渝味曉宇重慶老火鍋 (渣甸中心) (已結業)

之前去過其他分店...仲夜麻麻去邊一邊🤣🤣今日去咗銅鑼灣試吓午市麻辣鍋🌶️佢哋午市優惠免收鍋底，好抵食🤗全民抗疫...無飯家庭梗係都會出街食啦！但呢度真係超細心👍🏽為大家衛生响門口位置有張枱專門有鍋熱水淥下水杯碗筷先放上餐枱比我哋，真係要比心💗曉宇嫩牛肉真係我至愛又嫩又滑，鴨血、手打蝦滑、重慶炸酥肉、珊瑚蚌、曉宇苕粉、黃金菇、唐生菜....麻辣鍋我最鍾意呢間💯除左食物新鮮好味，其次主原係每樣野都可以點半份，可以食好多款式真係啱哂我！加上佢哋醬油同香油真係好香，點少少食落口令食物味道提升晒🥰🥰總結午市火鍋🍲一樣咁好味😋仲新推出咗一人火鍋set，有機會一定encore🤪

重慶火鍋的香港分店，不只一間，連鎖式經營。傳統的麻辣牛油湯底，重慶味道還原度高，少許粗矌的感覺令人猶如路過當地。中辣夠麻夠辣，適合一般人士。想要再多實在感，當然加麻加辣。火鍋配料選擇算豐富，有黃喉、鵝腸、大腸等。黑豚腩肉脂肪度高，嗜肥人愛。鵝腸不過不失，黃喉爽脆，鴨血不會像一般的太結實。3人光顧，點餐如下：大骨滋補鴛鴦鍋 普通辣鴨血（半份）鮮黃喉（半份）鮮鵝腸（半份）香鹵豬大腸（半份）黑豚腩肉（半份）功夫萵筍片（半份）凍豆腐（半份）土豆片（半份）藕片（半份）乾貢菜（半份）田園菜籃（半份）青島啤酒（半份）茶位/醬料 x3湯底 x3加一後，合共HK$746.9。

忽然之間好想食辣野，嚟咗呢間重慶火鍋，叫咗個麻辣湯底，我平時唔係好食得辣嘅，但好彩個麻辣湯底可以叫小辣，我都承受得住，好推薦，食到個口麻麻哋好得意。另外一個鴛鴦湯底嘅另一半我哋叫咗豬骨湯底，就咁飲都好好味，配上粟米、蘿蔔、紅棗等配料，粟米都幾甜，唔使自己另叫粟米呀我最鍾意嘅係特色迷你燕餃，細細粒，鹹鹹地，唔使自己另外加豉油已經好夠味啦，另外，黎得重慶火鍋，梗係試吓啲地道嘅菜式啦，我叫咗紅糖冰粉，以前未試過，原來就好似啫喱咁樣，配上紅糖嘅味道，都幾得意，仲幾解辣添。總體來講都幾推薦呢個餐廳，店員嘅服務都好貼心，唔使叫都會自己加湯、執走啲碗碟，係加分嘅地方。

新年假期，點都要打返餐邊爐，烚下烚下先開心過癮嘅！同男朋友嚟到銅鑼灣渣甸街嘅渝味，我地之前食過其他分店，覺得性價比好高呀！一坐低店員就送上紅棗雪耳糖水，俾我地食麻辣火鍋前暖暖胃。呢次嚟銅鑼灣呢間，一嚟方便，二嚟佢地午市火鍋鍋底免費🥰☀️雙拼鴛鴦鍋蕃茄湯鍋: 蕃茄味道濃郁，香甜開胃。普通辣大紅鍋: 辣鍋有兩個辣度可以選擇，普通辣&重慶辣，我地揀咗普通辣，味道香辣，而且香料味濃。☀️醬料有生蒜，麻油，蔥花，豉油同醋。☀️自製羅漢果飲品我地就叫咗羅漢果，潤一潤喉冇咁熱氣。呢到好就好在食物有半份/全份揀，好似我哋咁兩個人嚟打邊爐，都可以揀多款食物。呢日我地叫咗11款食物！☀️美國安格斯優質肥牛(半份)☀️黑豚腩肉(半份)肉類非常新鮮，肉質嫩滑，肉味香濃！☀️美國優質肥牛粒(半份)肉質軟腍，唔韌。☀️手打蝦滑(半份)蝦滑足料彈牙！仲有啲蝦肉粒喺入面豐富口感！☀️重慶炸酥肉(半份) 即炸小食！外表金黃香脆，內裡肉質嫩滑。☀️韭菜豬肉水餃(半份)韭菜餃皮薄餡靚，隻隻飽滿。☀️曉宇手打三寶丸(半份)三寶丸好足料，鮮味十足，手打果然特別有彈性！☀️油條(半份)連裡面都炸到脆卜卜，好正！☀️現炸豆皮(半份)浸湯食，索哂湯，好味！

