清玉 (已結業)

揸住杯野飲一路行一路飲，呢個文化係來自台灣,不過疫情都嚴重，亦都唔建議咁做啦！其實飲嗰時係一月頭，喺九龍灣車廠換完禮物之後，行過附近有間嘢飲咁就買杯嚟飲吓啦！咁呢我就叫咗杯純茶飲！因為天氣都比較涼，咁就一定要叫少冰啦！價錢方面就可以接受嘅！飲落去，茶底都Fresh 既，唔會有苦澀味！我係叫正常甜，甜到就唔會話好似飲糖水咁！亦都唔似支裝飲品！可以真真正正地品嚐茶香！個茶底都夠濃既，對於紅茶來講！店員服務態度都好好！個環境都令人滿意嘅！突然有緊要事，我係買咗㗎一段時間先飲！味道都keep到新鮮！

話說呢間野都開咗幾年，我喺附近做嘢第一次幫襯，有凍飲有熱飲，台式飲品凍飲沖完之後有塊膠封頂再俾人督支飲管，熱飲咪就係好似Starbucks coffee嗰種熱飲杯咁囉。 啲杯型全部已show出嚟。咁我嗌咗熱飲，等咗10分鐘，見到佢攞個杯頂係用膠封左 咁即係點呢？ 係咪叫我用飲筒篤入去？跟住我開聲問佢可唔可以轉返做有蓋嗰種，個職員應我：「下次早啲講」跟住我答「但係你個display係咁樣show出嚟，我都唔知道你用呢隻，點樣早啲講」 跟住職員唔應我攞左個杯去改 ，但佢仲未應我 🤷🏼‍♀️成件事我覺得好離譜，第一態度極之有問題，第二點解佢要攞呢種包裝方式去沖熱飲，咁熱嘅嘢你expect我飲筒飲到咩？ 呢個同安全有關，咁樣飲會淥親個咀（低b都知）仲有兜口兜面你擺出嚟嗰個display係咩熱飲杯 佢都可以覺得我喺度留欄佢咁，學大陸人嗰句term「完全唔人性化！」

武漢肺炎沒完沒了，但係都要盡量回復正常生活，唔可以成日屈響屋企。。。。 所以都返咗office成個月，有時真係好攰， 久唔久叫嘢飲開心吓都幾好我地又嚟叫清玉~ 都有一排冇叫, 但係我唔會忘記佢嘅檸檬3姐妹， 對於我嚟講， 清玉=檸檬3姐妹 正~其他同事就繼續飲佢地鐘意嘅嘢， 例如：鐵觀音珍珠奶茶， 蜂蜜愛玉綠茶，鐵觀音鮮奶茶，益力多綠茶，佢menu有咁多嘢揀， 總有一款啱心水 佢個檸檬3姐妹有晒珍珠，愛玉同蘆薈， 有得飲又有得食~ 仲幾飽肚， 可以飲一個晏晝, 真係好滿足！！

今日無啦啦有同事話萬歲 咁就即刻睇吓有咩好叫啦~ 呢d tea time, 一定係叫外賣， 開個app見到有promo, 抵呀！！！ 有7 折~ 有人請都唔好咁狼死， 都要錫住佢個荷包嘅~ (我地冇咁蠢，殺咗隻生金蛋嘅鵝嘅，咁先可以長食長有).我地叫咗10 杯， 先至係$21x, 真係好抵又好飲 我都唔駛睇menu, 一嘢就叫檸檬三姐妹， 少冰半糖， 第一次飲完之後， 每次飲清玉都一定會叫檸檬三姐妹， 好飲又好食~ 佢有珍珠， 蘆薈， 同我至愛嘅愛玉. 我飲就緊係冇得頂啦~ 其他人嗰d都好好飲， 佢都有好幾款熱飲可以揀， 因為一大堆人就一定有注重健康嘅人，唔飲凍嘢 佢嘅冰度同甜度都有得揀~ 真係好

平日自己帶飯返工，lunch hour 食得快，總有好多空閒時間。有時去行街血拼，有時去逛商場買零食。今日食完飯就好想飲珍珠奶茶，最近應該係清玉，Let's go！芋頭鮮奶綠茶冰量：正常甜度：半糖另加：珍珠4.3特濃鮮奶，奶味香濃；綠茶味好出，微苦；芋頭蓉分量唔多，芋頭味唔算好突出，但同綠茶幾夾，珍珠口感Q彈，味道層次豐富。雖然點咗半糖（50％），但仍然偏甜，下次叫少糖（30％）好喇！芋頭＋珍珠非常飽肚，絕對係飯後甜品。檸檬三姐妹冰量：正常甜度：半糖檸檬什飲，檸檬底味偏濃偏酸，半糖其實啱啱好。所謂三姐妹其實係珍珠＋愛玉＋蘆薈，珍珠Q彈，愛玉水嫰，蘆薈清爽，口感豐富。同樣飲完都幾飽肚吓！😅飯後唔食甜品，嚟清玉買杯飲品做飯後甜飲，何其滿足！

