清真牛肉館 (龍崗道) (已結業)

暑假時同朋友去過，嘩，人多到爆，要等位唔在講，而且入到去逼得很，樓梯更加窄得可憐。人咁多，應該名不虛傳啦？我叫左牛肉餅，咖哩同蔥爆羊肉。佢o既牛肉餅真係好juicy，油都幾多，不過唔算太膩，我可以接受到。咖哩同蔥爆羊肉都唔錯，埋單每人約80，都算抵食，不過環境太差又山長水遠，唔會有下次lu！

以前讀書果陣，Lunch一落到九龍城，哩度就係我地午市蒲點，其次就係街市同投注站隔離果間茶餐廳（唔記得乜名）。牛肉餅同蔥油餅真係必殺絕技，咖哩都唔差o架。幾個同學叫幾樣野share，好鬼抵食。去得哩度食，預左環境同衛生唔會好得去邊，真係勝在牛肉餅了得同感情分搭夠！

呢條樓梯真係無得頂，成80度斜。難得d阿姐仲可以拎埋碟餸上去，大家真係無謂為食而損手爛腳!

食完毓民私房麵，行經此處，諗住坐低試下牛肉餅。誰不知平日都好多人，幾難搵到位坐，所以唯有買走一路行一路食。牛肉餅果然肉汁豐富，牛肉味亦濃郁，一路行一路食都米話唔狼狽。好食還好食，食完都有D口渴的。

佢d牛肉餅真係好掂.其實間舖唔係細,點解d位咁狹窄.我上次去坐樓上,見到條鐵梯超直,都唔知點上好,卒之膝頭盍埋條鐵梯到,幾個月都唔散瘀.個次得兩個人,剩係食牛肉餅同咖哩牛肉飯都飽晒,但係就見到差唔多檯檯都食雲吞雞,唔通好好食?呢度只適宜食完即撇,坐多陣都嫌辛苦呀.我對佢條鐵梯陰影仲係度,短期內都唔敢再去!

我到呢一刻先知佢係一間上海菜館, 唔係回教食堂, 真係有d肉酸. 不過乜都好, 最緊要係出品好嘛. 除左牛肉餅, 其他食物好一般. 可以唔食. 但係牛牛餅就不可不試. 皮薄, 肉餡多汁. 熱辣辣... 但係小心辣咀. 好好食. 一個人可以食幾個. 不過地方就麻麻, 迫左d咁啦!!

牛肉餅真係要試, 我唔食牛(因為牛好慘) 都覺得好味. D 咖哩都幾靚,送簿餅或飯都正.<br />上二樓果條梯好似玩爬石咁,小心D.

上兩個星期日去到, 好多人呀, 我地一行八個人, 要坐上二樓, 上二樓係樓梯好危險, 只係一條鐵梯, 上落都好驚呀, 老人家就一定唔好上二樓啦.坐低先知星期日無得叫客飯, 只可以小菜及套餐, 最後我地叫左個八人套餐$618.食物都有好多, 有宮保蝦球, 砂鍋雲吞雞, 凍肉冷盤,咖喱雞, 炒西蘭花, 菜螃蟹, 煎倉魚, 牛肉餅, 羊肉春卷, 仲有甜品. 不過食到咁上下, 發現個砂鍋雲吞雞隻小強呀, 當話比個waiter聽時, 佢竟然當場掉左隻小強, 仲話無事發生過, 無小強呀,我地當時都無佢辦法, 不過都話左佢兩句, 最後佢都只係送左一罐汽水比我地咁大把咋, 真係咁都得食物方法除左個牛肉餅之外, 其他味道都係ok啦, 唔算話太好食囉, 總之如果下次我就唔會去啦, 叫個牛肉餅外賣就會0家

想試下爆汁牛肉餅，只此一家。味道好，只因新鮮熱辣食到多汁既牛肉餅，其實那些汁，佔了七成都是油，食完好膩！減肥人仕不吃為佳。其他主打小菜如咖喱牛腩，水準真是很普通，同區有很多小菜館都做得比佢好幾倍，所以如果不是想試一下牛肉餅，建議去第二間食好過！

牛肉餅----真係出晒名... D肉汁多度咇晒出黎!!!餐麵----一般,好多花生醬味...食晒一碗都幾溜雲吞雞---- D雲吞唔係特別好食..UM...OK咋咖哩--- 水準都OK ..但係真係想食好既,唔駛黎依傢最難忘係個70度有多0既樓梯...

講緊的係呢間舖的習俗，呢度係回教食堂，所以Ｄ牛呢就拜過哂野的！<br>身為基督徒，入到去食野，叫左至知係拜過野，唯有向神祈禱，食完快快走！<br>兩個人只是叫了客牛肉餅，出奇地無俾伙記啤我。十八蚊兩塊餅絕對唔平，睇住個廚師即煎好上桌，一咬落口，嘩~~~~~~~~~~~辣親我的咀仔耶，Ｄ汁叭叭聲走出來，唉...條都無哂味覺。不過真實講，Ｄ餅味道一般即！而且似乎無乜其他野食！

我覺得d牛肉餅真係幾好味~一咬d汁漏曬出黎~又有得睇住佢係你面前整~雞絲粉皮同埋砂鍋雲吞雞都好好味~又唔係貴~

我都係去過一次﹐但印象麻麻﹐好多人食﹐個度無咩好食﹐但只係最好都係牛肉餅﹐其他普通啦! 環境俾我感覺唔舒服﹐可能燈光問題﹐唔舒服!!!

兩年前開始去,一路都好好地,牛肉餅多汁又香口,咖喱牛腩都唔錯,點知最近差o左好多,牛肉餅唔再多汁,有次仲凍添,咖喱都唔同以前,真係冇咁好食

呢度專賣回教食品？點解仲有上海o野食o既？酸辣湯好似好飲過上海菜館o個o的。冷麵(雞絲和三絲)食到人地好鬼飽，開頭好好食，食飽開始覺得滿口花生醬。咖喱角炸得太耐，o的餡太少。埋單好抵，好鬼平。不過千祈咪上閣樓坐，一o黎難上難落，二o黎個伙記態度同下面的差好多。<br>