晚上一行四人去咗銅鑼灣渣甸坊8樓上的一間火鍋店名字叫做＂渝味曉宇重慶老火鍋＂裝修好有四川的風味，紅紅的吊飾，可以坐50人，我們坐在四人的卡位上，服務員奉上四位的雪耳紅棗糖水。隨即order左鴛鴦湯底，分別是傳統的麻辣湯底和蕃茄湯底，麻辣湯底裏面有花椒，辣椒，睇見都非常醒胃。我們安排了美國安格斯優質肥牛，新鮮鵝腸，桂花蚌，鴨血，手打蝦滑，重慶酥炸肉，曉宇嫩牛肉，大刀牛肝，鰻魚，鮮竹笙，曉宇苕粉，豆芽，土豆片，蓮藕片，炸芋頭，貢菜，娃娃菜，再來一客紅糖糍粑，紅糖冰粉。　上枱的時候鵝腸是掛在一個木架上，食物都非常新鮮，手打蝦滑，經過火鍋輕燙後，非常爽口，美國安格斯肥牛，入口即溶，炸酥肉非常香脆香口，食材都非常新鮮，麻辣湯底的麻辣度，值得挑戰喜歡麻辣的食家一試。

天氣轉冷，打邊爐就至啱，重慶麻辣火鍋就更加正，見到餐廳門口寫住午市銅底免費，二話不說就坐低。基本上接近所有火鍋料都可以叫半份，至啱少人食但又想食多啲。湯底叫左一邊麻辣一邊蕃茄，值得一讚既係餐牌上有哂每樣食材既煮食時間，唔怕淥得耐過哂龍。鮮鵝腸底下有冰令鵝腸保持新鮮，食落爽口彈牙。手打蝦滑蝦味非常重，口感一流。紐西蘭精品羊肉卷羊味適中，切得夠薄，輕輕一淥已經食得。牛心椗唔係周圍有得食，牛味濃郁，有咬口。美國桶肥蠔成隻手咁大，抵食夾大件，食落鮮甜多汁。香鹵豬大腸配上麻辣湯底一絕。鮮竹笙吸收哂湯底精華，放喺麻辣湯非常刺激。韭菜豬肉水餃韭菜味唔會好濃，水餃Size 適中，一口一隻。田園菜籃賣相精美，有四款菜，可以樣樣食啲。功夫萵筍片又係至愛，鮮甜爽口。紅糖慈粑剛剛炸起加上甜甜的糖漿，為呢餐飯畫上完美句號。

朋友介紹咗我嚟呢銅鑼灣一間渝味曉宇重慶辣火鍋店，聽聞佢係內地重慶鍋既榜首。雖然我唔食得辣，但係呢一度勝在可以有得揀唔辣嘅湯底。要讚就一定要我講佢嘅火鍋料！呢度既墨魚滑係手打嘅，出面真係食唔到呢一種咁彈牙既口感。叫咗本身已經叫咗一份，然後都係要encore再食多份，就知道佢有幾好味啦！另外佢嘅韭菜豬肉餃子，第一啖咬落去已經好香嘅韭菜味。豬肉同菜嘅比例非常之好，佢嘅餃子皮少少煙靭，放落邊爐唔易爛，食落去非常之有口感。