今日食外賣，食唔飽又食到成肚氣, 好彩同事有個英明嘅提議， 叫珍珠奶茶順返條氣. 呢個真係好明智嘅決擇佢地響d app度揀嚟揀去，結果揀咗清玉 呢位同事一日內做咗兩個英明嘅選擇， 抵讚.我揀咗檸檬3姐妹， 少冰微糖~ 我地total叫咗7 杯嘢飲。 武漢肺炎之前都有叫過呢d嘢， 但係次次都遲大到， 差唔多放工先有得飲。。。。 但係今次真係超好， 冇遲仲要全部嘢都啱晒， 正~飲住嚟開會真係心理都平衡返~ 我杯檸檬三姐妹其實都幾飽， 有我既最愛-- 愛玉， 仲有蘆薈粒同珍珠。 晏晝食唔飽， 加呢杯嘢飲就啱啱好 我本來叫微糖都驚會太酸， 但係又出奇地啱啱好， 我自己鐘意酸少少， 微糖對我嚟講真係啱啱好~ 少冰都係啱啱好， 飲到最後都係得少少碎冰， perfect呀！！！！ 下次再叫都會要返檸檬三姐妹

成枱同事食完一個好唔滿意嘅lunch之後諗住飲番杯珍珠奶茶安慰一下就嚟咗呢度啦我一見到佢有黑糖珍珠鮮奶即刻嗱嗱聲order而且佢仲寫明話有禮物仔送大家一聽到話有禮物仔送有幾個同事就打算叫黑糖鐵觀音珍珠奶茶我覺得黑糖配鮮奶會好飲啲所以我堅持叫呢個老實講我個杯黑糖珍珠鮮奶就唔係話好甜，係啱啱好嘅但係奶味唔算好重黑糖味又唔算好重感覺只係普普通通而啲珍珠覺得佢未煮得透因為我咬到入去，個心仲有D硬總括來講係麻麻地其中有一個同事嗌左百香果茶佢話OK但其他全部叫黑糖鐵觀音奶茶嗰啲同事全部都覺得太甜冇計啦大家都攞咗鹿仔同佢對比，實死啦😝所以下次係嗌果茶應該OK嘅

早幾個月前附近開咗間清玉 咁就去試吓啦 我今次因為天氣涼涼地就叫咗個熱既鐵觀音鮮奶茶基本上冇乜特別熱來講又唔係好夠熱奶味唔係好出 茶味亦都比較淡口整體感覺普普通通價錢方面都唔算平 都要20幾蚊不過公司附近近近地有間台式飲品飲下都算係咁

下午tea 一 tea珍珠奶茶開到周圍都係， 梗有一間係你左右咁。連九龍灣工廠區都有一間， 仲要有得送貨。咁就夾埋成班同事叫左廿幾杯。夠120免費送貨， 唔夠就要加10蚊送貨費。外賣如果要熱飲就一定要加大 加2蚊。啲飲品送到黎都仲有冰， 送貨時間有試過30分鐘， 都有試過成一個鐘。叫外賣女侍應都好有禮貌， 好nice。不過送外賣黎個姐姐就咁放啲野係地下。啲野飲都好齊， 冇錯單價錢就有普通啦， 都算合理。提外話， 有得WhatsApp 落單都幾方便

而家開左好多珍珠奶茶鋪，仲要好多都大排長龍。排一個鐘先飲到既珍珠奶茶我真係唔識欣賞喇..反而我好鐘情清玉既鐵觀音珍珠奶茶！清玉分店越開越多，最近新開左間係Megabox 附近，完全唔洗排隊但係味道都係好好！每次黎清玉都係飲佢最人氣既鐵觀音珍珠奶茶微糖微冰，鐵觀音好清香，冇傳統奶茶咁溜，而珍珠本身有甜味，所以微糖甜度岩岩好，微冰加左兩三粒冰，凍得黎亦唔會太多冰粒溝淡哂茶味。而且珍珠煙煙韌韌，加埋一齊真係好好飲👍🏼 行過可以隨手一杯既先至係珍珠奶茶既意義嘛..