渝味曉宇重慶老火鍋 (渣甸中心) (已結業)

數年前收看「舌尖上的中國」介紹渝味曉宇，想不到至今香港也開設了數間分店。是日和內地嗜辣朋友一齊午餐，便想起來這裡一試。餐廳環境相當素雅新淨，服務也相當到位。蒲坐下，侍應便奉上熱茶及銀耳羹，供我們一陣間解辣。桌面已有提供一次性圍裙，以免湯底濺到衣服，非常貼心。湯底方面八月份的午市更加做緊湯底免費的推廣，既有正宗的全辣九宮格大紅鍋，亦有雙拼鴛鴦，就算收費的話，價格都是一樣，按人頭$38收費，人少的話比起坊間大部分火鍋店百幾蚊起跳的湯底划算不少。我們選擇了大辣的重慶辣湯配特色香果鍋。辣湯屬於正宗重慶牛油鍋，香料味十足。而香果鍋底是由蘋果、番茄、芫荽組成，非常清甜解膩，和牛油鍋搭配在一起剛剛好。小料方面餐廳推薦正宗的重慶油碟，是用麻油加上蒜蓉和香蔥。火鍋配料方面都非常新鮮，所有食物更加可以選擇半份份量，非常適合少人而又想試多幾款食物的朋友。有幾款食物頗有重慶特色，於坊間甚少可以食到：稻田毛肚：上檯用冰塊冰鎮，非常大塊，只需涮15秒，非常爽脆鮮美。嫩牛肉：比起肥牛更加健康，雖使用全瘦牛肉，但預先的醃製令到牛肉非常嫩滑。紅糖糍粑：正宗重慶火鍋店都會提供的甜品，是用黏米炸製再裹上紅塘漿，口感煙韌，非

同朋友行完銅鑼灣搵嘢食，行到嚟呢間火鍋店見到幾特別，裝修舒適簡潔，店面乾淨，於是入座。有提供圍裙比客人。menu有好多唔同既set可以揀，食物選擇也足夠。大骨滋補鴛鴦鍋 湯底方面，由於唔係好食得辣，真係唔敢叫全麻辣呀，唯有叫一半麻辣，一半豬骨湯啦，豬骨湯都係真材實料嚟㗎，入邊有兩舊大大嚿嘅豬骨，仲可以攞嚟食，骨入邊嘅骨髓精華，滑脫脫，濃濃嘅豬骨香味，果然冇叫錯啊。黑豚腩肉，相比起牛，我哋都想試下豬肉好唔好味。份量似乎比牛多少少，賣相都唔錯，幾新鮮，厚度適中。味道都唔錯，豬味都好出，證明幾新鮮。雖然係豬腩肉部位，油香滿嘴但唔會過肥。鮮菇拼新鮮健康之選總的來說，渝味曉宇的鍋底夠足料食材質素亦佳，有下次

前幾日約埋舊同事一齊去打邊爐敘舊，揀咗上次食完好好味嘅渝味曉宇銅鑼灣分店，裝修同其他分店一樣都係古色古香，張枱夠闊夠大，嗌多啲食物都唔驚無位呀！手打香菜牛肉滑是牛肉滑加入芫茜，再打得紮實綿滑，口感豐富日本A4宮崎和牛肉眼，全晚最正係呢個宮崎牛肉眼，非常香口，淥一陣唔會太熟亦唔會太生。呢道菜價格相對較高，但係物有所值孝禹十味冰鎮稻田毛肚很小見到，這裡的很鮮很脆，毛肚吃起來就是天然的清香、脆嫩又有韌度、有嚼勁。孝禹十味紅糖粑糍，好傳統重慶食物，外皮薄脆酥香，內裡軟糯煙韌，傳統蘸醬甜香可口，有助解辣最後值得一讚，店內提供一次性的專用圍裙，以防紅油湯底沾上衣服難以清洗，十分貼心

同佢黎到銅鑼灣搵食，鐘意食火銅嘅佢，帶左我黎哩一間餐廳，哩度環境格局好休閒，闊落坐得好舒服，唔會好似平時嗰啲火鍋店咁樣煙霧灕漫我地嗌左特色香果鍋，湯底調味好獨特，食完唔口渴，相信無乜味精！仲嗌左手打蝦滑，一黎到就覺得份量十足，食落好有鮮味，果然係落足料！另外值得試嘅係功夫土豆片，賣相滿份，每一片都切到好薄，口感好特別仲有孝禹十味曉宇苕粉，睇落平平無奇，但食落好滑，大大片好似食緊厚身又煙韌嘅河粉咁樣，唔錯！