冬天冬冬地，又正值感冒季節，想食啲熱野就黎打邊爐。一嚟到呢就好貼心咁送咗一人一碗紅棗冰糖雪耳糖水，先暖一暖個胃，有健脾既作用。一黎度就先送糖水，本身覺得好奇怪，侍應好有心咁解釋，對呢間舖既first impression非常好。叫左個普通辣湯底同皮蛋芫茜湯底，一辣一唔辣，一熱氣一降火。辣湯底入口先酸，係afterpaste既辣一直留係口度，指天椒、花椒等一啲都唔慳，超皮夠味。呢到既火鍋料，不論係牛、魚滑、蚌定菜，都食得出鮮味，認真性價比高！

我和朋友兩個人很喜歡吃麻辣火鍋 一直都有幫襯渝味曉宇。最近武漢肺炎肆虐，銅鑼灣很多商店都提早關門，但係我一走進店內，都仲有八成枱滿。我已經是第五次幫襯呢間鋪頭，水準仍然保持。值得一提係進步嘅係員工。佢哋超級留心工作，我帶咗紅酒嚟，佢哋自動波攞紅酒杯俾我。食飯期間仍然都幫我加茶，又幫我換碟。我真係食得好開心😃 另外我有小小意見，我幫襯過唔同分店，都有叫過蝦串（小份）；有時比三隻，有時有四隻，希望間間鋪頭都可以統一。另外，叫豬肉，通常都有啲肥，希望可以多一兩個款嘅豬肉可以選擇。其他嘅食材都好好，全部都好新鮮，而且份量剛剛好。我一定會再嚟幫襯，希望你哋生意興隆，繼續加油！

菜式多樣化，而且可以選擇半份或全分。食材十分新鮮而且湯底味道十足（我選擇是麻辣和蕃茄）。用餐位置和餐廳大小適中，適合三五知己或家人聚會。唯獨是價錢略有一點點偏貴，可能是因為掛著重慶老字號銜頭。但整體來說也是十分不錯的！ 會有下一次。 必點推薦黃喉，四寶丸，鴨紅，雪花肥牛 和 極品鵝腸（配麻油和蒜蓉，簡直係絕配）。員工方面都非常親切友善，買單時都會向客人問吓菜式服務如何（註：不收美國運通卡）如果有儲開里數嘅你，買單時記得我要儲里數 😜

由於將近過年，心情不錯，所以今日約了友人到銅鑼灣搜購賀年禮品。到了午飯時間，由於友人是極度嗜辣之人，所以提議吃麻辣火鍋。友人聽聞銅鑼灣渣甸坊附近有一間名叫「渝味曉宇」是來自重慶的店，在當地開業超過廿年，早幾年更在被內地火紅的電視節目《舌尖上的中國》選了拍攝這家為重慶火鍋的代表，於是提出到那兒試試。電梯大門一打開，就傳來陣陣香濃的麻辣味，我和友人一聞到味道，已經垂涎欲滴了。店舖的格局走年輕路線，內裏的裝潢很不錯，位置闊落寬敞，不會太焗促。👍🏻我們一坐下來，店員便主動為我們作簡單介紹，並遞上兩碗「紅棗雪耳糖水」作餐前解渴甜點，味道清甜，真的讓我們「甜在心」呢！湯底方面，我們看到很特別的九宮格麻辣大紅鍋，友人很想點這個，但因為我不是太吃得辣，所以最後決定點鴛鴦鍋，既可滿足友人對麻辣的慾望，又可以嘗其他的口味。大骨滋補鍋配普通辣大紅鍋大骨湯底味道鮮甜，以紅棗、紅蘿蔔、粟米、馬蹄、大豬骨餚製而成，十分滋潤；大紅鍋的麻辣味入口後會慢慢滲出，友人吃過一口便上癮了。食物方面，店內推介十道招牌菜「曉宇十大必點」，我們看了看，便點了數樣嚐一嚐，其中「重慶炸酥肉」是即食的小吃，用五花肉、胡椒及花椒等製成，鬆

