍🏼唔會太麻辣/攻鼻 好香 2-3位系細份既雞 兩個人食啱啱好出邊雪櫃嘅配料 有好多唔同嘅丸類 菜 仲有肥牛 等等⋯五花腩簿片幾好食 豬皮位置好有咬口 好煙韌🤩.當日去食系平日嘅夜晚⋯大約7pm食到9pm左右都仲有客人系門口排隊OL/學生哥 唔同嘅客源都有💰價錢都幾大眾化簡簡單單叫餸食飯又得 得左😂

今日過香港見客順便同同事食晏呀！想食火鍋又想食雞煲點算好呢😍畀我哋搵到呢間有雞煲食又有火鍋食喎🥰一於入去食餐勁嘅😁😁😁我冇睇錯呀嘛88蚊90分鐘放題😍仲有4款畀我哋揀🤩🤩 有雞煲 、烤魚、肉骨茶煲、胡椒豬肚雞煲😍😍 我哋揀咗雞煲😋😋 出面仲有個凍櫃裏面有好多火鍋配料㗎😁有牛肉、豬肉、雞肉、蝦、好多丸類、蔬菜、烏冬、麵線，仲有係汽水飲料全部都係放題架，唔講唔知呀88蚊仲唔收加一係咪好抵呢👍👍💯個雞煲有半隻雞好好食㗎，有d辣辣🌶地好正👍食到咁上下之，就可以叫佢哋幫我哋加湯，之後就可以落我哋啲火鍋配料落去啦😁你睇下幾隻正💝 我哋見到有個好特別嘅嘢飲香茜龍鳳雪碧😍 芫茜控必試嘅😁超好飲🤩 仲叫咗個小食貢菜皮蛋💯超好味😋😋 佢晚市都係128蚊咁咪好抵食#KatkatFoodies

終於忙完兩個project !老闆放人比我地食 2個鐘飯！同事立即話去食雞煲！喺金伯利商場嘅渝痴漁醉仲有雞煲放題！啱晒我地！午飯時間去到已坐滿人！放題可揀雞煲、烤魚、肉骨茶煲同胡椒豬肚煲（四選一），食完主菜仲有勁多火鍋配料任食放題打邊爐！午餐價錢係$88～ 仲包埋飲品！抵到冇朋友呀！抵食指數👍👍👍👍👍  🍲🌶️雞煲 放題二人份量 (半隻雞) $88 位 我地點左小辣剛好刺激味蕾唔會太OVER! 半隻雞份量都幾多，雞肉嫩滑有雞脾有雞翼，啖啖肉沾滿醬汁勁入味，咸度同辣度啱啱好！食到咁上下店員會加入高湯，就可以開始～打～邊～爐！！千祈唔好睇少放題嘅火鍋配料！有勁多選擇，有牛肉、豬肉、雞，蝦、魷魚、大量丸類、蔬菜菇呀咁！非常豐富！放題好處係樣樣都可以食小小！最後加埋類似蛋麵嘅麵！ D麵吸哂D湯真係勁好味！ 🌶️🌶️🍳小食推介： 貢菜皮蛋 $48 ，皮蛋上嘅貢菜加蒜香🧄同辣汁，配上糖心皮蛋簡直冇得彈！！必食！！🥤飲品： 香茜龍鳳雪碧 $28 ，啖啖芫茜碎飲落幾清新，又可解辣，唔錯！

烤魚放題 2人份量 包一條烤魚 雪櫃內所有飲品和配菜為自助式飲品同配料嘅選擇都唔少湯底好香 唔會好辣魚多肉唔會好多骨寬粉 非常索湯好味👍🏻芋頭好粉👍🏻娃娃菜 薯仔 金菇都係平時必食嘅👍🏻平日晚市$128 (2位起) 免加一 係好抵👍🏻

位於銅鑼灣鬧市的金百利廣場竟然有間川菜推出雞煲/烤魚放題配菜同飲品都係任飲任食 就連啤酒都係🍻.《麻辣烤魚》烤魚一上桌已經香氣撲鼻滿缸紅辣椒睇見都覺得興奮肉質細膩緊實的巴沙魚烤得外焦內嫩無土腥味麻辣口味亦都非常到位.任食配料都有不少選擇有肥牛、芝士腸、芝士魚豆腐、芋頭等等⋯最愛寛粉、金菇、風琴豆卜串這類吸湯神器索曬d麻辣湯汁 不禁要大呼過癮.《孜然牛肉》既然有免費啤酒任飲當然要叫返碟下酒小菜喇外酥內軟的孜然牛肉燒烤味十足用黎佐酒一流.重點既係午市每位只需$88晚市都係$128而且冇加一服務費價錢真係好吸引

好耐無食雞煲🐔今次黎到呢度食雞煲放題！佢除左麻辣雞煲，仲有胡椒豬肚雞煲，肉骨茶煲同烤魚！仲係要任食放題！🤩午市$88位晚市$128位所以絕對係超平超抵食！！😝今次試咗胡椒豬肚雞煲😀因為我本身係勁鍾意食胡椒豬肚😂呢度嘅胡椒豬肚湯底勁正👍🏻😋好重嘅胡椒味🤩加上杞子西芹等配料😙令到湯底好香好入味😋😋😋所以連湯都飲咗幾碗🤤🤤🤤豬肚好爽🐷😍雞件又滑🐔😋最重要係份量好多！🤩配料方面都好多選擇😍汽水啤酒任飲🥤🍻另外都叫咗兩款小食孜然牛肉$88牛肉勁多勁淋🐮孜然味好香又夠辣🌶🌶炒得勁入味👍🏻👍🏻👍🏻涼拌牛栢葉 $55勁鐘意食牛栢葉🤩勁爽口😍而且又夠麻夠辣🌶加埋青瓜芫荽等配料🥒勁正😋😋😋