今日成班朋友又去覓食當然就係食我哋最愛嘅麻辣火鍋今次我哋就嚟到渝味嘵宇個名好特別 而呢間係國內好似都係好多分店同埋排名都幾高因為我哋全部朋友仔都食得辣所以我哋就揀咗九宮格呢一種嘅湯底配料方面我哋就叫咗孝禹十味 曉宇嫩牛肉 紐西蘭精品羊肉卷特色迷你燕餃嫩牛肉真係好正 煮極都唔老同埋唔知係咪加咗啲醬料 所以啲牛肉好多汁而羊肉卷都10分好食 有羊嘅味道但唔會太蘇特色迷你燕餃 就細細粒 一碟嘅份量都好多 而且入面嘅餡料都好好食

我哋成班朋友真係好鍾意食麻辣火鍋所以亦都好鍾意渝味曉宇呢間麻辣火鍋店今日我哋就叫咗九宮格嘅呢個火鍋而且仲叫咗大辣 夠晒和味咁配料入面呢我哋就叫咗手工四寶丸 新鮮嘅蠔 午餐肉 淮山條 仲有呢個手工蝦滑呢度嘅淮山條好工整好靚有紫色同白色 而且同麻辣火鍋嘅味道好夾呢個配菜喺其他餐廳比較少食到所以10分值得推介而且我亦都好鍾意食呢度嘅手工蝦滑可能係因為手工嘅關係呢個蝦滑充滿着鮮味而且好食得出啲蝦肉而且配合埋麻辣湯底真係非常之正

其實我真的十分喜歡吃火鍋，不過如果在家中吃的話要自己清潔食材，進食後又要再執拾清洗～所以一般吃火鍋都是在外面餐廳吃，今次在渝味曉宇點了大骨滋補鴛鴦鍋，牛骨髓 較少餐廳可以品嚐牛骨髓，餐廳職員大力推薦，啖啖骨膠原，腴香異常手打蝦滑 蝦滑都是我常點的一個火鍋配菜放進鍋內很快便煮熟可以吃了蝦滑又Q又彈牙脆鯇魚片 魚片薄薄的一塊，沒有魚骨，吃得出十分新鮮～然後點了杯滋潤飲料🥤洛神花茶甜品：紅棗冰糖不太甜而且充滿紅棗味的一款甜品

最近去左渝味曉宇銅鑼灣分店食lunch，雖然啲人黎通常係食火鍋，但呢排啲天氣咁熱就靜係想食麵。雖然係火鍋店，但係呢到環境非常舒適乾淨，木材間格簡潔得嚟優雅 座位闊落，坐得好舒服。我叫左曉宇貢丸、蟹柳重慶小麵，份量幾大，麵柔軟幼細，連埋辣湯一齊食仲正貢丸非常彈牙，蟹柳同菜吸晒啲湯超好食。除左麵佢仲送左啲開胃小食，黑木耳酸酸哋好爽口，鳳爪有豐富骨膠原。 食麵食到辣最啱就飲返杯冰凍洛神花茶解下辣，酸酸甜甜開胃醒神，又可以幫助去油消脂，絕配！

3個女士放工輕鬆下，落雨就想打邊爐，㨂左好耐決定去呢間，7點半去到竟然有位，店員細心招待一開始每人一碗糖水（暖的）之後叫湯底，個鍋形態唔同左，不過我鐘意呢個，一半麻辣一半豬骨（湯底甜）未滾之前食兩碟小食（現炸酥肉、紅糖糍粑）兩樣都好味，所以叫左青島同百香果汁「有酒精成份」牛係必點之選（嫩牛肉、大刀牛肝、安格斯牛、毛肚）其餘既係魚腩、手打墨魚同黃金金姑）總結：每人大概300大元，食物有質素，服務良好，值得再去，不限時，但有人等位就唔可以繼續坐，我地有部分係叫半份，本人覺得細碟

朋友最鍾意食重慶火鍋，貪佢辣得過癮。打邊爐湯底好緊要，呢度嘅湯底完全滿足到食辣嘅我地！湯底分為兩種，麻辣同香辣。我哋就揀左九宮格麻辣大紅鍋，賣相好靚，係一片火紅，令人振奮既顏色。而且味道都冇令我地失望，辣得好過癮！以下係我同朋友比較推薦既食物手打四寶丸四款不同特色，不同味道既丸類，口感彈牙爽口，粒粒都真材實料。而我最鍾意就係墨魚丸，同麻辣湯底好夾！孝禹十味 曉宇嫩牛肉 口感非常滑嫩既牛肉，輕輕一淥就食得，牛味十足，令人非常回味呀！最後當然唔少得傳統蘸醬，同肉類完全係天作之合！