依家天寒地凍, 真係無時無刻都想打邊爐, 今日中午就同同事去咗食重慶火鍋。每一次都係黎依度，方便就腳，環境同食物質素又好👏🏻👏🏻👏🏻打邊爐基本上最重要嘅係湯底同牛肉，呢度有安格斯肥牛，美國肥牛粒同埋䁱宇嫩牛肉和，而且最好就係食物全部可以order 半份，可以嘗試到很多款食物而且唔會浪費👍🏻今次選擇咗豬骨湯底同麻辣湯底，食材絕對唔馬虎, 湯底非常濃郁。其他配料亦很新鮮, 鮮龍躉片，牛筋丸和雲吞都非常不錯😁😁😁 順帶一提，打邊爐之前仲送咗碗紅棗雪耳糖水，又潤口又解渴，下次絕對可以encore，而且訂座仲有Asia miles 🤣🤣🤣👏🏻

午市時段的湯底是免費的，我地叫左重慶辣鍋和皮蛋湯，麻辣湯味道辛辣但不刺喉！辣味正宗食得好過癮。醬汁同調味料是自己配搭的！記得要加點麻油一起食！！味道更好。配料方面餐廳有提供一份或者半份的選擇，價錢便宜又合理，仲可以選擇多幾項的配配料！我地叫左黑豚腩肉，腩肉不會太肥，脂肪比例剛剛好！味道新鮮嫩滑。我地仲叫左鴨血，墨魚滑和打邊爐不能比點的蟹柳等等！！這麽多的食物埋單都是相當便宜！好底食！值得下次再去。另外仲叫咗兩杯飲料，兩杯都好大杯！而且是自家制的羅漢果水。

嘻嘻第二次食「渝味」。今日黎到銅鑼灣分店。未之前。食個糖水保護下個胃先窩心。我地揀咗個鴛鴦鍋～山珍菌湯鍋+普通辣大紅鍋🌶🌶有足足5款🍄🍄好足料。個湯底好香甜。原來烚烚下都可以甘養生。美國安格斯優質肥牛～油脂分布均勻。薄身味濃。無得輸美國桶肥蠔～好貴🦷。$136得4粒。不過一分$一分貨。大隻肥美唔縮水為食妹👧🏻大愛❤️脆鯇魚腩～望已經知道好新鮮彈牙爽口。淮山條半份～紫色嘅淮山條真係第一次食。唔講唔知原來淮山好有益架。

朋友生日，一行四人食好西😋揀咗一間朋友超推介嘅麻辣火鍋店，聽佢講呢度嘅配套全部都好齊全嘢食又好好味。呢度座位舒適寬躺，座位已經夠大，但係餐廳仲有儲物籃放響枱下面，俾大家放袋，非常貼心。每人仲有一件即棄圍裙，唔怕整污糟件衫。坐低之後店員隨即奉上一碗紅棗雪耳冰糖糖水，俾我哋滋潤一下喉嚨。食完糖水之後就可以瘋狂食麻辣火鍋😂我哋叫咗鴛鴦湯底，普通大紅鍋湯底辣度啱曬我，少少麻少少辣；蕃茄湯底好香濃，用呢個湯底淥蔬菜同海鮮最適合不過。樣樣野睇落都好吸引咁，我哋order左超多嘢食😛美國安格斯優質肥牛 - 呢個肥牛一定要推薦比大家，口感一流，牛味好夠，肥瘦適中！串鮮蝦 - 好新鮮好鮮甜，夠彈牙。鴨血 - 放落麻辣湯底非常好食。美國桶肥蠔 - 冇改錯名，好肥美！功夫萵筍片 - 擺盤砌成一朵花，口感爽口又甜，好好食。熟鵪鶉蛋 - 已經剝咗殼嘅鵪鶉蛋，好方便。田園菜籃 - 有四款菜同埋金菇，啱晒貪心嘅我地～呢度每一樣嘢都好好味，果然無介紹錯！