本來是吃麻辣派對， 但 貴店服務態度及環境都令人沉不住氣要轉場， 無可奈何之下，唯有上8樓吃這間替代品。 首先， 無可否認， 這間的服務態度是比較好。 但環境也不好得到那麼多， 也是昏昏暗暗， 坐位也不太舒服。首先叫了烤浚波烤魚（泡椒味）看似很大條， 其實是切半攤開了， 雖然說是新鮮魚， 但完全吃不出鮮味， 無魚味反轉一看， 一清二楚配料只有芽菜和泡椒， 極單調幸好, 湯底還是有泡椒味但這盤烤魚性價比極低另外，加了配料$68 鮑魚（6隻）一上桌， 已經看到暗暗黑黑，吃下去是腥腥的， 有點異味， 口感也韌，明顯是保温不善， 以至鮑魚變質，十分難吃（最後沒有吃完）$25 豬紅不嫩不滑且黐牙，也是吃到腥臭味， 最後也是要浪費食物$48 鮮牛肉片 暫時最正常， 沒有異味，但也毫無牛味大碗花菜$56一點也不大碗， 只有5 -6件花菜， 很油， 不入味， 不野味。 可取之處是花菜炒得爽脆加配特飲

第一次點到薄過紙嘅肉餅，真係真心讚個廚師可以做到咁薄，好厲害，一流嘅刀工，接近A4紙甘薄，我諗個厚度只有3mm, 隻碟都厚過塊肉餅，人生第一次食，下次應該唔敢再幫襯

處於銅鑼灣嘅teatime時間本應銅鑼灣區唔愁搵好西，但一個人又好難喺teatime食得咁heavy🙃right我揀咗最多嘢食嘅金百利廣場排隊⋯邊排邊look，睇下咩啱宜家個moment食排到lift口先決定食咩😉又快捷又平民嘅莫過於去哩間喇！$30+就填飽個肚 仲仲有湯飲埋tim！Jeng！我嗌咗個「下午茶雙拼set」肉燥茄子拼蔥油雞飯配忠湯👍order落完後5分鐘就上菜 真係好快啱曬趕時間嘅打工仔😺

睇左01報導推介,介紹這間90分鐘 雞煲酸菜魚放題128元, 6點前埋單是88元廣告寫明是雞煲酸菜魚放題 任飲任食 兩位起誰知是一個“伏”字！！早一天已booking, 一行四人入座, 一入去有位女職員都是不禮貌的,一心和幾個朋友來到 都是來吃東西 敍一下 所以都不想理會她坐低就叫了胡椒雞煲同酸菜魚各一, 差不多吃完就叫另一男經理 再order, 誰知他說不是雞煲酸菜魚放題 如果另再叫一份就要正價收费！！之前你們四人也應只得一份 已經比多一份你們！！你店門面廣告是寫明雞煲酸菜魚放題 其實店內是 少量火煱配料 飲品任飲只得一個直身推門雪櫃 一邊是飲品 一邊食物 就係甘多選擇 同埋你咁樣寫鷄煲放題廣告,誰都懷疑究竟你店文字表達能力差,還是我哋理解能力差呢？再爭拗落去都冇用, 之後你再給我們都吾敢食 唯有我們只食配料 飲品選擇少十隻手指數得曬的配料, 真係差-字形容,胡椒雞煲內只有四分一隻雞酸菜魚味道一般 最尾時間到埋單 ,女職員來執枱,粗手粗腳的 將盤內的菜汁也賤到我朋友身上你咁樣做生意,簡直影衰曬港島區銅鑼灣食肆的質素現在食店生意難做,諗住食完ok的都可推介朋友, 不用了......

頭先經過見平平哋就入咗去食，服務態度極差，特別係男經理。啲嘢又難食，完全唔啱味，狗糧仲好食。入去之前最好諗清楚，如果唔係俾錢買難受。非常不推全餐廳最好嘅嘢就係杯水。

同朋友食飯，因為一大班人既關係，所以好早已經book左位了。 電話booking 態度係好好既，幾nice，不過去到現場180度唔同哂。咁岩我地坐喺風口位，朋友見凍，問下佢地可唔可以熄細啲個冷氣。女待應一句： "冇開冷氣wor!" 然後就走左去。你地可以話係言者無心，聽者有意；不過成班人都感覺佢講野係幾掘既。成餐飯7個人，食左9個字都冇就離開餐廳啦，主要係服務態度真係太差，唔係話比錢就係上帝，一定要用咩Magic words，又或者係超做作既服務用語。但只係覺得我地好正常咁問一句： 可唔可以教細啲個冷氣，都有說話聽，咁樣真係啲野食幾好食都冇用。不會再去了，都唔會推薦朋友去，唔想貼錢買難受。

中午在銅鑼灣做完野，順便同同事吃份下午茶，再返公司開會，金百利商場門口有傳單派，下午茶$30幾，經濟抵食，有多款選擇，就上八樓渝痴漁醉。下午茶餐有飯，有米線，小寬麵或薯粉選擇，麵食還可選一份小食配搭，我們也點咗叉燒鮮雞湯米線，小食則要墨魚餅和蔬菜炸蝦餅。叉燒鮮雞湯米線湯底清淡，叉燒三片，切雞有四嚿，質素不過不失，墨魚餅和蔬菜炸蝦餅，墨魚餅彈牙好食，蔬菜炸蝦餅則較油膩，點泰式醬食比較好，但没有用調味碟分開泰式醬，感覺馬虎咗🤔