清真牛肉館 (龍崗道) (已結業)

牛肉餅即叫即整,有時望入整點心個度,都見到d人包緊d牛肉餅,水餃等......牛肉餅熱騰騰,食時要小心,因為有好多汁,又熱,小心辣親個嘴。而酸辣湯都好正,夠酸又夠辣,材料都好多,有豬紅,豬肚,荀,蛋花......咖哩都好味,d汁都幾杰,好香濃,亦都好辣,用薄餅點來食幾正,如果覺得太辣,把咖哩面d 紅色油筆走,好似會無咁辣,而d牛腩或羊肉都幾'林'而蔥油餅幾香,但食落就淡左d....d 粉皮都好味,無論係雞絲,牛肚絲都係咁好味,d汁夠多,夠香。而d 冷麵個醬好香花生味,好杰,甜甜地,d麵就林得滯,食完好溜......都好多人等位,而上樓上都幾危險,條樓梯好直,上去要小心........老人家同孕婦最好就唔好上樓上喇!!!

好好食呀每次去必吃咖喱牛腩飯咖喱好香辣牛腩好爽好好食牛肉餅唔駛講啦仲要推介牛肉湯水餃鮮味到難以想像但係四十以上的朋友不要上二樓好難上環境極迫服務不錯價錢好抵兩塊牛肉餅都係十七蚊

如果只是看到門面我未必會入去試，但睇過咁多食評都盛讚這裏的牛肉餅，便帶埋老公和一個朋友到這裏試試，然後一試難忘。首先是牛肉餅，很多汁很足料，但不小心一咬下去便炙親嘴，雖然如此，仍然一等一好味道，奇怪個餅皮不會被汁液浸軟，食落非常香脆又帶點煙靭，如果不是太飽的話真想食多個。又點了食家推介的三絲拉皮，真是沒介紹錯，不單份量夠多，而且醬汁非常惹味，酸酸地夠開胃，而且又很夠肉味，有很大的驚喜。海哲青瓜，雖然很清淡，但海哲和青瓜也夠爽脆，可惜此冷盤不夠凍，否則應更高分。咖喱羊肉，太辣我食唔到，但聞到好香濃的咖喱味，試咗少少羊肉，肉味香濃得來一點也不羶，薯仔也很入味，兩種材料也炆得夠淋，老公同朋友更用來撈了兩大碗飯。環境好像不太好，而且見到樓梯真的很危險的樣子，很多人也不敢上樓寧願在樓下等枱。服務方面只屬一般，有點不耐煩的樣子。

放學後成九點幾, 同踱去九龍城搵食, 最後都係選擇左好想一試既清真牛肉. 九點幾入面都好多人, 好在我地係兩個人, 直入搭台唔洗等位~ 其實只係一心想試下牛肉餅, 所以點左一個有牛肉餅既二人餐($113). 其中包括:1.馳名牛肉餅二隻: 皮身幾鬆化, 有d似老婆餅皮, 牛肉餡料都幾淋, 不過唔夠肉味, 熱湯汁十分多, 食既時候要小心. 2.酸辣湯: 叫左小辣, 都好辣而且好酸, 仲好多料, 飲到好香既胡椒粉味.3.回鍋牛肉: 同樣牛肉味一般, 有d 刃, d菜反而唔錯, 不過好多油.4.痳油雞:痳油味同雞味都唔濃, 好輕清, 雞肉幾滑.整體上牛肉餅比較特出, 其他不過不失. 服務唔錯, 幾有禮貌, 地方整潔。

身邊好多為食既朋友都推介這餐館既牛肉餅，真想一試。對牛肉餅已經有一定程度既期望，必定要order啦！第一次試就上左樓上啦！嘩，真係幾危險！好直好窄既樓梯，扣左少少分。點左牛肉麵+咖哩牛肉飯+**牛肉餅**，佢既麵就一般啦，有d'鞋'。牛肉餅最後到，好夠熱，感覺好新鮮係即做，真係非吃不可！肉汁多，皮夠薄。好想再食多一個~~服務生姐姐態度都不錯，佢好真誠介紹邊d試得過，邊d唔係太ok。好honest呀！good！

以為叫牛肉館, 至多專食牛肉... 點知佢地既牛肉餅食完都想打包再食過~ hehe

星期ニ我o係睇戲前o黎呢閰鋪,o個時都未夠7點,但全店(地下o個層)已經坐滿9成,好彩行得快,遲d都冇位.因為第一次o黎食,都唔知點叫,只知道呢度d牛肉餅好正,於是我同男友點o左個有牛肉餅o既套餐($115),一o黎就食個牛肉餅先,哇!我o甘大個人都未食過o甘有驚喜o既牛肉餅,d皮唔油,好煙"Un",入面d牛肉汁又熱又多,好有牛味,好得!而其他食物都好掂,原本已經好飽,但又忍唔住叫多一碗咖喱羊肉面,完全滿足胃口,一定要大力推介!

清真牛肉餅果然名不虛傳——皮薄餡靚，咬開勁多汁，非試不可！其他菜色好似酸辣湯同冷麵等都好正，埋單每人都係幾廿蚊，食到捧住個肚，好抵！不過奉勸大家真係唔好上閣樓，真係都幾危險……

都去過好多次，但上過一次閣樓之後，就真係以後都唔上，條鐵梯實在太直，如果有咩意外發生就唔好啦~呢度我最鍾意食係牛肉餅、蔥油餅同咖哩角。牛肉餅夠多汁，蔥油餅夠煙，咖喱角夠香脆。我每次去都有食咖喱羊肉，舊時食就好辣，但最近係就唔係好辣。另外我推介係三絲拉皮，麻醬同醋的份量o岩o岩好，醒胃又唔膩。但呢度最差的野就係炒粉麵，食過幾次，都唔係咁好食，有一次仲好咸添~一間店冇可能樣樣野都做得好食，食出名的野就冇走雞喇~

老實講,d食物就好一般喇!但是,如果要上閣樓食就無為了,閣樓環境擠迫,萬一發生什麼事情,真是逃生無門,上面坐了幾十人,只有一絛非常窄又斜的樓梯,希望食店多多改善!

見有人咁大力推介牛肉餅，諗住試下啦。um....味道都ok，但唔係話特別好食囉！係勝在夠新鮮熱辣多汁。d牛肉肉味唔夠，我淨係食到好大陣豉油味，且較為油。再點左個羊肉春卷，呢個真係差到不得了，好咸。d羊肉一d羊味都冇，而且羊肉少得可憐，一味多菜，我以為食緊齋春卷添。個咖喱牛腩就更加令我火滾。咖喱唔夠濃唔夠香唔夠熱，淨係得個辣字。d飯散修修，唔熱！牛腩好似煲湯渣咁，並唔係d咩靚腩肉！仲有碗唔知咩醬牛肉麵，d麵淋bat bat，個湯底簡直係難飲。係d牛較為好d。總之真係冇下次。

可惜人多,要行好危險既樓梯上閣樓牛肉餅牛肉窩貼比出面用豬肉好食得多其他東東都唔平

Too many peopleCrowded eating environmentWill still go

牛肉餅都好多人講左油餅我覺得都唔差不過麵就真係唔踮

龍城清真牛肉餅, 冠絕全港只一家。肉汁夠多又夠濃, 堂食好過帶回家。