鍾意食重慶麻辣火鍋既朋友，好大機會都應該試過呢間，今日我就帶我幾個朋友黎食，我係第二次食佢架啦，所以可以係我朋友面前扮下大佬，懶係對呢間餐廳特別熟禁唔講禁多，即介紹個望到口水會涌曬出黎既湯底比大家，佢係 大骨滋補鴛鴦鍋 ，黎到呢度好明顯係必食麻辣架啦，所以佢既湯底既外層，係必定係滿佈辣椒既麻辣湯底，入面就係有唔同口味選擇既自選部份湯底味道及賣相都非常分明，外層既麻辣真係好勁，同平時一般既辣絕對有好大分別，佢係麻得黎好香，辣又唔係好假既果d辣，食落口果陣，係辣得黎好舒服既中間既大骨滋補湯底入面其實係有豬骨，粟米及紅蘿蔔等，好似媽媽平時煲湯果d禁既味道，全無味精，所以其實兩個湯底食起黎都好舒服講完湯底，特別要推介比大家既配料就係佢！孝禹十味 大刀牛肝，由於我係雞蛋控，所以只係個賣相見到果隻生雞蛋，都已經覺得好正！將呢隻生雞蛋打入呢d牛肝入面，令d牛更香滑，另外我建議大家可以將呢個牛放入麻辣湯底果邊食，味道更佳，會令你食極都唔想停架！最後都要介紹下比大家既就係佢，孝禹十味 紅糖粑糍，因為真係唔係度度食到，重要唔係度度都禁正宗又好食，呢個既口感係煙煙韌韌，本身佢無咩味道既，不過就係呢d紅糖漿，

呢間餐廳來左香港一段時間，今日同同事嚟到呢度打邊爐😝佢哋都係食得辣之人😩😩就梗係唔會放過食呢個正宗嘅重慶火鍋，我冇咁食得到所以叫咗大骨滋補鴛鴦鍋🙌🏻肉骨湯濃郁，菜式吸收湯㡳底精華，變得鮮甜😆撈左醬，午餐肉更加惹味功夫萵筍片，用料雖然簡單，但係脆綠爽口🙌🏻孝禹十味之冰鎮稻田毛肚見到係每台必點嘅，冰鎮住佢，口感好爽脆，又有一啲韌😛鮮菇拼 有4款菇類，吸引湯汁，更入味另外，發現呢度既午市好扺食，仲包左精美三小碟同野飲😆

位於銅鑼灣渣甸中心的渝味曉宇裝潢帶點古雅、感覺舒適、今天找到嗜辣的朋友陪我來一試它們的重慶火鍋。先送來重慶炸酥肉、炸得香脆可口。選了九宮格麻辣大紅鍋、紅彤彤既麻且辣、實在太刺激、一試難忘！冰鎮稻田毛肚切得非常薄、輕輕燙過就可以吃了。功夫萵筍片 一如既往鮮嫩爽脆、如玫瑰花的造型的確好考刀工。日本A4宮崎和牛肉眼 油脂分佈均勻、涮幾下就十吃得、肉質嫩滑。孝禹十味之鮮黃喉 是重慶火鍋的經典食材、口感非常爽脆。

渝味䁱宇,剛剛開店嘅時候試過一次味道很正宗，湯底很多選擇，有辣有唔辣任君選擇！突然前幾日想食辣野即時諗起再嚟試多次。一出𨋢，已經聞到餐廳充滿麻辣香料的味道。食慾大增！湯底係鴛鴦鍋，個湯底外圍係麻辣湯，而內圍就係山珍菌湯，兩種口味可以享受。食得太辣時都可以轉食山珍菌湯中和下！調味配料方面有香蔥、麻油、豉油、生蒜蓉可以任君選擇。建議大家落多少少麻油，可以解辣架！股濃烈的香氣辣味，令人口水分泌頓時增多!!店員服務好好，有笑容同有禮!

同男朋友講開有班舊同事成日話要聚下晚飯，因為都好耐無見，就報名出席，原來訂左間重慶老牌火鍋店，地點係銅鑼灣對我來講較遠，不過都有車回家，今晚好齊人見面無所不談，其中朋友友仔係火鍋控，每次聚會好多時火鍋的。值得一提係九宮格麻辣大紅鍋，真係好特別明明同一種辣湯點解要分九格, 原來係有因由，最地道的重慶老火鍋是有章法、講規矩的老鐵鍋、九宮格是標配行頭。從吃法上來說，「燙、煮、燜」九宮格把火鍋分為三個層次，不同的格子代表不同的溫度和不同的牛油濃度。中心格上下翻滾適合燙，十字格中火慢開適合煮，四角格文火細磨適合酣。孝禹十味 冰鎮稻田毛肚孝禹十味 鮮黃喉中心格上下翻滾適合燙：毛肚同鮮黃喉的燙法下湯幾次，即在鍋里燙大概15秒左右，效果就能做到香麻鮮嫩爽口。特色迷你燕餃細細隻一口一粒，麻麻辣辣吸收左，食落唔算辣，d辣慢慢由舌尖感受到，越食越想食，辣得起勁。